Tʼáá áníiltso béeso bídį daniidlı̨́, éí hooghan nahazʼą́ągi tʼáá ákónéehee bídį ídlínígíí bee chooʼı̨́. (Proverbs 30:8) “Háálá béeso áchʼą́ą́h” naalyéii átʼé. (Ecclesiastes 7:12) Béeso baa náhtʼı̨́įgo nantłʼago átʼé, éí biniinaa ahísółkéegi anáhóótʼiʼgo áyólééh lágo. (Ephesians 4:32) Ahíjískéhígíí tʼáadoo ahaa ayihojoolihgóó béeso choidooʼįįłgi hazhóʼó ahił nijilnishgo binahojiʼáa doo.

DIYIN BIZAAD KÓNÍ: “Háálá háishąʼ nihitahdóó dego nízaadgóó astłʼingo yaʼiiʼáago ádeeshłííł niizı̨́ʼígíí, daʼ doósh áłtsé dínóodaałgo bąąh adooleełígíí yiidóołtah da, ałtso ályaajįʼ daatsʼí bíighah” dínóozįįł? (Luke 14:28) Béeso choolʼı̨́įgi hazhóʼó bee ahił nahohʼáago yáʼátʼééh doo. (Amos 3:3) Bídį nohłínígíí nahodoołnihgi dóó bínoołʼą́ągi bee ałhaʼdidoohtʼááł. (Proverbs 31:16) Tʼáadoo leʼé nahodoonih biniyé béeso hólǫ́ǫ́ ndi, doo éí tʼóó nahizhdoołnih da. Béeso nanijaahígíí tʼéiyá bee naʼayíłniih, ąąh hááʼá bitsʼąą kónítʼé.​—Proverbs 22:3, 7.

DÍÍ BIKʼEH ÁDÍÍNÍÍŁ:

• Nídeezidjįʼ béeso łaʼ chʼéédzííʼ ládą́ą́ʼ, haitʼéego choidooʼįįłgi bee ałhaʼdidoohtʼááł

• Béeso biʼohgo éí ąąh hadaazʼáhígíí áłchʼídígo ádohłíiłgi hazhóʼó binahohʼá. Daʼadą́ą́góó niʼ kóolzingo tʼáá nihi átsą́ ínídaʼdoołʼįįh

DIYIN BIZAAD KÓNÍ: “Háálá doo Bóhólníihii binááł tʼéiyá da, nidi diné ałdóʼ binááł haʼátʼíhída ił nilı̨́ nilíinii bidadiilkaal.” (2 Corinthians 8:21) Béeso bikʼé nishínílnishígíí dóó naʼiyíłniihgi nichʼooní tʼáadoo bitsʼąą naníłʼiní.

Béeso nanideehgi tʼáá áłahjįʼ nichʼooní bił hazhóʼó bee ahił hołneʼ. (Proverbs 13:10) Hazhóʼó béeso baa yátiʼgo éí ahéʼéskéegi hodéezyéel łeh. Béeso bikʼé nishínílnishígíí tʼáadoo shí shibéeso níníziní, éí tʼáá ánóltso danihibéesogo baa nitsíníkees.​—1 Timothy 5:8.

DÍÍ BIKʼEH ÁDÍÍNÍÍŁ:

• Daa shı̨́ı̨́ néeltʼeʼgo béeso bee ádá naʼadiyoołnihígíí áłtsé bee ałhaʼdidoohtʼááł

• Tʼahdoo béeso bee nihichʼįʼ anáhóótʼiʼ haleehdą́ą́ʼ tʼáá bítséedi bee nóhtʼı̨́