Díí baa nitsíníkees, Jiihóvah yíísíníłtsʼą́ąʼgo bikʼeh honíłʼı̨́įgo, éí náasdi nihá siláhígíí bee níʼdiildįįł! Áko nitsʼíís tsʼídá doo haa dayitʼéhí da doo, doo łaʼ bąąh dahazʼání da doo, ałdóʼ łaʼ doo bichʼįʼ inídahaztʼiʼ da doo. Doo yáʼádaashǫ́ǫníí ádin doo, áko bílaʼashdlaʼii doo ahaa ayihdahoodli da doo.

Adiniih, yínííł, dóó cha ádin doo. Są́ dóó anoonééł ałdóʼ ádin doo.

 Danihikʼéí dóó danihikʼis tʼááʼałtso bił kééhoniitʼı̨́į doo. Áko díí nahasdzáán bikááʼgi ayóí áhonóolingo iiná yéigo baa hózhǫ́ǫdoo.

Bílaʼashdlaʼii yéigo bił dahózhǫ́ǫ doo, doo éí nídaaldzid da doo.