ŁAʼ ÁDAANÍIGI

Ląʼí ádaaníigo Diyin bízhiʼ éí Jesus. Łaʼ anáádadiʼníigo Diyin Ayóó Átʼéii yeeʼ tʼááłáʼí, áko haʼátʼíí biniyé bízhiʼ bá ádoonííł. Áádóó łaʼ anáádadiʼníigo Diyin bízhiʼ doo józhíi da.

DIYIN BIZAAD ÉÍ KÓNÍ

Diyin Ayóó Átʼéii éí doo Jesus wolyée da. Jesus éí doo Diyin Ayóó Átʼéii nilı̨́į da. Jesus éí bikééʼ nidaakai yę́ę kótʼéego Diyin bichʼįʼ sodadołzin yiłníigo neineeztą́ą́ʼ: “NihiTaaʼ, nízhiʼ diyingo óolzin leʼ.” (Luke 11:2) Jesus éí Diyin yichʼįʼ sodilzingo ání: “ShiTaaʼ, nízhiʼ ayóó átʼéego ánílééh.”—John 12:28.

Diyin Bizaad éí Diyin yaa náhtʼı̨́įgo ání: “Bízhiʼ éí Jiihóvah wolyé.” (Psalm 68:4) Dı̨́įʼgo Hííbrewjí saa bee naadzooígíí yízhí “Jehovah” éí bilagáana kʼehjí saad bee naadzooígíí kótʼéego translate ályaa, YHWH. Tʼáá ałkʼidą́ą́ʼ Hííbrewjí Diyin Bizaad ályaa yę́ę éí kʼasdą́ą́ʼ 7,000 ánéelą́ąʼdi Diyin bízhiʼ biiʼ daasdzoh. * Díí yízhí Jiihóvah, éí “God,” “Ayóó Átʼéii,” doodaiiʼ “Bóhólníihii” biláahdi biiʼ daasdzoh. Áádóó yízhí Éíbraham, Mózes, doodaiiʼ David ałdóʼ biláahdi biiʼ daasdzoh.

Jiihóvah éí bidineʼé, shízhiʼ chodeinołʼı̨́ yiłníigo neineeztą́ą́ʼ. God bidineʼé éí yízhí Jiihóvah tʼáá ałhąąh chodayoołʼı̨́ı̨́ ńtʼéeʼgo Diyin Bizaad ííshjání ííłʼı̨́. Díí yízhí bóóltąʼgo baʼáłchíní bízhiʼ yá ádeeleʼ ńtʼééʼ. Éí Iiláíjah łaʼ kótʼéego bízhiʼ bá ályaa, “Jiihóvah shiDiyin Nilı̨́,” áádóó Zekaráíyah éí “Jiihóvah Énáálniiʼ” jiníigo óolyé. Áádóó tʼáá ákwíí jı̨́ Diyin bízhiʼ wójíigo ałchʼįʼ yádaałtiʼ ńtʼééʼ.—Ruth 2:4.

Diyin éí bízhiʼ chodeiniilʼı̨́į doo nihóʼní. “Bízhiʼ baa dahohniihgo dahohtaał” danihidiʼní. (Psalm 68:4) Jiihóvah éí “bízhiʼ yaa nitsídaakeesii” yaa ákonízin.—Malachi 3:16.

Scholars danilínígíí łaʼ ádaaníigo éí Hííbrewjí yízhí Jiihóvah “Ádeeshłííł Nízinígi Átʼéego Ííłʼíinii” jiníigo óolyé. Díí áníigo éí haʼátʼíí shı̨́ı̨́ łaʼ dooníłígíí éí tʼáá Bí Diyin doodaiiʼ ádayiilaii tʼáá Bí íinízinígi átʼéego íidoolíiłgo yee łaʼ yiłʼı̨́. Ayóó Átʼéii Íʼiilaii tʼéiyá bízhiʼ yeʼoolííł.

HAITʼÉEGO NÍDÉÉTʼIʼ

Diyin bízhiʼ bééhonísingo łah átʼéego baa tsídidiikos. Éí doo nanitłʼagóó áhánígo bił honílǫ́ǫgo ándoolííł. Łaʼda bízhiʼ doo bééhonísingóó, éí haitʼéego áhánígo bił nilı̨́į doo? Diyin éí bízhiʼ nił ííshjánígo áyiilaagi áhánígo nił nishłı̨́į doo nízingo átʼı̨́.—James 4:8.

Jiihóvah bá daʼííníidlí háálá bízhiʼ yikʼehgóó ááníiłgo yeʼoolííł, éí Diyin nilı̨́įgi kótʼéego áhodoonííł níigi áyoolííł. Éí biniinaa Diyin Bizaad kóní: “Nízhiʼ yéédahósinii éí naa dadzólíi doo.” (Psalm 9:10) Bibee ayóóʼóʼóʼní, ajoobaʼ, aa aʼááh, índa aheełtʼéego ąą nitsíkeesgi nabiiłnáago bízhiʼ ánínígi átʼéego ádeeshłííł níigi yeʼdoolíiłgi baa dzíínílíigo ánósin doo. (Exodus 34:​5-7) Baa hózhǫ́ Jiihóvah yee hahadziihii yeʼoolííł, yee átʼéii doo yikʼijįʼ nánídlı̨́į da.

Diyin Ayóó Átʼéii bízhiʼ bééhojísingo baa hózhǫ́. Éí kʼad áádóó náasdi bee akʼihojidlíinii yee nihá ąą íidoolííł. Diyin kónihiłní: “Shízhiʼ yééhósinígíí bąą nidziidzííh dooleełgi nihodeeshtééł.”—Psalm 91:14.

“Tʼáá háiida Bóhólníihii [Jiihóvah] bízhiʼ bee józhíigo níjooskanígíí yisdáhodoołtééł.”—Joel 2:32.