Sally, a United Statesdi kééhojitʼı̨́. Niyol tsoh hakʼǫǫyáágo hwé naalyeʼé ałtso daachxǫʼ. Ájíní: “Doo chohooʼı̨́įgo yinííł selı̨́ı̨́ʼ. Łahda náásgóó iiná ádoolnííł yę́ę, doo bíighah da nániisdzįįh.”

Hakʼéí ła ádin yileehgo shąʼ? Janice, Australiadę́ę́ʼ nijighá, éí kójíní, “Shiyáázh tʼáá áłah shitsʼąą ádin áko sheʼiinaʼ siláagi, tʼáá ałtsoní ahiih nááłdááz nahalin. Iiná ádoolnííł yę́ę doo bíighah da. Diyin ábidishní, “Doo sohodoobéézhgóó shichʼįʼ nahwiiʼná, binídii tʼóó iideesh hosh, doo chéédeesdził da,” bidííniid.

Náánáłaʼ éí Daniel joolyéego hweʼasdzą́ą́ ídiiláá lágo doo chohooʼı̨́ı̨́góó hajéí yisdił. Kójíní, “Sheʼasdzą́ą́ ádaa hólneʼgo, dooládóʼ shijéí béésh bee yiníká niʼshiish nahalin silı̨́ı̨́ʼ. Doo sohodoobéézhgo shijéí neezgaigo díkwííshı̨́ı̨́ nídeezid.”

Díí naaltsoos Bee Haʼídéesʼįįʼii chʼíidooʼááłʼígíí éí iiná bóhoneedlı̨́į doogo átʼé azhą́

• Nitsihodindiłgo

• Ayóóʼóóʼnínę́ę ádin silı̨́įʼgo

• Hachʼooní honaʼaloʼgo

• Yéigo nąąh dahazʼą́ągo

• Tiʼhooʼnííh hade átʼı̨́įgo

Áłtsé éí nitsihodindiłgo haitʼéegoshąʼ haʼííníilníi doo?