ŁAHDAÁSH tsʼídá doo nił hóótsʼíídgóó doodaiiʼ depression biniinaa doo hinishnáa da doo ninzı̨́ı̨́ʼ? Ákwíindzaago éí Adriana ákótʼéego bił hooʼaahígíí baa ákonínízin. Éí bidaʼdiiłʼáhígíí bide ádzaago tiʼhoonííh bee chʼééná jílı̨́, dóó doo bił chohooʼı̨́į da. Adriana éí depression bee naa dahooʼaʼ lá bidooʼniid.

Kaoru éí Japanese dineʼé jílı̨́, hazhéʼé dóó hamá bąąh dahazʼą́ dóó haastihgo baa áhojilyą́. Áko ájíní, “Shinaanish ałdóʼ shide ádzaa. Kótʼéego shił hazʼánígíí biniinaa doo ashą́ą da, áádóó doo hazhóʼó ashwosh da. Dasétsą́ągo tʼéiyá shikʼi hodooldoh nisingo nitsídíkééz.”

Ojebode éí Nigerian dineʼé jílı̨́įgo ájíní, “Tʼáá áłahjįʼ doo shił hatsʼíídgóó biniinaa kʼadę́ę yíscha łeh, áko sheʼiinaʼ haitʼéego lá nideeshtʼih nisingo baa nitséskees łeh.” Ojebode, Kaoru, dóó Adriana tʼáadoo nidaʼádistseed daígíí baa ahééh ílı̨́. Ákondi ląʼí damííl éí nidaʼádíltseed.

Hastóí shíká oohjeeh dadidoohniiłgi yaa yádanízingo biniinaa, éí aláahgo nidaʼádíltseed. Kótʼéego nitsíníkees ládą́ą́ʼ, tʼáá shǫǫdí, tʼáá háiida níká adoolwołígíí łaʼ yídííkił. Jesus éí diné bąąh nidahazʼánígíí azeeʼííłʼíní yichʼįʼ doogááł, ní. (Luke 5:31) Doo hoł hóótsʼíídgóó jidínéesdlı̨́įʼgo éí azeeʼálʼínídę́ę́ʼ áká adoolwołii bee haʼjólníi doo. Ojebode, Kaoru, dóó Adriana éí áádę́ę́ʼ bíká aʼoolwod, áko kʼad éí hadaʼólní.

Azeeʼííłʼíní éí diné doo bił dahátsʼíídígíí azeeʼ bee, doodaiiʼ diné yichʼįʼ yádaałtiʼgo yíká anídaajah. Áádóó díí tidaʼhooníhígíí éí bikʼéí dóó bikʼis baa dajoobaʼígíí bíká adoojahgo deinízin. Ákondi Jiihóvah God éí tsʼídá aláahdi hakʼis nilı̨́įgo nihá yáʼátʼééh. Éí Diyin Bizaad yee nihíká adoolwołii nihainílá.

Diné doo bił hóótsʼíídgóó doodaiiʼ depression yikʼee nagháago éí nízaadgóó baa áháyą́ą łeh. Ákondi éí haitʼéego yichʼįʼ haʼólní dooleełgo yíhodoołʼááł. Ojebode nahalingo, depression bee nichʼįʼ nahwiiʼnáago éí náasdi yáʼátʼééh nídahodoodleełígíí bibaʼ ánítʼée doo. Éí kójíní: “Isaiah 33:24 bibaʼ áníshtʼé, éí náasdi nihokááʼ yáʼátʼéehgo haa hodidoolníłígíí yaa halneʼ, áadi ‘kééhatʼínígíí doo łaʼ daastsaah didooniił da.’” Ojebode beʼíłʼı̨́, éí “nahasdzáán ániidíii” áádóó “adiniih ádin doo” níigo God yee ádee haadzííʼ yę́ę, yee haʼólní. (Revelation 21:​1, 4) Nintsékees bąąh dahazʼą́ doodaiiʼ depression bee naa dahooʼaʼ yę́ę niidoołtʼih. Chʼééná hwiinidzin yę́ę ałtso ádin doo. Neezgaigo nidaʼdiiłʼáh yę́ę “doo bééhániih da doo, doo nidi baa nitsáhákees da” doo.—Isaiah 65:17.