2 Tʼáásh Nihí Ádeitʼínígíí Biniinaa Nihichʼįʼ Nidahwiiʼná?
Haʼátʼíí Biniyé Ílı̨́įgo Naʼídíkid
Aooʼ nízingo, éí tʼáá nihí achʼįʼ nahwiiʼná hashtʼediilníiłgo niʼ ádoonííł.
Díí Baa Nitsíníkees
Haash níłtsogo bílaʼashdlaʼii achʼįʼ nahwiiʼná bee bikʼíhátʼáah?
Atéʼélʼı̨́.
World Health Organization (WHO) ání, daneeyánígíí tʼah áłchíní danilı̨́įgo bitsʼíís atídaalyaa, áádóó asdzání ałdóʼ tʼáá hoolzhishgo bitsʼíís índa sexual assault bee atídaalyaa.
Ayóóʼóóʼnínę́ę Ádingo.
World Health Organization binaaltsoos World Health Statistics 2018, bikʼehgo ání: “2016 yihah yę́ędą́ą́ʼ 477,000 ázhnéelą́ą́ʼ nahoʼdiztseed.” Tʼáá éí yihah biiʼ 180,000 daatsʼí ázhnéelą́ąʼgo éí anaaʼ dahólǫ́ǫ́góó nidahoʼdiztseed.
Ąą Dahazʼą́.
Naaltsoos National Geographic biiʼ, Fran Smith kóní: “One billiondóó baʼaan ázhnéelą́ą́ʼ nidaʼjiłtʼoh, áko éí nátʼoh chooʼínígíí bitsʼą́ą́dóó ashdlaʼgo bee ąąh dahooʼaah, éí: ajéí bichʼįʼ hodiiʼná, stroke, respiratory infections, chronic obstructive pulmonary disease, áádóó lung cancer ádaatʼée.”
Doo Aheełtʼéego Dahiináa Da.
Psychologist Jay Watts ání: “Téʼéʼı̨́ doo aheełtʼéego aa nitsáhákees náánáłahdę́ę́ʼ dineʼé joodlá, diné ła ayóó ádídahólnííh, hakéyah bitsʼą́ąjįʼ dahodiitʼeezh áádóó aláahgo áʼdólzingi éí bikʼee hániʼ bichʼįʼ nidahwiiʼná.”
ŁAʼ ÍNÁÁHOOʼAAH
JW.ORG biiʼ video God Haʼátʼíísh Biniyé Nahasdzáán Haidiilaa? ninááł nidoolkił.
Diyin Bizaad Ání
Achʼįʼ nahwiiʼná éí bílaʼashdlaʼii nitsaago bee bikʼíhátʼáah.
Naatʼáanii bił nahazʼą́ą́góó diné baa ádahojilyą́ą dooleeł yę́ę tʼóó iiná bá nidanitłʼago índa bichʼįʼ nidahwiiʼnáago ádajósin.
“Bílaʼashdlaʼii ahił ndazhnitʼáago bee atídaʼahizhdilʼı̨́.”—ECCLESIASTES 8:9, NW.
Achʼįʼ nahwiiʼná tʼáá aʼohgo ádoolníiłgo átʼé.
Diyin Bizaad yee naʼnitinii bikʼehgo hináago éí hatah yáʼáhootʼééh dóó yáʼátʼéehgo kʼé daʼahizhdiʼní.
“Ajéí hashtʼedítʼéii bee atsʼíís doo bąąh téeh da, nidi oochʼı̨́ı̨́d éí hatsʼin deidiłdzid.”—PROVERBS 14:30.
“Anáháshchʼííʼ, hashkéhwiindzin, áháchįʼ, azahóchįʼ, tʼáá ádzaagóó aa haneʼ índa áká naatʼá tʼáá ałtso átsʼá dahidohtʼaah.”—EPHESIANS 4:31.
