JANUARY 24, 2018 United States dóó Canada Béthelgi haneʼ łaʼ ályaago tʼáá ałtso yaa bił dahóózhǫǫd. Nihibrother Kenneth Cook, Jr., Jiihóvah Yá Dahalneʼé Hastóí Alą́ąjįʼ Daʼéeʼéeshii atah dah sidáago ábiʼdiilyaa.

Brother Cook éí Pennsylvaniadi hoʼdizhchı̨́, éí tʼáá ákǫ́ǫ́ hayaa hooʼaʼ. Naaki tsʼáadah kʼadę́ę niʼjíłtáahgo bił ajółtaʼígíí Diyin Bizaad hoł chʼíiníʼą́. Tʼáá aaníígóó naʼnitin bóhojiiłʼą́ą́ʼ, éí June 7, 1980 yę́ędą́ą́ʼ baptize áhoʼdiilyaa. September 1, 1982dóó full-time regular pioneer jílı̨́įgo hahoolzhiizh. Pioneer ájiłʼı̨́įgo naaki nááhai, áádóó Bétheldę́ę́ʼ wóshdę́ę́ʼ hoʼdooʼniid. October 12, 1984, Wallkill, New Yorkdi Béthelgi jideeshnish.

Béthelgi nijilnishgo 25 nááhai. Brother Cook éí naanish ałʼąą átʼéii haa nídítʼááh, éí naaltsoos hahinidééhjí, doodaiiʼ naaltsoos alı̨́ı̨́ʼ góneʼ ninájilnish. 1996 yihah góneʼ Jamie éí hweʼasdzą́ą́ silı̨́ı̨́ʼ, áádóó Béthelite silı̨́įʼgo Wallkilldi tʼáá hwíighahdóó deeshnish. December 2009 nahalzhiishgo Brother dóó Sister Cook éí Watchtower Educational Center, Patterson, New Yorkgóó ahoʼdoolʼaʼ. Áadi Brother Cook éí Writing Correspondence Department góneʼ jideeshnish. April 2016 nahalzhiishgo tʼóó kónígháníjįʼ Wallkilldi níjítʼáázh áádóó Brooklyn, New Yorkgóó ánááhoʼdoolʼaʼ. Brooklyndi ashdlaʼ hwee nídeezid áádóó Warwick, New York, world headquarters bił hazʼą́ądi náájítʼáázh. January 2017, Brother Cook éí Writing Committee of the Governing Body yíká análwoʼii jílı̨́įgo áhoʼdiilyaa.