Tsʼídá aláahdi God biʼanaʼí éí Séítan, díí éí Devil. Bí éí níłchʼi hiináanii nilı̨́įgo Jiihóvah yichʼįʼ niiltʼeeʼ. Séítan tʼahdii God yichʼįʼ naabaah dóó bílaʼashdlaʼii tʼáá awołíbee yichʼįʼ nahwiiłná. Séítan éí tsʼídá doo yáʼashxǫ́ǫ da. Bí éí biyoochíídii dóó naʼałtseedii nilı̨́.—John 8:44.

Náánáłaʼ níłchʼi dahiináanii Séítan yidiikaigo God yichʼįʼ ndaastʼeeʼ. Diyin Bizaad éí níłchʼi bidaʼiiníziinii daolyé ní. Séítan nahalingo, níłchʼi bidaʼiiníziinii éí bílaʼashdlaʼii beʼenaʼí ádaatʼé. Éí diné yichʼįʼ ndahwiiłnáago bił yáʼádáatʼééh. (Matthew 9:​32, 33; 12:22) Jiihóvah éí díí Séítan dóó biníłchʼi bidaʼiiníziinii hoolʼáágóó íidoołdįįł. Díí bílaʼashdlaʼii yichʼį ndahwiiłnánígíí éí tʼóó kónígháníjįʼ báhadziih.—Revelation 12:12.

God bikʼis nishłı̨́į doo nínízin ládą́ą́ʼ, haʼátʼííshı̨́ı̨́ Séítan adíílííł níziníí tsʼídá doo ádíílííł da. Séítan dóó díí níłchʼi bidaʼiiníziinii Jiihóvah deijoołá. Díí God beʼenaʼí ádaatʼé, God biʼanaʼí índeeshłííł danoʼní. Tsʼídá bikʼididíílnih díí háílá bikʼéhgo ááshtʼįįł doo nínízinígíí—Séítan doodaiiʼ Jiihóvah. Hoolʼáágóó iiná doo ninítʼiʼí nínízin ládą́ą́ʼ, God íiniziníí ilʼı̨́įgi ni tsʼídá bikʼididíílnih. Séítan éí tʼóóʼahayóígo binahagiz hólǫ́, dóó tʼáá áłʼą́ą́ átʼéego diné yinaʼaloʼ. Séítan éí díí agháʼánéelą́ą́ʼ diné yiʼooloh.—Revelation 12:9.