1. Fílipaidi háí éí áłah náʼádleehgo ádayiilaa?

DAALʼAADII Paul, Sáílas, Luke, dóó Timothy éí Fílipaidi yikahgo ląʼí diné ákwii nizhónígo baa haneʼii hazhóʼó nihił béédahodoozįįł danízingo nitsídaakeesii léiʼ bikʼíjíkai. Díí dı̨́ltʼéego nihibrothers áłah náʼádleehgo ádayiilaa. Éí nihisister ayóó bá áhwiinítʼı̨́ʼí Lídiya bighangi shı̨́ı̨́ éí díí ániid nihibrothers dóó nihisisters náádaasdlı̨́ʼígíí yił áłah nádleeh.—Acts 16:40.

2. Ániid áłah nádleehgo ályaa yę́ę haʼátʼíí bee bichʼįʼ hodiisʼnááʼ?

² Ániid áłah náʼádleehgo ályaa yę́ę bichʼįʼ hodiisʼnááʼ. Séítan éí tʼáá aaníí haneʼii yikʼijįʼ danilíinii éí Paul dóó yił nidahalneʼii yikʼi néijahgo áyiilaa. Paul dóó Sáílas nábidiʼneesghaal, índa awáalyaa abiʼdiistłʼííd. Chʼééhoʼdeeʼnilgo ániid ídahoołʼaahii daazlı̨́ı̨́ʼ yę́ę saad bee haʼahóníinii yee yichʼįʼ haadzííʼ. Paul, Sáílas, dóó Timothy éí Fílipaidóó dashdiikai, ndi Luke éí tʼáá ákwii jizdá. Ákoshąʼ ániidígo áłah nídajidleeh yę́ę éí kʼad haadazhdoonííł? Jiihóvah biníłchʼi diyinii háká análwoʼgo éí ániid dajoosdląądígíí bídazhneedlı̨́įgo Jiihóvah bádazhdeeshnish. (Phil. 2:12) Paul éí díí yéigo baa bił hóózhǫǫd!

3. Philippians 1:​9-11 áníigi Paul éí haʼátʼíí yíká sodoolzin?

³ Neeznáá nááhaigo daastiʼ Paul éí Fílipai dineʼé naaltsoos yichʼįʼ áyiilaa. Díí yíníłtaʼgo tʼáá bééhózinígo Paul éí bibrothers ayóóʼáyóʼní. “Jesus Christ bibee ayóóʼóʼóʼníinii bee tʼáá ánółtso ayóó átʼéego nihídin” nishłı̨́, níigo áʼiilaa. (Phil. 1:8) Áádóó ayóóʼóʼóʼniʼ ląʼígo bee dahólǫ́,  daʼílíinii áłtsé ádeiyósin, baʼátʼeʼ ádaadin, tʼáadoo łaʼda nídeinółtłʼaaí, áádóó tsʼídá tʼáá ákogi éʼétʼé bineestʼąʼ bee nídahoodleeł doo dishníigo sodizin bee Jiihóvah nihá náoshkąąh níigo yichʼįʼ áʼiilaa. Áko Paul saad nabiiłnáago áyiilaaígíí nihí ałdóʼ nihíká adoolwoł. (Philippians 1:​9-11 yíníłtaʼ, NW.) * Paul yee haadzíʼígíí baa nídadíitʼįįł áádóó haitʼéego bikʼehgóó ádaʼdiilnííł.

4. (a) 1 John 4:​9, 10 éí Jiihóvah haitʼéego ayóóʼánihóshʼní nihiłní? (b) Haitʼéego éí Diyin ayóóʼádeíníiʼníi doo?

⁴ Jiihóvah éí ayóóʼánihóʼníigo bąą biYeʼ nahasdzáán bikáaʼjįʼ yiníłʼaʼgo nihibąąhági átʼéii yá daaztsą́. (1 John 4:​9, 10 yíníłtaʼ.) Áko nátʼą́ą́ʼ Diyin ayóóʼádeíníiʼní. (Rom. 5:8) Haitʼéego éí Diyin ayóóʼádeíníiʼníi doo? Jesus éí Férisiiz nidabídééłkidgo kónéidooʼniid: “Nijéí tʼáá átʼé bee, áádóó tʼáá sínízı̨́ı̨́ ńtʼééʼ bee, índa níniʼ tʼáá átʼé bee Jiihóvah niDiyin God ayóóʼííníʼní.” (Matt. 22:​36, 37, NW) Nihijéí tʼáá átʼé bee Diyin ayóóʼádeíníiʼníi doo. Tʼáá ákwíí jı̨́ ayóóʼádeíníiʼníigo nooséeł doo. Paul éí Fílipai dineʼé íidííniidgo “niheʼayóóʼóʼóʼniʼ tʼáá bił ląʼígo nihee dahólǫ́ǫ doo.” Áko Diyin ayóóʼádeíníiʼníigi haitʼéego bidziilgo ádadiilnííł?

5. Niheʼayóóʼóʼóʼniʼ haitʼéego bidziil dooleeł?

⁵ Diyin bił ahéédahoniilzingo tʼéiyá ayóóʼádeíníiʼníi doo. Diyin Bizaad ání: “Tʼáá háiida doo ayóóʼáʼjóʼníinii éí Diyin God doo bééhodzísin da, háálá Diyin God ayóóʼóʼóʼníinii nilı̨́.” (1 John 4:8) Yilʼaadii Paul áníigo éí Diyin tʼáá aaníí baa haneʼgi índa bintsékeesii bikʼiʼdiyiitįįhgo ayóóʼádeíníiʼníigi bidziil doo. (Phil. 1:9) Diyin Bizaad tʼóó bídahwiilʼaah yę́ędą́ą́ʼ éí azhą́ Diyin doo ayóó béédahoniilzin da ńtʼéeʼ ndi, ayóóʼádeíníiʼní dasiidlı̨́ı̨́ʼ. Áádóó yéigo bééhodzoosįįhgo ayóóʼájóʼníigi bidziil yileeh. Áko éí biniinaa Diyin Bizaad tʼáá ahą́ą́h deíníiltaʼ, áádóó nabikʼítsíilkeesgo ílíinii átʼéé lá, niidzin doo.—Phil. 2:16.

6. 1 John 4:​11, 20, 21 bikʼehgo háí ałdóʼ ayóóʼádeíníiʼníi doo?

⁶ Diyin ayóóʼánihóʼní, áko nihibrothers ayóóʼádeíníiʼníi doo. (1 John 4:​11, 20, 21 yíníłtaʼ.) Jiihóvah dadíníilzin índa yee átʼéii bedaʼiilʼı̨́įgo bąą nihibrothers dóó nihisisters ayóóʼádeíníiʼníigi doo nantłʼa da daniidzin shı̨́į łeh. Jesus bikʼehgóó ádaniitʼé, jó éí ayóóʼóʼóʼníigo bąą beʼiinaʼ nihá ninéidiníʼą́. Ndi, ayóóʼádaʼahíínóhʼní nihidiʼníigo bikʼehgóó éʼétʼée dooleełgi łahda nantłʼa łeh. Fílipai dineʼé áłah nádleeh yę́ęígíí baa nídadíitʼįįł.

7. Paul éí Yódiya dóó Síntikii yichʼįʼ haadzíiʼgi haʼátʼíí bitsʼą́ą́dóó baa íhooʼaah?

⁷ Nihisisters Yódiya dóó Síntikii éí nahaneʼgi ayóó yíneedlı̨́įgo yilʼaadii Paul ‘yíká anáʼahiʼnilchééh’ ńtʼééʼ. Ndi ałghaʼditʼáahgo daastiʼ biniinaa ałkʼis ídlínę́ęgi doo ákódzaa da. Paul éí Fílipai dineʼé naaltsoos yichʼįʼ áyiilaa yę́ę éí Yódiya dóó Síntikii yiyíízhiʼgo “aheełtʼéego nitsóhkees,” yiłní. (Phil. 4:​2, 3) Áko Paul éí tʼáá ájíłtso áłah níjídleehígíí yichʼįʼ haadzíiʼgo kwííłní: “Tʼáá ałtsoní baa nidaahkaigo tʼáadoo ałchʼįʼ saad dahonołʼíní  áádóó tʼáadoo ałghaʼdadohtʼáhí.” (Phil. 2:14) Kótʼéego Paul hachʼįʼ haadzíiʼgo éí doo sisters tʼéiyá bíká eelwod da, ndi tʼáá ałtso áłah níjídleehígíí ayóóʼádaʼahijóʼníi dooleełgi bidziilgo há áyiilaa.

8. Nihibrothers ayóóʼádeíníiʼníi dooleełgi haʼátʼíí neinółtłʼah łeh, áádóó haitʼéego bikʼeh diidlı̨́į doo?

⁸ Łahda nihibrothers ayóóʼádeíníiʼníi dooleeł yę́ęgi nantłʼa łeh, háálá Yódiya dóó Síntikii ádzaa yę́ęgi íitʼįįh áádóó asiih yę́ęgi baa nitsíikees łeh. Tʼáá áníiltso tʼáá ákwíí jı̨́ nidaʼayiilzííh. Diné nidaʼiisíihgi áłahjįʼ bee níilʼı̨́įgo éí ayóóʼóóʼníi dooleeł yę́ęgi nihá nantłʼa doo. Nihibrother łaʼ éí Kingdom Hall hashtʼehalʼı̨́įgi yaa yooznahgo éí biniinaada doo bikʼee ákóniitʼée da doo. Áádóó tʼáá átʼé niʼiisííʼ yę́ęgóó baa nitsíikeesgo tʼóó tséʼádin bikʼee háháchįʼgo ayóóʼííníʼnínę́ęgi dínóokʼas. Kótʼéego baa nitsíníkees: Niʼiyiilzííhgóó Jiihóvah yaa ákonízin, nihibrother niʼiisííhgóó ałdóʼ yaa ákonízin. Áko niʼiyiilzíih ndi, nihibrother dóó nihí ayóóʼánihóʼní. Éí biniinaa, Jiihóvah bibee ayóóʼóʼóʼní beʼiilʼı̨́įgo nihibrothers yáʼátʼéehgo baa nitsíikees doo. Nihibrothers ayóóʼííníʼníigo éí łáʼí ídlı̨́įgi bidziilgo ádeíníilzin.—Phil. 2:​1, 2. 

9. Paul éí Fílipai dineʼé “daʼílíinii áłtségo ádeínóhsin doo” yidííniidgi haʼátʼíí ááhyiłní?

⁹ Jiihóvah éí Fílipaidi tʼáá átʼé Oodlání éí “daʼílíinii áłtségo ádeínóhsin doo” bididííniił, yidííniid Paul. (Phil. 1:​10, NW) Éí kódaatʼéii: Jiihóvah bízhiʼ diyingo óolzingi, yee ádee hadziisdzíiʼii bidahoolyaaígíí, índa áłah nídaadleehii kʼé bee łáʼí ídlı̨́. (Matt. 6:​9, 10; John 13:35) Díí tʼáá átʼé ayóó ílíinii átʼéego ííníilzingo éí Jiihóvah ayóóʼííníiʼníigo átʼé.

10. Nihaʼátʼeʼ ádaadingo haitʼéego Jiihóvah bichʼįʼ hodíníilzin?

¹⁰ Paul ałdóʼ ání, “nihaʼátʼeʼ ádaadingo” ádanohtʼé. Ndi díí éí tʼáadoo niʼiilzíihígo doo ááhyiłníi da. Jiihóvah doo niʼiisíihii nilı̨́, nihí éí doo ákódaniitʼée da. Jiihóvah ayóóʼííníiʼníigo áádóó daʼílíinii baa ákoniidzingo éí nihaʼátʼeʼ ádaadingo nihinéłʼı̨́. Ayóóʼííníiʼníigo éí łaʼda Jiihóvah yił kʼé ahidiʼníigi doo bitsʼą́ą́ʼ díníiltłʼa da.

11. Haʼátʼíí biniinaa łaʼda díníiltłʼahgi baa hastiʼ?

¹¹ Tʼáadoo łaʼda danółtłʼaaí nihidiʼníigi éí tʼáá aaníígóó ánihidiʼní. Haitʼéego éí łaʼda díníiltłʼa? Éí haʼátʼíí shı̨́ı̨́ bee akʼi hwiiltaʼii, nihiʼééʼ bee háádiitʼįįhii, doodaiiʼ nihinaanish íilʼíinii. Díí shı̨́ı̨́ éí tʼáadoo ádaatʼéhí da. Ndi, baa neidáhígíí biniinaa éí łaʼda bíniʼ bohodidiiltʼihgo éí beʼoodląʼ bitsʼąą díníiltłʼa, díí éí bááhádzidii átʼé. Jesus áníigo éí nihibrother łaʼ Jiihóvah yił kʼé ahidiʼníigi bitsʼą́ą́ʼ níiltłʼago éí tsé daashjééʼ hazéédéetʼą́ągo áádóó tónteel biih hodiʼyoolghanjí há yáʼátʼééh.—Matt. 18:6.

12. Pioneer jílínígíí haʼátʼíí bitsʼą́ą́dóó bídahwiilʼą́ą́ʼ?

¹² Ahídzískéii łaʼ pioneer jílı̨́įgo Jesus yee haadzíiʼii bikʼehgóó kótʼéego áʼjiilaa. Éí náánáłaʼ ahídzískéii ániid baptize ályaa, éí tʼáá ájíłah tʼáadoo leʼé ayóó hachʼįʼ baa hóchįʼgo hayaa hooʼaʼ. Pioneer jílínígíí éí baptize ályaaígíí bił áłah níjídleeh. Baptize ályaaígíí éí Oodlání ídlı̨́įgo ndaʼalkidgóó, éí yáʼátʼéehgo ndaalkidígíi ndi, doo nélʼı̨́į da jinízin. Áko pioneer jílínígíí hanááł naʼaskidgo yaa hodiiztsʼą́ąʼgo doo hoł yáʼíítʼéeh da. Áádóó éí baptize ályaaígíí bíniʼ yiłdziłgo índa jinízingo ndaʼalkidgóó tʼáadoo náázhdeeshtʼáazh da. (Heb. 5:14)  Pioneer jílínígíí kótʼéego áʼjiilaago éí baptize ályaaígíí ayóóʼánihííníʼní doo tʼóó yiłníi da, ndi yeʼiilaa.—Rom. 14:​19-21; 1 John 3:18.

13. Haitʼéego łaʼda díníiltłʼago éí doo yáʼáshóonii áʼdoolníiłgi bee bíniʼ bá ádiilnííł?

¹³ Náánáłahgo łaʼda díníiltłʼago éí doo yáʼáshóonii áʼdoolníiłgi bee bíniʼ bá ádiilnííł. Éí haitʼéego ákódiiʼnííł? Diyin Bizaad yíhoołʼaahii nilı̨́įgo kótʼéé lá jiní. Éí ayóó adlą́ą́ ńtʼéeʼgo neʼ íidoolíiłgi ayóó bá nantłʼa. Hoł bééhózingo ajidlą́ągi yéigo bitsʼąą ájítʼée doo. Hweʼiinaʼ siláagi tsı̨́įłgo hashtʼejiilaago baptize áhoʼdilyaa. Ńtʼééʼ tʼahádóó brothergo łaʼ ahíʼiildeehgi nihaa díínááł hodííniid. Ákwiizhníyáago bizhééʼ hólóní łaʼ hachʼįʼ dah yooʼáałgo áháłní: “Kʼad yeeʼ baptize ándiilyaa, áko Jiihóvah biníłchʼi diyinii bee nidziil. Díí bee ánítʼéego doo ayóó adíídlı̨́įł da.” Nihibrother ániid baptize ályaaígíí łaʼ joodlą́ąʼgo dooládóʼ baa yíníił da doo, éí ajidlą́ągo baa nínáázhdidoodááł!

14. Áłah néidleehgi éí Philippians 1:10 áníigo haitʼéego bee nanihiʼdinitin?

¹⁴ Áłah néidleehgi éí Philippians 1:10 díkwíígóó shı̨́ı̨́ yee naʼnitingi nihíká análwoʼgo átʼé. Áłtsé éí, áłah néidleehgi baa ninádeitʼįįhígíí Jiihóvah éí díidi ílíinii átʼé nízinígíí nihił ííshjání ánálʼįįh. Naaki góneʼ éí, nihaʼátʼeʼ ádaadingo ánihósin doo biniyé éí bikʼehgóó áhátʼée dooígi bíhooʼaah. Tááʼ góneʼ éí, “ayóóʼádaʼííníiʼníigo índa naanish yáʼátʼéehii baa neiikaigo” ałkʼi nideiildzilgo ahídaniidlı̨́. (Heb. 10:​24, 25) Nihibrothers  nizhónígo nihichʼįʼ yádaaltiʼgo éí Diyin índa nihibrothers ayóóʼííníiʼníigi noosééł. Áko kóniitʼéego éí doo łaʼda díníiltłʼa da.

15. “Tʼáá ákogi éʼétʼé bineestʼąʼ nihee nídahoodleeł,” haʼátʼíí óolyé?

¹⁵ Paul éí Fílipai dineʼé ‘tʼáá ákogi éʼétʼé bineestʼąʼ bee nídahoodleeł doo,’ níigo yá sodoolzin. (Phil. 1:11) Díí éí Jiihóvah índa bidineʼé ayóóʼóóʼníigi áádóó Jesus índa ił chohooʼı̨́ woodlą́ągi baa haneʼgi ałdóʼ bił nítʼiʼ. Philippians 2:15 éí “adiníłdíinii nahalingo daʼdíínółdíín,” níigo ałdóʼ yee hóózhiʼ. Kótʼéego hoʼdóojiʼgo beełtʼé háálá Jesus éí bídahoołʼaahii “dineʼé bá adinídíín danohłı̨́,” yidííniid. (Matt. 5:​14-16) Jesus éí bikééʼ ndaakaii ííłníigo ‘ídahoołʼaahii ádaahłeʼ,’ áko “nahasdzáán nidaneesʼą́ą́góó shá dahołneʼ dooleeł.” (Matt. 28:​18-20; Acts 1:8) Nidahwiilneʼgo éí “tʼáá ákogi éʼétʼé bineestʼąʼ” nihee dahólǫ́.

16. Philippians 1:​12-14 éí haitʼéego diné binááł daʼdííníildíin doogo átʼé nihiłní? (Naaltsoos bikááʼdę́ʼígíí níníłʼı̨́.)

¹⁶ Tsʼídá haitʼéego shı̨́ı̨́ nihił hooʼaah ndi, diné binááł daʼdííníildíin dooleełgo átʼé. Łahda nahodoonih yę́ęgi haʼátʼíí shı̨́ı̨́ hatsʼą́ą́ʼ neinółtłʼah áyiiłʼįįh ndi, nahodoonihgi há ashjaʼ áyiiłʼįįhgo átʼé. Yilʼaadii Paul éí Romedi tʼáá hooghangi siláo dahótąʼ ndi, Fílipai dineʼé naaltsoos bichʼįʼ ájiilaa. Áádóó siláo índa haa nídaakahígíí Diyin Bizaad bee bił nahojisneʼ. Paul éí kótʼéego ábiʼdilʼı̨́į ndi, yíneedlı̨́įgo nahasneʼ, áko dahakʼis éí doo bił daayééʼgóó “doo dadzistiʼgóó Diyin God bizaad bee yádajiłtiʼ dadzizlı̨́ı̨́ʼ.”—Philippians 1:​12-14 yíníłtaʼ; 4:22.

17. Nihibrothers dóó nihisisters éí nahaneʼgi bá ndanitłʼa ndi, haitʼéego doo neʼ ádeeleʼ da?

 ¹⁷ Ląʼí nihibrothers dóó nihisisters éí tʼáá Paul átʼéhę́ęgi átʼéego ádaatʼé. Kéyah yiiʼ kéédahatʼı̨́ı̨́góó éí hasłą́ą́góó doodaiiʼ dahooghangóó diné bił nahaneʼ yę́ęgi bichʼįʼ baa hóchįʼ, ákótʼée ndi yaa dahóyą́ągo tʼáá nidahalneʼ. (Matt. 10:​16-20) Łaʼ kéyahgi circuit overseer nilı̨́įgo éí nidahalneʼígíí tʼáá nihí “territory” ádaałeʼ, éí danihikʼéí, bił kééhótʼíinii, bił daʼíínółtaʼígíí, bił nidaałnishígíí, índa béédahonohsinii bił nidahołneʼ yiłní. Áko naaki nááhaigo tʼáá éí circuit biiʼdóó congregation ląʼí silı̨́ı̨́ʼ. Nihí shı̨́ı̨́ éí nahwiilneʼgi doo nihichʼįʼ baa hóchįʼ daaígi kééhwiitʼı̨́. Ndi, nihibrothers dóó nihisisters bitsʼą́ą́dóó ídahwiidiilʼáałgo átʼé. Azhą́ nihá nantłʼa nádleeh ndi, wołí bee nahwiilneʼgo Jiihóvah éí bohónéedzą́ągo nihá áyósin doo.—Phil. 2:13.

18. Haʼátʼíí ádadiiʼnííł?

¹⁸ Paul éí Fílipai dineʼé naaltsoos yichʼįʼ áyiilaa yę́ęgi bikʼehgóó ádadiiʼnííł. Daʼílíinii áłtségo ádeíníilzin, nihaʼátʼeʼ ádaadin, tʼáadoo łaʼda nideíníiltłʼaaí, índa tʼáá ákogi éʼétʼé bineestʼąʼ nihee nídahoodleełgo ádaʼdííníilzin doo. Áko éí ayóóʼíʼííníiʼníigo Nihizhéʼé Jiihóvah ayóóʼóóʼníinii bee baa dahwiiʼniih.