Oodlání éí doo yáʼádaatʼéehii bitsʼąą ádaa áháyą́ą dooleełgi Diyin Bizaad binahjįʼ naʼnitinii bikʼehgo ádaʼałʼı̨́. Éí ííshjání ííłʼı̨́įgo bee atíʼdoolníiłii, beeʼeldǫǫh ádaatʼéii, bílaʼashdlaʼii biniyé áchʼą́ą́h jistą́ą dooleełgo doo álʼı̨́į da. Díí baa nitsíníkees:

Jiihóvah éí bílaʼashdlaʼii beʼiinaʼ ílı̨́įgo yaa nitsíkees. Diyin Bizaad áníigo éí Jiihóvah “hwee dahiniiʼná, áádóó nidahiiʼná, índa dahoniidlǫ́.” (Acts 17:28) Áko éí bąą Oodlání łaʼ, ádá doodaiiʼ honaalyeʼé bichʼą́ą́h nijigháago bílaʼashdlaʼii biniinaa diyoolyéełgi bee ádihozhdidooltʼihgi bitsʼąą ájítʼée doo.—Deuteronomy 22:8; Psalm 51:14.

Bee atíʼdoolníiłii áchʼą́ą́h chojoosʼįįdgo éí diné łaʼda bee jidiyoołhééł. Doo bił nitsáhákeesígi doodaiiʼ tʼáá áko jínéehgo ájítʼı̨́įgo beeʼeldǫǫh éí doo nantłʼagóó diné bee diyoolyééł. * (Footnote níníłʼı̨́.) Áádóó diné hakʼiilwodígíí tʼáá íídą́ą́ʼ shı̨́ı̨́ náldzid ndi átʼı̨́, áko beeʼeldǫǫh yiyiiłtsą́ągo tʼóó tséʼádin áhodoonííł, łaʼda bitsʼą́ą́dóó iiná nidootʼih.

Jesus yiską́ągo bidiʼyoolyéełgo bikééʼ naakai yę́ę diltłish nidaahjaah yidííniid, éí doo bee áchʼą́ą́h naalyée da doo biniyé. (Luke 22:36, 38) Ndi díí binahjįʼ náhodínóotı̨́ı̨́ł yiniyé áháłní: Éí atídaʼjiłʼı̨́į dooleełgo doo yá yinízin da, azhą́ łahdę́ę́ʼ bee atíʼdoolníiłii dah deíjáah ndi. (Luke 22:52) Peter bidiltłish yee aláahgo nááʼiiłniihii binaalteʼ yee atíyiilaa, áko Jesus éí Peter ííłní: “Nidiltłish iih nánítįįh.” Áádóó Jesus éí Oodlání díí binahjįʼ naʼnitinii yá yee haadzííʼ: “Diltłish bił hadajiideełígíí éí tʼáá ádzíłtso diltłish bee ádazhdoodįįł.”—Matthew 26:51, 52.

Micah 4:3 yaa chʼíhoníʼą́ągo ání, God bidineʼé éí ‘dabidiltłish bee nihwiildlaadí bitsiitsʼiin bee ádazhdoolííł índa bitsiiʼdadétáán éí tsin bitsʼáozʼaʼ bee higéshí ádazhdoolííł biniyé nídazhdootsił.’ Jiihóvah Yá Dahalneʼé éí kʼé bił ndaaztʼiʼgo kéédahatʼı̨́. Éí God bibee hazʼáanii Paul yikʼeʼashchínę́ę yikʼehgo deíkááh, éí “nihichʼįʼ doo yáʼátʼééhgóó ádaaníiłii tʼáadoo tʼáá éí bee kʼéédadohdleʼé” áádóó “diné tʼáá ałtso bił kʼé daʼahidohʼníigo kéédahohtʼı̨́.” (Romans 12:17, 18) Azhą́ Peter éí bádahadzidii bitah tázhdííyáa ndi, “aghadaʼiiʼníiłii” ádaatʼéii, áchʼą́ą́h nizhʼdooléełii jinízin ndi Diyin Bizaad binahjįʼ naʼnitinii tʼáadoo bikʼijįʼ áʼjiilaa da. (2 Corinthians 11:26) Ndi, God baʼjólí áádóó Diyin Bizaad éí “bee naʼabaahii biláahgo hódzą́” yee naʼnitingo hoł bééhózin.—Ecclesiastes 9:18.

Oodlání éí naadeełii biláahdi iiná bił danilı̨́. Nihił béédahózingo éí “diné tʼáadoo leʼé jitʼíinii éí doo íiyisí bee jiináanii átʼée da.” (Luke 12:15) Áko aniʼįįhii beeʼeldǫǫh neitingo áádóó chʼééh hazhóʼó bichʼįʼ yájíłtiʼgo, Jesus ádííniid yę́ę bikʼeh ádiiʼnííł: Diné doo ákǫ́ǫ́ ánihiłʼínígíí yiniyé átʼíinii tʼáadoo bichʼįʼ baa níchįʼí. Éí haʼátʼíí shı̨́ı̨́ yinízinígíí tʼóoda bíniʼdii yoojih doo. (Matthew 5:39, 40; Luke 6:29) * (Footnote níníłʼı̨́.) Doo yáʼáshxóonii biniinaa atíʼdoolíiłii bitsʼąą ádaa áhwiilyą́ą doo. Diyin Bizaad ánínígíí  bikʼeh yiidáałgo dóó “iiná bee ádaa hodzódlíii” bitsʼąą ániitʼéego éí doo yáʼáshxóonii díí biniinaa doo atínihidoolíił da. (1 John 2:16) Áádóó diné bił kééhwiitʼíinii éí, éidí Jiihóvah Yá Dahalneʼé ayóó kʼé danídzin danihiłníigo yee nihee dahósingo ałdóʼ yee nihichʼą́ą́h hólǫ́.—Proverbs 18:10.

Oodlání éí łaʼda bíniʼ bitsʼą́ą́ʼ jidínóołtłʼahgi bił danilı̨́. (Romans 14:21) Nihibrother łaʼ éí bílaʼashdlaʼii biniyé áchʼą́ą́h beeʼeldǫǫh yistą́ haʼníigo nihibrothers dóó nihisisters łaʼ yaa dahodiiztsʼą́ąʼgo yikʼee tsídadidoolyis doodaiiʼ dadínóotłʼah. Beeʼeldǫǫh yeeʼ nihá bee hazʼą́ niidzin ndi, nihibrothers ayóóʼííníʼníigo éí bíniʼ díníiltłʼahgi baa siitiʼ doo.—1 Corinthians 10:32, 33; 13:4, 5.

Oodlání éí hazhóʼó anááł ájítʼée doo. (2 Corinthians 4:2; 1 Peter 5:2, 3) Oodlání łaʼ éí bílaʼashdlaʼii biniyé beeʼeldǫǫh áchʼą́ą́h yistą́ągo éí elders Diyin Bizaad biiʼdę́ę́ʼ yee hachʼįʼ hadadoodzih. Beeʼeldǫǫh éí tʼáá naashtin doo jiniizı̨́įʼgo éí doo hazhóʼó anááł ájítʼéii ájítʼée da doo. Áko biniinaa congregationgi biʼoonish ádaatʼéii doo łaʼ hąąh nidoolyéeł da. Áádóó Oodlání łaʼ honaanish siláagi beeʼeldǫǫh chooʼı̨́įgo njitingo ałdóʼ tʼáá ákótʼé. Éí naanish łah átʼéhígíí bíkanáázhdínóotaałgo há yáʼátʼéeh doo. *—Footnote níníłʼı̨́.

Oodlání éí bighan hazʼą́ą́dóó índa binaalyeʼé yee áchʼą́ą́h yisłáa dooleełgi, dóó binaanish íidoolíłígíí tʼáá bí bee bóhólnííh. Ndi Diyin Bizaad binahjįʼ naʼnitinii yinahjįʼ yee ádá hodidooʼááł. NihiDiyin God hóyáanii éí bikʼehgo dooleełii nihainílá, háálá ayóóʼánihóʼní. Oodlání éí Jiihóvah yił kʼé ahidíʼníigi ayóó bidziilgo éí bílaʼashdlaʼii biniyé beeʼeldǫǫh doo jistą́ą da doo. Oodlání bił béédahózingo éí God baʼahódlíigo dóó Diyin Bizaad binahjįʼ naʼnitinii yikʼeh ádaatʼı̨́įgo éí doo yééʼgóó hashtʼehodítʼéego kéédahatʼı̨́į doo.—Psalm 97:10; Proverbs 1:33; 2:6, 7.