PART 9
Ayóí Áhonóolingo Náhodoodleełígíí Hahgoshąʼ Baa Hadoolzhish?
Nihichʼįʼ nidahwiiʼnánígíí bee bééhózingo God biNahatʼaʼ éí hashtʼéé hodoodlííłgo bichʼįʼ hoolzhish. Luke 21:10, 11; 2 Timothy 3:1-5
Dííshjı̨́įdi tʼóóʼahayóigo ádahoonííłígíí Diyin God Bizaad átséedi yaa hoolneʼ. Áko Diyin God Bizaad ání, bílaʼashdlaʼii béeso ayóíʼádayóʼníi doo, bishchíinii doo yikʼeh dahółʼı̨́į da doo, báá dahadzidgo bádahachįʼ doo áádóó honeeni tʼéí ayóíʼádayóʼníi doo.
Díí kʼad ádahoonííł; anaaʼ, dóó ayóóʼátʼéego niʼ nídahidiʼnáah, téʼéʼı̨́, dóó naałniih tʼóóʼahayóígo dahólǫ́.
Jesus ałdóʼ ání, yáʼąąshdę́ę́ʼ God biNahatʼaʼ yáʼátʼéehgo baa haneʼígíí, tʼááʼałtso ałʼąą dineʼé bił dahodoonih.—Matthew 24:14.
God biNahatʼaʼ tʼááʼałtso doo yáʼádaashxóonii nahjįʼ kwíidoolííł. 2 Peter 3:13
Jiihóvah éí doo yáʼádaashxóonii ałtso íidoołdįįłgo bichʼįʼ hoolzhish.
Séítan dóó níłchʼi doo yáʼádaashxóníí bándaalʼaʼíí tʼááʼátʼé ábidiʼdooldįįł.
God dayíistsʼą́ągo yikʼeh dahółʼíníí yisdádookahgo nizhónígo chʼééʼdooldah, áádóó ááhádzid ádin doo. Bílaʼashdlaʼii doo ahaa ayihdahoodli da doo, tʼóó ayóó ádaʼahoʼníi doo.
You May Also Like
NAALTSOOS
God biNahatʼaʼshąʼ Haʼátʼíí Átʼé?
Nihokáaʼgi Jesus éí God biNahatʼaʼ yee łaʼ yidoolíłígíí ííshjání áyiilaa.
NAALTSOOS
Achʼįʼ Nahwiiʼná Tʼáásh Nidootʼih?
Diyin Bizaad éí kóní, doo ákótʼéégóó ádaʼałʼínígíí God yijoołxá dóó diné yaa aʼááh nízin. Díí éí háítʼéego níká adoolwoł?
