Áłah nídeidleehgi éí Kingdom Hall wolyé, éí God biNahatʼaʼ baa naʼnitinígíí bił ahídéétʼiʼ. Éí ákweʼé God biNahatʼaʼ íiyisíí baa naʼnitin​—Jesus tʼáá éí baa nahojisneʼgo tázhdííyá.​—Luke 8:1.

Dahootahgóó tʼááʼaanííjí oodląʼ bá naaznil. God biNahatʼaʼ yáʼátʼéehgo baa haneʼígíí áádę́ę́ʼ baa chʼíhwiinííh. (Matthew 24:14) Kingdom Hall éí tʼáá ałʼąą ádaníłtso dóó ałʼąą ádaatʼéego ahiih daasʼnil, ndi doo tʼáá átʼé ayóí ádaníłtsxo da dóó ayóó ndaashchʼąąʼ da. Áłah nídaadleehígíí łaʼ baʼaan hólǫ́ǫgo éí ląʼí Kingdom Hall danínilgóó ałhił chodayoołʼı̨́. Diné áłah nídaadleehígíí kʼad kʼeeʼąą nootʼı̨́įłgo biniinaa ląʼí neeznádiin mííl ánánéelą́ąʼgo Kingdom Hall ádaalyaa, (tʼááłaʼ ajı̨́ ashdlaʼ bíighahgo ádaalneʼ nahalin). Díísh éí haitʼéego bihónéedzą́?​—Matthew 19:26.

Béeso bee anáʼáwoʼgo tʼáá łáhíjįʼ bá ahinidééhígíí bee ádaalneʼ. Áko béeso bee anáʼáwoʼígíí éí bitsʼádaʼoozʼaʼgóó daʼíníshígi bichʼįʼ ádaalneʼ. Áádóó áádę́ę́ʼ łaʼ áłah nídaʼadleehígíí Kingdom Hall ániidígíí bá ádoolnííł doodaiiʼ háádidoolnííł biniyé béeso yichʼįʼ chʼídeidiyiiʼaah.

Daʼníłtsʼą́ą́dę́ę́ʼ tʼóó anídaalwoʼígíí ádaʼaleʼ. Ląʼí daa kéyahgóó éí Kingdom Hall Construction Groups bee biʼdójíigo ádaalyaa. Kin binaʼanishgi ndaalʼaʼí dóó tʼóó anídaalwoʼígíí ahił deiyílníishgo tʼáá ákweʼé kéyahgi áłah nídaʼadleehígíí yitah tádínééh, azhą́shı̨́ı̨́ diné doo ląʼí dahólǫ́ǫgi ndi. Tʼáá ákweʼé áłah nídaadleehígíí tʼáá bí biKingdom Hall yił ádeileʼ. Náánáłah daa kéyahgóó Jiihóvah Yá Dahalneʼé bá adahwiiztʼiʼígíí Kingdom Hall ádaalneʼgi dóó háádadilneʼgi bikʼi dahodiiniiʼgo yikʼidadéezʼı̨́ı̨́ʼ. Tʼáá ákwii nahazʼą́ą́dóó kin binaʼanish dayiichįįhígíí tʼáá ałtso daʼíníishgi yee ánídaalwoʼ. Tʼáá ałtso daʼíníishgi tʼáá ákweʼé áłah nídaadleehígíí alááh ánéelą́ąʼgo ánídaalwoʼ. Jiihóvah biníłchʼi diyinii dóó bidineʼé haleebee ádaatʼı̨́įgo bee tʼáá átʼé bohónéedzą́ągo áánííł.​—Psalm 127:1; Colossians 3:23.

• Niheʼoodląʼ binahjįʼ áłah nídeidleehgi éí haʼátʼíísh biniyé Kingdom Hall daolyé?

• Tʼáá náhwiistʼą́ą́góó haash yitʼéego bohónéedzą́ągo Kingdom Hall ádaalneʼ?