BEE HAʼÍDÉESʼĮ́ĮʼII—STUDY EDITION June 2020
Díí éí kweʼé hoolzhishgo baa íhwiidooʼááł: August 3-30, 2020.
“Nízhiʼ Diyingo Óolzin”
Baa Íhooʼaah 23: August 3-9, 2020. Haʼátʼíí ílíinii átʼéego nihí índa diyingo ndaalʼaʼí nihídadéétʼiʼ? Éí haʼátʼíí biniyé ílı̨́ áádóó haitʼéego éí nihídadéétʼiʼ? Díí naʼídíkidígíí nihił bééhodoozįįł. Nihił bééhoozingo éí Jiihóvah bił kʼéʼahidiiʼníigi bidziil nihá áyósin doo.
‘Shijéí Bee Nízhiʼ Baa Hashniihgo Áshílééh’
Baa Íhooʼaah 24: August 10-16, 2020. Psalm 86:11, 12gi éí Naatʼáanii David bisodizin áyiilaa yę́ę baa nídadíitʼįįł. Éí Jiihóvah bízhiʼ dólzin dooleełgi haʼátʼíí óolyé? Haʼátʼíí biniyé éí yízhí yéigo baa siitiʼ doo? Áádóó Diyin dólzingo éí doo yáʼádaatʼéehii bidáhonooníigi haitʼéego yitsʼąą nihaa áhályą́?
Bíndaʼídíkidígíí
Galatians 5:22, 23 binahjįʼ, tʼáásh éí tʼéiyá “níłchʼi diyinii bineestʼąʼ” ádaatʼé?
‘Tʼáá Shí Shidibé Hadínéeshtaał’
Baa Íhooʼaah 25: August 17-23, 2020. Łaʼ Jiihóvah yá ndaalʼaʼgo ląʼí nídááhai, ákondi haʼátʼíí biniyé congregation yitsʼą́ąjįʼ kódaadzaa? Jiihóvah éí haitʼéego haa nitsékees? Díí ndaʼídíkid baa nídadíitʼįįł. Diyin Bizaad biiʼ baa dahaneʼgo Jiihóvah yitsʼádahaaskaii haitʼéego yíká eelwodgi ałdóʼ baa ídahwiidiilʼááł.
‘Shaa Náhóhkááh’
Baa Íhooʼaah 26: August 24-30, 2020. Jiihóvah éí bá ndaalʼaʼii nahaneʼgi índa áłah néidleehgi doo nádáah da silı̨́įʼgo shaa náhóhkááh yiłní. “Shaa nánóhkááh” yiłnínígíí áádóó baa nídeeshdááł danízingo éí bíká adiilwoł. Kótʼéego łaʼ Jiihóvah yitsʼą́ąjįʼ dah diiyáago nahaneʼgi doodaiiʼ áłah náʼádleehgóó doo naagháa da silı̨́įʼgo haitʼéego éí bíká adiilwołgi baa nídadíitʼįįł.
