éí díkwíidi shı̨́ı̨́ náhodichíiʼgo dayoodlą́. Áłtséédą́ą́ʼ jináago ájíítʼįįd yę́ę, áádóó dííshjı̨́įdi ájooníłígíí, éí bikʼee tiʼhojoonííh łeh. Moksha wolyéego éí díí nináhodíchíhígíí biiʼ hazhdoogááł. Kótʼéego hweʼiinaʼ yiitʼihígíí éí hanaagóó ádahooníłígíí doo bídéétʼiʼ da.

éí díí kótʼéego dayoodlą́, nidaʼjisiihígíí bitsʼą́ą́dóó tiʼhooʼnííh dóó bee nahódiʼnitaah. Dr. Sayyid Syeed, president of the Islamic Society of North America ání, “Doo ákǫ́ǫ́ áhóótʼįįd bitsʼą́ą́dóó yínííłígíí éí God nihikʼihodlíigi baa ahééh daniidzin doo, índa bichʼįʼ anídahaztʼiʼígíí baa áko hasingo bíká anídaajah.”

bikʼehgo éí tʼáá hó ájooníiłii bikʼee tiʼhojooníih doo. Łaʼ Jew dineʼé ádaaníigo éí náádidoojahdi atídabidóólʼįįdígíí bá kʼééhodoodǫǫł. Judaismjí Kabbalistic (álílee kʼehgo áhooníiłgo áhyiłní) éí reincarnation yee nidaʼnitin. Éí niʼjiisíiʼígíí kʼééhojiyoołdǫǫłgo bee há bohónéedzą́.

éí díkwíidi shı̨́ı̨́ łaʼ nábiʼdichı̨́ı̨́hgo tiʼhooʼnííh tʼáá bił yitʼihgo dayoodlą́. Nirvanajįʼ yaa doogáałgo éí ádzaaígíí, yee átʼéii índa yidánoolníinii doo yáʼátʼééh yę́ę, yikʼeh didleehgo hódzą́, saad yáʼátʼéehii yee yáłtiʼ áádóó bíniʼ yaa áhályą́ągo, áádóó índa tiʼhooʼnííh bá nidootʼih.

A Dictionary of Comparative Religion ání: éí bílaʼashdlaʼii tʼáá bí nidaʼiisíhígíí biniinaa bichʼįʼ nidahwiiʼná. Azhą́ shı̨́ı̨́ tiʼhooʼnííh tʼáá aʼohgo óolzin ndi níłchʼi danilínígíí nihichʼįʼ nahwiiʼnánígíí yee ádídahólnííh. Áko há adahwiiztʼiʼígíí tʼóó bikééʼgóó ádajítʼé.

éí achʼįʼ nahwiiʼná adigąsh bitsʼą́ą́dę́ę́ʼ átʼéego dayoodlą́. Dadiłgąshígíí bitsʼą́ą́dę́ę́ʼ yáʼátʼéehgo, doodaiiʼ doo yáʼátʼééhgóó ádahoonííł hwiindzin. Ndi díí nahjįʼ kódoolníiłgo éí nahadlá bá nááhástʼą́. Łaʼ bitsʼíís doo bitah yáʼáhootʼééhgóó éí hataałii bá hataałgo doo bichʼįʼ nahwiiʼnáágóó ánéidoodlííł hwiindzin.

éí tiʼhooʼnííh bílaʼashdlaʼii áłtsé ályaii bitsʼą́ą́dę́ę́ʼ háátʼiʼgo dayoodlą́, díí éí Diyin Bizaad naaltsoos Genesis biiʼ baa haneʼ. Ákótʼée ndi, oodlání dabidiʼnínígíí éí díí bee naʼnitinígíí tʼáá biláahdi átʼéego ádeileʼ. Catholics ádaaníigo éí tʼáá ádígháhígo tiʼhooʼnííhígíí éí God yichʼįʼ néidiyoołnih. Kótʼéego éí God church yíká adoolwoł, doodaiiʼ náánáłaʼda tiʼhooʼnííhígíí God yisdábidoołtééł.