▪ Jiihóvah éí nizhdiltʼéego ahijizyehgo hoł hózhǫ́ǫgo áhą́dígo ahił jídlı̨́įgo nizaagóó hweʼiinaʼ ázhdoolííł hóʼní. (Matt. 19:4-6) Adeeshxeh nínízingo haitʼéego éí achʼooní yáʼátʼéehii dooleełígíí bikʼi díínááł? Ánihiilaii Jiihóvah éí asiigehgo nihił hózhǫ́ǫ doogo éí haitʼéego tʼáá bítséedi biniyé hashtʼedidííníiłgi bił bééhózin. Áko Bizaad bikʼehgo áʼiilyaago éí ayóó nihił dahózhǫ́ǫ doo. Éí łaʼ dadíníilʼįįł.

Áłtsé éí ániitʼéegi bee ádaa ákoniidzin doo: “Ajéí wolyéii éí naʼadloʼ nináneelʼą́ąjįʼ tsʼídá tʼáá ałtso biláahgo binaʼadloʼ.” (Jer. 17:9) Ahidiigeh jinízingo éí date áhiʼjiłʼı̨́įgo ahéézhdiitʼashgo tʼáá yéigo hajéí nayiiłná. Áko baa hojíyą́ą dooleeł yę́ęgi hatsʼą́ą́ʼ yiníłtłʼa doo. Ajéí naʼiiłnáago binahjįʼ ajiiyehgo tʼahádóó yínííł áʼiiłʼįįh. (Prov. 28:26) Éí bąą índa ahééhojoosįįhgo tʼáadoo ayóó “áá shiheart” ahizhdiʼníní doo, doodaiiʼ ná kódeeshnííł jiníigo tʼáadoo ałchʼįʼ bee hajiidziihí doo.

Proverbs 22:3 ání: “Diné hóyáanii doo yáʼátʼéehii yiyiiłtséehgo yitsʼąą nídítʼı̨́ı̨́h, nidi diné doo hóyáanii éí doo yáʼátʼéehii yichʼįʼ tʼáá háoghááh, áádóó yikʼee tiʼhoonih.” Matchmaking websites chooʼı̨́įgo haʼátʼíí biniyé bááhádzid? Bąąh yíníłígi átʼéego łaʼ éí onlinegi tʼáadoo yééhósinii yił ahééhoolzįįh áádóó date ííłʼı̨́įgo yaa nídiidááh. Ńtʼééʼ tʼahádóó bił bééhoozįįhgo éí yił ahééhooszįįd yę́ę binííʼaaʼ lá. Łaʼ nááʼałdóʼ éí tʼáá ádzaagóó ádaa dahalneʼgo azadaʼniiʼááh, áádóó diné bibéeso yee deiniʼįįh. Éí Jiihóvah Yá Halneʼé nishłı̨́ daaníigo dabiyoochʼííd.

Matchmaking websites chooʼı̨́įgo bááhádzidii łahgo nááhódlǫ́. Éí numbers ahidayiizóohgo díí nizhdiltʼéhígíí date áhiʼjiłʼı̨́į dooleełgo há bíighahgo bee bééhoyoozįįh daaníigo yaa naakai. Ndi, díí éí doo tʼáá aaníí ákótʼéego ínaalnish da. Ákoósh łaʼda hachʼooní dooleełii bíkazhnítáago kótʼéego éʼélʼı̨́įgo binahjįʼ decision ázhdoolííł? Computer bee numbers ahihiizóohgo bee háí date áhiʼjiłʼı̨́į doo haʼníigi éí Diyin Bizaad binahjįʼ bee naʼnitinii tsʼídá doo yíneelʼą́ą da.—Prov. 1:7; 3:5-7.

Proverbs 14:15 binahjįʼ naʼnitinii ání: “Diné doo hóyáanii éí saad tʼáá ałtso yoodlą́, nidi diné hóyáanii éí yigááłgóó álą́ąjįʼ déezʼı̨́ı̨́ʼ.”  Nichʼooní dooleełii tʼah doo baa tsídíkeesgóó, áłtsé éí hazhóʼó bééhodíísįįł. Online biiʼdóó łaʼda bił ahééhozhdoolzįįłgo éí tʼáá nantłʼa. Azhą́ shı̨́ı̨́ bee nihééhoʼdílzinii bee ahił hołneʼ ndi, kʼad ayóó ahééhosiilzįįd nohsinísh doo? Ayóóʼóóshʼníi dooleełii łaʼ bikʼíníyá danízin łeh, ndi hazhóʼó bił ahééhojooszįįdgo éí łahgóó tʼóó áhodilʼı̨́įgo átʼéé lágo hoł bééhoozingo bikʼee tsízdidoolyis.

Psalm ání: “Diné dabiyoochʼíidii doo bił naháshtą́ą da, áádóó tʼóó ádahodilʼíinii doo bił naashdeeh da.” (Ps. 26:4) Ląʼí éí shidiʼnoodzįįł danízingo online dating biiʼ dabiyoochʼíidgo ádaa dahaneʼgo tʼáadoo átʼéhí da danízin. Tsʼídá ádaatʼéegi nideiniłʼin doodaiiʼ online yiiʼdóó ádaa halneʼgo doo bééhózingóó ádayósin. Łaʼ éí Jiihóvah Yá Halneʼé nishłı̨́ daaní, ákoósh éí tʼáá aaníí baptize ályaa? Beʼoodląʼ índa Jiihóvah yił kʼéʼahidiʼníigiísh bidziil? Congregationgiísh ayóó baʼahódlí? Doodaiiʼ doo yáʼádaatʼéehii yaa naaghá índa ‘doo yáʼátʼéehii bił ahéédaʼdiildahii’ nilı̨́? (1 Cor. 15:33; 2 Tim. 2:20, 21) Diyin Bizaad bikʼehgo niʼdoogehgi, éísh bá bohónéedzą́? Díí tʼáá átʼé nił bééhózingo yáʼátʼéeh doo. Brothers dóó sisters ayóó béédahósinígíí díí yee nił dahalneʼ doo. (Prov. 15:22) Áádóó Jiihóvah yá naalʼaʼí nilı̨́įgo éí doo oodlání nilíinii ‘doo bił ałchʼojooʼníi da’ doo.—2 Cor. 6:14; 1 Cor. 7:39.

Háálá matchmaking websites bááhádzidgo átʼé, áko bitsʼąą ániitʼée doo. Ndi náánáłah átʼéego éí achʼooní dooleełii bíkaʼnítáago éí bee hazhóʼó ahééhozhdoolzįįłgo átʼé. Yáʼátʼéehgo achʼooní dooleełii haʼátʼéego łaʼ bikʼídiidááł? Áłah nídeidleehgóó nihá bohónéedzą́ągo éí ákwii łaʼda hazhóʼó bił ahééhodíilzįįłgo átʼé.

Kʼad éí COVID-19 biniinaa doo áłah néidleeh da, ndi electronic devices bee tʼahdii áłah néidleeh. Éí ákogoda Jiihóvah Yá Halneʼé łaʼ bichʼooní doo bee hólónígíí bił ahééhodíilzįįł. Éí talks índa comments ádeiłʼı̨́įgo yee beʼoodląʼ bee hanisííd. (1 Tim. 6:11, 12) Áłah néidleehdóó bikʼijįʼ breakout room ánálʼįįhgo visit anáʼahoołʼįįh. Kótʼéego brothers dóó sisters bił ahínáohkahgo éí náánáłahjįʼ yaa nitsékeesgi bee baa ákodíníizįįł. Áádóó éí tsʼídá ájítʼéiigi bee hwééhodoozįįł. (1 Pet. 3:4) Áko kótʼéego ahééhoołzįįhgo éí bee ádá nahohʼáii daastiʼ tʼáá aheełtʼé, áádóó nichʼooní daastiʼ dooleełgo ná bohónéedzą́.

Diyin Bizaad binahjįʼ bee naʼnitinii bikʼehgo achʼooní dooleełii hazhnítáago éí proverbs áníigi bee baa hoł hózhǫ́: Hahastiin doodaiiʼ “hweʼasdzą́ą́ dooleełii bikʼízhníyáii yáʼátʼéehii shójoostʼeʼ, áádóó [Jiihóvah] bitsʼą́ą́dóó bee achʼohaʼníinii nishójiyoołtʼeeh doo.”—Prov. 18:22.