God bikʼis jidooleełgo, ni éí tʼáá ákónéehee baa íhwiidííłʼááł. Dáʼ nikʼisísh nízhiʼ yéédahósin dóó chodayoołʼı̨́? Aooʼ. God éí ni bízhiʼ bééhodíísįįł dóó choiníłʼı̨́į doo noʼní ałdóʼ. God bízhiʼ éí Jiihóvah. (Psalm 83:18; Matthew 6:9) Díí God haʼátʼíí bił yáʼátʼééhíí dóó doo bił yáʼátʼtéehígíí tsʼídá ałdóʼ bóhodiilʼááł. Díí éí tʼáá ákónéehee nił béé hodoozįįł, háí God dabikʼis doo biʼanaʼí danilíníí. Tʼáá háiida béé hojosįįhgo, tʼáá nízaadgó ahalzhiish. Diyin Bizaad ání baa hojíyą́ągo éí Jiihóvah baa íhooʼaahígíí bá hwiizhdoołʼaał.—Ephesians 5:​15, 16.

God dabikʼis éí bíbił yáʼátʼééhíí ádeiłʼı̨́. Danikʼis baa ntsíníkees. Bichʼįʼ nahiyíłná ládą́ą́ʼ, dóó doo yáʼátʼéehíí deijołáhígíí áátʼįįłgo, tʼáá danikʼisgoísh náás yitʼih doo? Nda yeeʼ! Tʼáá ákótʼéego, God biḱʼis nishłı̨́į doo nínízin ládą́ą́ʼ bił yáʼátʼééhíí tʼáá akónéehee áátʼı̨́ı̨́ł doo.—John 4:24.

Doo tʼááʼałtso nahaghaʼ God bił ałchʼóoʼní bee baa honítʼiʼ da. Jesus, tsʼídá aláahdi éí God bikʼis, naaki atiingo yee haadzííʼ. Łaʼ éí atiin nteel éí diné biiʼ hadeezbin. Díí atiin éí áhwiʼdiʼdooldįįłgóó ahootʼiʼ. Náánáłaʼ atiin éí áhoołtsʼóózí dóó diné tʼáá díkwíltʼéhé yikááʼ yikah. Díí éí atiin hoolʼáágóó iiná bichʼįʼ ahootʼiʼ. Díí ááhyiłnínígíí éí God bił ałchʼóoʼní nínízin ládą́ą́ʼ, tsʼídá tʼáá ákótʼéego bichʼįʼ nahadlá bíhwiidííłʼááł.—Matthew 7: 13, 14.