Jiihóvah éí diné doo yáʼátʼéehii díí Kéyah Tʼáadoo Bee Honóoshóní yidoołchxǫǫlígíí doo yee yáhwiidoołaał da. Bikʼis danilíníí tʼéiyá ákwii dahiináa doo. Diné doo yáʼátʼéehii shąʼ haadadoonííł? Díí bíhwiidooʼáłígíí nihił chʼíhootʼaah, Noah tʼááʼaaníí baa haneʼígíí nabikʼítsínkees. Noah éí mííl nááhai yę́ędą́ą́ʼ hiináá ńtʼę́ę́ʼ. Bí éí diné yáʼátʼééhii nilı̨́įgo Jiihóvah íinizinígíí tʼáá áłahjįʼ yéego nayínítah ńtʼę́ę́ʼ. Ndi nihookááʼ tʼáá siʼą́ą́ ńtʼę́ę́ʼ bikááʼgi éí náánáłaʼ diné doo yáʼátʼéehii ádeiłʼı̨́ı̨́ ńtʼę́ę́ʼ. Áko Jiihóvah éí Noah yił holneʼ, Bí éí tó yiʼniiłąądgo diné doo yáʼádaashxóonii tʼááʼałtso íidoołdįįł biniiyé. Noah éí tsinaaʼeeł ídíílííł yidííniid, áko tó yíląądgo bí dóó bighan bił hazʼáníí éí doo dínóonééł da.—Genesis 6:​9-18.

Noah dóó bighan bił hazáníí tsinaaʼeeł ádeiiyiilaa. Aadę́ę́ʼ Tó Dooląął níigo Noah éí diné yee yaa ákonízin biniiyé yił chʼíhoníʼą́, ndi doo dabíístsʼą́ą́ʼ da ńtʼę́ę́ʼ. Bí éí náásgóó tʼáadoo leʼé doo yáʼátʼéehii tʼáá ádeiłʼı̨́ı̨́ ńtʼę́ę́ʼ. Tsinaaʼeeł ályaa áádóó bikʼijįʼ, Noah éí tsinaaʼeeł biiʼ naaldlooshii yah ayiizhʼeezh, bí dóó bighan bił hazʼáníí ałdóʼ yahʼeekai. Áádóó Jiihóvah tʼáá awołíbee nahałtingo áyiilaa. Nahałtingo dizdiin jı̨́ dóó dizdiin tłʼééʼ azlı̨́ı̨́ʼ. Nihookááʼ tʼáá siʼą́ą́ ńtʼę́ę́ʼ tó yíląąd.—Genesis 7:​7-12.

 Díí diné doo yáʼádaashxóonii neezná, ndi Noah dóó bighan bił hazʼáníí éí yisdáákai. Tó Yíląąd binikáá gonéʼ Jiihóvah yisdá bííʼeezh, nihookááʼ tʼáá siʼą́ą́ ńtʼę́ę́ʼ doo yaʼaashxóonii bąąh tánáásgiz. (Genesis 7:​22, 23) Diyin Bizaad ání, díí bichʼįʼ nááhoolzhish, háíshı̨́ı̨́ tʼáá ákogi átʼéii ádaʼalʼı̨́ doo yiníziníí éí Jiihóvah ánáábidoołdįįł. Diné yáʼátʼééhii éí doo adooldįįł da. Díí éí nihookááʼ tʼáá siʼą́ą́ ńtʼę́ę́ʼ Kéyah Tʼáadoo Bee Honóoshónígi hoolʼáágóó dahiináa doo.—2 Peter 2:​5, 6, 9.

Dííshjı̨́įdi tʼóóʼahayóí diné tʼáadoo leʼé doo yáʼátʼéehii ádeiłʼı̨́. Díí kéyah tʼáá siʼą́ą́ ńtʼę́ę́ʼ anáhóótʼiʼ tʼeíyá bee bił hazʼą́. Díí diné yee yaa ákonízingo yił chʼíhodooʼááł biniiyé Jiihóvah éí Bádahalneʼí tʼáá ałkééʼ yiʼiiłnííh, ndi ląʼída éí Jiihóvah Bizaad jíístsʼą́ą́ʼ dooleełígíí doo deinízin da. Díí éí bibee ádaʼolʼįįłii łahgo ádeidoolíłígíí doo deinízin da. Bí éí tʼáá ákogi átʼéii dóó doo tʼáá ákogi átʼéii God nínígíí doo bił adaníida. Díísh éí diné hadadoonííł? Hahgodaísh bí łahgo átʼéego índaʼdiʼdoolnííł? Tʼóóʼahayóí éí doo łahgo átʼéego índaʼdiʼdoolnííł da. Díí diné doo yáʼádaashxóonii ábiʼniildįįd dóó tsʼídá doo náádahiiʼnáa da dooleełígíí bichʼįʼ hoolzhish.—Psalm 92:7.

Díí nihookááʼ tʼáá siʼą́ą́ ńtʼę́ę́ʼ doo ádoodįįł da; díí éí kéyah tʼáadoo bee honóoshónígo ádoolnííł. Díí háíshı̨́ı̨́ God bikʼis daazlı̨́ı̨́ʼígíí éí nihookááʼ tʼáá siʼą́ą́ ńtʼę́ę́ʼ Kéyah Tʼáadoo Bee Honóoshónígi hoolʼáágóó dahiináa doo.—Psalm 37:29.