Haneʼ bee akʼidiʼdootı̨́įłii doo ndantłʼaaígíí choidííłʼįįł. Jesus éí haneʼ bee akʼidiʼdootı̨́įłii doo ndantłʼaaígíí yee naʼneeztą́ą́ʼ. Haneʼ bee akʼidiʼdootı̨́įłii bee naʼnítingo, éí náánáłahdę́ę́ʼ haneʼ doo bídadéétʼiʼígíí tʼáádóó choiníłʼíní. Ákondi haneʼ łahdę́ę́ʼ diné tʼáá íídą́ą́ʼ bił béédahózinígíí choiníłʼı̨́įgo níká adoolwoł. Áko éí hazhóʼó yikʼiʼdidootı̨́ı̨́ł.

Daníistsʼą́ʼígíí baa nitsíníkees. Haʼátʼíí shı̨́ı̨́ yíneedlı̨́įgo yaa naagháhígíí éí haneʼ bee akʼidiʼdootı̨́įłii bił ahídéétʼiʼígíí choidííłʼįįł. Ákondi yaa yádínóozįįłígíí doodaiiʼ biniinaa báhodoochįįłígíí éí doo choidííłʼįįł da.

Saad íiyisíí baa haneʼígíí bee naʼnítin. Haneʼ bee akʼidiʼdootı̨́įłii choiníłʼı̨́įgo éí saad íiyisíí bitsʼą́ą́dóó bikʼiʼdidootı̨́įłgo chʼídaastʼánígíí bee naʼnítin. Áko daníistsʼą́ʼígíí éí haneʼ bee akʼidiʼdootı̨́įłii bee naʼnítinígíí yénálniih doo.