Diné dahóyáanii baʼahódlí. Bichʼįʼ dabiʼdoolʼaadígíí łaʼ deileʼ.

Áłchíní éí tʼah awééʼ nilı̨́ı̨́dą́ą́ʼ hódzą́ yíhwiidoołʼááł. Naaltsoos Parenting Without Borders ání, “Awééʼ 15 bee nídeezidgo bizhéʼé dóó bimá yikʼeh hółʼı̨́į doo. Áádóó 18 bee nídeezidgo bizhéʼé dóó bimá áátʼįįłígíí yeelʼı̨́į łeh. Łaʼ nahazʼą́ągo áłchíní ashdlaʼ dóó hastą́ą́ béédááhaiígíí bizhéʼé dóó bimá hooghan hazʼą́ągi áká adoolwołii yee nideinitin. Azhą́ shı̨́ı̨́ tʼah nooséeł ndi, áłchíní naanish łaʼ íidoolíiłgo átʼé.”

Ląʼí nooséłí hooghandóó dahidiikááhgóó iiná ádoolníiłgi bá nidanitłʼago yaa ákodaniizįįh. Łaʼ ákódaadzaa biniinaaígíí béeso chooʼı̨́įgi, hooghan baa áháyą́ągi, doodaiiʼ tʼáá ákwíí jı̨́ iiná ílʼı̨́įgi tʼáadoo bee nabidiʼneestą́ąʼ da.

Díí biniinaa, naʼáłchíní nanítingo hóyáanii silı̨́įʼgo doo tsístłʼah doogáał da. Naaltsoos How to Raise an Adult ání, “Tʼáadoo ní tʼéiyá yisdáhóótʼiʼgo bá íínísiní 18 binááhai, áádóó doo tʼóó biʼdííłnih da.”

Hooghan binaagóó naʼanish baa hidíʼaah.

BINAHJĮʼ NAʼNITINII: “Yéego naʼanish tʼáá ałtso bee ínáʼiideełii átʼé.”—Proverbs 14:23.

Áłchíní éí bizhéʼé dóó bimá yíighah naalnishgo ayóó yídaneedlı̨́. Díí binahjįʼ naʼáłchíní hooghan binaagóó naanish baa hidíʼaah.

Łaʼ azhéʼé dóó amá doo ákódaatʼı̨́į da. Áłchíní óltaʼ dóó homework tʼóó adahayóigo biniinaa doo nideiłʼaʼ da.

Áłchíní hooghandi naalʼaʼígíí éí bichʼįʼ yilʼaadígíí łaʼ yidoolííł, áko óltaʼdi naanish łaʼ yidoolííł. Naaltsoos Parenting Without Borders ání, “Tʼah áłchíní nilı̨́įgo doo nihíká análwoʼgo, náánáłahjįʼ áká adoolwołii éí doo yee hasʼą́ą da doo. . . . Tʼóó shíká azhdoolwoł nízingo déezʼı̨́įʼ doo.”

Hooghan hazʼánígi naʼanishgo áká adoolwoł binahjįʼ doo aanichįʼ da dooleeł. Áłchíní áká análwoʼgo hooghan hazʼą́ągi yaa ákonízin éí binahjįʼ yaa hóyą́.

 Naʼáłchíní asiihígíí hazhóʼó yaa hóyą́ą dooleeł bichʼįʼ ííshjání íinisin.

BINAHJĮʼ NAʼNITINII: “Náásínílı̨́įʼdi honíyą́ą doo biniyé kótʼéego nidiʼnínígíí yíísíníłtsʼą́ą́ʼ áádóó bínandiʼniltinígíí náhidiilé.”—Proverbs 19:20.

Áłchíní háida binaalyéhé yiyííłchxǫʼgo, tʼáadoo bá naníłʼiní. Naʼáłchíní asiihígíí éí bá nantłʼa ndi kʼé didooniiłgo átʼé.

Áłchíní asiihgo éí yee ádaa hodoolnih

• doo biyoochʼíid da índa doo neiniłʼin da yíhoołʼaah

• doo akʼi haʼáah da yíhoołʼaah

• doo yee áhoʼdilyaa da yíhoołʼaah

• hazhóʼó bił kʼé náʼahididííʼniił, ná bíighah góneʼé yíhoołʼaah