Ákoísh haʼátʼíí biniiyé Séítan dóó níłchʼi bidaʼiiníziinii diné bidiʼdoodlohígíí yéego yidee yílníísh? Éí God bikʼijįʼ nidazhdooltihígíí nihá dee nízin. Áádóó ałdóʼ bíbichʼįʼ nidahiidláa doogo danihóʼní. Dabiyoochʼíídígíí éí dee niidlą́ą doogo dóó éʼoolʼįįł Jiihóvah doo bił yáʼátʼééhígíí ádeelʼı̨́į doogo danihóʼní. Díí tʼóóʼahayóígo daneeznáanii yá áʼdaʼiłʼı̨́.

Łaʼ ayóóʼájóʼníinii hatsʼą́ą́ʼ ádin yileehgo ayóo baa hiní, áko baa atínízhdindleehgo tʼáadoo átʼéhída. Hakʼis Lázaras ádin silı̨́ı̨́ʼgo Jesus éí “atídineesdlı̨́ı̨́ʼ.”—John 11:35.

Nihookááʼ tʼáá siʼą́ą́ ńtʼééʼ tʼóóʼahayóígo éʼélʼįʼ ałʼąą ádaatʼéhígíí anoonééł bídadéétʼiʼ. Ákó ndi łaʼ éʼélʼįʼ Diyin Bizaad doo yikʼijįʼ nilı̨́į da. Díí átʼé nahalǫǫ, diné łaʼ łeeh yilteeh bikéédóó dı̨́ʼijı̨́įgo tʼóó ahiłnahájíiztą́ą łi. Ákó ndi daneeznáanii tʼah dahiináago danihooʼı̨́įgo dajoodlánígíí éí bitsʼą́ą́dóó łaʼ éʼoolʼįįł dahazlı̨́ı̨́ʼ. Ádinée biníłchʼi béé dajildzidígíí biniinaa naakizh diiltʼéego tʼéiyá tłʼóóʼgo nidaʼaldee. Díí ałdóʼ, dı̨́ı̨́ʼ yiłkááh bikéédóó nahaghaʼ kʼehgo táʼádazhdigisígíí éí diné ádinée béé dajildzid biniinaa  bitsʼąą ádazhdichíí dóó tádídíín dazhdinił. Ákó ndi biʼéʼélʼįʼ kótʼéego dee yoodlánígíí éí Séítan bitsʼą́ą́dóó yoochʼííd yoołtʼih. Diyin Bizaad áníigo éí “daneeznáanii éí tʼáadoo bił béédahóziní da”.—Ecclesiastes 9:5.

Łaʼ dahiinánígíí éí daneeznáanii bíká iníʼdoowołgo yídin danilı̨́ dazhnízingo deeyoodlą́. Biniiyé éí daneeznáanii yá nahaghaʼ ádeełʼı̨́. Doo báʼádaʼjiilaago éí daneeznánée haitʼéego da atídahoodoolííł danízin. Dóó nááʼáłdóʼ chʼiyáán dóó doodlı̨́įłii ádinée yá ninádeekááh.

Díí átʼéego íʼoolʼįįł tsʼídá doo ákótʼée da, Séítan daneeznánée yaa biyoochʼíídígíí bitsʼą́ą́dóó hazlı̨́ı̨́ʼ. Níłchʼi bidaʼiiníziinii binaʼnitin łaʼ éʼoolʼįįł bídawóltąʼígíí aniitahgo Jiihóvahísh bił tʼáá áko doo? Éí nidayeeʼ!—2 Corinthians 6:14-18.

God yándaalʼaʼí éí beʼíʼoolʼįįłígíí doo haitʼéego da Séítan biyoochʼíídii doo yił ałtsʼą́ą́ʼ ałkʼiiz da. Ákó ndi diné dahiinánígíí yíká anájah dóó yikʼidahałtaʼ. Bił béédahózingo éí diné ádin yileehgo tsʼídá Jiihóvah tʼéiyá bíká adoolwoł.—Job 14:14, 15.

Łaʼ diné tʼáá bí níłchʼi bidaʼiiníziinii yił ałchʼįʼ yádaałtiʼ doodaiiʼ hataałii chideeyoołʼı̨́. Díí éí álílee kʼehgo nahaghá wolyé. Hwéé ályaago jishcháadi nihoodeeltínígíí, daʼdiłgąsh, yee naaldlooshii, dóó déestı̨́ı̨́ʼ ádeełʼínígíí, díí éí tʼááʼátʼéii ńtʼééʼ álílee kʼehgo biʼiiníziinii binahaghaʼ átʼé.

Diyin Bizaad éí díí ádaatʼéhígíí tsʼídá ałtso yá nidahwiizʼą́, áko áníigo éí: “Nihitahgóó tʼááká . . . łaʼda nidadilniihii choyoołʼı̨́ yíilaʼ; tʼááká łaʼda áhodooníiłii neiłkaah yíilaʼ . . . tʼááká łaʼda adigąsh yaa naaghá yíilaʼ; tʼááká łaʼda biʼiiníziin yíilaʼ . . . tʼááká łaʼda álíleego níłchʼi yee haniih yíilaʼ; tʼááká łaʼda chʼı̨́įdii yił ałchʼįʼ yáłtiʼ yíilaʼ. Kódaatʼéii baa dajíkáhígíí tʼáá ádzíłtso Bóhólníihii [Jiihóvah] doo hółdin da.”—Deuteronomy 18:10-12.

Ákoísh haʼátʼíí biniiyé díí átʼéego ádaʼalʼíníí Jiihóvah tʼáá yéego nihichʼįʼ yáłtiʼgo díí bitsʼąą ádaa ádahołyą́ nihiłní?

 Jiihóvah éí díí álílee kʼehgo ádaʼalʼíníí bitsʼąą ádaa ádahołyą́ nihiłní. Biniinaaígíí doo nihá yáʼátʼéeh da. Jiihóvah éí ayóóʼíníhoʼní dóó nizhónígo nihaa áhályą́. Níłchʼi bidáʼiiníziinii atídanihidoolííłgo Jiihóvah bił bééhózin.

Brazíldi asdzání léiʼ Nilda wolyéego hataałii nilı̨́ı̨́ńtʼééʼgo baa ahoʼniineʼ. Nilda níłchʼi bidaʼiiníziinii éí tʼáá yéego hwee iinaʼ yidahwidiiłʼtiʼ. Kótʼéego nihił halneʼ: “Níłchʼi bidaʼiiníziinii léiʼ . . . shiiʼ daazlı̨́ı̨́ʼ, bí bikʼeh ááshtʼįįłgo ádashiilaa . . . biniinaa shíniʼ yaa dahołʼáʼgo azeeʼ ílʼı̨́ı̨́góó shił ádaʼjiilaa . . . Azeeʼ biniiyé choshʼı̨́ı̨́ ńtʼééʼ áádóó ałdóʼ ashdlą́ągo baa ádinishtʼą́, nátʼohdóʼ díí táago baʼiisíliiʼgo díkwííshı̨́ı̨́ nááhai.”

Jiihóvah dóó bá Dahalneʼé Nilda yíká ííjééʼ éí níłchʼi bidaʼiiníziinii yikʼee kanagháhą́ą biiʼdóó háájoodzá. Nilda éí kʼad bee iinaʼ bił nilǫ́ǫh yoołtʼi. Áko Nilda ání: “Díí tsʼídá tʼááká łaʼ tʼóó kóníghánjįʼ ndi níłchʼi bidaʼiiníziinii tsʼídá tʼáadoo baa nídatʼíní doo.”