1, 2. Nihibrother łaʼ haʼátʼíí yee ádaa ákoniizı̨́ı̨́ʼ, áko haa jiilaa?

ROBERT 15 binááhaigo baptize ábiʼdiilyaa, ndi Jiihóvah bił kʼé ahizhdiʼníigi doo ayóó bidziil da. Kójíní: “Doo yáʼádaatʼéehii tʼáadoo baa niséyáa da, ndi tʼóó áhodishʼı̨́įgo yishááł ńtʼééʼ. Jiihóvah áhánígo bił nishłı̨́ nahonishłin, áłah náʼádleehdi áłahjįʼ náshdááh dóó łáháda auxiliary pioneer ánáʼáshʼįįh. Ndi haʼátʼíí shı̨́ı̨́ biʼoh nishłı̨́.”

² Robert biʼoh jílínígíí doo hoł bééhózin da, ajizyehgo índída baa ákozhniizı̨́ı̨́ʼ. Hweʼasdzą́ą́ bił Diyin Bizaad bee naʼahízhdílkidgo bee ninájiʼneeh. Hweʼasdzą́ą́ éí Diyin Bizaad ayóó bił bééhózin, índa doo bá nantłʼa da. Ndi Robert éí Diyin Bizaad doo ayóó hoł bééhózin da, áko baa yáznízin. Kójíní: “Tʼáadoo shił bééhóziní da nahonishłin. Kwíínísingo tsídíkééz, ‘Sheʼasdzą́ą́ bá sézı̨́į dooígi, hashtʼedeeshłííł niidzı̨́ı̨́ʼ.’” Áko hashtʼejiilaa. Ájíní: “Diyin Bizaad nibéhéstsaadgo bee naʼádinéshtą́ą́ʼ, áádóó tʼáá ałtso shá ahiih yíkai. Íiyisígíí éí Jiihóvah áhánígo bił kʼé ahidishní sélı̨́ı̨́ʼ.”

3. (a) Robert baa haneʼgi haʼátʼíí bitsʼą́ą́dóó íhooʼaah? (b) Haʼátʼíí baa nídadíitʼįįł?

³ Robert baa haneʼgi bitsʼą́ą́dóó íhooʼaah. Diyin Bizaad  shı̨́ı̨́ nihił bééhózin, áłah náʼádleehgóó ałnánéidááh dóó atah nahwiilneʼ, ndi doo díí tʼéiyá bee Jiihóvah bił kʼé ahidiiʼníigi bidziilgo áyósin da. Doodaiiʼ tʼáá íídą́ą́ʼ shı̨́ı̨́ yéigo Jiihóvah bił kʼé ahidiiʼníigi bidziilgo bee ádaʼdiilyaa, ndi ádiníilʼı̨́įgo bee biʼoh niidlínígíí hashtʼediilnííł. (2 Timothy 3:14) Díí baa nídadíitʼįįł: (1) Jiihóvah bił kʼé ahidiiʼníigi haʼátʼíí bee ádiníilʼı̨́įgo nihíká adoolwoł? (2) Niheʼoodląʼ bidziil dóó God áhánígo bił niidlı̨́į dooígi haitʼéego ádiilnííł? (3) Jiihóvah áhánígo bił kʼé ahidiiʼníigi haitʼéego nihíká análwoʼ doo?

4. Ephesians 4:23, 24 éí háí bá átʼé?

⁴ God bá neilʼaʼ siidlı̨́įʼgo iiná yiiltʼihgi hashtʼeiilyaa. Baptize ánihiʼdiilyaa bijı̨́ı̨́dóó éí hashtʼeiilnéehgo doo niitʼéeh da. Háálá nidaʼiyiilzííh, ndi Diyin Bizaad ání: “Nihintsíkees ániidígo tʼááłáhígi átʼéego áńdaahdlééh.” (Ephesians 4:23, 24, New World Translation) Ląʼí shı̨́ı̨́ nááhai Jiihóvah bá neilʼaʼgo, ndi bił kʼé ahidiiʼníigi bidziil ííníilzin doo.​—Philippians 3:12, 13.

5. Haʼátʼíí bee ádaa nitsíjíkeesgo Jiihóvah bił kʼé ahizhdiʼníigi yéigo daatsʼí bidziilgo ájiilaa doo?

⁵ Tʼáá áníiltso hazhóʼó ádiníilʼı̨́į doo. Díí bee ádaa nitsíjíkees doo: ‘Jiihóvah biníłchʼi diyinii shiyoołáałgoósh bee ádaa ákonisin? Christ nitsíkeesígi átʼéegoósh nitséskees yishłeeł? Áłah néidleehgi áníshtʼéegi dóó nitséskeesgi haitʼéego bee shééhoʼdílzin? Haʼátʼíí lá baa yáshtiʼgo bíká laanaa nisingo bee ííshjání áshʼı̨́? Íhooshʼaahgi, ééʼ sétı̨́įgi, dóó shichʼįʼ haʼadzihgo bikʼee ííshtʼįįhgi haitʼéego bee shidiʼnélʼı̨́? Doo yáʼátʼéehii ádeeshnííł niisįįhgo nitséskeesgo éí nahjįʼ kódoolníiłgi haitʼéego hazhóʼó baa nitséskos? Oodlání hóyáaniísh sélı̨́ı̨́ʼ?’ (Ephesians 4:13) Díí baa nitsíjíkeesgo éí Jiihóvah bił kʼé ahizhdiʼníigi bidziil ájoolíił doo.

6. Jiihóvah bił kʼé ahidiiʼníigi bidziil dooígi haʼátʼíí ałdóʼ nihíká adoolwoł?

⁶ Jiihóvah bił kʼé ahidiiʼníigi bidziil daatsʼígi łaʼda yee nihíká adoolwołgo átʼé. Yilʼaadii Paul áníigo tsʼísee kʼehgo hináanii God yił hóshǫ́ǫgi doo yééhósin da. Ndi God biníłchʼi diyinii biyoołáałii éí God nitsíkeesgi yééhósin. Bił bééhózingo tsʼísee kʼehgo iiná éí Jiihóvah doo bił yáʼátʼéeh da. (1 Corinthians 2:14-16; 3:1-3) Elders éí Christ nahalingo nitsékeesgo éí nihibrother łaʼ tsʼísee kʼehgo nitsíkees yileehgo yaa ákoniizįįhgo yíká adoolwoł. Elder łaʼ kótʼéego nihíká iilyeedgo áádóó nihił yáʼátʼéehgo hashtʼediilnííłísh? Ákwíidzaago Jiihóvah bił kʼé ahidiiʼníigi bidziilgo ádeeshłííł niidzingo ííshjání íilyaa doo.​—Ecclesiastes 7:5, 9.

7. Diyin Bizaad ayóó hoł bééhózinígi doo tʼáá éí tʼéiyá bee God áhánígo bił ídlı̨́į daaígi haitʼéego nihił bééhózin?

⁷ Diyin Bizaad hoł bééhózingi doo éí  tʼéiyá bee God áhánígo bił ídlíinii átʼée da. Naatʼáanii Sálaman ląʼígóó Jiihóvah bééhojísin, dóó bee hódząʼ saad ájiilaa yę́ę Diyin Bizaad biiʼ dabikááʼ. Ndi tʼahádóó Jiihóvah bił kʼé ahizhdiʼnínę́ęgi doo bidziil da silı̨́įʼgo biniinaa Jiihóvah bitsʼą́ąjįʼ dashdiiyá. (1 Kings 4:29, 30; 11:4-6) Áko Diyin Bizaad nihił bééhózingi áádóó náábíghą́ąhjįʼ haʼátʼíí ałdóʼ bídin hwiindzin? Éí niheʼoodląʼ bidziilgo tʼááłáhígi átʼéego ádeiyíníilzin doo. (Colossians 2:6, 7) Éí haitʼéego ákódiiʼnííł?

8, 9. (a) Oodląʼ bidziil doogo haʼátʼíí áká adoolwoł? (b) Jiihóvah baa íhooʼaahgo haʼátʼíí biniyé hazhóʼó nabikʼítsíilkees doo? (Áłtsé adahaskidígíí níníłʼı̨́.)

⁸ Paul ałkʼidą́ą́ʼ Oodlání kwííłní, “Hóyáanii kʼehgo nitsídaahkees.” (1 Corinthians 14:20) Díí haitʼéego beʼdiilnííł? Bilagáanakʼehjí naaltsoos How to Remain in God’s Love biiʼdóó íhwiidiilʼááł. Éí Diyin Bizaad binahjįʼ naʼnitinii chooʼı̨́įgi yee níká adoolwoł. Díí tʼáá íídą́ą́ʼ yíníłtaʼgo naaltsoos łaʼ náádahódlónígíí neʼoodląʼ bidziil ná íidoolíiłgo yee níká adoolwoł. (Colossians 1:23) Áádóó bídahwiilʼaahígíí hazhóʼó nabikʼítsíilkees doo, éí bikʼeh áníshtʼée doo diiʼníigo Jiihóvah bichʼįʼ sodiilzin doo.

⁹ Jiihóvah baa ídahwiilʼaahígíí hazhóʼó nabikʼítsíilkeesgo éí Jiihóvah bił honiilzhǫ́ dóó bikʼeh ániitʼée doo biniyé íítʼįįd doo. (Psalm 40:8; 119:97) Jiihóvah baa íhwiidiilʼáałgi nihidínóołtłʼahii nahjįʼ kwíilʼı̨́į doo.​—Titus 2:11, 12.

10. Ániid ndaakaii Jiihóvah yił kʼé daʼahidiʼníigi haitʼéego bidziilgo ádazhdoolííł?

¹⁰ Ániid nanináago Jiihóvah bá nanilʼaʼgi haitʼéego bee ádá nahóʼá? Nihibrother łaʼ Bétheldi naalnishgo circuit assemblygi ániid ndaakaii baptize ádaalneʼígíí, Jiihóvah bá naʼalʼaʼgi haitʼéego bee ádá nahóʼá yił níigo neídíłkid łeh. Ląʼígo éí Jiihóvah bá niʼdooʼaałgi hazhóʼó yaa nitsídadeezkéezgo baa ákozhniizı̨́ı̨́ʼ. Łaʼ éí full-time Jiihóvah bá naʼaʼaʼgi doodaiiʼ nahalneʼé bídin hóyéeʼgi ákǫ́ǫ́ deeshnééł daaníigo ádá nidahaʼá. Ndi łaʼ éí hóla daaní. Ákoósh éí Jiihóvah bá naʼaʼaʼgi bee ádá nahatʼáagi doo bił danilı̨́ı̨́góó yaa nitsídaakees? Ániid nanináago díí baa nitsíníkees: ‘Áłah náʼádleehgóó  dóó atah nahashneʼgóó, éísh shizhéʼé dóó shimá áshíłníigo ákǫ́ǫ́ naashá? Doodaiiʼ tʼáásh shí Jiihóvah bił kʼé ahidishníigi bidziil?’ Tʼáá áníiltso éí Jiihóvah bá naʼaʼaʼ dooleeł binahatʼáagi hólǫ́ǫ doo. Áko Jiihóvah bił kʼé ahidiiʼníigi bidziil doo.​—Ecclesiastes 12:1, 13.

11. (a) Jiihóvah bił kʼé ahidiiʼníigi bidziil dooleełgo haʼátʼíí ádiiʼnííł? (b) Diyin Bizaad biiʼdę́ę́ʼ háí łaʼ nihinááł áátʼįįdgi bikʼeh ádadiiʼnííł?

¹¹ Haʼátʼíí shı̨́ı̨́ hashtʼedoolníił doogo baa ákoniidzı̨́įʼgo tʼáá ákǫ́ǫ́ tsı̨́įłgo hashtʼediilnííł. Díí ílíinii átʼéii átʼé, háálá nihídéétʼiʼii átʼé. (Romans 8:6-8) Tʼáadoo niʼiyiilzíhí doogo, Jiihóvah doo yił nanihólíi da, éí biníłchʼi diyinii yee nihaa joobaʼgo yee nihíká análwoʼ. Ndi łahdóó tʼáá nihí adíneiilnish doo. Brother John Barr, éí Hastóí Alą́ąjįʼ Daʼéeʼéshígíí atah dah sidáá ńtʼéeʼgo, Luke 13:24 yaa haadzííʼ: “Ląʼí éí áhoołtsʼóózígo yah ahóótʼiʼ góneʼ yah adahidookahgi chʼééh ádeiłʼı̨́ háálá yee bidziil ádadiʼdoolníiłgi doo yéigo yíká ádaatʼįįd da.” Jéíkab ádzaa yę́ęgi átʼéego ádaniitʼée doo, éí diyingo naalʼaʼí łaʼ shikʼijiisínídliʼgo índa nidideeshchił yiłníigo yił ahoogą́ą́ʼ. (Genesis 32:26-28) Diyin Bizaad yíníiltaʼgo éí níłchʼi naalkidí biiʼ hanááł naʼalkid doodaiiʼ nidajinéego bízhneedlínígi átʼéego doo nahalin da. Diyin Bizaad bíhooʼaahgo bee ákʼíhojiłtaʼgo bóhoneedlı̨́. Áko binaʼanishgo tʼáá aaníinii ílíinii nihíká adoolwołgo bikʼídiidáałgo átʼé.

12, 13. (a) 1 Corinthians 2:16 haitʼéego bikʼeh ániitʼéego ánihósin doo? (b) Peter nihinááł áátʼįįd yę́ęgi dóó yee nihichʼįʼ haadzíiʼgi haitʼéego nihíká adoolwoł? (c) Jiihóvah bił kʼé ahidiʼníigi haitʼéego bidziilgo ádíílííł? (“ Kótʼéego God Biníłchʼi Diyinii Niyoołáał Doo” níníłʼı̨́.)

 ¹² Jiihóvah bił kʼé ahidiiʼníigi yéigo bineilnishgo biníłchʼi diyinii nihíká análwoʼgo hazhóʼó nitsíikeesgo ánihidoolííł. Christ bintsíkees bee nitsídeiikeesgo baa ídahwiidiilʼááł. (1 Corinthians 2:16) Doo yáʼátʼéehii beʼadáhonooní dóó God yaa bił hózhóonii bee ániitʼée dooígi níłchʼi diyinii yee nihíká análwoʼ. (Galatians 5:16, 22, 23) Naadeełii dóó honeení tʼéiyá baa nitsíikeesgo bee ádaa ákoniidzı̨́įʼgo tʼáadoo tʼóó ákótʼéhí. Jiihóvah biníłchʼi diyinii bííníikeedgo bee yáʼátʼéehii baa nitsíikeesgo ánihósin doo. (Luke 11:13) Yilʼaadii Peter béénílniihgo doo tʼáá áłahájįʼ Christ bintsíkees yee nitsíkees da ńtʼééʼ. (Matthew 16:22, 23; Luke 22:34, 54-62; Galatians 2:11-14) Ndi éí doo yikʼi deeyáa da, Jiihóvah bíká eelwod. Peter éí Christ bintsíkees yee nitsíkeesgo yíhoołʼą́ą́ʼ. Nihí ałdóʼ ákódiiʼníiłgo átʼé.

¹³ Peter éí kódanohtʼée doo níigo chʼíiníʼą́. (2 Peter 1:5-8 yíníłtaʼ.) Ádaa áháyą́, nízaadgóó haʼahóní, ayóóʼóʼóʼní, dóó yáʼádaatʼéehgo bee éʼétʼéii dooleełgi bee ádaʼdiilneʼ doo. Tʼáá ákwíí jı̨́ díí baa nitsíikees doo: ‘Díí jı̨́, haʼátʼíí lá bee éʼétʼéii bee áníshtʼéego Jiihóvah bił kʼé ahidishníigi bidziilgo íidoolííł?’

14. Jesus nitsíkeesígi átʼéego nitsíikeesgo haitʼéego niheʼiinaʼ neiloʼ?

¹⁴ Christ bintsíkees bee nitsídeiikeesgo éí neiilnishdi dóó ííníiltaʼdi íitʼįįłgi, saad bee yéiiltiʼgi, dóó ádá nahatʼáagi neiloʼgo átʼé. Bee ádá nahwiitʼáaii bee bééhózingo Christ beʼiilʼı̨́. Jesus nitsíkeesígi átʼéego nitsíikeesgo éí Jiihóvah bił kʼé ahidiiʼníigi nihitsʼą́ą́ʼ doochxǫǫłgi bee baa áhwiilyą́. Jiihóvah bił kʼé ahidiiʼníigo éí doo yáʼátʼéehii ádeeshnííł niizįįhgo bitsʼą́ąjįʼ ániitʼéego ánihósin. Tʼah doo ádá hodiitʼaahgóó díí baa nitsíikees doo: ‘Diyin Bizaad binahjįʼ naʼnitinii háiidiiígíí lá kweʼígi yee shíká adoolwoł? Jesus éí haitʼéego áʼdoolííł? Haitʼéego Jiihóvah bił honiilzhǫ́ǫ doo?’ Tʼáá áłahájįʼ kótʼéego nitsíikees doo. Łaʼ baa nídadíitʼįįł. Díí tʼááłaʼí nítínígo Diyin Bizaad binahjįʼ bee naʼnitinii nihíká adoolwołgo hódzą́ bee ádá nahwiitʼáa doo.

15, 16. Jesus bintsíkees bee nitsíjíkeesgo éí haitʼéego baa honiidzą́ągo díí bee ádá nihodiyiitʼaah doo, (a) éí hachʼooní ázhdoolíiłgi? (b) éí hakʼis ázhdoolíiłgi?

¹⁵ Hachʼooní ázhdoolíłígíí. Diyin Bizaad binahjįʼ bee naʼnitinii 2 Corinthians 6:14, 15 (Yíníłtaʼ.) díí chʼíiníʼą́. Paul ání, God biníłchʼi diyinii biyoołáałii éí tsʼísee kʼehgo nitsíkeesii doo yił aheełtʼéégóó nitsíkees. Áko achʼooní dooleełii éí kweʼé Diyin Bizaad binahjįʼ naʼnitinii haitʼéego níká adoolwoł?

¹⁶ Akʼis ázhdoolíłígíí. Diyin Bizaad binahjįʼ bee naʼnitinii Proverbs 13:20 (Yíníłtaʼ.) díí chʼíiníʼą́. Jesus bintsíkees yee nitsíkeesii éí hweʼoodląʼ hatsʼą́ą́ʼ yidoołchxǫǫłii doo hakʼis ázhdoolíił da. Diyin Bizaad binahjįʼ naʼnitinii kódaatʼéégóó bikʼeh ádííníiłgo níká adoolwoł. Social networking baa naʼadáágóó dóó online biiʼ bee nidaʼaʼnéii łaʼda tʼáadoo bééhojísinii bił bee nijinéego, haitʼéego  bee ádaa áhólyą́ągo bee ádá nahóʼáa doo?

17-19. Jesus bintsíkees bee nitsíníkeesgo díí haitʼéego níká adoolwoł, (a) tʼáadoo biniyéhígóó baa nidaʼaldeehii bitsʼąą ánítʼée dooígi? (b) yáʼátʼéehgo ádá nahóʼáa dooígi? (c) ałghaʼditʼáahgi?

¹⁷ Tʼáadoo leʼé baa nidaʼaldeehii oodląʼ yidoołchxǫǫłii. Hebrews 6:1 (Yíníłtaʼ.) góneʼ tʼáá bítséedi bee nihił hóoneʼ. Éí “tʼáadoo biniyéhígóó baa nidasiikaii” áhyiłníigi haitʼéego bitsʼąą ádaniitʼée doo ní? Tʼáadoo biniyéhígóó baa naʼaldeehii Jiihóvah bił kʼé ahidiiʼníigi doo bidziilgóó nihitsʼą́ą́ʼ íidoolííł. Díí baa nitsíikees doo: ‘Díí baa nidaʼaldeehii éísh shá yáʼátʼééh, doodaiiʼ tʼáadoósh biniyéhí da? Naanish łaʼ biyoolwołgo binahatʼáagi łahdóósh bee anishtah doo? Nahasdzáán yáʼátʼéehgo hazʼą́ą doo daanínígíí haʼátʼíí biniyé tʼáadoo łahdóó bee éédiishwoʼí doo?’

¹⁸ Jiihóvah bá naʼaʼaʼgi bee ádá nahatʼá. Dził binániigi Jesus éí yáʼátʼéehgo ádá nahatʼáagi yee naʼneeztą́ą́ʼ. (Matthew 6:33) Jesus bintsíkees yee nitsíkeesii éí God biNahatʼaʼ alą́ąjįʼ áyósin łeh. Diyin Bizaad binahjįʼ bee naʼnitinii díí bee baa nitsíikees doo: ‘Óltaʼdóó niʼníłtaʼgo, wódahgo óltaʼgóósh deeshááł? Naanish ílínígíísh nídideeshłééł?’

¹⁹ Ałghaʼditʼááh. Paul éí díí Romedi Oodlání yee yichʼįʼ haadzííʼ, éí nihíká adoolwoł. Christ bedaʼiilʼı̨́, éí “diné tʼáá ałtso bił kʼé” daʼahidiiʼní. (Romans 12:18) Łaʼda bił ałghaʼdiitʼáahgo bikʼee haa niitʼéeh łeh? Łaʼda shí yeeʼ kótʼéego baa nitséskees nihił níigo, tʼáá áko didiiʼniiłígi niháásh nantłʼa łeh? Doodaiiʼ ayóó kʼé niidzingoósh bee nihééhoʼdílzin?​—James 3:18.

20. Haʼátʼíí biniyé Jiihóvah bił kʼé ahidiʼníigi bidziilgo ádeeshlííł nínízin?

²⁰ Bídahwiilʼą́ąʼgo Diyin Bizaad binahjįʼ bee naʼnitinii nihíká análwoʼgo bee ádá nihodiyiitʼaahgo God biníłchʼi diyinii nihiyoołáałgo átʼé. Jesus bintsíkees bee nitsíikeesgo nihił hózhǫ́ǫ doo. Robert baa chʼíhootʼánę́ę ání: “Jiihóvah bił kʼé ahidishníigi bidziil silı̨́įʼgo ahastiin dóó azhéʼé ídlı̨́įgi bee yáʼátʼéehgo áshiilaa. Áko shił hózhǫ́.” Jiihóvah bił kʼé ahidiiʼníigi bidziil íilnéehgo éí ląʼígóó bee nihikʼihojídlí. Éí iiná baa hózhǫ́, áádóó níléí náasdi “tʼáá aaníí iináanii” nihaa doolyééł.​—1 Timothy 6:19.