Anoonééł dóó iiná éí tsʼídá ałtsʼááhjí átʼé. Iiná niitʼihgo éí tʼóó yéego ajiiłhaazh nahalin. (John 11:​11-14) Daneeznáanii doo daʼdiitsʼaʼ da, doo daʼooʼı̨́į da, doo yádaałtiʼ da, dóó doo tʼáadoo leʼé yaa nitsékees da. (Ecclesiastes 9:​5, 10) Doo tʼááʼaaníínii nahaghaʼ binaʼnitin éí daaztsánígíí bízází yę́ęniʼ yił níłchʼi biiʼ keedahatʼı̨́ daaní. Diyin Bizaad éí doo kótʼéego naʼnitin da.

Háíshı̨́ı̨́ ádin daazlı̨́ʼígíí éí doo níhikaʼadoolwoł da, dóó doo atínihidoolííł da. Tʼáá bééhózínígo átʼé, díí diné ndahałáago éí bibee ádaʼoolʼįįłii dóó náádaʼiiłníhígíí díí daneeznáanii bił yáʼátʼééh danízingo dayoodlą́. Díí éí God tsʼídá doo bił yáʼátʼéeh da, háálá Séítan biyoochʼííd bee niłdzil átʼéii łaʼ átʼé. Daneeznáanii ałdóʼ díí doo bił nilı̨́į da, háálá doo dajiináa da. Daneeznáanii doo béédeiildzid da doo, dóó doo bichʼįʼ ndahwiidláa da doo. God tʼéiyá bichʼįʼ ndahwiidláa doo.—Matthew 4:10.

Daneeznáanii éí náadahiinaa doo. Jehovah éí daneeznáanii iiná yichʼįʼ néídidoołjah nihookááʼ táadoo bee hónóoshónígi. Díí bikʼi hoolzhishígíí éí tʼah náasdi. (John 5:​28, 29; Acts 24:15) Diné ałhoshdę́ę́ʼ chʼéézhnísid nahalingo, daneeznáanii daʼałhoshdę́ę́ʼ God chʼéébidoosił.—Mark 5:​22, 23, 41, 42.

Díí iiná doo niitʼééh da ńtséhákeesígíí, Séítan Devil nilíinii, bitsʼą́ą́dóó yoochʼííd kʼeeʼą́ą́ deeztʼiʼígíí átʼé. Séítan dóó biníłchʼi bidaʼiiníziinii éí diné ńtsíyiiłkeesgo daneeznáanii biníłchʼi tʼah dahiná danízin, áko éí bitsʼą́ą́dóó ąąh ndahayooʼaah dóó achʼįʼ ańdahaaztʼiʼ danízin. Łahda éí Séítan naʼiigeeł dóó ił áhátʼı̨́ diné yee yinooʼááh. Tʼáá háiida daneeznáanii yichʼįʼ yádaałtiʼgo nayídanitaahígíí, Jiihóvah díí tsíʼdá yikʼijįʼ yáłtiʼ.—Deuteronomy 18:​10-12.