NAʼÍDÍKIDÍGÍÍ 9
Evolution Yinishdlą́ą Doósh?
NISH ÉÍ HAA DÍÍNÍÍŁ?
Díí áhoonííł jiní: Alex éí tʼáá shiidą́ą́ʼdii God tʼáá ałtsoní ádayiilaago yoodlą́. Ákondi báʼóltaʼí biology neinitin léiʼ kóní: “Díí evolution éí science bee naalkaahgo binahjįʼ tsʼídá tʼáadoo nídí tʼáá aaníí lágo bééhoozįįd” níigo hachʼįʼ niyiizjaaʼ. Díí biniinaa tʼóó bił naaki silı̨́ı̨́ʼ. Áko doo shaa oodloh da doo jinízingo kózhdííniid: “Díí scientist danilínígíí evolution nideiskáaʼgo tʼáá aaníí lágo bił béédahoozįįdígíí, haʼátʼéegoshąʼ łah ánídeeshdlííł?”
Ni Alex ánítʼı̨́įgoshąʼ, naaltsoos evolution éí tʼáá aaníí daanínígíísh biniinaa yidíídląął?
DÍÍ ÁŁTSÉ BAA NITSÍNÍKEES!
Áko díí bee ałghaʼ dazhʼditʼáhígíí łahda, tʼáá ałchʼihjí doo hazhóʼó dazhníłʼı̨́ı̨́góó tʼóó daʼjoodląął.
-
Łaʼ diné éí churchgóó nidaakaígíí biniinaa, God tʼáá ałtsoní ádayiilaago dayoodlą́.
-
Áádóó łaʼ éí óltaʼdi evolution bee nidabiʼdineestą́ʼígíí biniinaa éí dayoodlą́.
HASTĄ́ĄGO BÍNDAʼÍDÍKIDÍGÍÍ
Diyin Bizaad ání: “Kin tʼááłáʼí níʼánígo diné łaʼ ádayiilaa, nidi Diyin God éí tʼáá ałtsoní áyiilaa.” (Hebrews 3:4) Éísh tʼáá aaníigo yinídlą́ą doo?
Iiná tʼóó hazlı̨́ı̨́ʼ jinı̨́įgo éí, díí hooghan doo háiida yinaashnishgóó tʼóó niiltsʼid jiníi doo. Éísh éí haʼátʼéego doo?
ÁHÁʼNÍIGO ÉÍ: Yá abíyéelʼáágóó biiʼ hólónígíí éí tʼáadoo hooyání tʼáá bóhólnííhgóó dahazlı̨́ı̨́ʼ.
1. Háí doodaiiʼ haʼátʼíí bitsʼą́ą́dóó ákódzaa?
2. Áko háájígíísh éí tʼáá aaníí? Tʼáá ałtsoní éí tʼóó dahazlı̨́ı̨́ʼ, doodaiiʼ tʼáá ałtsoní éí háíshı̨́ı̨́ ádayiilaa?
ÁHÁʼNÍIGO ÉÍ: Bílaʼashdlaʼii éí naaldlooshii bitsʼą́ą́dóó dahazlı̨́ı̨́ʼ.
3. Bílaʼashdlaʼii éí naaldlooshii (magítsoh da) bitsʼą́ą́dóó ályaa haʼní, ákondi haash yitʼéego bíniʼ siláagi ałʼąą átʼé?
4. Haʼátʼíísh biniyé tʼáá ákwíí jı̨́ deitʼínígíí kóníshéhé ndi, bee hadilyaaígíí doo bikʼidaʼdidiitʼı̨́įł da?
ÁHÁʼNÍIGO ÉÍ: Evolution éí tʼáá aaníí átʼé.
5. Diné díí ánínígíísh tʼáá ałtsojįʼ neiskáaʼgo ání?
6. Ląʼí diné evolution dayoodlą́. Díkwíísh éí ayóó daʼííłtaʼígíí éí dayoodlánígíí biniinaa dayoosdląąd?
“Tsintahgóó yínááł ńtʼééʼ hooghan nizhóní léiʼ bikʼííníyáago, kódidííniiłísh: ‘Dooládóʼ shı̨́ı̨́ díí tsin tsʼídá nizhónígo tʼáá ákweʼígi naaʼahineezdeeʼgo bitsʼą́ą́dóó hooghan nizhónígo niiltsʼid lá.’ Éí ákódooníłígíí yeeʼ doo bohónéedzą́ą da! Áko yá abíyéelʼáágóó biiʼ dahólónígíí tʼáá bóhólníihgo ahiih níideeʼ haʼnínígíísh tʼóó yidíídląął?”—Julia.
“Díí baa nitsíníkees. Kin biiʼ naaltsoos bikʼedaʼalchíí léiʼgi haʼátʼíí shı̨́ı̨́ deesdǫǫh. Ńtʼééʼ bee akʼeʼalchíhí yę́ę yanáałdáazgo saad dawóltaʼígíí kin biiʼ nizhónígo ałkééʼ ninídeeʼ. Éísh yidíídląął?”—Gwen.
HAʼÁTʼÍÍ BINIYÉ GOD YIDÍÍDLĄĄŁ?
Diyin Bizaad éí “naʼnitin tʼáá ałtso nidaałkaah” ní. (1 Thessalonians 5:21) Áko God yinídlą́ągi éí doo díí tʼéiyá bikʼehgo doo
-
NANIIŁNÁNÍGÍÍ (Shí éí ayóó ábóodziilii hólǫ́ nisin)
-
NÁÁNÁ HÁIIDA BIKEHGO IINIIDLĄ́ (Oodlání danilíinii bitahgi kʼééhashtʼį)
-
NASHIDIʼNEESTʼĄ́ʼÍGÍÍ BINIINAA (Shimá dóó shizhéʼé God deiniidlą́ągo shiyaa hoołʼaʼ—áko doo óoshneʼí da)
Áko, áłtsé hazhóʼó naʼáłkaahgo índa iidíídląął.
“Óltaʼdi, báʼóltaʼí łaʼ atsʼíís átʼéiigi yaa naʼnitingo, éí God hólǫ́ǫgo yinishdlánígíí doo shił naaki nilı̨́į da. Doo ndi shı̨́ı̨́ baa ákodaniidzingóó, nihitsʼíís nihiyiʼdi yilnishgo átʼé. Doo ndi shı̨́ı̨́ ałtso bikʼidaʼdidiitı̨́įł da!”—Teresa.
“Kin yadaaʼáhígíí, tsinaaʼeeł nitsaaígíí, doodaiiʼ chidí yiistséehgo ‘Díísh éí háí ádayiilaa?’ niisįįh. Jó, háiida chidí íidoolíłígíí éí bee ádoolníłígíí díkwíí shı̨́ı̨́ ałʼąą ádaatʼéego yee ahiih yinił. Chidí éí doo tʼóó hodooleeł da, éí háíshı̨́ı̨́ bikʼehgo ályaa. Tʼáá ákótʼéego nihí ałdóʼ doo tʼóó dahasiidlı̨́įʼ da, háíshı̨́ı̨́ ánihiilaa.”—Richard.
“Science hazhóʼó baa íhooshʼaahgo, evolution binahjįʼ dahosiidlı̨́ı̨́ʼ haʼnínígíí tʼóó doo shił bohónéedzą́ą da silı̨́ı̨́ʼ. Baa nitséskeesgo evolution jidoodląąłgi éí ayóó nanitłʼah, ákondi Íʼiilaii hólónígíí jidoodląąłgi éí doo nanitłʼah da.”—Anthony.
DÍÍ BAA NITSÍNÍKEES
Scientists éí evolution yéigo yaa daʼííłtaʼgo nidaʼaskáaʼ ndi doo hazhóʼó yikʼidaʼdiitįįh da, éí shı̨́ı̨́ biniinaa ałʼąą átʼéego yee nidaʼnitin. Ákosh haʼátʼíí biniyé éí baʼiidiidliił?
