29 C.E. yę́ędą́ą́ʼ Jesus baptize ábiʼdiilyaago Aláahgo Nááʼiiłniihii silı̨́įʼ. Jesus baptize ábiʼdiilyaago bitsʼíís nááyiisniiʼgo God yaa ádeetʼą́. (Gal. 1:4; Heb. 10:5-10) Jesus baptize ábiʼdiilyaadóó wóshdę́ę́ʼ éí bikááʼ nááʼiiniihii tʼóó beʼelyaago siʼą́. Díí éí great spiritual temple wolyé. Díí éí Jesus beʼiinaʼ ninéidiníʼánígíí binahjįʼ chin bąąh ádingo hodílzingo bee hahoolzhiizh. Temple hólǫ́ǫgi éí bikááʼ nááʼiiniihii hólǫ́ǫ łeh, áko Jesus baptize ábiʼdiilyaago éí great spiritual temple hólǫ́ǫgo háátʼiʼ. Díí bikʼehgo éí tʼáá ákogi átʼéego Jiihóvah dadííníilzin.—Matt. 3:16, 17; Heb. 5:4-6.

Great spiritual temple hólǫ́ǫgo éí aláahgo nááʼiiłniihii łaʼ ákwii naalnish łeh. Jesus éí “níłchʼi diyinii índa adziil” bee anoint ábiʼdiilyaago kótʼéego binaanish íidoolíił biniyé nábiʼdeeltı̨́. (Acts 10:37, 38; Mark 1:9-11) Jesus tʼahdoo daatsaahgóó áádóó tʼahdoo náábiʼdiilzáágóó éí díí Aláahgo Nááʼiiłniihii jílı̨́ı̨́ ńtʼééʼ yę́ę haitʼéego bééhózin? Bee hazʼáanii Mózes baa deetʼáanii biyaagi éí Éran dóó bikéédóó oochíiłii ádaʼoolííł yę́ę bee bééhózin.

Bee hazʼáanii Mózes baa deetʼáanii bikʼehgo éí aláahgo nááʼiiłniihii tʼéiyá níbaal biiʼ aláahgo hodiyingo hazʼą́ą́ góneʼ yah anádááh, tʼahádóó éí kin biiʼ sohodizin biyiʼ aláahgo hodiyingo hazʼą́ą́ góneʼ yah anádáahgo hahoolzhiizh. Díí hazʼánígíí éí bichʼą́ą́h dáádiníbaal. Aláahgo nááʼiiłniihii éí Kʼééhoodǫǫłgo Yoołkááł góneʼ tʼéí ákóneʼ yah anádááh ńtʼééʼ. (Heb. 9:1-3, 6, 7) Éran dóó bikéédóó oochíiłii aláahgo nááʼiiłniihii dajílı̨́įgo anoint ádahoʼdiilyaa, áko dáádiníbaal binákáá góneʼ yah anídajikah yę́ęgi átʼéego, Jesus shı̨́ı̨́ ałdóʼ tʼahdoo dajitsaahgo Jiihóvah bigreat spiritual temple bá Aláahgo Nááʼiiłniihii áhoʼdiilyaa. Áádóó dajiztsą́ągo ‘dáádiníbaal binákáá góneʼ chʼízhníyá.’ (Heb. 10:20) Díí bikʼehgo yilʼaadii Paul ání: “Christ éí . . . aláahgo nááʼiiłniihii nilı̨́įgo” éí ‘níbaal hodiyingo hazʼáanii wózhǫ́ hadaałtʼéii yiiʼ hadiiyá. Díí hazʼą́ągi doo yílá bee ályaa da,’ díí éí ‘yáʼąąshdi átʼé.’—Heb. 9:11, 24.

Hahgo éí ániid bee ahaʼdeetʼáanii ílı̨́ silı̨́ı̨́ʼ?

Jesus yáʼąąshgóó anáádzáago bitsʼíís hadíłtʼéhígíí yee nihikʼé nináʼídlá. Kójiidzaago éí ániid bee ahaʼdeetʼáanii ílı̨́ silı̨́ı̨́ʼ. Haʼátʼíí éí ałkééʼ sinilgo bikʼehgo áhoodzaa?

Jesus éí áłtsé Jiihóvah bidááhdóó nizhníyá. Nááʼákóneʼ éí hweʼiinaʼ náájiisniiʼígíí Jiihóvah baazhdiníʼą́. Díí bikéeʼdi éí hadił deezgoʼgo náájiisniiʼígíí Jiihóvah bił yáʼíítʼéehgo néidiilá. Díí tʼáá ałtso beʼelyaago índa ániid bee ahaʼdeetʼáanii hadoolwoł.

Diyin Bizaad éí díí ániid bee ahaʼdeetʼáanii hahgo haalwodgi doo chʼíiníʼą́ą da. Áko kwii yoołkáałgo haalwod haʼní dooleełgi doo bíighah da. Péntekast áhodoonííł neezná jı̨́ haadziihgo, Jesus éí yáʼąąshgóó anáádzá, díí éí nihił béédahózin. (Acts 1:3) Jesus yáʼąąshdi nádzáago, tʼáadoo ląʼí yiłkaahí náájiisniiʼígíí Jiihóvah baazhdiníʼą́ągo bił yáʼíítʼééh. (Heb. 9:12) Díí tʼáá aaníí ádzaagi éí Péntekastgi atsooʼ kǫʼ nidahalingo hakʼijįʼ adahwiizleʼgo dajiiłtsą́. (Acts 2:1-4, 32, 33) Áko ániid bee ahaʼdeetʼáanii éí bééhózinígo haalwod áádóó deeshnish.

Bíhooʼą́ʼígíí éí Jesus nináʼádeetʼą́ągo bidił deezgoʼígíí Jiihóvah bił yáʼíítʼéehgo yee lą́ asłı̨́ı̨́ʼ bikéeʼdi índa ániid bee ahaʼdeetʼáanii ílı̨́ silı̨́ı̨́ʼ. Jesus éí diné yá atah sizíinii jizlı̨́ı̨́ʼ áádóó Aláahgo Nááʼiiłniihii jílı̨́įgo ániid bee ahaʼdeetʼáanii deeshnish.—Heb. 7:25; 8:1-3, 6; 9:13-15.