1. Haitʼéego David éí Jiihóvah yaa nitsékees, dóó haʼátʼíí binahjįʼ ájiidzaa?

NAATʼÁANII DAVID yikʼeʼashchı̨́: Jiihóvah “éí ayóó átʼéii nilı̨́, áko tʼáá íiyisí baa haʼniihgo yą́ą́h nilı̨́.” (Ps. 145:3) David éí Jiihóvah ayóóʼáyóʼní. Éí biniinaa “áłah nádleehii bitahgi” yaa haniih. (Ps. 22:22; 40:5) Jiihóvah ayóóʼííníʼníigo dóó David ádííniidii nił tʼáá ákogo: “Nihizhéʼé yę́ę Ízrel wolyéii biBóhólníihii [Jiihóvah] Diyin God nílíinii, nił hózhǫ́ǫgo naa haʼniihgo hoolʼáágóó ahóyéelʼáa doo.”—1 Chron. 29:​10-13.

2. (a) Haitʼéego Jiihóvah baa dahwiiʼniih? (b) Haʼátʼíí nihá nantłʼa, áádóó haʼátʼíísh baa nínáádadíitʼįįł?

² Dííshjı̨́įdi áłah néiidleehgi Jiihóvah baa hwiiʼniihgo bee ííshjání ádiilnííł. Ákondi, ląʼí nihibrothers dóó nihisisters bá ndanitłʼa. Łaʼ comment áʼdeeshłííł danízin ndi, nídaaldzid. Haitʼéego doo bił daayéeʼ da doo? Haitʼéego ahidiníłnáago comment íʼiilʼı̨́įgi bee áká anídeijah doo? Díí naʼídíkidígíí tʼah doo answer ánílééhgóó, áłtsé dı̨́įʼgo biniinaaígíí áłah náʼádleehgi comment íʼiilʼínígíí baa nídadíitʼįįł.

3. Áłah néiidleehgi haʼátʼíí biniyé comment íʼdiilnííł?

³ Jiihóvah éí tʼáá áníiltso baa dahwiiʼniih doo biniyé nihaidiníʼą́. (Ps. 119:108) Áłah néiidleehgi comment íʼiilʼı̨́įgo éí Jiihóvah ‘baa dahwiiʼniih.’ Doo éí łaʼda nihá ádooníił da. (Hebrews 13:15 yíníłtaʼ.) Jiihóvah éí tʼáá aheełtʼéego shichʼįʼ náádaʼayółniih doo nihiłníi da.

4-5. Tʼáásh ahéénéelą́ąʼgo comment íʼiilʼı̨́į doo? Łaʼ baa chʼíhoníʼaah.

 ⁴ Tʼáásh ahéénéelą́ą́ʼgo comment íʼiilʼı̨́į doo? Ndagaʼ! Tʼáá áníiltso ániitʼéhígíí éí Jiihóvah bił bééhózin. Ałʼąą ádaatʼéego biʼoh daneelʼą́ áádóó łaʼ bídaniilʼą́. Jiihóvah díí bídaniilʼánígíí bee bichʼįʼ náádaʼayiilniihígíí yaa ahééh nízin. Ízrel dineʼé Jiihóvah yichʼįʼ náádaʼayiilniih yę́ę baa nitsíníkees. Łaʼ Ízrel dineʼé dibé yázhí doodaiiʼ tłʼízí náádayiiłniih ńtʼééʼ. Ízrel dineʼé badahojoobáʼígíí éí “hasbídí naakigo, doodaiiʼ hasbídí łigaii biyázhí naakigo” náádayiiłniih ńtʼééʼ. Tsídii naakigo jidoojihgi biʼoshneelʼą́ągo éí áłchʼı̨́ı̨́dígo akʼáán dibahí Jiihóvah bił yáʼátʼééh. (Lev. 5:​7, 11) Akʼáán éí doo ílı̨́į da ndi, akʼáán dibahí Jiihóvah bichʼįʼ náájiisniiʼígíí yaa ahééh nízin.

⁵ Íídą́ą́ʼ nihiGod ajoobaʼígíí jílı̨́, kʼad ałdóʼ ajoobaʼii nilı̨́. Apálas dóó Paul yee yáłtiʼígíí yiyiichįįh nahalingo nihí comment ádaʼiilʼínígíí doo nideichʼąąhgo bee yádeiltiʼ da. (Acts 18:24; 26:28) Jiihóvah éí tʼáá nihí baa nitsóhkeesígíí bee comment ádaʼiilʼı̨́į doo nihóʼní. Béénílniih asdzání łaʼ bąąh áhásdįįdii béeso tsʼídá aʼohgo ílínígíí tʼáá naaki ayíínil. Éí binahjįʼ asdzání ádzaaígíí bił nilı̨́.—Luke 21:​1-4.

6. (a) Comment ádeilʼínígíí haitʼéego baa nitsíníkees? (b) Comment ádeiłʼínígíí haitʼéego baa ahééh niidzin?

⁶ Comment íʼiilʼı̨́įgo éí ahidiníłnáago bee danihidziil. (Hebrews 10:​24, 25 yíníłtaʼ.) Tʼáá áníiltso ałʼąą ádaatʼéego comment ádaʼałʼı̨́įgo baa nił dahózhǫ́. Áłchíní yázhí tʼáá bí bizaad yee comment ádaʼałʼı̨́įgo baa nihił dahózhǫ́. Náánáłahdę́ę́ʼ haʼátʼíí shı̨́ı̨́ tʼáá bí íinízinii yee comment áʼdoołííł. Tʼáá yíhoołʼą́ʼígíí yee hadoodzih, éí ałdóʼ baa hózhǫ́. Azhą́ yániidzin ndi, doodaiiʼ saad nihá nantłʼa ndi, éí ‘doo daastiʼgóó’ comment ádaʼałʼı̨́įgi baa ahééh daniidzin. (1 Thess. 2:2) Tʼáá ałtso baa ahééh niidzingo bichʼįʼ ííshjání ádiilnííł. Yee comment ádaʼiilaaígíí ahéheeʼ bididiiʼniił. Náánáłah átʼéego tʼáá nihí comment áʼdiilnííł. Éí ahidiníłnáago bee hadaʼííníilníi doo.—Rom. 1:​11, 12.

7. Comment íʼiilʼı̨́įgo haitʼéego nihíká adoolwoł?

 ⁷ Comment íʼiilʼı̨́įgo nihíká adoolwoł. (Isa. 48:17) Haitʼéego? Áłtsé, éí comment ázhdoolíłígíí hashtʼezhdoolííł, áádóó bízhneedlı̨́įgo baa iízhdóołtah. Diyin Bizaad bikʼizhdiʼdootı̨́įłgo hazhóʼó baa íízhdóołtah. Áádóó tʼáá ałhąąh niheʼiinaʼ hazhóʼó bee choolʼı̨́į doo. Naaki góneʼ, éí áłah náʼádleehgi atah jílı̨́įgo baa hoł hózhǫ́ǫ doo. Tááʼ góneʼ, áłah náʼádleeh daʼííłtso bikéédóó éí comment ájiilaa yę́ę ayóó bééjílniih łeh.

8-9. (a) Malachi 3:16 binahjįʼ, comment íʼiilyaagi haitʼéego Jiihóvah yee nihaa nitsékees? (b) Haʼátʼíí tʼahdii łaʼ nihá ndanitłʼah?

⁸ Niheʼoodląʼ baa yájíłtiʼgo éí Jiihóvah yaa bił hózhǫ́. Nihił bééhózingo éí Jiihóvah nihíistsʼą́ą́ʼ. Áłah néiidleehgi comment áʼdeeshłííł niidzı̨́įʼgo éí Jiihóvah bił nilı̨́. (Malachi 3:16 yíníłtaʼ.) Yéigo Jiihóvah bá neiilnishgo baa bił hózhǫ́, bił nilı̨́įgo yee nihikʼihojídlí.—Mal. 3:10.

⁹ Comment íʼiilʼı̨́įgo bee hatah yáʼáhootʼéeh łeh. Yáádadiilnihgi tʼahdii łaʼ yéédaaldzid, ákondi tʼáadoo bikʼee nąąh nináháłkaʼí. Diyin Bizaad bikʼehgo oodáłígíí, tʼáá díkwíí shı̨́ı̨́ baa chʼídaastʼą́, áádóó haitʼéego ádadiilníłígíí yee nihíká adoolwołii baa nídadíitʼįįł.

10. (a) Haʼátʼíísh béedeiildzidígíí łaʼ nihee dahólǫ́? (b) Comment ázhʼdoolíiłgi bikʼee hoł yéeʼ ndi, haʼátʼíí biniyé bee hatah yáʼáhootʼéeh doo?

¹⁰ Yadideeshʼnihgo comment áʼdeeshłííł nínízin ndi, bikʼee haa nítʼée łeh? Doo tʼáá ni tʼéí ákónítʼée da. Tʼáá aaníí łaʼ ákódaniitʼé éí łahda tʼą́ą́ʼ ákónihósin łeh. Áłtsé bikʼidiʼdiitı̨́ı̨́ł haʼátʼíísh biniinaa hadiidzihígíí binéiildzid. Comment ádeeshłíłígíí beidiyeeshnah nisingo biniinaa binásdzid? Náánáłaʼ nizhónígo comment ádaʼałʼínígíí átʼéego niísh éí bééníldzid? Díí ákótʼéego nitsíjíkees, éí bee hatah yáʼáhootʼéeh łeh. Aʼohgo íʼdíínílzin dóó náánáłaʼ éí tʼáá niláahdi ádaatʼé. Ákótʼéego  nitsíjíkeesgo éí Jiihóvah ayóóʼáhóʼníi łeh. (Ps. 138:6; Phil. 2:3) Jiihóvah baa dahwiiʼniih doo nihóʼní. Jiihóvah ánihiłní, nihibrothers dóó nihisisters áłah náʼádleehgi ahidiníłnáago bee daʼahidínóołdzil. (1 Thess. 5:11) Ayóóʼóʼóʼní dóó haʼahóní yee nihíká análwoʼ.

11. Háidígíísh Diyin Bizaad bénéiilniihgo yee nihíká adoolwoł?

¹¹ Diyin Bizaad ánínígíí hazhóʼó baa nitsíikeesgo yee nihíká adoolwoł. Diyin Bizaad ání tʼáá áníiltso nidaʼayiilzííh bee ádidiiʼniiłígíí łahda doo ákótʼéégóó bee haidzih. (Jas. 3:2) Jiihóvah éí nidaʼayiilzíhígíí bił bééhózin, nihibrothers dóó nihisisters ałdóʼ. (Ps. 103:​12-14) Áko Jiihóvah bidineʼé bił ayóóʼádaʼahííníiʼníi doo, bił kʼé daʼahidiiʼní. (Mark 10:​29, 30; John 13:35) Éí łahda comment íʼiilʼı̨́ı̨́ yę́ęgi doo ákótʼéégóó bee ádiiʼniih.

12-13. Niihemáíyah dóó Jónah baa haneʼígíí, haʼátʼíí bitsʼą́ą́dóó bídahwiilʼą́ą́ʼ?

¹² Diyin Bizaad biiʼdóó łaʼ baa dahóoneʼ yę́ę, haitʼéego yee nihíká adoolwoł? Niihemáíyah béénílniih. Naatʼáanii ayóó ábóodziil léiʼ yá naalʼaʼ ńtʼééʼ. Niihemáíyah éí Jerúsalem baa hozhdiiztsʼąąʼgo kin binázʼá yę́ę ałtso nałdaazgo biniinaa doo ákójítʼée da. (Neh. 1:​1-4) Baa nitsíníkees naatʼáanii nahódééłkidgo haʼátʼíísh biniinaa doo ákónítʼée da! Niihemáíyah tsı̨́įłgo sodoolzin dóó naatʼáanii yichʼįʼ tʼą́ą́ʼ hanáádzííʼ. Éí binahjįʼ naatʼáanii ląʼígóó God bidineʼé yíká eelwod. (Neh. 2:​1-8) Jónah baa nitsíníkees. Jiihóvah hachʼįʼ haadzíiʼgo nilééh Níneveh kéédahatʼínígóó díínááł hałní, Jónah éí násdzidgo náánáłahjigo yóóʼajoolwod. (Jonah 1:​1-3) Ákondi Jiihóvah háká eelwod, Jónah éí Níneveh dineʼé yił nahasneʼ. Haadzíʼígíí éí yéigo Níneveh dineʼé yee yíká eelwod. (Jonah 3:​5-10) Niihemáíyah bitsʼą́ą́dóó ídahwiilʼaah éí tʼahdoo haidziihgo sodidiilzįįł. Áádóó Jónah bitsʼą́ą́dóó íhooʼaahii éí azhą́ shı̨́ı̨́ nihił yéeʼ ndi, Jiihóvah bá neiilʼaʼgo nihíká adoolwoł. Níneveh dineʼé nidahalingo éí bił yah anéijahígíí doo ákódaatʼée da.

¹³ Áłah náʼádleehgi comment áʼdiilníiłgi haʼátʼíí yee níká adoolwoł? Łaʼ bee comment ádiilníłígíí baa nídadíitʼįįł.

14. Haʼátʼíí biniyé áłah náʼádleehígíí baa hashtʼeʼánídadiilʼįįh, dóó hahgo ánídeilʼįįh?

¹⁴ Áłah náʼádleehígíí bá hashtʼeʼánídiilʼįįh. Áłtsé nizhónígo baa ájółtahgo éí doo nantłʼagóó comment ájiiłʼįįh. (Prov. 21:5) Ałʼąą átʼéego nihindaalnish dahólónígíí biniinaa doo tʼáá aheełtʼéego daʼíiníiltaʼ da. Eloise, bąąh áhásdįįdii éí 80 honááhai, Bee Haʼídéesʼı̨́įʼii tʼáadoo nizaad damóo aleehí ałkééʼ ninájíʼniłgo níjółtah. Éí ájíní, “Tʼáá  áłtséedi náʼííníshtahgo éí baa shił hózhǫ́ǫgo ánáʼiishʼįįh.” Joy éí tʼááłáhájįʼ nijilnish, áko há náhootʼaah góneʼ Damóo Yázhígo éí Bee Haʼídéesʼı̨́įʼii níjółtah. “Haʼátʼíí shı̨́ı̨́ baa naʼíjółtahígíí éí tʼáá bééjílniih łeh,” jiní. Ike, elder dóó pioneer jílı̨́, éí ájíní, “Náʼííníshtah éʼéshłéehgo éí tʼáá shá náhootʼaah góneʼ kóníshéego ánáʼáshʼįįh nahalzhish, doo tʼáá átʼée ałtso áłahájįʼ náʼííníshtah da.”

15. Áłah néiidleehígíí haitʼéego baa hashtʼeʼánídiilʼįįh doo?

¹⁵ Áłah aleehgi éí haitʼéego hazhóʼó baa chʼídahastʼánígíí baa nídadíitʼįįł? Áłtsé bee háhadoolzhishígíí éí Jiihóvah bichʼįʼ sozdilzįįh. (Luke 11:13; 1 John 5:14) Title baa nitsíníkees áádóó subheading bił ahídéétʼiʼ. Nidaashchʼąąʼígíí haitʼéego haneʼ bił ahídadéétʼiʼ doo. Box biyiʼdóó tʼóó chʼídaastʼánígo łaʼ dabikááʼ. Kʼad saad dahnaazhjaaʼígíí yíníłtaʼgo, nábíighahdą́ą́ʼ scriptures biyiʼdóó yíníłtaʼ ałdóʼ. Díí baa nitsíníkeesgo, áádóó háí shı̨́ı̨́ bee ádideeshniił nínízinígíí biyaa daʼiizoh. Díí bá hashtʼeʼáníʼdiilʼįįh, éí nizhónígo doo nantłʼagóó hashtʼenéilʼįįhgo bee comment ánáʼiilʼįįh doo.—2 Cor. 9:6.

16. Haʼátʼíí bee nidíílnishígíí nihá hólǫ́, dóó haitʼéego choidiilʼįįł?

¹⁶ Tʼáá nábíighah ládą́ą́ʼ, tʼáá ni nizaadígíí bee digital tools choiníłʼı̨́. Jiihóvah biorganization éí electronic nihichʼįʼ kódeiłʼı̨́įgo áłah néiidleehdi chodeilʼı̨́. JW Library^® daabiiʼígíí download ádoolníiłgo nihá ályaa. Áko éí tʼáá dahidiikááhgóó deiyíníiltaʼ, dóó deisíníiltsʼą́ąʼgo bitsʼą́ą́dóó ídahwiilʼaah. Éí neiilnishdi áʼniidą́ąʼgo, ííníiltaʼgo doodaiiʼ chʼaaneedáago choineilʼı̨́įgo bitsʼą́ą́dóó íhwiilʼaah. Watchtower Library dóó Watchtower ONLINE LIBRARY^™ biiʼdóó íhooʼaah biniyé hazhóʼó háʼdéestʼı̨́įʼgo doo nantłʼagóó ályaa.

17. (a) Comment íʼdiilnííł nínízinígíí haʼátʼíí biniyé díkwíida ałkééʼ nidíínił? (b) Video Jiihóvah Bikʼis Dííleeł—Comment Łaʼ Hashtʼe Nilééh, haʼátʼíí bitsʼą́ą́dóó bíhwiiniłʼą́ą́ʼ?

¹⁷ Comment íʼdiilnííł nínízinígíí díkwíida ałkééʼ nidíínił. Haʼátʼíí biniinaa? Háálá tsʼídá áłtsé yáádinilniiʼ ndi, doo nidiʼdoojiiłgóó átʼé. Díkwíí shı̨́ı̨́ ałdóʼ yáádadidoolnih, éí aají łaʼ bidiʼdoojiiłgoda átʼé. Doo biláahgo aʼdoolkił da biniyé naʼídíłkidígíí éí tʼáá díkwííhígo hadoodzihgi yá náhoołʼaah. Áko doo niʼdéejiʼgóó, tʼáadoo bikʼee haadanítʼéhí. Comment áʼdeeshłííł nínízinígíí díkwíida ałkééʼ niinínilgo éí díkwíidida comment áʼdíílíiłgo ná bohónéedzą́ą doo. Diyin Bizaad biiʼdóó łaʼ yídéeshtah nínízingo ałkééʼ nidíínił. Nábíighah ládą́ą́ʼ, tʼáá ni  bee ádideeshniił nínízinígíí ałdóʼ łaʼ ałkééʼ nidíínił. *

18. Haʼátʼíí biniyé áłtsʼíísígo comment ánáʼiilʼįįh doo?

¹⁸ Áłtsʼíísígo comment ánáʼiinilʼįįh. Kótʼéego comment íʼiilʼı̨́įgo éí bóhoneedlı̨́įgo íilʼı̨́. Kótʼéego comment ałkééʼ nidíínił, éí 30 secondsjįʼda. (Prov. 10:19; 15:23) Ląʼí shı̨́ı̨́ nááhai kótʼéego áłtsʼíísígo comment íʼíłʼı̨́įgo, áko éí bee nidiʼnílʼı̨́. Nizaagóó comment íʼiilʼı̨́įgo éí náánáłahdę́ę́ʼ nídooldzíiłgo shí doo ákótʼéego yáshtiʼ da dínóozįįł. Áłtsʼíísígo comment íʼiilʼı̨́įgo éí náánáłahdę́ę́ʼ comment áʼdoolíiłgi bá bohónéedzą́ą doo. Paragraph biiʼdę́ę́ʼ ałtso baa chíhóʼááł lágo, áłtsé comment íʼiinilaago éí bínaʼídéékidígíí áłtsʼíísígo chʼídííʼááł. Paragraph biiʼdę́ę́ʼ baa hwiinítʼínígíí ałtso baa náhástʼįįdgo áádóó binaagóó tʼahdoo baa chʼíhootʼaahígíí chʼídííʼááł.—“ Haʼátʼíí Bee Comment Ádeeshłííł Lá?” níníłʼı̨́.

19. Conduct éʼéléhígíí haitʼéego níká adoolwoł, ndi ni éí haʼátʼíí bididííniił?

¹⁹ Conduct éʼéléhígíí éí tʼáá bítséedi kóneʼ comment áʼdeeshłííł bididííniił. Díí éí áłah néiidleehígíí tʼahdoo bee hahalzhííshgóó conduct éʼéléhígíí bee bił hodiilnih. Paragraph baa hoolzhiizhgo conductor niidoołtséełgo biniyé tsı̨́įłgo yadidíílni.

20. Áłah néiidleehgi éí haitʼéego hakʼis bił daʼjiyą́ nahalin?

²⁰ Áłah néiidleehgi éí hakʼis bił daʼjiyą́ nahalingo baa nitsíníkees. Nikʼis daʼdiidı̨́ı̨́ł dadííniidgo áádóó áłchʼı̨́ı̨́dígo chʼiyáán łaʼ dííkááł nidooʼniidgo, haa díínííł? Bikʼee nitsééníltłiʼ doo, ndi tʼáá ałtso bił daalkanígíí bá ádíílííł. Jiihóvah éí áłah néiidleehgi chʼiyáán yáʼádaatʼéehii tʼáá áłdįįdgo nihá áyósin. (Ps. 23:5; Matt. 24:45) Aa doolyéełii bíniilʼánígíí niilyáago Jiihóvah yaa bił hózhǫ́. Áko áłah néiidleehígíí hazhóʼó biniyé hashtʼeʼáníʼdiilʼįįh dóó comment ánáʼiinilʼįįh. Jiihóvah bibikááʼadání tʼéiyá bikááʼdóó ííyą́ą da doo, ndi aa doolyéełii dííleełgo bił yá hananjahígíí baa náʼíłtsoʼ doo.