Íiv tłʼiish yikʼeh hóółʼįįdgo tsin bineestʼąʼ bąąhdóó ajííyą́ą́ʼ, áádóó bikʼijįʼ Ádam baazhníʼą́ągo yiyííyą́ą́ʼ.

Díí tʼááʼájíłah ájíítʼįįdígíí God bibee hazʼáanii kʼízhnítiʼgo, Íídendę́ę́ʼ chʼíhodiʼneelchą́ą́ʼ.

Iiná hánanitłʼa silı̨́ı̨́ʼ, bí dóó baʼáłchíní yił. Áko są́ biih jííʼáazhgo ájídin. Doo éí háajigoda ajííʼáazhda, tʼóó ájídin.

Tʼááʼáníiltso Ádam dóó Íiv bitsʼą́ą́dę́ę́ʼ dahosiidlı̨́ı̨́ʼ, biniinaa niheeʼiinaʼ ndahatʼéí. Daneeznánígíí doo daʼooʼı̨́į da, doo daʼdiitsʼaʼ da doo haʼátʼííhída íidoolííł da.​—Ecclesiastes 9:5, 10.

Jiihóvah anoonééł doo yił ínihiilaa da. Díí ádaadinígíí náábidiʼdooljahjįʼ bichʼįʼ hoolzhish. Ákóndi Jiihóvah dajíistsʼą́ągo tʼéiyá hoolʼáágóó dajiináa doo.