1. Haitʼéego łaʼda áhánígo hakʼis dooleeł?

ŁAʼDA áhánígo shikʼis dooleeł jinízingo éí tʼáá ahą́ą́h bił ahéézhdiitʼash łeh. Baa nitsíjíkeesii índa hoł áhootʼéii bee ahił hojilneʼgo éí ałkʼis jidooleeł. Jesus áhánígo shikʼis dooleeł niidzingo éí nihá nantłʼago áyósinii dahólǫ́. Haʼátʼíí biniinaa kótʼé?

2. Nihá nantłʼa áłtséhígíí éí haʼátʼíí?

² Nantłʼa áłtséhígíí éí, Jesus doo bił daʼahiitʼı̨́į da. First century Oodlání yę́ę ląʼí tʼáá ákótʼéego bá nidantłʼa ńtʼééʼ. Ákótʼée ndi, yilʼaadii Peter ání: ‘Tʼah doo dahoołtséeh da ndi ayóóʼádahwíínóhʼní; azhą́ kʼad doo dahoohʼı̨́į da ndi dahwiinohdlą́.’ (1 Pet. 1:8) Díí bikʼehgo éí Jesus doo bił daʼahiitʼı̨́į da ndi, áhánígo bikʼis diidleełgo átʼé.

3. Nihá nantłʼa naaki góneʼígíí éí haʼátʼíí?

³ Nantłʼa naaki góneʼígíí éí, Jesus doo bich yéiiltiʼ da. Sodiilzingo éí Jiihóvah bichʼįʼ yéiiltiʼ. Jesus bízhiʼ éí binahjįʼ sodadiilzin, áko tʼáá bí éí doo bichʼįʼ yéiiltiʼ da. Jesus éí tʼáadoo shichʼįʼ sodadoołziní nihiłní. Haʼátʼíí biniinaa? Sodizin éí bee nahadlá átʼé, áko Jiihóvah tʼéí dólzin doo. (Matt. 4:10) Ákondi Jesus ayóóʼííníiʼníigo éí bééhóziní íilʼı̨́į doo.

4. Nihá nantłʼa tááʼ góneʼígíí éí haʼátʼíí, áádóó haʼátʼíí baa nídadíitʼįįł?

⁴ Nantłʼa tááʼ góneʼígíí éí, Jesus yáʼąąshdi kééhatʼı̨́, áko  bił honiidlǫ́ǫ doogi doo nihá bohónéedzą́ą da. Kótʼéé shı̨́į ndi, Jesus éí ląʼígóó bee bééhodiilzįįłgo átʼé. Bikʼis niidlı̨́įgo bidziil dooleełgi dı̨́įʼgo hazʼą́, éí dadíníilʼįįł. Áłtsé dadíníilʼįįłígíí éí Christ áhánígo bikʼis niidlı̨́į doogi haʼátʼíí biniyé tʼáá íiyisíí ílı̨́įgo átʼé.

5. Haʼátʼíí biniyé Jesus bikʼis niidlı̨́į doo? (“ Jesus Bikʼis Jílı̨́įgo éí Jiihóvah Ałdóʼ Bikʼis Jílı̨́į Doo” dóó “ Jesus Ííníʼníigi Bee Ádaa Áhólyą́” ałdóʼ níníłʼı̨́.)

⁵ Jiihóvah áhánígo bił kʼé ahidiiʼníi doogo éí Jesus áhánígo bikʼis niidlı̨́į doo. Biniinaanígíí éí naaki, éí baa nitsíníkees. Áłtséhígi éí, Jesus bídahoołʼaahii ííłní: “Ayóóʼádashíínóhʼnínígíí . . . bąą, aTaaʼ tʼáá Bí ayóóʼánihóʼní.” (John 16:27) Jesus ałdóʼ ánáádooʼniid: “Diné doo łaʼ aTaaʼ yaa doogáał da, shí sheego tʼéiyá.” (John 14:6) Jesus doo bikʼis jílı̨́ı̨́góó éí Jiihóvah ahánígo bił kʼé ahizhdiʼníigi doo bíighah da. Éí dáádílkał doo chojoołʼı̨́ı̨́góó kin góneʼ chʼééh yah ajighááh nahalin. Jesus tʼáá bí ání: “Shí dibé bichʼéʼétiin nishłı̨́.” (John 10:7) Naaki góneʼígíí éí, Jesus Bizhéʼé tʼáá ałtsojįʼ átʼéiigi nizhónígo yiʼoolííł. Bídahoołʼaahii ííłní: “Tʼáá háiida shiiłtsánígíí éí aTaaʼ yiyiiłtsą́.” (John 14:9) Áko Jesus áhánígo bééhodiilzįįłgo éí Diyin Bizaad íiyisíí yíníiltaʼgo neilkaah doo. Jesus baa íhwiilʼaahgo éí ayóóʼííníiʼníigi bidziil dooleeł. Jesus bikʼis diidleełgi bidziil dooleełgo éí Jiihóvah ayóóʼííníiʼnííjí ałdóʼ tʼáá ákótʼée doo.

6. Haʼátʼíí ałdóʼ biniinaa Jesus bikʼis niidlı̨́į doo? Łaʼ chʼíníʼaah.

⁶ Jesus bikʼis niidlı̨́įgo tʼéiyá nihisodizin nihá biʼdoolnííł. Sodiilzingo éí doo  tʼóó “Jesus bízhiʼ binahjįʼ” diiʼníi da doo. Jiihóvah éí Jesus choyoołʼı̨́įgo nihisodizin yiyíistsʼą́ąʼgo yiʼoolíiłgi baa ákoniidzin doo. Jesus bídahoołʼaahii ííłní: “Tʼáá haʼátʼíhída shízhiʼ bee dayínóhkeedgo, éí ádeeshnííł.” (John 14:13) Azhą́ Jiihóvah tʼéí nihisodizin yidiitsʼaʼgo yiʼoolíił ndi, íinízingi éí Jesus yeʼdoolíiłgo yeidiyiiʼaah. (Matt. 28:18) God tah doo nihisodizin yeʼalééhgóó éí Jesus yee naʼneeztą́ą́ʼ yę́ę bikʼehgóó daatsʼí ániitʼéegi áłtsé yíká déezʼı̨́ı̨́ʼ. Jesus ání: “Diné nihichʼįʼ doo ákǫ́ǫ́ ádáátʼįįdii bá yóóʼadahidohʼaahgo nihiTaaʼ yáʼąąshdi hólóonii bichʼįʼ doo ákǫ́ǫ́ ádaotʼįįdii ałdóʼ nihá yóóʼiidiiʼaah doo, nidi diné nihichʼįʼ doo ákǫ́ǫ́ ádáátʼįįdii doo bá yóóʼadahidohʼaahgóogo, nihiTaaʼ bichʼįʼ doo ákǫ́ǫ́ ádaotʼįįdii ałdóʼ doo nihá yóóʼiididooʼáał da.” (Matt. 6:​14, 15) Jiihóvah dóó Jesus nihaa joobaʼígi átʼéego náánáłaʼ baa jiiniibaʼgo éí ílíinii átʼé.

7. Jesus niná ádeetʼą́ągi hai bíká adoolwoł?

⁷ Jesus bikʼis niidlı̨́įgo tʼéiyá nihá niná ádeetʼą́ągi nihíká adoolwoł. Díí haitʼéego nihił bééhózin? Jesus ání: ‘Shikʼisóó ayóóʼóóshʼníinii bá nináʼádideeshtʼááł.’ (John 15:13) Jesus tʼah doo nahasdzáán yikááʼ yíghááhgóó Jiihóvah yá nidaasʼaʼ yę́ę éí Jesus béédahozhdoosįįłgo ayóóʼádajóʼní dazhdooleeł. Éíbraham, Sárah, Mózes, dóó Réíhab éí náábidiʼdooljah. Azhą́ tʼáá ákogi ádajitʼéego Jiihóvah bá nidajisʼaʼ ndi, Jesus éí bikʼis dazhdooleełgo iiná doo ninítʼiʼii haa dadoolyééł.—John 17:3; Acts 24:15; Heb. 11:​8-12, 24-26, 31.

8-9. John 15:​4, 5 bikʼehgo Jesus bikʼis niidlı̨́įgo haʼátʼíí bídaniilʼą́ą doo ní? Éí haʼátʼíí biniyé ílı̨́įgo átʼé?

⁸ Baa nihił dahózhǫ́ Jesus nihił hólǫ́ǫgo God biNahatʼaʼ baa haneʼ yáʼátʼéehii baa nidahwiilneʼ áádóó bee nidaʼniitin. Jesus nahasdzáán yikááʼ naagháhą́ądą́ą́ʼ éí naʼnitinii nilı̨́ı̨́ ńtʼééʼ. Yáʼąąshgóó anáádzáago congregation yá atsiiʼ nilı̨́, áádóó nahaneʼgi índa naʼnitingi hakʼehgóó áʼoolʼįįł. Wołí bee ánítʼı̨́įgo naʼnítingo łaʼda Jesus dóó Bizhéʼé yééhodoosįįłgi Jesus yéigo yaa ahééh nízin. Jiihóvah dóó Jesus nihíká anáhiʼnilchéehgo tʼéiyá díí naanish bídaniilʼą́ą doo.—John 15:​4, 5 yíníłtaʼ.

⁹ Diyin Bizaad éí Jesus ayóóʼííníiʼníigo tʼéí Jiihóvah bił honiilzhǫ́ǫ doo níigo naʼnitin. Dı̨́įʼgo ádiiʼníiłgo Jesus bikʼis diidleełgi kʼad baa nídadíitʼįįł.

10. Jesus bikʼis diidleełgo, haʼátʼíí éí áłtsé ádiiʼnííł?

¹⁰ (1) Jesus bééhonísįįh. Diyin Bizaad biiʼ naaltsoos Matthew, Mark, Luke, dóó John yíníiltaʼgo éí Jesus bééhodiilzįįł. Diyin Bizaad éí Jesus diné yaa joobaʼgo yaa halneʼígíí nabikʼítsíilkeesgo éí ayóóʼííníiʼní áádóó nihił nilı̨́ diidleeł. Díí baa nitsíníkees: Jesus éí bídahoołʼaahii binantʼaʼí jílı̨́į ndi, doo honaalteʼ danílı̨́įgo baa nitsíjíkees da. Shikʼis hóʼníigo Jesus tʼáá ałtsojįʼ yaa nitsékeesii yił ííshjání áyiilaa. (John 15:15) Yínííł bikʼee ádajítʼéego índa dajichago tʼáá hwíighah bí ałdóʼ ákótʼé. (John 11:​32-36) Bikʼijįʼ danilíinii éí Jesus yaa halneʼii bił yáʼádaatʼéehgo bikʼis daazlı̨́įʼgi yaa ákodanízin. (Matt. 11:19) Jesus bídahoołʼaahii yaa nitsékees yę́ęgi átʼéego nitsíikeesgo  éí náánáłaʼ bił kʼé ahidiiʼníigi yáʼátʼéeh doo. Kwíitʼı̨́įgo éí doo nihiʼdiiłʼahígóó nihił hózhǫ́ǫ doo áádóó Jesus ayóóʼííníiʼníigo nihił nilı̨́į doo.

11. Jesus bikʼis diidleełgo haʼátʼíí éí naaki góneʼ áʼdiilnííł, áádóó éí haʼátʼíí biniinaa ílı̨́įgo átʼé?

¹¹ (2) Jesus nitsékeesgi índa ááníiłgi beʼíłʼı̨́. Christ bintsíkees bee nitsíikeesgo áádóó baa ákoniidzingo beʼiilʼı̨́įgo éí áhánígo bikʼis niidlı̨́į doo. (1 Cor. 2:16) Jesus éí haitʼéego beʼiilʼı̨́į doo? Díí baa nitsíníkees: Jesus éí náánáłaʼ yíká adoolwołgi alą́ąjįʼ áyósin, doo tʼáá ádííghahígo bił hóshǫ́ǫ dooleełii yaa nitsékees da. (Matt. 20:28; Rom. 15:​1-3) Kótʼéego nitsékeesígíí biniinaa nináʼadiitʼaah áádóó doo ákogi éʼétʼé aa neidiyiiʼaah. Diné baa nídaatʼı̨́įgo doo ayóó yikʼee bíniʼ siʼą́ą da. (John 1:​46, 47) Diné nidaʼiisíihii doo yikʼijįʼ yisʼą́ągo bił dahwéelzhíish da. (1 Tim. 1:​12-14) Jesus ání: “Ayóóʼádaʼahíínóhʼníigo shídahoołʼaahii danohłı̨́įgo diné tʼáá ałtso bił béédahózin doo.” (John 13:35) Díí baa nitsíníkees: Jesus bikʼehgo wołí beeísh áshtʼı̨́įgo shibrothers dóó shisisters bił kʼé daʼáhidishʼní?

12. Jesus bikʼis diidleełgo haʼátʼíí tááʼ góneʼ ádiiʼnííł, éí haitʼéego ádiiʼnííł?

¹² (3) Christ bibrothers bíká anánílwoʼ. Jesus éí bibrothers anoint ádaalyaaígíí baa dajiiniibaʼgo éí tʼáá bí bá ádeitʼı̨́įgo yaa nitsékees. (Matt. 25:​34-40) Íiyisíí bee áká adiijahgi éí God biNahatʼaʼ baa nidahwiilneʼgi áádóó Jesus ánínée bikʼehgo nidaʼniitingo íhoołʼaahii ádeilneʼ doo. (Matt. 28:​19, 20; Acts 10:42) “Dibé náánáłaʼ” yiłnínígíí áká anájahgo tʼéiyá Christ bibrothers nahasdzáán tʼáá siʼą́ą́ ńtʼééʼ nahaneʼ kʼad bidaʼíníshígíí łaʼdeidoolííł. (John 10:16) Dibé náánáłaʼígíí nílı̨́įgo éí tʼáá nináhólnih bikʼeh Jesus bibrothers índa Jesus tʼáá bí ayóóʼííníʼníigo ánítʼı̨́.

13. Luke 16:9gi Jesus ánínée haitʼéego beʼdiilnííł?

¹³ Jiihóvah dóó Jesus bikʼis niidlı̨́įgo éí nahasdzáán tʼáá siʼą́ą́ ńtʼééʼ bikááʼ daʼíníishgo yikʼi déezʼı̨́ʼígíí éí ákwii béeso bee áká anéiilwoʼ doo. (Luke 16:9 yíníłtaʼ.) Díí éí kin dah naazhjaaʼ bitsʼą́ądi nahazʼą́ą́góó dahaneʼgi, hodílzin biniyé kin ádaalyaii áádóó baa ádahayą́ągi, índa hadah hootʼįįhgo binaalyeʼí ádin yileehígíí ałdóʼ bee bíká anéiilwoʼ. Kingdom Hallgi bee daʼdiltłiʼígíí áádóó bił yah anéijahígíí łaʼ bichʼįʼ anídahaztʼiʼ daaleehgo éí nihibéeso ałdóʼ bee áká adiilwoł. (Prov. 19:17) Kódaatʼéégóó Christ bibrothers bíká anéiilwoʼ doogo átʼé.

14. Ephesians 4:​15, 16 bikʼehgo dı̨́ı̨́ʼ góneʼ éí haʼátʼíí ádiiʼníiłgo Jesus bikʼis niidlı̨́į doo?

¹⁴ (4) Jiihóvah biorganization bikʼehgóó ánítʼé. Jesus éí congregation atsiiʼ yá nilı̨́, áko bikʼis niidlı̨́įgi bidziil doogo éí nihikʼi dadéezʼı̨́įʼii ahánígo bił nideilnish doo. (Ephesians 4:​15, 16 yíníłtaʼ.) Kʼad éí Kingdom Hallgi yah anídaajahígíí ánéelą́ąʼgi aheełtʼéego ádaalneʼ. Tʼáá díkwíhígo yah anídaajahígíí éí ałhiih dahaʼnííł áádóó territory bá ádaalneʼ. Kótʼéego ádaalneʼgo béeso doo ląʼí chooʼı̨́į da. Publishers shı̨́ı̨́ łaʼ kótʼéego ádaalneʼgi bídazhdínóoldı̨́ı̨́ł. Éí shı̨́ı̨́ łaʼ tʼááłáhígi atah yah anídajikahgo ląʼí nááhai áádóó habrothers dóó hasisters ahánígo hwéédahósin. Ákótʼée ndi kʼad éí náánáłaʼ congregationjí nidaałʼaʼ  dahodooʼniid. Jesus éí bá ndaalʼaʼí kótʼéego akʼeh dahółʼı̨́įgo yaa bił hózhǫ́.

15. Jesus bikʼis niidlı̨́įgi éí náasdi haitʼéego yáʼátʼéeh dooleeł?

¹⁵ Anoint ádaalyaaígíí éí hoolʼáágóó Jesus yił dahólǫ́ǫ doogo yíká bił chodahooʼı̨́, áádóó Jiihóvah biNahatʼaʼ bił hazʼą́ą́dę́ę́ʼ Jesus yił dahwéeʼaah doo. Jesus tʼáá bí bił dahojílǫ́ǫ doo, éí dajooʼı̨́, bił ałchʼįʼ yádajiłtiʼ, índa bił nijikai doogo ááhyiłní. (John 14:​2, 3) Nahasdzáán bikáaʼgi kéédahatʼı̨́į dooígíí éí Jesus ayóóʼábóʼníigo baa áhályą́ą doo. Díí éí Jesus doo dajooʼı̨́į da ndi, bił kʼé daʼahizhdiʼníigi éí bidziil yileeł doo. Háálá Jiihóvah dóó Jesus éí iiná baa hózhóonii bá yisłáa doo.—Isa. 9:​6, 7.

16. Jesus bikʼis niidlı̨́įgo haʼátʼíí bee nihikʼi hojídlíi doo?

¹⁶ Jesus shikʼis dííleeł nihił nínígíí nídiilyáago éí ląʼígóó bee nihikʼi hojídlíi doo. Tʼáá kʼad ndi ayóóʼánihóʼníigo nihíká análwoʼgo nihił béédahózin. Hoolʼáágóó hiniiʼnáa doogi nihá bohónéedzą́. Jesus bikʼis niidlı̨́įgo éí tsʼídá aláahdi ílíinii nídidiilyééł. Éí Jesus Bizhéʼé Jiihóvah áhánígo bił kʼé ahidiiʼníi dooleeł. Jesus bikʼis danihidiʼníigo, dooládóʼ baa hózhǫ́ǫ da!