Jiihóvah éí tʼáá áníiltso kónihóʼní “ajoobaʼ ayóóʼííníʼníi doo.” (Micah 6:8) Diyin Bizaad ání ajoobaʼ éí ayóóʼóʼóʼní bitsʼą́ą́dóó deeztʼiʼii átʼé, áko éí yee ahíhółtąʼ. Ahéʼéskéegi ajoobaʼ hólǫ́ǫgo yáʼátʼééh, ákótʼéego éí ałhaa ayihodli ádin łeh. Ałhaa ayihodli ádingo éí ayóóʼáhijóʼníigi bidziilgo áyiiłʼįįh.

Dííshjı̨́įdi éí hazhóʼó ahéʼéskéegi deididoołkʼąąłii dahólǫ́. Ahísółkéegi hazhóʼó baa áhólyą́ą dooleełgo éí díí naakigo bikʼeh ádíínííł.

DIYIN BIZAAD KÓNÍ: “Áko nizhdiltʼé yę́ę atsʼíís tʼááłáʼí jileeh.” (Genesis 2:24) Ahísółkéegi éí łaʼ tsʼídá aláahdi daʼílínígíí átʼé. Éí bąą ílı̨́įgo baa nitsáhákees.

Jiihóvah éí nichʼooní íiyisí baa nitsíníkees dóó ‘nił hózhǫ́ǫgo . . . bił hinínáa’ doo nóʼní. (Ecclesiastes 9:9) Jiihóvah éí nichʼooní tʼáadoo baa náyóʼnahí niłní. Ákondi ahił honohshǫ́ǫgo ahíínósin dooígi bíká óhtʼı̨́. (1 Corinthians 10:24) Nichʼooní shídį ídlı̨́ dóó shaa ahééh hwiinidzin nízingo íínísin.

DÍÍ BIKʼEH ÁDÍÍNÍÍŁ:

• Tʼáá ahą́ą́h ałhá náhoołʼaah, dóó nichʼooní tʼáadoo bitsʼą́ąjįʼ níniʼ nilíní

• “Nihí” nohsingo nitsóhkees, “shí” haʼnínígíí éí dooda

DIYIN BIZAAD KÓNÍ: “Ndi shí ánihidishní, Tʼááłáʼí jinítínígo asdzání bidázhnoolníigo jinééłʼı̨́ʼígíí tʼáá íídą́ą́ʼ hajéí biiʼ bił ahizhdoolyáago átʼé.” (Matthew 5:28) Tʼáá háiida łaʼda bidázhnoolníigo baa nitsídzíkeesígíí éí hachʼooní tʼáá íídą́ą́ʼ biniʼjizloʼgo átʼé.

Jiihóvah éí ání “nijéí baa áhólyą́.” (Proverbs 4:23; Jeremiah 17:9) Éí biniinaa níníłʼínígíí baa áhólyą́. (Matthew 5:29, 30) Job ałkʼidą́ą́ʼ kóníigo ákódzaa, shinááʼ bee chʼikę́ę́h łaʼ bidáneeshníi doo biniyé níshʼı̨́į dooleełii éí ninádiníʼą́. Ní ałdóʼ ákóniitʼée doo. (Job 31:1) Éí bąąh ałʼąą ádaatʼéego ił eshtéézh bidájidínóolnííł biniyé danílʼínígíí tʼáá káh łaʼ nóółʼı̨́ı̨́ʼ. Doodaiiʼ hachʼooní bitsʼą́ąjįʼ łaʼda bidánáázhnoolníigo éí dooda.

DÍÍ BIKʼEH ÁDÍÍNÍÍŁ:

• Nichʼooní baa ádíínítʼánígi tʼáá ałtso bił ííshjání íínísin

• Nichʼooní bíniʼ siʼą́ągi bá baa ákonínízin, dóó łaʼ nikʼis íníłʼínígíí nichʼooní doo bił yáʼátʼééhgóogo tʼáá ákǫ́ǫ́ nidííłtʼi