1, 2. (a) Hazhóʼó baa nitsíikeesgo Nóah, Daniel, dóó Job haitʼéego éí nihíká adoolwoł? (b) Ezekiel 14:14 áyiilaa yę́ędą́ą́ʼ haash hootʼé ńtʼééʼ?

NICHʼĮʼÍSH nahwiiʼná? Nitsʼíís daatsʼí bee nichʼįʼ anáhóótʼiʼ, ałdóʼ béeso daatsʼí bee nichʼįʼ anáhóótʼiʼ, doodaiiʼ éí háida daatsʼí atídaniłʼı̨́? Łahdaásh Jiihóvah bá nanilʼaʼgo yéigo nanilnish? Kótʼéego baa nitsíníkees Nóah, Daniel, dóó Job haitʼéego ádaʼiilaaígíí yee nihíká adoolwoł. Díí hastóí táaʼgo tʼáá nihígi átʼéego nidaʼiisííʼ. Nihí ałdóʼ nihichʼįʼ nidahwiiʼná. Łahda yéigo atídabiʼdiilyaago tiʼdahoozniiʼ. Áko bedaʼoodląʼ dóó yikʼeh dahółʼínígíí ádaʼiilaago Jiihóvah yéénálniih.​—Ezekiel 14:12-14 yíníłtaʼ.

² 612 B.C.E. yihah yę́ędą́ą́ʼ Bábilandi Ezekiel 14:14 yikʼeʼashchı̨́, tʼahdoo Christ biʼdichííh yę́ędą́ą́ʼ.  * (Footnote  níníłʼı̨́.) (Ezekiel 1:1; 8:1) Áádóó ashdlaʼ nínáánááhaigo 607 B.C.E. yihah yę́ędą́ą́ʼ Jerúsalem ábiʼdisdįįd. Tʼáá díkwíigo diné akʼeh dahółʼínígíí éí Nóah, Daniel, dóó Job nahalingo daadzííʼ. (Ezekiel 9:1-5) Jeremáíyah, Bérak, Ííbed-míílek dóó Rííkab dineʼé éí ałdóʼ hasdáákai.

3. Haʼátʼíí bitsʼą́ą́dóó bídahwidiilʼááł?

³ Dííshjı̨́įdi Jiihóvah tʼáá ákogi ádaatʼéhígíí Nóah, Daniel, dóó Job nahalingo ałdóʼ nihogháajįʼ yisdéidoonił. (Revelation 7:9, 14) Díí hastóí tʼáá ákogi ádaʼiilaaígíí éí Jiihóvah chodabiʼyosʼįįdgo, bitsʼą́ą́dóó ídahwidiilʼááł. Áádóó baa nídadíitʼįįł (1) haʼátʼíí éí bá ndanitłʼah ńtʼééʼ (2) haitʼéego bedaʼoodląʼ dóó akʼeh dahojííłʼįįd yę́ę bidaʼdiilnííł.

4, 5. Haʼátʼíísh éí Nóah bá nanitłʼah ńtʼééʼ dóó haitʼéego éí łah ájítʼée ńtʼééʼ?

⁴ Haʼátʼíísh éí Nóah bá nanitłʼah ńtʼééʼ? Nóah éí Íínak binálí jílı̨́į ńtʼééʼ. Íínak hiináá yę́ędą́ą́ʼ diné doo yáʼáshóonii dahólǫ́ ńtʼééʼ. Jiihóvah éí “nichxǫ́ʼógo baa yádajííłtiʼ.” (Jude 14, 15) Nahasdzáán tʼáá íiyisíí doo yáʼátʼéehgo bikááʼ adeesdeeʼ. Nóah hiináá yę́ędą́ą́ʼ “nahasdzáán yíchxǫʼgo bikááʼgóó tʼáá átʼéé nítʼééʼ.” Níłchʼi ndaalʼaʼí doo yáʼádaashóonii nahasdzáán bikáaʼjįʼ adahaaskai. Diné ádaʼdiilyaago tʼáá bí deinízinígíí beʼasdzą́ą́ ádayiilaa. Bá nidahazhchínígíí tʼáá íiyisí atídaʼałʼı̨́. (Genesis 6:2-4, 11, 12) Áko tʼáá ałtso diné éí Nóah łahgo ájítʼéhígíí yee dahoníłʼı̨́. Diyin Bizaad ání: “[Jiihóvah] bibee ajoobaʼ yee Nóah yichʼooné.” Diné łaʼ hanaagóó ádaatínígíí tʼáádoo biʼjiilaa da. “Nóah éí Diyin God yił yiʼash” ńtʼééʼ.​—Genesis 6:8, 9.

⁵ Díí saadígíí éí Nóah haʼátʼíí yee nihił halneʼ? Áłtsé, baa nitsíníkees tʼahdoo tó yíląąd yę́ędą́ą́ʼ haanízahjįʼ Nóah éí Jiihóvah yikʼeh hółʼı̨́įgo yá naalʼaʼ ńtʼééʼ. Nóah éí 600 nááhai Jiihóvah yił yiʼash ńtʼééʼ. (Genesis 7:11) Naaki góneʼ, íídą́ą́ʼ áłah nídaʼadleehgi doo áká azhdoojahígíí ádin ńtʼééʼ. Bibrothers dóó bisisters éí doo bíká anídaajah ńtʼééʼ. *​—Footnote níníłʼı̨́.

6. Haitʼéego Nóah doo nánílyéésgóó ííshjání íʼiilaa?

⁶ Tʼóó yáʼátʼéehgo hijiináago dooígíí éí Nóah doo ákótʼéego yaa nitsikees da ńtʼééʼ. Doo nánílyéésgóó Jiihóvah yoodlánígíí nááná łaʼ yił halneʼ. Diyin bizaad ání, “Tsʼídá tʼáá ákogi éʼétʼé yaa halneʼii” jílı̨́. (2 Peter 2:5) Yilʼaadii Paul éí Nóah yaa nahasneʼ, “Nóah hweʼoodląʼ bee . . . nihokááʼ dineʼé bá nihozhníʼą́.” (Hebrews 11:7) Bééhózingo éí diné haa daadlohgo tʼáadoo nahólneʼí dahóʼní. Atídahodooliiłgo haa nitsídaahkees. Ákondi Nóah éí diné doo yináldzid da. (Proverbs 29:25) Tʼáá ákótʼéego Jiihóvah bá nidaalʼaʼígíí doo nánílyéésgóó áyósin.

7. Nóah tsinaaʼeeł áyiilaago haʼátʼíísh bá nanitłʼah ńtʼééʼ?

⁷ 500dóó baʼaan nááhai Nóah éí Jiihóvah yikʼeh hółʼı̨́įgo áádóó Jiihóvah tsinaaʼeeł ádíílííł yidííniid. Díí tsinaaʼeeł  ájiilaa éí diné dóó naaldlooshii yiidookah biniyé (Genesis 5:32; 6:14) Nóah éí tsinaaʼeeł ayóó áníłtsogo ájíléehgo ayóó há nantłʼago baa nitsízdeezkéez. Bił bééhózingo éí diné baa daadloh dóó bá nidahałtʼiʼ doo hwee iinaʼ há nantłʼago ádeiyósin. Nóah éí beʼoodląʼ hólǫ́ǫgo Jiihóvah yikʼeh hółʼı̨́. “Díí biʼjiilaa.”​—Genesis 6:22.

8. Haitʼéego Nóah éí Jiihóvah yaʼólíigo beʼasdzą́ą́ dóó baʼáłchíní baa áhályą́ą́ ńtʼééʼ?

⁸ Nóah éí łahgo bá nináántłʼah ńtʼééʼ. Beʼasdzą́ą́ dóó baʼáłchíní yikʼeh naaldzil. Tʼahdoo tó yíląąd yę́ędą́ą́ʼ bílaʼashdlaʼii kʼéédaʼdidléehgo yéigo yindaalnishgo chʼiyáán nideinisééh ńtʼééʼ. Nóah ałdóʼ (Genesis 5:28, 29) Ákondi baʼáłchíní yikʼindidáago éí doo tʼáá íiyisíí áłtsé áyósin da ńtʼééʼ. Jiihóvah yá naalʼaʼgo éí tʼáá íiyisíí ílı̨́įgo áyósin ńtʼééʼ. Nóah 40 doodaiiʼ 50 nááhai tsinaaʼeeł ííléeh. Tó yíląąd bikéédóó 350 ninaa nááhai tʼahdii Jiihóvah áłtsé áyósin ńtʼééʼ. (Genesis 9:28) Nóah éí nizhónígo beʼoodląʼ dóó Jiihóvah yikʼeh hółʼı̨́įgo nihá íʼiilaa!

9, 10. (a) Haitʼéego éí Nóah bibee oodląʼ dóó akʼeh hołʼínígíí beʼiilʼı̨́į doo? (b) Jiihóvah bibee hazʼáanii yéigo bikʼeh honíłʼı̨́įgo, haa hodoonííł?

⁹ Haitʼéego éí Nóah bibee oodląʼ dóó akʼeh hołʼínígíí beʼiilʼı̨́į doo? Jiihóvah ánínígíí áłtsé bikééʼ siidzı̨́įgo Nóah beʼiilʼı̨́į doo. Séítan éí dooda. (Matthew 6:33; John 15:19) Éí biniinaa “nihokááʼ dineʼé danihijoołá.” Díí baa nitsíníkees: Ił ashtéézh dóó ałhéʼáskéhígíí éí Jiihóvah bibee hazʼáanii tʼáá áłahjįʼ éí bikʼeh dahoniilʼı̨́. Éí biniinaa tʼáá ádzaagóó, internet dóó television ádaatʼéii biyiʼdę́ę́ʼ nihaa dahalneʼ. (Malachi 3:17, 18 yíníłtaʼ.) Nóah nahalingo, diné doo binéiildzid da. Ndi Jiihóvah ayóóʼádeíníiʼní dóó bił hózhǫ́ǫgo ííníilzin doo. Nihił bééhózingo éí tʼáá bí tʼéiyá Diyin nilı̨́įgo hoolʼáágóó iiná nihaidoolééł.​—Luke 12:4, 5.

¹⁰ Díí baa nitsíníkees: Jiihóvaásh bikʼeh honishʼı̨́į doo azhą́ shı̨́ı̨́ łaʼda shaa daadloh doodaiiʼ shikʼijįʼ yádaałtiʼ ndi? Jiihóvaásh baa ííníshłįįgo shighan hazʼą́ągi nihaa áhályą́ą doo, azhą́ shı̨́ı̨́ shá nanitłʼah ndi? Jiihóvah bikʼeh honíłʼı̨́įgo Nóahgi átʼéego, Jiihóvah tʼáá aaníí naa áhályą́ą doo.​—Philippians 4:6, 7.

11. Haʼátʼíísh Daniel doo táaʼgo dabikʼisígíí Bábilandi tʼáá íiyisíí bá ndanitłʼah ńtʼééʼ? (Áłtsé naashchʼąąʼígíí níníłʼı̨́.)

¹¹ Haʼátʼíísh éí Daniel bá nanitłʼah ńtʼééʼ? Daniel tʼah ashkii jílı̨́ yę́ędą́ą́ʼ hoʼdisnáahgo Bábilandi kééhojitʼı̨́ı̨́ ńtʼééʼ. Áadi kéédahatʼínígíí bedaʼalyaaígíí dóó álílee kʼehgo yee nidahałá. Ákweʼé diné kéédahatʼínígíí éí Jew dineʼé dóó bee óʼoolʼįįłii deijoołxá. Áádóó Bábilan dineʼé éí Jiihóvah hó Diyin dóó Jew dineʼé tʼóó yá nidahałtʼiʼ. (Psalm 137:1, 3) Áádóó Daniel dóó Jew dineʼé Jiihóvah ayóóʼádajóʼníigo éí diné haa daadloh dóó há nidahałtʼiʼ! Áádóó ląʼí diné kéédahatʼínígíí hadahasííd Daniel dóó táaʼgo hakʼis danilínígíí Hananáíyah, Mísheiyel, áádóó Azaráíyah éí Bábilan binaatʼáanii bá nidajilnish. Naatʼáanii bichʼiyąʼígíí dajííyą́ąʼgo Jiihóvah éí dooda hałní. Ákondi Daniel tʼáadoo “aláahgo naatʼáanii bichʼiyąʼ . . . tsʼídá doo bee ádizhdoolchxǫǫłgóó” ájiilaa.​—Daniel 1:5-8, 14-17.

12. (a) Daniel haitʼéhígíí diné nilı̨́ı̨́ ńtʼééʼ? (b) Haitʼéego Jiihóvah éí Daniel yíníłʼı̨́?

 ¹² Daniel éí náánáłaʼ bá nanitłʼah ńtʼééʼ. Binaanish ííłʼínígíí ayóó yiyiichįįh biniinaa aláahdi naatʼáanii nílínígíí naanish bikʼizhdéezʼı̨́įʼgo áhoolaa. (Daniel 1:19, 20) Ákondi Daniel éí doo tʼáá shí tʼéí nízingo ádólzin da ńtʼééʼ. Jiihóvah binahjįʼ tʼáá ákogo ájiilaa. (Daniel 2:30) Baa nitsíníkees: Jiihóvah éí ání Daniel, Nóah, dóó Job éí tʼáá íiyisí nizhónígo bee iinaʼ ádeiyiilaaígíí bikʼeh deiyínóhkááh. Nóah dóó Job tʼáá íídą́ą́ʼ Jiihóvah yikʼeh hółʼı̨́įgo yiʼash, ndi Daniel éí tʼah ániid naaghá. Daniel éí Jiihóvah yikʼeh hółʼı̨́įgo ahoolzhiizh biniinaa Jiihóvah éí Daniel tʼáá íiyisíí yaʼólí! Kʼasdą́ą́ʼ 100 binááhaigo diyingo naalʼaʼí kóbidííniid: “Daniel, diné ayóóʼóóʼníinii nílíinii.”​—Daniel 10:11.

13. Haitʼéego Jiihóvah éí Daniel yíká eelwodgo naatʼáanii jizlı̨́ı̨́ʼ?

¹³ Jiihóvah éí Daniel yíká eelwod. Éí binahjįʼ Daniel naatʼáanii jizlı̨́ı̨́ʼ, áłtsé éí Bábilan biNahatʼaʼ áádóó Medo-Pérzha biNahatʼaʼ ałdóʼ. (Daniel 1:21; 6:1, 2) Jiihóvah éí Daniel hodineʼé bíká azhdoolwoł biniyé naatʼáanii áhoolaa. Jóseph éí Ííjipdi bidineʼé yíká eelwodgi átʼéego, Esther dóó Mórdiikai éí Pérzhadi ałdóʼ tʼáá ákótʼéego chodabidosʼįįd. * (Footnote níníłʼı̨́.) (Daniel 2:48) Iizííkiyel dóó Jew dineʼé dabidisnaaʼígíí, haitʼéego Jiihóvah éí Daniel choyoosʼįįdgo háká eelwodgo baa ákodazhniizı̨́ı̨́ʼ? Dooládóʼ baa hwił dahóózhǫǫd da!

14, 15. (a) Daniel bił hazʼáanígíí haitʼéego nihí ałdóʼ nihił hazʼą́? (b) Dííshjı̨́įdi, azhéʼé dóó amá haʼátʼíísh Daniel bizhéʼé dóó bimá bitsʼą́ą́dóó bídahwiidiilʼááł?

¹⁴ Haitʼéego éí Daniel bibee oodląʼ dóó akʼeh hołʼínígíí beʼiilʼı̨́į doo? Dííshjı̨́įdi tsiʼnaʼadá dóó doo tʼáá aaníí oodlání bee nihił hoogááł. Bábilan ayóó átʼéii éí diné yindaʼaloʼ. Diyin Bizaad ííłní, “Ákwii níłchʼi bidaʼiiníziinii kéédahatʼı̨́.” (Revelation 18:2) Nihí éí déʼéyóní nahalingo bił kéédahwiitʼı̨́. Łah ádaniitʼéego diné danihiníłʼı̨́įgo tʼóó nihaa daadloh. (Mark 13:13) Áko  Daniel nahalingo Jiihóvah bił áhą́dígo ádííníilzin. Aʼohgo ádadííníilzin, Jiihóvah baa ííníidlı̨́, bikʼeh dahwiiniilʼı̨́ áko ayóó ílı̨́įgo nihaa nitsíkees doo.​—Haggai 2:7.

¹⁵ Azhéʼé dóó amá danilíinii, Daniel bizhéʼé dóó bimá bitsʼą́ą́dóó ídahodoołʼááł. Júdahdi, Daniel éí tah ániid naagháago, diné hanaagóó kéédahatʼínígíí tʼáá íiyisíí tsiʼnidaakaii ńtʼééʼ. Ákondi Daniel éí Jiihóvah ayóóʼáyóʼníigo jineeyą́. Haash yitʼéego ákódzaa? Hazhéʼé dóó hamá Jiihóvah yee nahonítingo hayahołʼaʼ. (Proverbs 22:6) Ndi Daniel bízhiʼ óolyéhígíí ‘Shí ánahwiiʼaahii éí Jiihóvah átʼé’ éí bee bééhózingo bizhéʼé dóó bimá Jiihóvah ayóóʼáyóʼníí ńtʼééʼ. Azhéʼé dóó amá danohłíinii nihaʼáłchíní Jiihóvah bee nanitingo hadaʼíínółní. Yéigo ádaohtʼı̨́. (Ephesians 6:4) Bił sodadoolzin. Bá sodadoolzin. Wołí bee nihaʼáłchíní Jiihóvah ánínígíí yáʼátʼéehgo ayóóʼádayóʼníi doo, áko Jiihóvah nikʼihojidlíi doo.​—Psalm 37:5.

16, 17. Haitʼéego Job łahda hwee iinaʼ bá nanitłʼah ńtʼééʼ?

¹⁶ Haʼátʼíísh éí Job bá nanitłʼah ńtʼééʼ? Diyin Bizaad áníigo Job éí “díí diné bidziilgo dah oolééł; haaʼaʼaahjigo diné kéédahatʼínígíí tʼáá ałtso yiláahgo átʼéé nítʼééʼ.” (Job 1:3) Job ayóó átʼı̨́, dóó ayóó bééhoʼdílzin dóó bił danilı̨́įgo diné haa nitsídaakees ńtʼééʼ. (Job 29:7-16) Job diné doo łaʼ bilááh áníshtʼée da nízin. Job éí tʼahdii ndi God shíká análwoʼgo yinízin. Díí binahjįʼ nihił bééhózin Jiihóvah éí Job ííłní “shá naalʼaʼí” áádóó kóbíłní: “Éí diné tʼáadoo bee bikʼíhótʼahíii nilı̨́ áádóó tʼáá ákogi ááníiłii nilı̨́ áádóó Diyin God yidósin índa bąąhági átʼéii yá doolnihii nilı̨́.”​—Job 1:8.

¹⁷ Tʼáá hooyání Job tʼáá ałtso hwee hólónę́ę ástʼįįd. Áádóó yinííł jizlı̨́įʼgo tʼóó dadeestsaał jiniizı̨́ı̨́ʼ. Dííshjı̨́įdi nihił bééhózingo Séítan éí Job hachʼįʼ nahwiiʼnáago áyiilaa. Séítan éí Jiihóvah ííłní Job bíká anánílwoʼígíí tʼéiyá biniyé ná naalʼaʼ. (Job 1:9, 10 yíníłtaʼ.) Séítan éí Jiihóvah hakʼijįʼ woochʼííd yee haadzííʼ áko Jiihóvah doo bił ákódzaa da. Jiihóvah éí Séítan biyoochʼíídii jílı̨́įgo haitʼéego ííshjání áyiilaa? Job éí Jiihóvah bikʼeh ájítʼéhígíí dóó hwee ayóóʼóʼóʼnínígíí bee bá nijilʼaʼgo ííshjání ájiilaa.

18. (a) Haitʼéego Job átʼįįdígíí baa nitsíníkees? (b) Jiihóvah éí Job yaa joozbaʼgo, haʼátʼíísh bitsʼą́ą́dóó bídahwiilʼą́ą́ʼ?

¹⁸ Séítan éí Job yaatįįh nádáahgo hoolzhiizh. Séítan éí Job, Jiihóvah nashínítaah jidínóozįįł hóʼní. (Job 1:13-21) Áádóó tááʼ hakʼis ádaʼdilʼínígíí saad doo joobaʼgóó yee hachʼįʼ yádaałtiʼ. Ádabiłní éí doo yáʼátʼéhígíí áníłʼı̨́įgo biniinaa God atíníłʼı̨́. (Job 2:11; 22:1, 5-10) Azhą́ shı̨́ı̨́ tʼáá ałtso bee achʼįʼ nahwiiʼná ndi tʼahdii Job éí Jiihóvah bikʼeh ájítʼé. Tʼáá aaníí łahda Job éí bizaad doo yáʼátʼééhgóó yee hahadziih. (Job 6:1-3) Ákondi Jiihóvah éí bił bééhózin Job éí bijéí neezgai dóó yínííł yił naagháago biniinaa ájíní. Séítan éí hwéʼétsʼihgo haatįįh nádáahgo naa hoolzhiizh. Job éí Jiihóvah tʼáadoo bikʼideiyaa da. Díí yéigo hachʼįʼ nahwiisʼnáaʼgo bikéédóó Jiihóvah éí Job naakidi ahą́ą́h nániidláago hwee  iiná ájíłʼínę́ę baa néinídlá dóó 140 biláahgo hwee nínáánááhai. (James 5:11) Haitʼéego nihił bééhózin Job bijéí bitłʼááhdę́ę́ʼ Jiihóvah yá naalʼaʼgo hoolzhiizh? Bee ééhózinígíí éí ląʼí nááhai Job ájídin bikéédę́ęʼ Ezekiel 14:14 bee akʼedaʼashchı̨́.

19, 20. (a) Haitʼéego éí Job bibee oodląʼ dóó akʼeh hołʼínígíí beʼiilʼı̨́į doo? (b) Jiihóvah átʼéhígíí átʼéego éí haitʼéego nááná łaʼ nihee ajoobaʼ bichʼįʼ ííshjání ádeilʼı̨́į doo?

¹⁹ Haitʼéego éí Job bibee oodląʼ dóó akʼeh hołʼínígíí beʼiilʼı̨́į doo? Azhą́ nihichʼįʼ nahwiiʼnáa ndi Jiihóvah éí áłtsé ííníilzin doo. Bikʼeh hwiiniilʼı̨́įgo éí Jiihóvah tʼáá íiyisíí baa ííníidlíi doo. Dííshjı̨́įdi nihił bééhózin, éí Séítan tʼóó ahayóí binahagiz choyoołʼı̨́. (2 Corinthians 2:11) Naaltsoos Job biyiʼdę́ę́ʼ nihił bééhózingo éí haʼátʼíí biniyé Jiihóvah achʼįʼ nahwiiʼná yá hasʼą́. Daniel yaa chʼíhoníʼánę́ę éí Jiihóvah biNahatʼá tʼáá aaníí hootʼááłígíí éí Jesus yikʼi hooʼááł. (Daniel 7:13, 14) Náasdi éí nahasdzáán tʼáá siʼą́ą́ ńtʼééʼ God biNahatʼá yikʼi hooʼáał doo áádóó nihichʼįʼ nidahwiiʼná yę́ę ádin doo.

²⁰ Nihibrothers bichʼįʼ nidahwiiʼnáago nihee ajoobaʼ ííshjání ádeíníilzin doo. Łahda Job nahalingo, nihibrothers doo yáʼátʼééhgóó yádaałtiʼ łeh. (Ecclesiastes 7:7) Áádóó doo haitʼéego baa nitsíikees da doo tʼáadoo bikʼíhwiitʼáah da doo. Ákondi hazhóʼó baa nitsíikees dooleeł. Ákótʼéego éí Jiihóvah nihizhéʼé nahalingo éí ayóóʼóʼóʼní dóó nihił hadleeʼgo baa aʼááh niidzin doo.​—Psalm 103:8.

21. Haitʼéego éí 1 Peter 5:10gi éí Nóah, Daniel, dóó Job ádaʼiilaaígíí nihił ííshjání áyiilaa?

²¹ Nóah, Daniel, dóó Job éí ląʼí bitaʼ nídááhai dóó łahgo átʼéego kéédahatʼı̨́į ńtʼééʼ. Bá nidanitłʼah ndi hadaʼólníigo ádaʼiilaa. Ádaʼiilaaígíí binahjįʼ yilʼaadii Paul ání: “Nidi tʼóó kónígháníjįʼ tiʼdahwiisooniiʼdóó bikʼijįʼ Diyin God, tʼáá ałtsojįʼ joobaʼii . . . áádóó danołdzilgo, áádóó danihidziilgo índa nihee dahółdzilgo ánihidoolííł.”​—1 Peter 5:10.

22. Haʼátʼíish baa nínáádadíitʼįįł?

²² Dííshjı̨́įdi 1 Peter 5:10gi Jiihóvah bidineʼé yee bíká análwoʼ. Jiihóvah bá nidaalʼaʼí dabidziilgo dóó dabitsxeʼgo yaa dzólí. Tʼáá áníiltso Jiihóvah danihidziilgo ánihidoolííł daniidzingo bikééʼ nidasiidzı̨́į doo. Éí biniinaa Nóah, Daniel, dóó Job biʼoodląʼ dóó akʼeh dahółʼı̨́ yę́ęgi átʼéego bedaʼiilʼı̨́į doo. Nááná kóneʼ díí hastóí haitʼéego Jiihóvah yikʼeh dahółʼı̨́įgo tʼáá íiyisíí yéédahósin ńtʼééʼ. “Tʼáá ałtsoní yikʼidadiʼyiitįįh” dóó Jiihóvah ádazhdoolíłígíí yídaneelʼą́ągo ájiilaa. (Proverbs 28:5) Nihí ałdóʼ tʼáá ákótʼéego ádadiilnííł.