KÓHOOTʼÉÉDĄ́Ą́ʼ, kéyah tʼáá náhwiistʼą́ą́ ńtʼééʼ bikááʼ ląʼí brothers éí elders dóó ministerial servants biniyé bikʼi dahodiiniiʼ. Áko díí naanish ániidíii bee nikʼi hodiiniiʼgo Jiihóvah dóó nibrothers bá naalʼaʼgo baa nił hózhǫ́ǫ shı̨́ı̨́.

Nitsééjíltłiʼgo éí tʼáádóó átʼéhí da. Jason éí tʼah ániid nijigháago elder jílı̨́įgo ájíní: “Tʼóó elder áshiʼdiilyaa yę́ędą́ą́ʼ naanish nitsaii átʼéego shąąh niilyáá lá niizı̨́ı̨́ʼ.” Mózes dóó Jeremáíyah éí Jiihóvah naanish ániidíii hąąh niiníláago díí yeeʼ doo bíneeshʼą́ą da jiniizı̨́ı̨́ʼ. (Exodus 4:10; Jeremiah 1:6) Ni ałdóʼ kwíinínízingo, áko haa dííníiłgo bííníshghah yeeʼ nízin doo, áádóó elder ídlı̨́įgi baa íhoołʼaah doo? Timothy áátʼįįdgi bitsʼą́ą́dóó ląʼígóó íhwiidiiłʼáałgo átʼé.​—Acts 16:1-3.

Timothy éí naadiin daatsʼí honááhaigo yilʼaadii Paul bił nikizhdííʼáázh. Tʼóó áłtsé kótʼéego Paul bił nikizhdííʼáazhgo, tʼah yeeʼ ániid naashá áko naʼnishtingi índa achʼįʼ hadeesdzihgi doo bííníshghah da jinízingo shı̨́ı̨́ tsízdeezkééz. (1 Timothy 4:11, 12; 2 Timothy 1:1, 2, 7) Ákondi tʼáá bíhojiiłʼaahgo hoolzhish, neeznáá nááhaidóó bikʼijįʼ Paul éí Fílipai oodlání danilíinii ííłní: “Bóhólníihii Jesus bee shił chohooʼı̨́įgo tʼóó hodíínaʼgo Timothy nihichʼįʼ deeshʼaał nisin.” Haʼátʼíí biniyé Paul kóní? Jó, Timothy éí “bí tʼéiyá kójítʼé,” níigo ání.​—Philippians 2:19, 20, NW.

Timothy áátʼįįdgi elders haʼátʼíí biniyé bedaʼjiłʼı̨́į doo? Timothy binahjįʼ íhooʼaahii 6go dadíníilʼįįł.

1. Diné ayóóʼáyóʼníí ńtʼééʼ. Paul éí Fílipaidi brothers ííłníigo Timothy ‘nihaa áhályą́ą doo.’ (Philippians 2:20, NW) Timothy éí brothers danilínígíí Jiihóvah áhą́dígo bił dajílı̨́į doo nízin. Índa Timothy yinízinii dóó beʼadziilii ninéídiyiiʼaahgo áká análwoʼ ńtʼééʼ.

William éí elder jílı̨́įgo naadiin nááhai. Łaʼ elder dooleeł biniyé ániid bikʼi hodiiniiʼii ábijiníi łeh: “Nihibrothers ayóóʼádeínóhʼní. Elder ídlı̨́įgi binaʼanish ádaatʼéhii tʼáadoo tʼáá éí tʼéí baa nitsídaakeesí, bee achʼįʼ anídahaztʼiʼii bee áká anídaałwoʼ.” Bus neiłbąąsí éí bus ninádaaltłiʼgi tʼáá ákogi oolkiłgo shił adoolwoł nízin łeh. Ndi diné há iih doojahgi doo ayóó baa nitsíjíkees da łeh, áko tʼáadoo ákódanohtʼéhí.

2. Jiihóvah yá naalʼaʼgi áłtsé áyósin ńtʼééʼ. Paul áníigo diné éí “yídaneedlíinii tʼéí agháago yaa nitsídaakees, Jesus Christ bídadéétʼiʼii éí doo yaa nitsídaakees da,” ndi Timothy éí doo ákótʼée da. (Philippians 2:21) Paul éí bikʼis bidaʼiinaʼ tʼéiyá yaa nitsídaakeesgo yaa ákoniizı̨́ı̨́ʼ. Éí łahda bí deinízinii áłtséego ádeiyósin, ndi Jiihóvah bá naʼaʼaʼgi éí akéédę́ę́ʼ. Timothy éí doo ákótʼée da! Ląʼígóó God bá ninááʼdooʼaałgi bá ashjaʼ náʼádleehgo Aizéíyah ádííniid yę́ęgi átʼéego kójíníí ńtʼééʼ: “Kǫ́ǫ́ sézı̨́; shidíłʼá.”​—Isaiah 6:8.

Tʼáá ni índa congregation bił hazʼą́ągi haitʼéego aheełtʼéego baa áhólyą́ą doo? Áłtsé éí Paul ánínígíí bikʼeh ánítʼı̨́į doo: “Yáʼádaatʼéehii nihił béédahózingo bee lą́ nidaʼayohłeeh doo.” (Philippians 1:10) Jiihóvah bá naʼaʼaʼgi áłtsé íínísin. Naaki góneʼ éí honeeni bąąh niʼídáahii bitsʼą́ą́ʼ ánítʼé. Paul éí Timothy ííłní: “Ániid naʼadáago biʼadáhonooní tʼáadoo beʼíłʼíní, nidi tsʼídá tʼáá ákogi éʼétʼé, oodlą́, ayóóʼóʼóʼní, índa kʼé hwiindzin bikʼehgo ánítʼé.”​—2 Timothy 2:22.

 3. Yéigo Jiihóvah yá naashnish. Paul díí átʼéego Timothy yaa haadzííʼ: “Baʼahódlíii ayeʼ nilíinii bizhéʼé yił naalnishígi átʼéego haneʼ yáʼátʼéehii yee nizhónígo shił” tádoolnish. (Philippians 2:22) Timothy doo bił hóyéeʼ da. Yéigo Paul yił naashnish áko ayóó ałkʼis nilı̨́įgo ábiilaa.

Jiihóvah bi organization biyiʼ tʼóó ahayóí naanish dahólǫ́. Díí naanish ayóó baa hózhǫ́, áádóó nihibrothers dóó nihisisters áhą́dígo bił kʼé daʼahidiiʼní. Áko “tʼááłáhígi átʼéego Bóhólníihii bá” nanilʼaʼgo íínísin.​—1 Corinthians 15:58.

4. Yíhoołʼą́ʼígíí yikʼeh átʼé. Paul éí Timothy yichʼįʼ íʼiilaa: “Ni éí shinaʼnitin, . . . ááshníiłii, índa biniyé hinishnáanii, sheʼoodląʼ átʼéegi, nízaadgóó haʼííníshníigi, shibee ayóóʼóʼóʼníinii, shihaʼahóní átʼéegi” bikʼehgóó íinidzaa. (2 Timothy 3:10) Timothy yíhoołʼą́ʼígíí yikʼeh íʼiilaa, áko naanish łaʼ há bínáánéitʼą́.​—1 Corinthians 4:17.

Elder ídlı̨́įgi bił ééhózinii łaʼ hádíníʼı̨́ı̨́ʼ, éí níká análwoʼ doo. Ląʼí nááhai Tom éí elder jílı̨́įgo, éí bééjílniihgo elder ídlı̨́įgi bił ééhózinii łaʼ haa ákoniizı̨́įʼgo nizhónígo nahoneeztą́ą́ʼ. Kójíní: “Áłahjįʼ nabídíshkid dóó yee nashineeztą́ʼígíí bikʼeh honishʼı̨́ı̨́ ńtʼééʼ. Áko bííníshghah lá nízin doo.”

5. Adíhodiyiilʼaahgo hoolzhiizh. Paul, Timothy ííłní: “Diyin God kʼehgo iiná bee naʼádínítaahgo bóhoołʼaah.” (1 Timothy 4:7) Azhą́ naʼnitinii hólǫ́ǫ ndi, tʼáá hó adíhozhdiyiilʼaah łeh. Paul, Timothy ííłní: “Diyin God bizaad bee akʼeʼashchíinii diné bichʼįʼ yíníłtaʼ, áádóó bee bichʼįʼ yáníłtiʼ índa bee naʼnítingo ádíínílzin. . . . Haleebee nabikʼítsíníłkeesgo baa naniná, tʼáá sínízı̨́ı̨́ nítʼééʼ baa ádinítʼaah, áko náás yínáłígíí diné tʼáá ałtso ná dayooʼı̨́į doo.”​—1 Timothy 4:13-15.

Ni ałdóʼ wołí bee íhoołʼaah. Diyin Bizaad hazhóʼó bóhoołʼaah, áádóó organizationdę́ę́ʼ kótʼéego dahaʼnínígíí bíká íísíníłtsʼą́ą́ʼ. Bííníshghah lą́ą tʼáadoo níníziní. Ayóó yeeʼ shił ééhózin, tʼáadoo hazhóʼó naʼashkaahí tʼáá haʼátʼíí shı̨́ı̨́ hashtʼedeeshłíiłgo átʼé, díí átʼéego nitsáhákees doo yáʼátʼéeh da. Timothy átʼéego, “tʼáá ni ádaa áhólyą́, bee naʼnítinígíí ałdóʼ baa áhólyą́ągo yínítąʼ.”​—1 Timothy 4:16.

6. Jiihóvah biníłchʼi diyinii yaʼólíí ńtʼééʼ. Paul éí Timothy binaʼnitin yaa yáłtiʼgo kwííłní: “Tʼáá aaníinii bee naʼahoosdlíiʼii níłchʼi diyinii nihiiʼ dahólóonii bee baa áhólyą́.” (2 Timothy 1:14) Timothy éí God biníłchʼi diyinii baʼjólíi doo.

Donald éí ląʼí nááhai elder jílı̨́įgo, ájíní: “Hastóí elder biniyé bikʼidahodiiniiʼígíí éí God bił kʼé daʼahizhdiʼníigi hoł danílı̨́į doo. Kódaatʼínígíí éí ‘bidziil dahooleełgo náásgóó deíkáah’ doo. God biníłchʼi diyinii yíká sodadilzin áádóó níłchʼi diyinii bineestʼąʼ bee ádajítʼéego éí hakʼis bíká aníjíjah doo.”​—Psalm 84:7; 1 Peter 4:11.

Ministerial servants dóó elders ániid bikʼidahodiiniiʼgo baa hózhǫ́, tʼáá nigi átʼéego Jiihóvah bá naʼaʼaʼgi yideílníishgo ádayósin. Jason baa yádeiiltiʼ yę́ę ájíní: “Elder nishłı̨́įgo ląʼígóó íhoołʼą́ą́ʼ áádóó bííníshghah nisingo tsídíkééz. Áádóó kʼad shinaanish bíneeshdlı̨́ índa tsʼídá yéigo baa ahééh nisin!”

Ákoósh elder ídlı̨́įgi tʼáá baa íhoołʼaah doo? Timothy áátʼįįd yę́ę beʼíłʼı̨́įgo nibrothers dóó nisisters bíká anánílwoʼ doo.