Haʼátʼíí biniyé Jiihóvah Yá Dahalneʼé biwebsites daabiiʼígíí náánáłahjįʼ website doodaiiʼ social mediajįʼ bééʼdoolníiłgo doo bee hazʼą́ą da?

Jó, jw.org website daabiiʼígíí doo béeso bą́ą́h ílı̨́į da, áko náánáłahjįʼ websites doodaiiʼ social mediajįʼ bééʼjílʼı̨́įgo tʼáádoo átʼéhída łaʼ hwiindzin. Kójítʼı̨́įgo éí Terms of Use [chooʼı̨́įgi bee ahaʼdeetʼáanii] * (footnote níníłʼı̨́) doo bikʼeh hojíłʼı̨́į da. Díí nitsaago baa hastiʼii átʼéʼ. Díí Terms of Use áníigo nihiwebsites biyiʼdóó nidaashchʼąąʼígíí, naaltsoos electronic bee wóltaʼígíí, trademarks, sin, adahaskidígíí, ndaalkidígíí, áádóó haneʼ ádaalyaii éí file-sharing site, video-sharing site, social network, doodaiiʼ náánáłahjįʼ websitesjįʼ doo béézhdoodlííłgóó bee hazʼą́. Haʼátʼíí biniyé kótʼéego bee hazʼą́?

Nihiwebsites daabiiʼígíí tʼáá ałtso copyright bee dahólǫ́, éí bee hazʼáanii bichʼą́ą́h hólǫ́. Baa hastiʼgo doo tʼáá ádzaago chooʼı̨́į da doo biniyé bee hazʼáanii bichʼą́ą́h hólǫ́. Apostates dóó nihinaanish doo bił yáʼádaatʼéehii éí nihiwebsites daabiiʼígíí yéédaʼadleʼgo tʼáá bí biwebsites yiih dayiinííł. Díí éí Jiihóvah Yá Dahalneʼé índa tʼáá háida dazhdínóołʼįįł danízingo kódaatʼį. Áádóó tʼáá bí łaʼ ánáádeidleʼgo yoochʼííd índa nahagiz yee diné bintsékees yidahodidoołtʼih yiniyé ádaatʼı̨́. (Psalm 26:4; Proverbs 22:5) Dootłʼizhgo siʼą́ągo jw.org bee bikʼeʼashchínígíí índa nihiwebsites daabiiʼígíí yee ídaʼoołkąąh, mobile apps, áádóó baa nidahaniihígíí yikʼindayiiníiłgo łaʼ yaa naakai. Díí bee hazʼáanii bichʼą́ą́h hólǫ́, áko kódajítʼínígíí éí ándahwiitʼaah góneʼ yah iitʼihgo hatsʼą́ą́ʼ niʼ kólʼįįh. (Proverbs 27:12) Ndi, náánáłahdę́ę́ʼ diné doodaiiʼ nihibrother nilı̨́įgoda éí náánáłahjįʼ websitesjįʼ bééʼjíłʼı̨́įgo, doodaiiʼ dootłʼizhgo siʼą́ągo jw.org bee bikʼeʼashchínígíí binahjįʼ haa ndaʼiiniihgo tʼóó bee hosiilʼą́ągo éí ándahwiitʼaahii doo áchʼijí danilı̨́į da doo.

Náánáłahdę́ę́ʼ websites nihipublications yídaʼoołkąąhgo doo download ájíléeh da, háálá bááhádzidí átʼé. “Baʼahódlíigo índa hóyą́ągo naalʼaʼí” Jiihóvah choyoołʼı̨́įgo éí bitsʼą́ą́dóó binaʼnitinii yee nihanáʼáltsoʼ. (Matthew 24:45) Díí “naalʼaʼí” éí bee hazʼáanii bikʼehgo websites ádaalyaago Jiihóvah bitsʼą́ą́dóó naʼnitinii yee nihanídaʼałtsoʼ. Éí www.pr418.com, tv.pr418.com, dóó wol.pr418.com. Táaʼgo apps éí mobile devices bá ádaalyaa. Éí JW Language^®, JW Library^®, dóó JW Library Sign Language^®. Díí websites dóó apps éí Seitan bitsʼą́ą́dóó bídaʼoolkąąhii doo bá biiʼ hazʼą́ą da. Náánáłahdę́ę́ʼ website doodaiiʼ app biiʼdóó nihipublications yę́ę łaʼ níilʼı̨́įgo bááhádzid, háálá éí łah ándayiidlaagoda átʼé.​—Psalm 18:26; 19.8.

Náánáłaʼ websites, éí ałchįʼ yádaatiʼgo ádaalyaa, biiʼjįʼ nihipublications ádaalyaaígíí bééʼélʼı̨́įgo éí apostates índa Jiihóvah bidineʼé dah yikahígíí doo yáʼátʼéehgo baa yátiʼ łeh. Áádóó nihibrothers łaʼ diné yił saad ałghaʼdaditʼáahgo yaa nidiikah, éí Jiihóvah doo bee baa haʼniih da áyiiłʼįįh. Internet biiʼ saad bee hahóóʼáago éí łaʼda bintsékees doo hashtʼedooníił da áádóó God bitsʼą́ą́dę́ę́ʼ tʼáá aaníí haneʼii doo bee bíká aʼdoowoł da. (1 Timothy 6:3-5; 2 Timothy 2:23-25) Łaʼ éí Jiihóvah bidineʼé dah yikahígíí doodaiiʼ Governing Body bitsʼą́ą́dóó átʼé nahalingo websites índa social media ádeileʼ. Díí éí doo tʼáá aaníí ádaatʼée da. Governing Body doo łaʼ tʼáá ádíighahígo website índa social media bee hólǫ́ǫ da.

Diné éí jw.org website bee bił hwiilneʼgo éí “haneʼ yáʼátʼéehii” baa haneʼgi bee akééʼ siidzı̨́. (Matthew 24:14) Nihiwebsites dóó apps éí tʼáá áłahíjįʼ nizhónígo chooʼı̨́įgo nihá óolzin. Tʼáá ałtso diné bíká aʼdoowoł hwiindzin. Nihipublications éí e-mail doodaiiʼ jw.org website dínóolʼįįłgi łaʼda bichʼįʼ íilyaago tʼáádoo átʼéhída. Kótʼéego éí Jiihóvah bitsʼą́ą́dóó nihanáʼáltsoʼgo éí “baʼahódlíigo índa hóyą́ągo naalʼaʼí” choyoołʼínígíí yéédahodoosįįł.