MEXICO Citydi November 1932 yihah yę́ędą́ą́ʼ, tʼááłaʼí damííldóó baʼaan ákweʼé diné kéédahatʼı̨́. Atiingóó dah nidéichíhígíí índída dah daasʼnil. Ndi, diné éí łah átʼéhígíí baa bił dahózhǫ́. Kǫʼ naʼałbąąsii ninádaʼałtłʼiʼgi haneʼ ádeiłʼínígíí éí diné léiʼ yíighahgo yibaʼ naazı̨́. Éísh éí háí? Éí Joseph F. Rutherford, Watch Tower Society yá dah sidáhígíí. Jiihóvah Yá Dahalneʼé ałdóʼ Brother Rutherford yibaʼ naazı̨́, éí tágí jı̨́ áłah aleehígíí yiniyé níyá.

Naaltsoos The Golden Age wolyéhígíí éí nihił halneʼgo: “Díí nitsaago áłah hazlı̨́ʼígíí tʼáá íiyisíí bééhániih doo, éí Mexicodi tʼáá aaníí baa haneʼ doo biniyé.” Ndi tʼáá 150 diné áłah silı̨́ı̨́ʼ. Ákoósh haʼátʼíí biniyé ílı̨́įgo baa nitsáhákees?

Tʼah doo tágí jı̨́ nitsaago áłah aleehgóó, tʼáá aaníinii baa haneʼ Mexicodi ląʼí diné doo bił béédahozin da ńtʼééʼ. Áádóó 1919dóó wóshdę́ę́ʼ diné áłchʼı̨́dígo áłah nádleeh silı̨́ı̨́ʼ ndi áłah náʼádleehígíí yaa ádzaa. 1929 yę́ędą́ą́ʼ Mexico Citydi branch office áá ályaago, hashtʼeʼ doonííł hwiiniidzı̨́ı̨́ʼ ńtʼééʼ ndi łahgóó tʼahdii anáhóótʼiʼ dahólǫ́. Colporteurs éí, kʼad pioneer dabidiʼnínígíí, Diyin Bizaad baa nahaneʼgi dóó business tʼáadoo bił ałhiiʼ ádaałʼíní dabiʼdooʼniid. Colporteur nilı̨́įgo łaʼ díí yikʼee báhóóchįįdgo tʼáá aaníinii baa haneʼ yę́ę yitsʼą́ąjįʼ dadiiyáago tʼáá bí Diyin Bizaad baa íhooʼaahgo hayííłwod. Áádóó branch yikʼidéezʼı̨́ʼígíí ałdóʼ doo akǫ́ǫ́ áátʼįįłgo biniinaa bitséskʼeh łaʼ anááltı̨́. Mexicodi Jiihóvah Yá Dahalneʼé éí ił chohooʼı̨́ deinízin.

Brother Rutherford Mexicodi níyáago bibeʼoodląʼ dabidziilígíí yichʼįʼ haadzííʼ. Éí tágí jı̨́ áłah aleehgi naʼiiłnáago naakigo yee yichʼįʼ haadzííʼ dóó ashdlaʼgo níłchʼi halneʼí biiʼdę́ę́ʼ hahaasdzííʼ. Díí tsʼídá índa áłtsé níłchʼi halneʼí biiʼdę́ę́ʼ kótʼéego nizhónígo haneʼ baa hóoneʼ. Tágí jı̨́ áłah azlı̨́ʼígíí ííłtsogo ániidígo branch yikʼidéezʼı̨́įʼgo ályaaígíí nahaneʼgi hazhóʼó hashtʼéiyiidlaa. Jiihóvah Yá Dahalneʼé yídaneedlı̨́įgo dóó Jiihóvah bił yáʼátʼéehgo nidahalneʼgo hodeeshzhiizh.

1933 yę́ędą́ą́ʼ naakigo áłah azlı̨́ı̨́ʼ éí Veracruzdi dóó Mexico Citydi. Nihibrothers éí Diyin Bizaad yaa dahalneʼ yaa naakaigo, áko diné ląʼí daʼdiiztsʼą́ą́ʼ. 1931, 82 Jiihóvah Yá Dahalneʼé hólǫ́. Áádóó 1941go neeznáadi ałhąąh nániilyáago silı̨́ı̨́ʼ! 1941go Mexico Citydi áłah nááʼásdlı̨́ı̨́ʼ éí 1,000 daatsʼí náhaskai.

1943go Mexicodi, “Free Nation’s” wolyéego binahjįʼ bee áłah azlı̨́ʼígíí yídaʼoołkąąhgo yaa nídiikai. Díí éí 12go Mexico biiʼ kin dah naazhjaaʼgóó aʼalnéeh doo. * (Footnote níníłʼı̨́.) Jiihóvah Yá Dahalneʼé éí bikʼidaʼashchı̨́įgo ałtsʼą́ą́hdę́ę́ʼ bąą nidaaztą́ągo áłah aleehígíí yídaʼoołkąąh. Díí átʼéego 1936dóó wóshdę́ę́ʼ Jiihóvah Yá Dahalneʼé kótʼéego tágí jı̨́ áłah aleeh yídaʼoołkąąh ńtʼééʼ.

Mexico Citydi kótʼéego ídaʼoołkąąhgo naaltsoos La Nación áníigo éí Jiihóvah Yá Dahalneʼé áłah silı̨́ʼígíí yaa halneʼ. “Łaʼíjı̨́ aleeh góneʼ diné ląʼí bidaʼnołnííh dabiʼdooʼniid. Áádóó biiskání ląʼí diné áłah silı̨́ı̨́ʼ.” Ééʼ neishoodii díí doo bił yáʼádaatʼéeh da áko biniinaa Jiihóvah Yá Dahalneʼé yikʼijįʼ daazlı̨́ı̨́ʼ. Ákótʼée ndi nihibrothers dóó nihisisters doo bił daa yeeʼ da, áłah aleehígíí tʼóó yídaʼoołkąąh. La Nación ánáádíʼní: “Diné tʼáá ałtso hadabiʼdéesʼı̨́ı̨́ʼ.” Mexico Citydi áádóó díí naaltsoos biyiʼ nihibrothers hadabiʼdiiskidgo biyiʼ. Wóyahgo eelkidígíí éí kótʼéego bikááʼ: “Tʼóó ahayóí atiingóó nidahalneʼ.”

Íídą́ą́ʼ ląʼí Jiihóvah Yá Dahalneʼé éí Mexico Citydi áłah aleehgóó adoodááł biniyé ląʼígóó ninádeidiyiizʼą́. Nízaadi daʼnítiin dóó kǫʼ naʼałbąąsii dahólǫ́ǫ ndi, tʼóó ahayóí nihibrothers dóó nihisisters nízaadę́ę́ʼ neheeskai. Áko dzaanééz bee, doodaiiʼ ląʼí yiską́ oodááł bíighahgo kǫʼ naʼałbąąsii ninádaʼałtłʼiʼdi nijiizhjeeʼ, éí áłah aleehjįʼ biniyé.

Áłah aleehgóó ádoodáałgi, ląʼí Jiihóvah Yá Dahalneʼé baa dahojoobaʼí dóó bibéeso ádaadin. Áłah aleehdi neheeskaigo, náánáłaʼ Jiihóvah Yá Dahalneʼé ayóóʼádabóʼníigo dabighangi dabiiską́. Łaʼ éí Kingdom Hall góneʼ nídabiiłkááh ńtʼééʼ. Łaʼ éí 90go branchdi tsitsʼaaʼ naaltsoos daa biiʼgo bikááʼ dabiiską́. Yearbook áníigo nihibrothers éí ádaaní, azhą́ “hashtłʼish tsé nádleehé biláahgo daashzhólígo sidoh” ndi yaa ahééh danízin.

Jiihóvah Yá Dahalneʼé bikʼis yił áłah silı̨́įʼgo tʼáadoo bił ahenałtʼéhí da. Kʼad éí Mexicodi éí 850,000dóó baʼaan Jiihóvah bidineʼé silı̨́ı̨́ʼ, éí ałdóʼ tʼáá ákótʼéego ahééh danízin. * (Footnote níníłʼı̨́.) 1949 Yearbook ání, nihibrothers tʼáadoo leʼé nináninéidiyiizʼą́ągi Jiihóvah baa haʼniihgi tʼahdii yídaneedlı̨́. Tʼáá átʼé áłah nádleehígíí éí “íiyisíí łaʼ yaa yádaałtiʼgo nízaadgóó nihoolzhiizh.” T’áá’ áłahjįʼ yíndaʼídíłkidígíí éí: “Hahgo lá áłah náádiidlééł?”—Central Americadę́ę́ʼ haneʼ hashtʼeʼniitʼánę́ę.