Deuteronomy 22:​25-27 éí hastiinígíí tʼáá daatsʼí aaníí ájítʼı̨́įgi bééhódoolziiłgi doo biniyé ályaa da. Háálá tʼáá íídą́ą́ʼ éí tʼáá aaníí ájítʼı̨́įgo bee hakʼíhátʼááh. Díí bee hazʼáanii éí asdzánígíí doo bikʼíhodootʼah dago biniyé ályaa. Kodóó hazhóʼó dadíníilʼįįł.

Áłtsé éí verses 23 dóó 24gi ání: “Éí kin haalʼáagi” hastiin łaʼ éí chʼikę́ę́h engagedígíí ashtéezh yił áyiilaago baa haneʼ. Éí hastiin ákójiidzaago éí adilyé tʼáá aaníí ájíítʼįįd doo. Háálá chʼikę́ę́h engagedígíí tʼáá íídą́ą́ʼ éí áyéehgo bee nélʼı̨́. Ákoshąʼ asdzánígíí? Éí ‘kintahgi nijigháa nidi tʼáadoo hazhdoolghaazh’ da. Hazhdoolghaazhgo éí łaʼda dahodiiztsʼą́ąʼgo háká iijéeʼ doo ńtʼééʼ. Áko éí hó ałdóʼ azhʼdiiláa dooleeł, tʼáá ájíłah tʼáá aaníí ájítʼı̨́įgo bee haa hwiidínóotʼįįł.—Deut. 22:​23, 24.

Áádóó łahgo nááhástʼą́ągi tʼáá ákónááhootʼįįdgo bee hazʼáanii kótʼéego yee hanáánáádzííʼ: Nidi chʼikę́ę́h engaged áʼiilaago éí “halgaigóó ajííyáago, nítʼééʼ diné łaʼ hakʼíníyáago hoł ninídéelgo, diné ił nizhnídélígíí tʼéiyá hodiʼyoolyééł. Nidi chʼikę́ę́h éí doo haada dadoohłíił da; hoł oodzíʼígíí biniinaa hodiʼyoolyéełgi doo bą́ą́h ílı̨́į da; jó, díí áhóótʼįįdígíí éí diné bikwáʼásiní yikʼiilwodgo yiyiisxínígíí bił ałkʼeh, háálá halgaidi asdzání naagháago bikʼízhníyá áádóó azhą́ chʼikę́ę́h bíká adoolwołii chʼééh yíká dilwosh nítʼééʼ nidi tʼáadoo bíká aalwodí da.”—Deut. 22:​25-27.

Kótʼéego chʼikę́ę́h bił ninídéelgo chʼééh dilwosh ńtʼéeʼgo tʼáadoo łaʼda bíká oolyeedí da ńtʼéeʼgi, haitʼéego éí biʼdoodlą́ą doo? Áko adilyéii doo bee hakʼíhodootʼah da. Ndi hastiinígíí éí ił niʼideeł dóó ádoolyá tʼáá aaníí ájítʼı̨́įgo bee hakʼíhodootʼah, háálá chʼikę́ę́h bikʼízhníyáago bił nizhnídéél.

Díí bee hazʼáanii éí chʼikę́hígíí doo átʼı̨́į dago yaa halneʼ, ndi hastiinígíí éí ił niʼideeł dóó ádoolyá bee bikʼíhátʼááh níigo yaa halneʼ. Áko díidí ánihwiiʼaahii danilíinii éí baa dadzííníidlíigo éí díí kótʼéego ádahooníiłgo hazhóʼó nideiłkaah. Áádóó índa diyin bibee hazʼáanii bikʼehgo hazhóʼó éí ákótʼéego binahjįʼ ándahwiiʼaah.—Deut. 13:14; 17:4; Ex. 20:14.