TʼÓÓ ahayóí ałʼąą átʼéego iiná dóó anoonééł yaa nitsídaakees. Diné ádin yileehgo éí hádí shı̨́ı̨́ nááhojídlǫ́ǫ danízingo, łaʼ yaa nitsídaakees. Łaʼ éí nááhoʼdichíihgo, iiná tʼáá náás yitʼihgo dayoodlą́. Łaʼ éí anoonééł tʼáá áajįʼ ninítʼiʼgo yaa nitsídaakees.

Diné ájídingo haash yiitʼįįhgi, ni shı̨́ı̨́ łahgo átʼéego baa nitsíníkees. Iiná ninítʼiʼjįʼ bikéédóó haash dooníiłgi, diné éí ałʼąą átʼéego yaa nitsídaakees. Ndi tʼááłáhíjígoósh tʼáá aaníinii átʼé?

Tʼáá níléídę́ę́ʼ, dahalneʼii éí hwiiʼ sizíinii náásgóó dahiináago yee nidaʼnitin. Tʼóó ahayóí diné daʼoodlání danilíinii—Christians, Hindus, Jews, dóó Muslims—éí hwiiʼ sizíinii náásgóó dahiinánígíí dayoodlą́. Éí yádiłhił biiʼ nááhojídlǫ́ǫ doo daaní. Buddhists éí force doodaiiʼ mental energy deiłnínígíí dayoodlą́ągo átʼé, éí bił dahodéezyéel (éí Nirvana dayózhí).

Tʼóó ahayóí éí diné ádin yileehgo náánáłahdi iiná nááhódlǫ́ǫgo dayoodlą́. Ájídingo éí iiná tʼóó ahééhíítʼée nahalingo yaa nitsídaakees. Ádin jileehgo éí God íinízinii biniinaa ákótʼįįh. Ndi Diyin Bizaad éí haitʼéego naʼnitin? Tʼáá náás ííníłtaʼgo éí binahjįʼ bikʼídíníítááł.