ÁDAA HANEʼ
Bichʼįʼ Shiʼdoolʼaadígíí Tʼéí Áshłaa
DON RIDLEY éí Jehovahʼs Witnesses yá aghaʼdiitʼaahii nilı̨́įgo tádiin dóó baʼaan nááhai. Diné blood transfusion doo deinízinígíí éí bá nahojiʼáago honaanish ńtʼééʼ. States naaznilgóó biiʼ díí honaanish ájiilaaígíí éí bee hazʼáanii ádaalyaa. Hakʼis éí ayóó nijilnish, ayóó aa jijoobaʼ, áádóó ayóó áká aníjílwoʼ ńtʼééʼ dahałní.
2019 yę́ędą́ą́ʼ Don éí neurological disease bee hąąh dahooʼaʼ, díí tʼáadoo bidééłnínída. Díí naałniih tsı̨́įłgo bee hachʼįʼ hodiisʼnááʼ áádóó August 16, 2019 yę́ędą́ą́ʼ ájídin. Díí haa haneʼ.
1954 yę́ędą́ą́ʼ St. Paul, Minnesota, U.S.A. áadi shiʼdizhchı̨́. Roman Catholic daniidlı̨́įgo shiyaa hooʼaʼ. Bił háíjééʼ éí ashdlaʼ, shí éí naaki góneʼ naashá. Catholic elementary schoolgi ííłtaʼ áádóó alter boy nishłı̨́į ńtʼééʼ. Ákondi Diyin Bizaad éí doo ayóó shił bééhózin da. Azhą́ Diyin God tʼáá ałtsoní áyiilaago deiniidlą́ą ndi, church éí sheʼoodląʼ doo yee shíká adoojah da niizı̨́ı̨́ʼ.
TʼÁÁ AANÍINII SHIŁ BÉÉHOOZIN
Wódah óltaʼ tsʼídá áłtsé yihah góneʼ éí William Mitchell Collegegi ííłtaʼ. Éí bee hazʼáanii baa ííłtaʼ. Jiihóvah Yá Dahalneʼé łaʼ shaa níʼáázh. Shinaanish hólǫ́ǫgo biniinaa shaa náádootʼash bidííniid. Náájítʼáazhgo naakigo naʼídíkid shee hólǫ́ dííniid. Éí, “Haʼátʼíísh biniyé diné yáʼádaatʼéehii doo álą́ąjįʼ deiyíkáah da?” áádóó “Haʼátʼíí tʼéí bitsʼą́ą́dóó ił hoł hózhǫ́ǫ shóidootʼeeł?” Naaltsoos The Truth That Leads to Eternal Life dóó New World Translation of the Holy Scriptures shaa deiznil. Diyin Bizaad bíhwiideeshʼááł ałdóʼ dííniid. Shinááʼ ąą ádzaa, áko nahasdzáán bikáaʼgi bílaʼashdlaʼii ádaʼoołʼįįłii éí Diyin God biNahatʼaʼ tʼéiyá nihokááʼ dineʼé yáʼátʼéehgo yá hooʼáał dooleełgo baa ákoniizįįh. Bílaʼashdlaʼii tʼáá bí áda nahatʼáagi éí tʼóó bikʼee tiʼhooʼnííh, doo aheełtʼéego aa nitsáhákees, índa doo ákótʼéégóó ádahoonííł.
1982go Jiihóvah baa ádinishtʼą́ áádóó tʼáá éí yihah St. Paul Civic Centergi “Kingdom Truth” Conventiongi baptize áshiʼdiilyaa. Tʼááłáʼí damóo azlı̨́įʼgo tʼáá ákwii aghaʼdiitʼaahii deeshłeeł biniyé exam áshłaa. Tʼáá éí yihah Octobergo aghaʼdiitʼaahii sélı̨́ı̨́ʼ.
“Kingdom Truth” Conventiongi Mike Richardson bééhosésįįd. Éí Brooklyndi Béthelite jílı̨́. World headquartersgi éí legal office bá hazʼą́ągo ályaa jiníigo shił hojoolneʼ. Iithiyópiyadę́ę́ʼ yúnak baa haneʼ yę́ę bénááshniiʼ. Éí Acts 8:36gi legal work binaʼanish bá hazʼą́ągi shinaanish doogo, “Haʼátʼíí yidínóołtłʼah?” dííniid. Áko Béthel biniyé haʼdiishłaa.
Jiihóvah Yá Halneʼé sélı̨́įʼgo shizhéʼé dóó shimá doo bił yáʼátʼéeh da. Shizhéʼé éí legal career ádá íinilaa yę́ę Watchtower bá nanilnishgo haitʼéego níká adoolwoł shizhdííniid. Díí áká anáshwoʼ áádóó tʼáá nínádíziʼ $75 shaa náʼnił bidííniid. Íídą́ą́ʼ Béthelites ákónéelą́ą́ʼ baa nídaaʼnił ńtʼééʼ.
Łahjí bá naashnish yę́ę shinaanish ałtso áshłaago, 1984go Brooklyn, New York Béthelgi déshnish. Legal work bá hazʼą́ą́ góneʼ naanish shaa deetʼą́. Díí éí tʼáá ákónéehii lá.
STANLEY THEATER HASHTʼÉÉDOOLNÍÍŁ
Stanley Theater nahaazniiʼ yę́ędą́ą́ʼ kónoolningo siʼą́ą́ ńtʼééʼ
Stanley Theater éí Jersey City, New Jerseygi siʼą́, éí November 1983go Jiihóvah bidineʼé nidayiisniiʼ. Nihibrothers éí electricity dóó plumbing hashtʼéédoolnííł daaníigo permits nidayiiznil. City officials bił ahíjiikaigo éí díí kin hashtʼéédoolníiłgo Jiihóvah Yá Dahalneʼí áłah nádleeh doo dabizhdííniid. Dahooghan bitahgi tʼéí religion bá nídahasdzoh, áko Stanley Theater binaagi éí business tʼéí bá nahazʼą́. Díí biniinaa local officials dooda dadííniid. Dooda nihidooʼniidígíí biniinaa appeal ádeiilyaa, ndi dooda náánihidooʼniid.
Béthelgi déshnishgo tʼáá éí damóo díí dooda nihidooʼniid yę́ę biniinaa federal district courtjí nidaʼsiiltsooz. Ániid niʼníłtaʼgo éí kwii hazʼą́ągi bee aghaʼdidootʼáałgi tʼáá shił bééhózin. Bił nidaashnishígíí łaʼ díí Stanley Theater ląʼígóó chooʼı̨́ jiní. Movies dóó rock concerts ádaatʼéii bá náhooʼaah jiníigo saad ájiilaa. Áko haʼátʼíí biniinaa Oodlání áłah dooleełgi doo bee hazʼą́ą da?, jiní. Federal district courts nihá yaa nídaastʼįįdgo éí Jersey City doo ákótʼéégóó ádaʼjiilaa, áádóó religions bee bá hazʼáanii doo bikʼehgóó ádaʼjiilaa da hoʼdooʼniid. Áko díí kin hashtʼéédoolnííł daanínígíí permits bá bee lą́ daʼdoołeeł hoʼdooʼniid. Baa ákoniizı̨́įʼgo éí organization díí legal avenues chodayoołʼı̨́įgi Jiihóvah yikʼijidlí. Díí anishtah yę́ę ayóó baa shił hózhǫ́.
Nihibrothers éí Stanley Theater yindaalnishgo kʼasdą́ą́ʼ łaʼ nááhai. Jersey Citygi September 8, 1985go 79th class of Gilead ndaʼiistaʼ. Aghaʼdiitʼaahii dah yikahígíí anishtahgo God biNahatʼaʼ bá nideilnishgi tʼáá íiyisíí baa shił hózhǫ́, tʼahdoo kótʼéego shił nihoozhǫǫh da ńtʼééʼ. Kótʼéego ił hózhǫ́ Jiihóvah yee shikʼi hasdliʼígíí doo neíníshłíi da ńtʼééʼ.
BLOOD TRANSFUSION DOO DEINÍZINÍGÍÍ BÁ YÁSHTIʼ
1980ʼs yę́ędą́ą́ʼ hospitals dóó doctors éí asdzání ninísáanii łaʼda blood transfusion doo yinízin da ndi doo yikʼeh dahółʼı̨́į da ńtʼééʼ. Ánahwiiʼaahii éí asdzání yiltsánígíí blood transfusion dooda jinínígíí doo bee hó hólníi da daaní. Blood transfusion dooda jidííniidgo ájídingo éí awééʼ bimá tʼáágééd dínóoyééł daaní.
December 29, 1988go nihisister Denise Nicoleau wolyéego éí ashchı̨́įgo dił bighá nílı̨́į silı̨́ı̨́ʼ. Éí hadił naʼałkidígíí 5.0 biyaagóó eelkid, áko azeeʼ ííłʼíní dił niih dookáałgi bee lą́ adííłeeł hodííniid. Dooda jidííniid. Éí biiskání hospital court order shódayoostʼeʼ áádóó dił hwiih dookáałgi bee bídahólníihgo ályaa. Courtgi tʼáadoo baa hwiinítʼįįhí índa Sister Nicoleau dóó bichʼooní tʼáadoo bił haneʼí díí kótʼéego yidahodeezʼą́ áádóó aghaʼdiitʼaahii yee lą́ asłı̨́ı̨́ʼ.
December 30, Nidaʼiiníísh góneʼ, hospitalgi nidaalnishígíí dił hwiih deizką́. Azhą́ hachʼooní índa hakʼéí hoł naháaztą́ągo dooda daaníi ndi. Tʼáá éí bijı̨́ iʼííʼą́ągo Sister Nicoleau bichʼooní, bikʼéí danilínígíí, áádóó elders nidiltʼéego éí siláo dahoołtsood. Díí éí nihisister dił biih dookáałgi bichʼą́ą́h nijizı̨́įgo biniinaa. Díí áhóótʼįįdígíí éí Damóo Yázhígo New York City dóó Long Islandgi news media yaa dahoolneʼ.
Philip Brumley bił, ániid neitʼaash yę́ędą́ą́ʼ
Damóo Biiskání judge Milton Mollen bichʼįʼ haasdzííʼ. Díí áhóótʼįįdígíí bee bił hweeshneʼ. Ánahwiiʼaahii náánáłaʼ éí blood transfusion tʼáadoo court góneʼ baa hwiinítʼįįhí yee lą́ asłı̨́ı̨́ʼ bidishní. Justice Mollen tʼáá éí bijı̨́ bee hazʼáanii bídadéétʼiʼii baa nídadíitʼįįł shidííniid. Iʼííʼą́ągo overseer Philip Brumley bił éí Justice Mollen bichʼįʼ niitʼáázh. Azeeʼ álʼı̨́ı̨́dę́ę́ʼ beaghaʼdiitʼaahii ałdóʼ níyá. Tʼáá yéigo baa saad hólǫ́ǫgo baa nídasíitʼįįd. Brother Brumley éí “saad bee yáníłtiʼígíí yaa ánílééh” shiłní. Tʼáá ákónéehii ájíníi lá, háálá aghaʼdiitʼaahii saad dahólónígíí tʼáá bíighah saad honishłǫ́ lá.
From left to right: Richard Moake, Gregory Olds, Paul Polidoro, Philip Brumley, shí, dóó Mario Moreno—díí aghaʼdiitʼaahii daniidlínígíí éí Watchtower v. Village of Stratton baa náhástʼįįd yę́ę bijı̨́ U.S. Supreme Court bidáahgi nisiidzı̨́.—Awake! January 8, 2003 (“The Issue—How It All Began”; “The Supreme Court Accepts the Case”; “The First Hurdle—Oral Argument Before the Supreme Court”; dóó “Supreme Court Rules For Freedom of Speech”) níníłʼı̨́
Łaʼ ahééh ílkidgo Justice Mollen éí díí baa nídeitʼínígíí yiską́ągo tsʼídá áłtsé court góneʼ bá hwiidooʼaał jiní. Justice Mollen ałdóʼ ánihiłní: Azeeʼálʼı̨́ yá aghaʼdiitʼaahii nilínígíí éí yiską́ągo “yéigo nanitłʼaaígíí hąąh silá.” Áko díí aghaʼdiitʼaahii éí ádajíítʼįįdígíí yéigo yichʼą́ą́h yáłtiʼ doogo baa ákoniizı̨́ı̨́ʼ. Shí éí díí sister bá nisiidzı̨́įgi Jiihóvah yee nihíká adoolwołgo baa nitséskees. Jiihóvah íinízinii bedaʼiilʼı̨́įgo tʼáá íiyisíí aʼohgo ádaa nitséskeesgo áshiilaa.
Tłʼééʼ bíighah legal argument bindeiilnish. Brooklyn Bétheldóó tʼáá áhánígo courthouse siʼą́, áko tʼáá neʼ akǫ́ǫ́ niikai. Ánahwiiʼaahii dı̨́įʼgo dah naháaztą́, éí bidááhdóó hadasiidzíiʼ. Éí bikééʼdóó blood transfusion bee nihootʼánę́ę nahjįʼ kódayiilaa. Sister Nicoleau bichʼijí asdlı̨́ı̨́ʼ. Kodóó éí court order álʼı̨́įgo éí áłtsé baa náhódóotʼįįł. Díí doo álʼı̨́įgo éí constitution binahjįʼ rights nihee dahólǫ́ yę́ę violate álʼįįh.
New York State bihigh court éí Sister Nicoleau constitutional rights hwee hólǫ́ yę́ę hatsʼą́ą́ʼ violate ályaa lá dadííniid. Dı̨́įʼgo kótʼéego dił bídadéétʼiʼgi atah baa nishishnish, díí baa hashneʼígíí éí tsʼídá áłtsé. Baa shił hózhǫ́ǫgo náánáłaʼ states bisupreme courts bidááhdóó yiizįʼ. (“ State Supreme Court Yee Lą́ Dah Asłı̨́ʼígíí” níníłʼı̨́.) Béthelgi aghaʼdiitʼaahii danilínígíí éí child custody, divorce, real estate, dóó zoning ádaatʼéii bee bíká anáshwoʼ ńtʼééʼ.
SHICHʼOONÍ ÁÁDÓÓ SHIGHAN HAZʼĄ́ĄGI
Shichʼooní Dawn bił
Shichʼooní Dawn tʼóó bééhosésįįdgo éí áłchíní táaʼgo jinisé, hachʼooní éí divorce ájiilaa lágo. Nijilnish áádóó pioneer áʼjíłʼı̨́. Azhą́ hweʼiinaʼ nanitłʼah ndi, Jiihóvah bá nijilʼaʼgi éí yéigo bizhdiilkaalgo bee haa ákoniizįįh, díí éí shił yáʼátʼééh. Tʼáá áníidla éí 1992go, New York Citygi “Light Bearers” District Conventiongi nihíínááł áádóó ahééh hodiilzįįł hodííniid. Łaʼ nááhaigo ahisiigeh. Jiihóvah éí asdzą́ą́ diyin alą́ąjįʼ áyósinii áádóó ayóó bił hózhóonii shéíníłtı̨́. Dawn éí tʼáá ałtso yáʼátʼéehii yee shaa joobaʼgo nihíyoołkááł.–Prov. 31:12.
Ahisiigehgo haʼáłchíní éí 11, 13, dóó 16 béédááhai. Azhéʼé yáʼátʼéehii nishłı̨́į doo nisingo nihipublications biiʼdóó ląʼígo baa ííłtaʼ. Tʼáá nantłʼago átʼé, ákondi áłchíní shídaneedlı̨́, bikʼis nishłı̨́įgo shadaʼólí áádóó azhéʼé ayóóʼóʼóʼníigo shaa nitsídaakees. Díí tʼáá íiyisíí baa shił hózhǫ́. Nihaʼáłchíní bikʼis danilíinii doo łaʼ nahdi bidóʼníi dago biyaa dahooʼaʼ, áko nihighangi tʼáá áłahjįʼ hahóóʼá łeh.
2013go Wisconsingóó niiʼná. Áadi éí shizhéʼé dóó Dawn bimá dóó bizhéʼé hadaastihígíí baa áhwiilyą́ą doo biniyé. Béthelgi legal work baa naashá yę́ę éí tʼáá yitʼih, áko nihiorganization tʼáá bíká anáshwoʼ.
TʼÁADOO KÓTʼÉ ÍLÍNÍ ŁAH ÁHOODZAA
September 2018 hoolzhishgo tʼáá ahą́ą́h shidáyiʼ clear ánáshʼįįhgo baa nídiisdzá. Azeeʼ ííłʼíní shinééłʼı̨́įʼ ndi, tʼáadoo bééhoozinída. Azeeʼ ííłʼíní náánáłaʼ éí neurologist baa díínááł shiłní. January 2019go neurologist éí progressive supranuclear palsy (PSP) wolyéego neinítʼı̨́ shiłní.
Tááʼ yiską́ągo ice skating baa naasháago nishʼnáájí shílátsíín kʼínítiʼ. Ice skating éí tʼáá ałkʼidą́ą́ʼ yiishchįįh. Áko shitah doo hółdzil da sélı̨́ı̨́ʼ lá. Bee shąąh dah hooʼaʼígíí tsı̨́įłgo sheinístʼįįd, áko yáshtiʼgi, nahashʼnáagi, índa anáʼáshnahgi yeinístʼįįd.
Aghaʼdiitʼaahii nishłı̨́įgo Jiihóvah biNahatʼaʼ baa haneʼgi tʼáá áłtsʼísígo bee áká eeshwodgi tʼáá íiyisíí baa shił hózhǫ́. Articles ádaashłaa yę́ę naaltsoos ląʼí dabiyiʼ, azeeʼ dóó legal work bił ahídadéétʼiʼii baa hashneʼgo nahasdzáán bikááʼgóó tádííyá áádóó Jiihóvah bidineʼé blood transfusion tʼáágééd azeeʼ bąąh ádadoolníiłii bá yáshtiʼgo hoolzhiizh. Luke 17:10 ání: ‘Á naalʼaʼí doo ílíinii nishłı̨́, tʼáá bichʼįʼ shiʼdoolʼaadígíí tʼéí áshłaa.ʼ
