1. Haʼátʼíí biniinaa yilʼaadii Paul hoł hólneʼgo ałkʼidą́ą́ʼ Hííbrew Oodlání ahidiníłná yéigo hadaʼíínółní yiłní?

AŁKʼIDĄ́Ą́ʼ, yilʼaadii Paul éí Hííbrew Oodlání áyidííniid: “Haaʼíshąʼ ayóóʼádaʼííníiʼníigo índa naanish yáʼátʼéehii baa neiikaigo ałkʼi nideiildzilgo ahídaniidlı̨́į doo. Áłah néiidleehígíí łaʼ nidayiisííh, nidi haaʼíshąʼ nihí tʼáadoo nidahiilzíhí doo. . . . Beidoołkáłígíí koshídę́ę́ʼ bichʼįʼ hoolzhishgo baa ákodanoohsįįh, haaʼíshąʼ hózhǫ́ yéego ahił yadahoniidlįįh doo.” (Hebrews 10:24, 25) Nihibrothers doo daatsʼí yikʼiʼdiitą́ą da. Haʼátʼíí biniyé Paul éí tʼáá íiyisíí bidadinołkaal áádóó yéigo ahidiníłná hadaʼíínółní hodííniid? Ashdlaʼ nááhai tʼáá bichʼįʼ dóó bił béédahózin. Éí Jiihóvah yee nihodiyootʼááł beiníłką́ éí Jerúsalemdi áhodooníiłgo bikʼi hoolzhiizh nínę́ę baa ákodazhniizı̨́ı̨́ʼ. Hoł béédahózingo, kin dashijaaʼ biiʼdę́ę́ʼ chidahizhneezchʼą́ą́ʼ éí Jesus ákódííniid yę́ę bikʼehgo ádajiidzaa. (Luke 21:20-22; Acts 2:19, 20) Íídą́ą́ʼ Jiihóvah yaa hólneʼ éí 70 nááhai góneʼ Rome dineʼé Jerúsalem ádabiʼdisdįįd.

2. Haʼátʼíí biniyé ahidiníłnáago haʼahóní tʼáá ałhąąh baa nitsídeikeesgo achʼįʼ bee yádeiltiʼ doo?

 ² Dííshjı̨́įdi, Jiihóvah “ayóó átʼéego ádoonííł índa tʼóó hóyéʼígi áhodoonííł” éí bichʼįʼ hoolzhish. (Joel 2:11) Halneʼii Zefanáíyah saad kótʼéego yee haadzííʼ éí dííshjı̨́įdi áhodooníłígíí: “Ayóó átʼéego Bóhólníihii [Jiihóvah] beidoołkáłígíí baa hoolzhíísh. Koshídę́ę́ʼ hoolzhish, áádóó tʼáadoo hodinaʼí ayóó áhodoonííł.” (Zephaniah 1:14) Díí biniyé “haaʼíshąʼ ayóóʼádaʼííníiʼníigo índa naanish yáʼátʼéehii baa neiikaigo ałkʼi nideiildzilgo ahídaniidlı̨́į doo.” (Hebrews 10:24) Nihibrothers bił ahééh dahwiilzįįhgo éí binahjįʼ haʼahóní bee bichʼįʼ yádeiltiʼ doo.

3. Yilʼaadii Paul díí haʼahóní haʼátʼíí áhyiłní? (Áłtsé naashchʼąąʼígíí níníłʼı̨́.)

³ “Diné bijéí biiʼ biʼdiiłʼáii hólǫ́ǫgo éí yikʼee yínííł sidáa łeh, nidi saad yáʼátʼéehii bee bichʼįʼ haʼadzihgo éí bił náhooshǫǫł.” (Proverbs 12:25) Tʼáá áníiltso haʼahóní daniidzin. Paul éí Romedi habrothers bichʼįʼ ájiilaa: “Háálá kʼadę́ę danihiistsééh, Diyin God yee shikʼijidlíii łaʼ bee nihił hodeeshnihgo nihí ałdóʼ bee nihikʼihwiizhdoodliiłgo bee nihidziil dadoohłeeł nisin. Jó, éí nihí índa shí tʼááłáʼí oodlą́ bee ahidiníłnáago hadaʼahííníilníi dooleełígíí ááhdishní.” (Romans 1:11, 12) Éí bił bééhózin díí hastóí naanish bąąh niilyáhígíí nááná łahjįʼ haʼahóní yee yichʼįʼ yádaałtiʼ áádóó tʼáá bí haʼahóní deinízin ałdóʼ. Yilʼaadii Paul ałdóʼ haʼahóní yinízin ńtʼééʼ.​—Romans 15:30-32 yíníłtaʼ.

4, 5. Dííshjı̨́įdi háísh éí haʼahóní bee bichʼįʼ hadíídzih? Haʼátʼíí biniinaa?

⁴ Jiihóvah tʼáá áłahjįʼ yá ndaalʼaʼígíí ałdóʼ haʼahóní deinízin. Alą́ąjįʼ nidahalneʼii danilínígíí baa nitsíníkees. Łaʼ éí haʼátʼíí shı̨́ı̨́ bee iinaʼ ádeiłʼínę́ę nideidiyiiʼaahgo alą́ąjįʼ haneʼ deiniizı̨́ı̨́ʼ. Missionaries, Bethelites, circuit overseers danilínígíí dóó bedaʼasdzą́ą́, índa remote translation office nidaalnishígíí éí ałdóʼ haʼahóní deinízin. Tʼáá ałtso beʼiinaʼ ninádeideezʼą́ągo Jiihóvah yá ndaalʼaʼ. Áko saad bee haʼahónínígíí bee bíká ánéilwoʼ doo. Tʼóó ahayóí éí Jiihóvah tʼáá áłahjįʼ yá ndaalʼaʼ ńtʼééʼ ndi doo yídaneelʼą́ą da daazlı̨́ı̨́ʼ. Saad bee haʼahónínígíí bee bichʼįʼ yádeiltiʼgo baa bitah bił dahózhǫ́.

⁵ Háísh haʼahóní deinízin? Ląʼí éí saad bee haʼahónínígíí nihibrothers dóó nihisisters tʼah doo daʼiiyehígíí éí Jiihóvah yikʼeh dahółʼı̨́ daʼdooyehígíí “Bóhólníihii íinízinii bikʼehgo tʼéiyá.” (1 Corinthians 7:39) Oodlání atídabiʼdilʼínígíí doodaiiʼ bitsʼíís bee bichʼįʼ anídahaztʼiʼígíí éí haʼahóní bee bíká anídeilwoʼ. (2 Thessalonians 1:3-5) Eʼasdzą́ą́ ałdóʼ haʼahóní deinízin. Ahastiin ayóóʼánííníshʼní dabiłníigo dóó tʼáá ałtso áníłʼínígíí baa ahééh nisin. (Proverbs 31:28, 31) Jiihóvah dóó Jesus bedaʼoodląʼ daniłdzilígíí éí hadaʼíínółní yiłní.​—2 Thessalonians 2:16, 17 yíníłtaʼ.

6. Isaiah 32:1, 2 bitsʼą́ą́dóó, elders haʼátʼíísh bindaanishgo ádeiyósin?

⁶ Isaiah 32:1, 2 yíníłtaʼ. Nihichʼįʼ nidahwiiʼnáago nihił hazʼą́ kʼad. Díí biniinaa yéigo nihąą ninádahakaʼ. “Naatʼáanii danilíinii”éí elders anoint ádaalyaaígíí dóó dibé náánáłaʼígíí óolyé. Éí díí Jesus bee hadaʼjólníigo dooleełígíí choyoołʼı̨́. Díí elders éí nihee daʼoodląʼ doo ‘yee ádídahólníih da.’ “Nihił dahoniilzhǫ́ biniyé  nihineiilnish.” Nihíká anájahgo nihił dahózhǫ́ dóó niheʼoodląʼ bidziilgo ádeíníilzin.​—2 Corinthians 1:24.

7, 8. Haitʼéego elders haʼahónínígíí nááná łahjįʼ yee yichʼįʼ yádaałtiʼ dóó yee ádaʼałʼı̨́?

⁷ Elders éí yilʼaadii Paul yee ádaʼałʼı̨́. Éí tʼáá áłahájįʼ bibrothers hadaʼíínółní yiłní. Thesalonáíka áadi Oodlání tiʼdahooníhígíí yichʼįʼ íʼiilaa: “Diyin God bitsʼą́ą́dóó haneʼ yáʼátʼéehii bee nihił nidahosiilneʼ, nidi doo díí tʼéiyá da, nidi ayóóʼádanihííníiʼníigo bąą nihá nináʼádadiyeetʼą́, háálá áhánígo nihikʼéí dasoolı̨́ı̨́ʼ.”​—1 Thessalonians 2:8.

⁸ Elders ayóó haʼahóní saad yáʼátʼéhígíí yee yichʼįʼ yádaałtiʼ. Ákosh tʼáá éí tʼéiyá? Paul éí elders Éfesasdę́ę́ʼ kwííłní: “Éí bikʼehgo naanish bidadoołkaalígíí bee ádíʼoh daneelʼánígíí bíká anídaahjah doo, áádóó Bóhólníihii Jesus tʼáá bí bizaad yee haadzíiʼii béédaałniih doo, Tʼáadoo leʼé azhʼníláii éí haa yílyáii bilááh átʼéego baa hózhǫ́.”(Acts 20:35) Paul éí ání, “nihá ninádideeshʼááł, tʼáá shí nidi nihá nináʼádideeshtʼááł.” Éʼéłʼínígíí ííshjání yee íʼiilaa áko haʼátʼíí shı̨́ı̨́ dazhnízinígíí yee háká eelwod. (2 Corinthians 12:15) Paul nahalingo, elders éí nááná łahjįʼ haʼahóní saad yáʼátʼéhígíí yee yichʼįʼ yádaałtiʼ dóó bee oʼooʼlįʼ ałdóʼ. Éigi átʼéego, yee nihaa ádahalyánígíí nihił béédahózin.​—1 Corinthians 14:3.

9. Haitʼéego elders haʼólní yee naʼakʼíyádaałtiʼ ádaʼałʼı̨́?

⁹ Nihibrothers yee dabidziil dooleełígíí éí elders łahda naʼakʼíyádaałtiʼígíí yee yíká anídaajah. Diyin Bizaad dayółtaʼgo elders éí yee naʼakʼíyádaałtiʼígíí yee hadaʼólníi dooleeł. Jesus naʼakʼíyádaałtiʼ yę́ędą́ą́ʼ baa nitsíníkees. Jesus biʼdiisyı̨́ dóó náábiʼdiilzá bikéédóó Asia Minor akǫ́ǫ́ haneʼ ályaa éí áłah nídaʼadleehjįʼ bił hólneʼ. Éfesasdi, Pérgamasdi, dóó Thaiyatáíradi łaʼ saad bidziilgo naʼakʼíyádaałtiʼígíí éí áłah nídaʼadleehgi. Hazhóʼó ádaʼjiłʼínígíí yee hahaasnih bikéédóó índída naʼakʼíyádaałtiʼígíí hachʼįʼ yee haadzííʼ. (Revelation 2:1-5, 12, 13, 18, 19) Leiyodisíyadi áłah náʼádleehígíí éí Jesus hoł hólneʼ: “Ayóóʼádaóshʼníinii nídadishteh índa atídaashłeʼgo [adíteh] nidanishtin; éí bąą yéego ádaahtʼı̨́ índa łahgo átʼéego tsíńdahidohkeesgo yéego bídanoohdlı̨́.” (Revelation 3:19) Elders éí Jesus éʼéłʼínígíí átʼéego naʼakʼíyádaałtiʼ.

10. Haitʼéego tʼáá áníiltso ahidiníłnáago ahééh danihidziil?

¹⁰ Elders doo tʼáá bí tʼéiyá haʼahónínígíí deinízin da. Paul éí Oodlání yichʼįʼ haadzííʼ “ashjaʼoolíiłgi saad bidahónéedzáanii bee yádaałtiʼ, áko éí deidiitsʼaʼii bee bikʼidahojidlíigo” nááná łahjįʼ ałdóʼ. (Ephesians 4:29) Tʼáá áníiltso éí baa nitsíikees nááná łahjįʼ bee bíká adiilwoł. Hííbrewdi Oodlání éí Paul hachʼįʼ akʼeʼashchı̨́: “Éí bąą nihigaan tʼóó nihąąh nidahaaznilii áádóó nihigodtaʼ doo daniłdzil da daazlı̨́įʼii bidziilgo ánídaahdleʼ! Áádóó kʼéhézdongo deínóhkáahgo ádaʼdołneʼ, áko naʼnilwodii doo tʼóó tséʼédin ádooníił da, nidi yáʼátʼééh nídadoodleeł.” (Hebrews 12:12, 13) Tʼáá áníiltso adziil dóó haʼahóní ahidiníłnáago bee ałchʼįʼ yádeiltiʼ. Nihił béédahózin nooséłígíí ałdóʼ nááná łahjįʼ haʼahóní yee yádaałtiʼ.

11. Marthe éí yinííł jizlı̨́ı̨́ʼ ńtʼééʼ, haitʼéego háká oʼoolwod?

¹¹ Nihisister Marthe wolyéhígíí éí yinííł  jizlı̨́ı̨́ʼ. * (Footnote níníłʼı̨́.) Éí akʼeʼashchı̨́įgo ání: “Haʼahóní bíká sozdoolzin ńtʼééʼ. Sister náás silı̨́ʼígíí éí ayóóʼóʼóʼnínígíí dóó haʼahóní shichʼįʼ ííshjání áyiilaa. Tʼáá íiyisíí bídin nishłı̨́į ńtʼééʼ. Shí ałdóʼ łah ákóníshtʼée ńtʼééʼ hałní. Díí binahjįʼ doo éí tʼáá sáhí naasháa da.” Díí sister doo yaa ákonízingóó ndi saad Marthe yee yíká eelwod!

12, 13. Philippians 2:1-4 góneʼ naʼakʼíyádaałtiʼígíí éí haitʼéego bikʼeh ádaʼdiilnííł?

¹² Fílipaidi Oodlání éí Paul akʼeʼashchı̨́ kóní: “Christ bee chánah danohłı̨́įgo, éí ayóóʼánihóʼníigo bee nihikʼi dahataʼgo, níłchʼi diyinii bił ahił danohdlı̨́įgo, ahaa aʼááh danohsingo ayóóʼádaʼahíínóhʼníigo, haaʼíshąʼ yíní áádóó ayóóʼóʼóʼní tʼááłáʼí bee índa tʼááłáʼí nitsáhákeesgo nahatʼá bee shíniʼ bíighahgo shił hózhǫ́ǫgo ádashíínóhsin leʼ. Ałchʼą́ą́h naʼaʼnaʼ áádóó ádaa hodzódliʼ bee tʼáadoo haʼátʼíhída baa nidaahkaaí, nidi aʼohgo nitsáhákees bee náánáłaʼ nihiláahdi ádaatʼéego baa nitsídaahkees. Tʼáá ádíighahígo tʼáadoo leʼé tʼáadoo ádá baa nitsídaahkeesí, nidi tʼááłáʼí nootínígo náánáłaʼ yídaneedlíinii ałdóʼ bá baa nitsídaahkees.”​—Philippians 2:1-4.

¹³ Tʼáá áníiltso bíká dadíníitʼı̨́ʼígíí éí nááná łahjįʼ bee bíká adiilwoł. Nihibrothers dóó nihisisters hadaʼólníi doo áádóó ayóóʼánihóʼníigo bee nihikʼi dahataʼgo, ahidiníłnáago bee kʼe dahidiiʼní.

14. Haitʼéego haʼahóní éí łaʼ bee bił ííshjání ádiilnííł?

¹⁴ Baa dahodiistsʼą́ą́ʼ baa nihił dahózhǫ́ tʼahdii Jiihóvah yá ndaalʼaʼ. Yilʼaadii  John akʼeʼashchı̨́ kóní: “Shaʼáłchíní éí tʼáá aaníinii yikʼehgo dayíkáahgo baa hodisítsʼą́ʼígíí éí biláahgo baa shił nááhodoojǫǫłii tʼáá ádin.” (3 John 4) Ayóó baa hózhǫ́ łaʼ alą́ąjįʼ nahalneʼii náánáłaʼ Diyin Bizaad yee nideineeztą́ą́ʼ éí Jiihóvah yá ndaalʼaʼ tʼahdii danilı̨́. Kʼad shı̨́ı̨́ éí łaʼ alą́ąjįʼ nahalneʼii danilı̨́. Alą́ąjįʼ nahalneʼii łaʼ baa ninadahakaʼgo, éí saad haʼahónínígíí bee bichʼįʼ yádeiltiʼgo nizhónígo bíká adiilwoł.

15. Tʼáá łahjįʼ Jiihóvah yá ndaalʼaʼígíí haitʼéego yee hadaʼólníigo baa ádadiilnííł?

¹⁵ Ląʼí circuit overseers danilínígíí ádaaní, bí dóó beʼasdzą́ą́ éí áłah náʼádleeh nidaakaigo haʼahóní binahjįʼ ahéheeʼ dabiłníigo naaltsoos bichʼįʼ áńdayiilʼįįh yaa ahééh danízin. Ałdóʼ elders, missionaries, dóó Bethelites danilínígíí éí tʼáá átʼé Jiihóvah yá ndaalʼaʼ. Baa ahééh daniidzingo bee bił dahwiilneʼ, díí saad haʼahónínígíí bił ííshjání ííníilzin éí ílı̨́įgo yaa nitsídaakees.

16. Haʼátʼíísh tʼáá bééhózínígo ndi haʼahóní bee bichʼįʼ hadiidzih?

¹⁶ Łahda saad bee hadiidzihígíí nihaa nanitłʼah, haitʼéego bee bił hodiilnih? Yee hadaʼólní éí doo nanitłʼah da. Łaʼda bichʼįʼ nił hózhǫ́. Nátʼą́ą́ʼ doo bił hózhǫ́ǫ́góó łaʼda tʼáadoo leʼé biʼdiiłʼáago áádóó tʼáá háida shichʼįʼ hadziih leʼ nízin. Tʼóó yíísíníłtsʼą́ąʼgo bee bíká adiilwoł.​—James 1:19.

17. Haʼátʼíísh nihibrother yee haʼólní?

¹⁷ Nihibrother Henri bikʼéí yaa hodiistsʼą́ą́ʼ ahánígo yił kʼé daa ahidiʼnínę́ę Jiihóvah doo yá ndaalʼaʼ da daazlı̨́įʼgo yaa bíniʼ. Díí łaʼ éí hazhéʼé lá, éí elder nilı̨́į ńtʼééʼ. Łaʼ circuit overseer,  Henri yaa ákoniizı̨́ı̨́ʼ yinííł nilı̨́įgo dóó ahwééh dajidlą́ągo bił jiníʼáázh. Áadi éí hazhóʼó jíistsʼą́ąʼgo Henri ałtso átʼéhę́ę yee hoł nahasneʼ. Henri yaa ákoniizı̨́įʼgo tʼáá shí áníshtʼéego tʼéiyá shikʼéí bee bíká adeeshwoł wołí bee Jiihóvah bá naashʼaʼ doo. Tʼáá áłahájįʼ yee haʼóníi dooígíí éí Psalm 46, Zephaniah 3:17, dóó Mark 10:29, 30 yółtaʼ łeh.

18. (a) Naatʼáanii Sálaman éí haitʼéego haʼahóní yee ííshjání áyiilaa? (b) Yilʼaadii Paul éí haʼátʼíísh yee haadzííʼ?

¹⁸ Marthe dóó Henri áátʼįįdígíí haʼátʼíísh bitsʼą́ą́dóó bídahodiilʼááł? Tʼáá háida ndi haʼahóní nihibrothers dóó nihisisters bee bíká adiilwoł. Naatʼáanii Sálaman akʼeʼashchı̨́ kóní: “Tʼáá bá átʼéé góneʼ haʼoodzíʼígíí dooládóʼ yáʼátʼéeh da. Diné bił nihoozhǫǫhii jiníłʼı̨́įgo éí hajéí yił hóshǫ́ǫ łeh, áádóó yáʼátʼéehgo haneʼii éí bee hatah yáʼáhootʼéeh łeh.”(Proverbs 15:23, 30) Łaʼdaásh ákótʼéego baa ákonínízin dóó yínííł naagháhígíí? Akǫ́ǫ́ dinaago Bee Haʼídéesʼı̨́įʼii biyiʼdę́ę́ʼ bichʼįʼ ííníłtaʼ doodaiiʼ website bichʼįʼ ííshjání ánílééh. Paul éí Jiihóvah bichʼįʼ dahojitaałígíí bee haʼahóníigo bee hatah yáʼáhootʼééh łeh. Éí akʼeʼashchı̨́įgo ání: “Ahidiníłnáago nidaʼahinohtin, índa chánah ádaʼahíínółzin, áádóó Diyin God bizaad biyiʼdóó sin, áádóó sin bee Diyin God baa haʼniihii, índa ajoobaʼ nihijéí biiʼ hólǫ́ǫgo níłchʼi . . . kʼehgo sin bee Bóhólníihii [Jiihóvah] bichʼįʼ dahohtaał.”​—Colossians 3:16; Acts 16:25.

19. Haʼátʼíí biniyé díí haʼahóní tʼáá áłahájįʼ ádeíníilzin doo? Haitʼéego ádaʼdiilnííł?

¹⁹ Jiihóvah beidoołkááł bichʼįʼ hoolzhish, ahidiníłnáago haʼahóní aláahgo ílı̨́įgo ádeíníilzin. (Hebrews 10:25) Baa nihił dahózhǫ́ ádeinósin Paul yee haadzííʼígíí: “Tʼáá ádaahtʼínígi átʼéego chánah ídaʼahołneʼ índa ahíłká anáhjahgo nihidziil ádaʼahołnééh.”​—1 Thessalonians 5:11.