Teenager sélı̨́įʼgo Jiihóvah bił kʼé ahidishnínę́ęgi doo bidziil da sílı̨́ı̨́ʼ. Bił daʼííníshtaʼígíí tʼáá bí ádeinízinii yaa naakai, áko shí ałdóʼ ákóníshtʼée doo nisin. Shizhéʼé dóó shimá índa Christian standards ayóó strict nisingo bąąh tsídíkééz. Áádóó Jiihóvah bá naʼaʼaʼgi ayóó binaʼanish niizı̨́ı̨́ʼ. Jiihóvah éí tʼáá aaníí hólǫ́ǫgi yinishdlą́, ndi áhání bił ídlı̨́į dooleeł yę́ęgi shee ádin.

Ndi, nahashneʼgi tʼáadoo bikʼi déyáa da. Nahaneʼgi doo biniyé hashtʼéédiishtʼįįh da, áko biniinaa hazhóʼó diné bił nahodoonih yę́ęgi shá nantłʼa sílı̨́ı̨́ʼ. Áko return visits, Bible studies ndi shee ádin. Nahashneʼ yę́ęgi ndi doo bíneeshdlı̨́į da sélı̨́ı̨́ʼ. Áko kwíinisin łeh, ‘Háíshąʼ éí tʼáá díí tʼéiyá yaa naagháago yigáał doo?’

Áko 17 shinááhaigo éí tʼáá shí nisinígi átʼéego yisháał doo niizı̨́ı̨́ʼ. Hooghandóó chʼínínáago Australiagóó dah diiná. Shizhéʼé dóó shimá bitsʼą́ą́ʼ dah diináago yąąh yínííł silı̨́ı̨́ʼ. Éí shąąh bíniʼ, ndi Jiihóvah shı̨́ı̨́ tʼáá bá nijilʼaʼ doo shóʼní.

 Australiadi nínáago tʼóó tséʼádin Jiihóvah bá naʼaʼaʼ yę́ęgi doo ayóó beiníshtʼı̨́į da sélı̨́ı̨́ʼ. Áłah náʼádleehgóó doo ayóó naasháa da sélı̨́ı̨́ʼ. Ániid ndaakaii shikʼis ádeishłaa, éí tʼáá shígi átʼéego meetingóó ałnáádaakah áádóó bikʼijįʼ nightclubsgóó adlą́ índa azhish biniyé ahínéikah. Nátʼą́ą́ʼ bee nánéshʼı̨́įgo tʼááłáʼíjí bee Jiihóvah bá sézı̨́ áádóó łahjįʼ éí Séítan bá sézı̨́ı̨́ ńtʼééʼ lá, ndi tʼáá ałchʼı̨́jí doo ídínéeshnáa da nisin.

Naaki nááhaigo daatsʼí, sister łaʼ éí doo yáʼátʼééhgóó sheʼiinaʼ yishtʼihígi bee baa ákoniizı̨́įʼgo áshijiilaaígi doo baa ákozhnízin da. Ashdlaʼ niiltʼéego tʼááłáhí góneʼ danihighan. Circuit overseer bichʼooní Tamara yił, damóo azlı̨́įʼjįʼ nihighangi bá dahwiilʼaʼ. Brother éí congregationgi binaanish hólónígíí yaa naagháago Tamara éí bił naháatą́ągo háhgóóshı̨́ı̨́ anídeidloh. Áko shił hózhǫ́. Tamara éí aa aʼááh nízin dóó bichʼįʼ yájíłtiʼ nizhónígo hwíistsʼą́ą́ʼ. Łaʼda kótʼéego tsʼídá yéigo Jiihóvah yá yilnishgo ayóó bóhoneedlı̨́įgo átʼée lágo baa ákoniizı̨́ı̨́ʼ.

Tamara tʼáá ałtsoní ayóó yíneedlı̨́. Truth índa nahaneʼgi ayóóʼáyóʼníigi shí ałdóʼ tʼáá ákóníshtʼée doo jinízingo áhoołʼįįh. Wołí bee átʼı̨́įgo Jiihóvah yá naalnishgo yaa bił hózhǫ́, áko shí éí tʼóó tʼįįhígo Jiihóvah bá áshtʼı̨́. Nizhónígo nitsíjíkees áádóó hoł hózhǫ́ǫgi sheʼiinaʼ yishtʼihgi yéigo impact áyiilaa. Ájítʼı̨́įgi bee honéshʼı̨́įgo éí Diyin Bizaad biiʼdóó łaʼ baa tsídíkééz: Jiihóvah bá nideilʼaʼ doogo éí ‘nihił nidahoozhǫǫhgo dahwiitaał’ doo nihóʼní.—Ps. 100:2.

Tamara bił hózhónígi átʼéego shí ałdóʼ tʼáá ákóníshtʼée doo niizı̨́ı̨́ʼ. Ákondi áłtsé éí ááshníiłgi hazhóʼó hashtʼedoonííł. Doo tʼáá ákǫ́ǫ́ tsı̨́įłgo ádzaa da, ałkééʼ honíʼą́ągo hashtʼedaashłaa. Nahaneʼgóó biniyé hashtʼéédiishtʼįįhgo baa nídiisdzá. Łahda auxiliary pioneer ánáʼiishʼįįhgo doo ayóó shił yéeʼ dago díí bííníshghah nisingo  áshiilaa. Nahashneʼgóó Diyin Bizaad yéigo chooshʼı̨́įgo nahashneʼgo ayóó bíneeshdlı̨́. Áádóó tʼáá nínádíziʼ bikʼeh auxiliary pioneer éʼéshʼı̨́įgo baa nídiisdzá.

Tʼáá ałtso Jiihóvah bá naʼaʼaʼgi ayóó yídaneedlínígíí shikʼis ádeishłaa. Éí nizhónígo shinááł ádaʼałʼı̨́įgo áłtsé séłʼą́ą dooleełii índa tʼáá ákwíí jı̨́ Diyin Bizaad yíníshtaʼgo yee shíká aalwod. Nahaneʼgi yéigo bíneeshdlı̨́, áádóó regular pioneer sélı̨́ı̨́ʼ. Díkwíí shı̨́ı̨́ nááhaidóó bikʼijįʼ índa nisdzil, shił hózhǫ́, índa congregation bitahdóó anishłı̨́įgo átʼé nisingo ádaa tsídíkééz.

Áádóó łaʼ nááhaigo Alex bééhosésįįd, éí ayóó bá áhwiinítʼíinii nilı̨́įgo Jiihóvah índa nahaneʼgi ayóóʼáyóʼní. Ministerial servant nilı̨́ áádóó pioneer áʼjiłʼı̨́įgo 6 nááhai. Malawidi nahalneʼé bídin hóyéeʼgo éí áadi atah nahojisneʼ. Éí ákwii missionaries danilínígíí ayóó háká ííjééʼ, éí Jiihóvah bá naʼaʼaʼgi áłtsé íinisin dahodííniid.

2003 yę́ędą́ą́ʼ Alex séyeh. Éí áádóó full-time Jiihóvah bá chʼíníilnish. Tsʼídá tʼóó ahayóígóó íhwiilʼą́ą́ʼ, áádóó Jiihóvah ayóó átʼéego nihikʼihasdliʼ.

2009 yę́ędą́ą́ʼ Timor-Leste hoolyéedi missionaries doołeeł nihidooʼniid. Díí éí Indonesia binaagóó island łaʼ dah siʼą́ągo ákwii áhoolyé. Áko bikʼee tsídeelyiz, baa nihił hózhǫ́, índa nihił yéeʼgo ánihiilaa. Ashdlaʼ nídeezidgo national capital Dili hoolyéedi niitʼáázh.

Ákwii iiná łah átʼé. Éí ádaʼoolʼįįł, saad bee yátiʼii, chʼiyáán, índa hooghan nahasʼą́ą́góó łah ádahootʼé. Nahwiilneʼgóó diné baa dahojoobaʼí, doo ayóó daʼííłtaʼ da, áádóó diné doo yáʼátʼéhígi ádabiʼdilʼı̨́. Áádóó anaaʼ  índa atéʼélʼı̨́ biniinaa diné bitsʼíís índa bíniʼ bee bąąh nidahazʼą́ągo átʼé. *

Nahaneʼgi ayóó bóhoneedlı̨́! Atʼééd łaʼ 13 binááhai Maria * wolyéego bééhosésįįd. Bimá éí ádin, hazhéʼé éí doo ayóó jooʼı̨́į da. Áłchíní tʼáá hó ndaniseʼígi átʼéego bee jiináa dooleeł doo baa nitsíjíkees da. Łah ayóó bénashniihgo jichago baa nitsíjíkeesii bee shił hojilneʼ. Ndi, tʼáá hó hazaad kʼehjí bee shił hojoolneʼ, tʼáadoo ndi hakʼiʼdiitą́ą da. Jiihóvah shíká anilyeed bidishníigo bichʼįʼ sodeeszin, díí haitʼéego bee áká adeeshwoł. Áádóó Diyin Bizaad biiʼdóó comfort ábidoolíłígíí łaʼ bee bíká eeshwod. Éí truth baa íhojiiłʼaahgo hoł hózhǫ́, bee hazhdítʼéii, índa hweʼiinaʼ siláagi yee háká aalwod. Baptize áhoʼdilyaa, éí kʼad Bible studies tʼáá hó hwee hólǫ́. Maria éí kʼad Jiihóvah bidineʼé hafamily silı̨́įʼgo ayóóʼáshidóʼní jinízingo nitsíjíkees.

Timor-Leste éí nahaneʼgi Jiihóvah yikʼihadliʼ. Ląʼí publishers danilínígíí éí baptize ádaalyaadóó tʼah doo ndi 10 béédaahááhgóó ląʼí pioneers, ministerial servants, doodaiiʼ elders danilı̨́. Łaʼ éí remote translation office oonishgi nidaalnish, éí Diyin Bizaad bitsʼą́ą́dóó naʼnitingo naaltsoos ádaalneʼígíí tʼáá ákwii saad bee yádaatiʼígíí áajįʼ translate anídeidleʼ. Áłah néidleehgi dahataałgo, bił dahózhǫ́ǫgo, índa Jiihóvah bikʼis nidahaleehgo ayóó baa shił hózhǫ́.

Timor-Lestegi iiná éí Australiagi iináhígíí doo bił aheełtʼée da, ndi Timor-Lestegi nihighango ayóó baa nihił hózhǫ́. Łahda bus bee chʼaanidiitʼashgo diné tʼóó ahayóí biih hadeezbin łeh. Éí łóóʼ nídááltseigo índa tʼóó ahayóí chʼiyáán naníseʼ nidayiisniiʼgo nideijaah. Łahda éí hooghan áłtsʼísígo tʼáá łeeshtahgóó hooghango biiʼ góneʼ ayóó deesdoigo índa tsídii náánideíjeehgo Bible study ánáʼiilʼįįh. Ákondi łahda íínísin łeh, ‘Díí ayóó bóhoneedlı̨́!’

Nátʼą́ą́ʼ nitsínáskeesgo teenager nishłı̨́ yę́ędą́ą́ʼ Jiihóvah tʼáadoo yéigo bá áátʼįįd da ndi, shimá dóó shizhéʼé éí Jiihóvah bikʼehgóó oodáałgi índa bikééʼ asdzı̨́įgi yínashineestą́ąʼgi ayóó baa ahééh nisin. Proverbs 22:6 éí ayóó shíká aalwod. Shimá dóó shizhéʼé éí Alex dóó shí Jiihóvah bá yiilnishgi ayóó nihaa bił hózhǫ́. 2016dóó wóshdę́ę́ʼ Australasia branch territory biiʼ circuit work biʼoonishgi nihinaanishgo íilʼı̨́.

Nahaneʼgi doo ayóó bíneeshdlı̨́į da ńtʼéeʼgi doo tʼáá aaníi da nahalin. Ndi, nahashneʼgi kʼad ayóóʼóóshʼní! Tsʼídá bíighahí bee achʼįʼ nahwiiʼnáa ndi, wołí bee Diyin bá joolnishgo tʼáá aaníinii bee ił hózhóonii haa yiilé. 18 nááhai Jiihóvah bá yiilnishgo, áko ayóó átʼéego shił hózhǫ́ǫgo níyá. David éí Jiihóvah áyidííniid yę́ęgi kʼad tʼáá aaníígóó áníí lá nisin: “Niniitʼa dahinichéehii bíniʼdii bił dahózhǫ́; bíniʼdii tʼáá áłahjįʼ bił dahózhǫ́ǫgo nichʼįʼ dahataał, . . . nízhiʼ ayóóʼádayóʼníinii ałdóʼ bíniʼ tʼáá íiyisí naa bił dahózhǫ́ǫ doo.”—Ps. 5:11.