Oodlání ahídzískéii éí díí hániʼ siláagi bee ádaa ákonínídzingo bee ahił nahojiʼáa doo. Éí IUD íiyisíí naalnishígi átʼéegi dóó Diyin Bizaad binahjįʼ bee naʼnitinii bikʼehgóóígíí hazhóʼó baa nitsíjíkees doo.

Jiihóvah éí Ádam dóó Íiv áádóó tʼahádóó Nóah dóó yił dabighan yę́ę kwíidííniid: “Nihaʼáłchíní hooleełgo kʼeeʼąą noohtʼı̨́įł doo.” (Genesis 1:28; 9:1) Diyin Bizaad éí Oodlání díí bikʼeh ádanohtʼé, doo yiłníi da. Áko ahídzískéii éí haʼáłchíní hodooleełgi bichʼįʼ doo achíhígíí daatsʼí choidooʼįįłgi bee ádił nahojiʼáa doo. Éí haa daatʼéhígíí baa níjítʼı̨́į doo?

Oodlání ídlı̨́įgi éí bichʼįʼ doo achíhígíí baa níjítʼı̨́įgo éí Diyin Bizaad binahjįʼ bee naʼnitinii bee áda nihozhdiiʼaah doo. Éí biniinaa bichʼįʼ doo achíhígíí átʼé jinízingo awééʼ atsą́ háájiłʼoołgo doo álʼı̨́į da. T’áá ákójínéehgo awééʼ hátsą́ háájiłʼoołgo éí izʼniiltsąąh yę́ęgi tʼáá ákódí doo, ndi doo tʼáá ákójínéehgóogo éí awééʼ haleeh. Awééʼ atsą́ haalʼeełgo éí Diyin Bizaad iiná nihił danilı̨́ níigo yee naʼnitin yę́ęgi bikʼijįʼ áʼjíłʼı̨́į doo. (Exodus 20:13; 21:​22, 23; Psalm 139:16; Jeremiah 1:5) Áko IUD chooʼı̨́įgishąʼ?

The Watchtower May 15, 1979 (pages 30-31) díí yaa hoolneʼ. Íídą́ą́ʼ nahalzhiishgo IUD éí plastic bee ádaalneʼ. Éí doo áʼdoochíił da hwiindzingo iishchʼid biiʼ góneʼ nidahaʼnííł. The Watchtower áníigo éí IUD tsʼídá naalnishígi átʼéegi doo bééhózin da. Ląʼí scientists ádaaníigo éí eggs asdzání bitsʼą́ą́dę́ę́ʼígíí dóó sperm doo ałhiih dooʼash da biniyé IUD hólǫ́. Díí egg tʼáadoo sperm biih hííyáágóogo éí iiná doo łaʼ ályaa da.

Ndi łahda sperm éí egg biih yíghááh. Áko sperm éí egg biih híyáhígíí Fallopian tube biyiʼ góneʼ dínísééh (ectopic pregnancy) doodaiiʼ iishchʼid biiʼ góneʼé iighááh. Iishchʼid yiih híyáago áádóó iishchʼid yíídoołjah yę́ęgi IUD yichʼą́ą́h hólǫ́ǫ doo, áádóó izʼniiltsąąd yę́ęgi tʼáá ákódí doo. Díí éí awééʼ atsą́ haalʼeel nahalin doo. The Watchtower ałdóʼ ání: “Oodlání bił ílíinii éí Diyin Bizaad iiná ílíinii átʼé níigi hazhóʼó baa nitsíjíkeesgo éí IUD daatsʼí choidiilʼįįłgi God bił tʼáá áko jinízin doo.”—Acts 17:​24, 25.

Ndi 1979dóó wóshdę́ę́ʼ, azeeʼ dóó science ląʼígóó baa ínáádahwiiʼą́ą́ʼ.

Kʼad éí naaki ałʼąą átʼéego IUD náádahódlǫ́. Łaʼ éí 1988dóó wóshdę́ę́ʼ éí béésh łichíiʼii bee ádaalyaago United States biiʼ dahólǫ́. Łaʼígíí éí 2001dóó wóshdę́ę́ʼ nahaniihgo hahoolzhiizh, éí hormone wolyéhígíí yidiyiichíidgo naalnish. Díí tʼáá áłah íiyisíí naalnishgi haitʼéego nihił béédahózin?

Béésh Łichíiʼii: Hodooʼniid yę́ęgi átʼéego, sperm éí iishchʼid yiiʼ hadidoogáałgo egg yiih doogáałgi IUD bá nantłʼago áyósin. Áádóó ałdóʼ IUD béésh łichíiʼii bee ályaaígíí éí sperm yę́ę yiyiiłhééh. * (Footnote níníłʼı̨́.) Díí átʼéhígíí ałdóʼ iishchʼid biiʼ góneʼ łah áyiiłʼįįh.

Hormone: Náánáłaʼ IUD éí azeeʼ bichʼįʼ doo achíhígíí bił ályaaígi átʼéego hormone bił ályaa. Díidí IUDígíí éí tʼáá ałkʼidą́ą́ʼ IUD ályaa yę́ęgi átʼéego naalnish, ndi díidígíí éí iishchʼid biyiʼ góneʼ hormone yidiyiichííd. Díí éí sáanii łaʼ doo ovulate ádaatʼįįd dago ábiiłʼįįh, éí egg doo yidiyiichíid da łeh. Jó  egg doo yidiyiichíídgóó éí sperm tʼáadoo yiih hoyáʼí da doo. Díí IUDígíí ałdóʼ iishchʼid łah áyiiłʼįįh. * (Footnote níníłʼı̨́.) Áádóó nááʼáłdóʼ díí IUD éí cervix wolyéhígi mucus ditsʼidgo áyiiłʼįįh. Áko éí vagina biiʼdę́ę́ʼ níléí iishchʼid biih góneʼ sperm doo adoogáał da.

Hodooʼniid yę́ęgi átʼéego tʼáá áłah IUD éí iishchʼid łah áyiiłʼįįhgo átʼé. Díí áníigo éí asdzání łaʼ ovulate átʼįįhgo sperm éí egg yiih híyáago áádóó iishchʼid daatsʼí yiiʼ doogáał. Ndi doo bídoołjah da, háálá iishchʼid łah ádzaaígi biniinaa doo yidínóozįįł da. Kótʼįįhgo éí izʼniiltsąąd yę́ę tʼáá ákódí łeh. Áko scientists éí díí doo áłahjįʼ átʼı̨́į da, dóó azeeʼ bichʼįʼ doo achíhígíí ałdóʼ łahda kótʼįįh daaní.

Áko díí béésh łichíiʼii dóó hormone IUD bił ályaaígíí éí sperm, egg doo yiiʼ doogáał dago íidoolíiłgi, doo łaʼ hoł bééhóziní da. Ndi science bee náʼálkáahgo éí IUD kótʼéego naalnish haʼníigi, sperm éí egg doo yiiʼ doogáał dago, áko éí asdzání adiʼnooltsąąłgi łáháda bá bohónéedzą́.

Oodlání ahídzískéii éí díí átʼéhígíí IUD choiniilʼı̨́į doo jinízingo éí hweʼazeeʼ ííłʼíní bee bił ahił nidahozhdoolnih. Azeeʼ ííłʼíní éí kééhojitʼı̨́įgi IUD dahólónígíí dóó há yáʼátʼéeh dooleełgi áádóó eʼasdzą́ą́ nilínígíí bitsʼíís baa hastiʼ dooígi hachʼįʼ chʼíidooʼááł. Díí ahídzískéii éí łaʼda kótʼéego ółééh doo hałníi da doo, azeeʼ ííłʼíní ndi dooda. (Romans 14:12; Galatians 6:​4, 5) Díí éí tʼáá ájíłah tʼáá hó tʼéiyá bee ádá nihozhdidooʼááł. God bił honiilzhǫ́ áádóó hániʼ bee ádaa ákozhnízin doo.—Compare 1 Timothy 1:​18, 19; 2 Timothy 1:3.