Jiihóvah bándeelʼaʼ doodaiiʼ Séítan bándeelʼaʼ. Ákó ndi doo tʼáá áłah bánjilʼaʼ átʼéii da. Jiihóvah bánjilʼaʼgo éí hódzą́ átʼé!

Níłchʼi bidaʼiiníziinii éí diné atídeełʼı̨́įgo dóó yindaʼaloʼgo bił yáʼádaatʼééh. Ákó ndi Jiihóvah tsʼídá doo ákótʼée da. Bí éí diné ayóóʼáyóʼní, tʼáá azhéʼé baʼáłchíní ayóóʼáyóʼnínígi átʼéego. “Yáʼádaatʼéehii índa tsʼídá tʼáá ákóneʼ ádaatʼéii” éí bí bitsʼą́ą́dóó. (James 1:17) Jiihóvah éí diné tsʼídá yáʼádaatʼéhígíí tʼéí yaa yiinííł, azhą́ bikʼee tiʼhojooníih ndi.—Romans 5:8.

God biyeʼ Jesus nihookááʼgi kééhatʼínéedą́ą́ʼ tʼóóʼahayóígóó binaanish áyiilaa. Doo yádaałtiʼę́ę yádaałtiʼgo ándayiidlaa dóó doodaʼooʼínée daʼooʼı̨́įgo ándayiidlaa. Nidaʼniłhodii nidaakaigo ándayiidlaa. Níłchʼi bidaʼiiníziinii hááyiiskaad dóó diné bitahgóó naałniih ałʼąą átʼéii néyííłdzííʼ. Jesus éí God bibee adziil yee daneeznánée iináajįʼ néediyiiłjééʼ.—Matthew 9:32-35; 15:30, 31; Luke 7:11-15.

Tʼááʼaaníinii éí God bizaad. Tsʼídá doo biyoochʼííd da, dóó ałdóʼ diné doo yóoʼiiniiʼah da.—Numbers 23:19.

Tséʼéʼdǫ́ʼii naʼashjéʼii bitłʼóól yiih dindááh. Iiníziin kʼehgo ntsáhákees dóó yoochʼííd éí naʼashjéʼii bitłʼóól nahalin. Daneeznáanii dóó níłchʼi bidaʼiiníziinii béé dajildzidígíí éí biijįʼ tsístłʼaʼiildéé. Adigąsh, mąʼii hadáá yilwoʼgo, łı̨́ı̨́shchíín béé daʼalyaaígíí, atsʼoos achʼą́ naalyée, díidi tʼááʼátʼéii ńtʼééʼ diné ayóo yaa dabíniʼ. Díí átʼéego daʼoodlą́ʼ dóó bikʼeh éʼoolʼįįłígíí éí Séítan biyoochʼíidii bitsʼą́ą́dóó dahazlı̨́ı̨́ʼii átʼé. God bándaalʼaʼí éí doo díiyiiʼ tsístłʼah dahikáah da.

Jiihóvah éí Séítan biláahdi ábóodziil. Jiihóvah báneelʼaʼgo éí níłchʼi bidaʼiiníziinii nihá yikʼeh didlíi doo. (James 4:7) Daníłgą́ą́sh ndi doo nikʼijįʼ naalnish da doo. Díí átʼéego kǫ́ǫ́ łaʼ baa haneʼ, Nigeriadi, kintahléiʼgi, tááltʼéego tsʼídá ayóo daʼdiłgąshii łaʼ Jiihóvah Yá Dahalneʼé dazhdootsaał biniiyé dahashgąsh. Chʼééh níláahdi naniná dahałníigo doo bikʼeh ájiidzaaígíí biniinaa dahashgąsh ndi, tʼáadoo bikʼijįʼ naashnish da. Łaʼ adiłgąshii násdzííd áko ńtʼééʼ díí Jiihóvah Yá Halneʼé yichʼįʼ ninádzáago náyozkan.

Níłchʼi bidaʼiiníziinii naa deenítʼı̨́įgo Jiihóvah bíká ádidíiniił bízhiʼ choiníłʼı̨́įgo ná yikʼeh didlíi doo. (Proverbs 18:10) Ákó ndi álílee kʼehgo dóó níłchʼi bidaʼiiníziinii bichʼįʼ nahadlá bídadéétʼiʼígíí tsʼídá ałtso bitsʼéii níyáago tʼéiyá God díí ádaatʼéhígíí ná yikʼeh didlíi doo. Nagháídę́ę́ʼ Ephesian dineʼé God deeyoodlánée binaaltsoos diné binaʼadloʼgo bee nidahojiłáii bee bikʼih nidajiiznilę́ę tsʼídá ałtso ahąą ádajiilaago dazhdííłid. (Acts 19:19, 20) Dííshjı̨́įdi God yándaalʼaʼí hwídóʼ tʼáá ákótʼéego bidazhdoolííł. Łı̨́ı̨́shchíín béé daʼalyaaígíí, atsʼoos achʼą́ naalyée, tádídíín dóó tʼáá ałtso álílee bídadéétʼiʼígíí, jishda daʼatah, díí tʼáá ałtso nidahidiyoołchxǫǫł.

Doo yáʼádaatʼéhígíí dóó doo tʼááʼaaníigo nahagháhígíí bitsʼádíínááł dóó doo ánáádíídlíił da. Doo tʼáá díí tʼéiyá Diyin God yaa bił hózhǫ́ǫ da. Díí ałdóʼ íiyisíí ádíílíiłgo nóʼní: Tʼááʼaaníinii kʼehgo nahaghaʼ tʼáá áłahjįʼ nabínítaah doo. Bikʼehgo íʼdoolníłígíí éí Diyin Bizaad ííshjání ííłʼı̨́:

Séítan dóó biníłchʼi bidaʼiiníziinii łaʼ diné nihookááʼ tʼáá siʼą́ą́ ńtʼééʼ éʼoolʼįįł doo ákódaatʼéhígíí yee nidee nitin. Ákó ndi Jiihóvah éí bí bidineʼé ałdóʼ bee hólǫ́. Éí éí Jiihóvah Yá Dahalneʼé ádaatʼı̨́. (Isaiah 43:10) Nihookááʼ tʼáá siʼą́ą́ ńtʼééʼ tsostsʼidi mííl nitsaaígíí ánéelą́ąʼgo bá dahalneʼígíí hólǫ́. Éí tʼááʼátʼéii ńtʼééʼ tsʼídá yéego yáʼádaatʼéhígíí yideeyílníísh dóó diné tʼááʼaaníinii yee nidee nitin. Tʼáá ałtso kéyah nidahazʼą́ągo Kingdom Halldi łaʼ bił ahéé dahodíílzįįł ayóo naa bił dahózhǫ́ǫgo kʼéh dandidooniił.

Jiihóvah Yá Dahalneʼé hazhoʼó God bándajilʼaʼ dooleełgi áká anájah. Tʼáá nighangi Diyin Bizaad yee dandínóotįįł. Jiihóvah tʼááʼaanííjígo bichʼįʼ nahaghaʼígíí yee dandínóotįįł. Doo éí haitʼéego bikʼeh azláa da. Jiihóvah Yá Dahalneʼé éí, diné dóó Jiihóvah ayóóʼádeeyóʼní. Éí biniinaa tʼááʼaaníinii yee nidaʼnitinígíí ayóo yaa bił dahózhǫ́.