1. Diyin dólzingo haʼátʼíí óolyé, áádóó Jiihóvah ayóóʼádayóʼnínígíí haʼátʼíí biniyé dazhdósin doo?

OODLÁNÍ éí Diyin ayóóʼádayóʼní áádóó deidósin. Kodóó éí Diyin dólzin íiyisíí óolyéegi baa nídadíitʼįįł. Haʼátʼíí íiyisíí óolyé Diyin dólzin? Diné Diyin deidósinii éí ayóó átʼéego bił danilı̨́, áko éí yáʼąąshdę́ę́ʼ Nihizhéʼé nilíinii bił hózhǫ́ǫgo ádeíníilzin doo danízin, háálá yił kʼéʼdaʼahidiʼníigi doo deidoołchxǫǫł da biniyé ádaatʼı̨́.—Ps. 111:10; Prov. 8:13.

2. Psalm 86:11gi David áʼiilaagi haʼátʼíí naakigo baa nídadíitʼįįł?

² Psalm 86:11 yíníłtaʼ. Kweʼé yíníiltaʼgo éí Naatʼáanii David tsʼídá íiyisíí Jiihóvah dólzingi ílı̨́įgo ííshjání áyiilaa. David bisodizin haitʼéego bikʼehgóó ádadiiʼníiłgi baa nídadíitʼįįł. Áłtsé éí, haʼátʼíí biniyé Diyin bízhiʼ tsʼídá yéigo nihił nilı̨́į doo. Naaki góneʼ éí, Diyin bízhiʼ nihił nilı̨́įgi haitʼéego ííshjání íilʼı̨́į doo.

3. Mózes éí haʼátʼíí bee Diyin bízhiʼ ayóó bee bééjílniih?

³ Baa nitsíníkees, Mózes éí tséghiizh góneʼ sidáago Jiihóvah yee ayóó átʼéii yee hą́ą́h deeyáago jiiłtsánę́ę haitʼéego baa tsízdeezkééz. Díí shı̨́ı̨́ tsʼídá ayóó átʼéii áhóótʼįįd! Łaʼda kótʼéego tʼah doo łaʼ jiiłtséeh da. Mózes éí diyingo naalʼaʼí łaʼ kótʼéego hachʼįʼ haadzííʼ: Jiihóvah, Jiihóvah, “éí Diyin God nilı̨́įgo aa aʼááh nízinii áádóó joobaʼii áádóó nízaadgóó haʼólníinii áádóó tsʼídá łą́ągo bibee ajoobaʼ índa bitʼáá aaníinii hólóonii, ahóyéelʼáágóó bibeeʼaa  aʼááh hasinii éí miilgo ádazhnéelą́ąʼgo doo ákwii ádajitʼínígíí áádóó bee hazʼáanii dajiitíhígíí índa ádił nidaʼjiilzíhígíí há” yóóʼanéidiyiiʼaah. (Ex. 33:​17-23; 34:​5-7) Mózes éí Jiihóvah bízhiʼ chojoołʼı̨́įgo bibee ayóó átʼéii jiiłtsánę́ę shı̨́ı̨́ bééjílniih. Áko tʼáá ákónéehee tʼahádóó Diyin bidineʼé kóbizhdííniid: “Tsʼídá ayóó átʼéii índa tsʼídá bitsʼąą hastiʼgo yízhí diyinii.”—Deut. 28:58.

4. Jiihóvah yee átʼéii baa nitsíikeesgo haitʼéego nihił nilı̨́įgo ííníilzin doo?

⁴ Jiihóvah bízhiʼ choiniilʼı̨́įgo éí Bí tsʼídá íiyisíí yee átʼéii baa nitsíikees doo. Éí bibee adziil, bihódząʼ, aheełtʼéego aa nitsékees, índa bibee ayóóʼóʼóʼniʼ baa nitsíikees doo. Yee átʼéii tʼáá átʼé baa nitsíikeesgo éí yéigo nihił nilı̨́įgo ánihósin dooleeł.—Ps. 77:​11-15.

5-6. (a) Diyin bízhiʼ íiyisíí óolyéegi éí haʼátʼíí? (b) Exodus 3:​13, 14 dóó Isaiah 64:8 bikʼehgo haitʼéego Jiihóvah tʼáadoo leʼé łaʼyoolííł ní?

⁵ Diyin bízhiʼ óolyéegiísh nihił béédahózin? Scholars ląʼí ádaaníigo yízhí Jiihóvah éí “Ádeeshłííł Nízinígi Átʼéego Ííłʼíinii” jiníigo óolyé. Díí ááhyiłníigo éí Jiihóvah haʼátʼíí shı̨́ı̨́ ádeeshłííł nízingi tʼáadoo neʼ ábóoléʼí da, áádóó ádeeshłííł nízinii łaʼyoolííł. Éí haitʼéego éʼéłʼı̨́?

⁶ Jiihóvah éí tʼáadoo leʼé áhooníiłgo áyoolíiłgo binahjįʼ ádeeshłííł nízinii yiʼoolííł. (Exodus 3:​13, 14 yíníłtaʼ.) Diyin yee átʼéii baa nitsídaahkees danihidiʼníi łeh. Jiihóvah éí bá naʼaʼaʼgi áádóó yinahaʼáii bohodoolníiłgo éí bílaʼashdlaʼii nidaʼiisíihii bá ndaalʼaʼii yíká análwoʼ. (Isaiah 64:8 yíníłtaʼ.) Áko Jiihóvah íinízinii bohoolnííł. Tsʼídá tʼáadoo neʼ ábóoléʼí da.—Isa. 46:​10, 11.

7. Yáʼąąshiidę́ę́ʼ Nihizhéʼé éí haitʼéego nihił nilı̨́įgo ííníilzingo yiidáał doo?

⁷ Yáʼąąshiidę́ę́ʼ Nihizhéʼé baa ahééh niidzin doogo éí nihá áátʼįįdgi áádóó nihíká análwoʼgi baa nitsíikees doo. Éí tʼáá ałtsoní ádayiilaii baa nitsíikeesgo éí tʼáá ałtsoní Jiihóvah áátʼįįdgi bee baa dahwiiʼniih.  (Ps. 8:​3, 4) Łaʼ baa nitsínáánéiikees doogo éí Bí íinízinii ádeiʼníiłgo yee nihíká análwoʼgo nihił nilı̨́įgo ánihiiłʼįįh. Yízhí Jiihóvah éí ayóó átʼéego baa haʼniih! Éí Nihizhéʼé tʼáá níítʼéiijįʼ yee átʼéii, tʼáá ałtso áátʼįįdii, índa tʼáá ałtsoní áʼdoolíiłgi bił danítʼiʼ.—Ps. 89:​7, 8.

8. Deuteronomy 32:​2, 3 bikʼehgo Jiihóvah bá ndaalʼaʼí éí Jiihóvah bízhiʼ haitʼéego baa nitsídajíkees doo ní?

⁸ Ízrel dineʼé éí kéyah hóóʼ dadooleeł haʼnínę́ę tʼah doo biih jikááhgóó Jiihóvah éí Mózes sin łaʼ yee neineeztą́ą́ʼ. (Deut. 31:19) Mózes éí nátʼą́ą́ʼ díidi Ízrel dineʼé bee nizhdínóotįįł. (Deuteronomy 32:​2, 3 yíníłtaʼ.) Verses 2 dóó 3 éí bééhózinígo Jiihóvah bízhiʼ nídidoolʼı̨́ı̨́ł índa baa hastiʼgo doo wójíi da, doo níi da. Jiihóvah éí Házhiʼ diné tʼáá ałtso yéédahósin doo nízin! Áko Ízrel dineʼé kótʼéego Mózes nahonitingo ayóó baa hoł dahózhǫ́! Naniseʼ bikʼi niʼdizhołgo nahałtinígi átʼéego Mózes naʼneeztą́ą́ʼ. Naʼniitingi haitʼéego nihí ałdóʼ tʼáá ákótʼéego naʼniitin doo?

9. Jiihóvah bízhiʼ díníilzin dooleełgo éí haitʼéego bee áká anéiilwoʼ doo?

⁹ Dahooghangóó índa hasłą́ą́góó nahwiilneʼgo éí Diyin Bizaad choiniilʼı̨́įgo Diyin bízhiʼ Jiihóvah diné bił ííshjání ádeilneʼ. Éí naaltsoos índa ndaalkidígíí nizhónígo ádaalyaa, áádóó website biiʼdóó Jiihóvah yaa haniihgo ádaalyaii diné bichʼįʼ kódeilʼı̨́. Neiilnishgi, ííníiltaʼgi, doodaiiʼ chʼaa neidáago éí Diyin ayóóʼóóʼníinii índa bił yáʼátʼéehii baa yéiiltiʼ. Łaʼda nihidááh yigháahgo Jiihóvah éí bílaʼashdlaʼii índa nahasdzáán tsʼídá nizhónígo yá nahaʼáiigi bee bił hwiilneʼ doo. Díí łaʼda bee bił hojilnihgo éí Jiihóvah bibee ayóóʼóʼóʼniʼ índída yidiiztsʼą́ąʼgoda átʼé. Kótʼéego Nihizhéʼé ayóóʼóʼóʼníinii tʼáá aaníígóó baa hwiilneʼgo éí bízhiʼ dólzingo íilʼı̨́. Áádóó yoochʼííd bee tʼáá áhoodzaagóó Jiihóvah baa haneʼgi hazhóʼó baa náhwiilneʼ. Kótʼéego diné bił hwiilneʼgo éí naniseʼ bikʼi niʼdizhołgo nahałtinígi átʼé nahalin.—Isa. 65:​13, 14.

10. Diyin Bizaad bee naʼniitingo haʼátʼíí biniyé Diyin bibee hazʼáanii doo éí tʼéiyá bee naʼniitin da doo?

¹⁰ Diyin Bizaad bee naniitinígíí éí Jiihóvah bízhiʼ yééhósin áádóó choyoołʼı̨́į dooleełgi bee bíká anéiilwoʼ doo. Áádóó Jiihóvah tʼáá níítʼéiijįʼ yee átʼéii yééhodoosįįł. Diyin bibee hazʼáanii índa kótʼéego oodááł haʼníigi tʼéiyá bee naniitingo éísh Jiihóvah yééhodoosįįł? Łaʼda éí Diyin bibee hazʼáanii yíhoołʼaahgo ayóó bił nilı̨́į łeh. Ndi éísh Jiihóvah ayóóʼáyóʼníigo binahjįʼ yikʼeh hółʼı̨́į doo? Béénílniih, Íiv éí Diyin bibee hazʼáanii bił bééhózin ńtʼééʼ, ndi Diyin éí doo ayóóʼájóʼníi da. Ádam ałdóʼ tʼáá ákójiidzaa. (Gen. 3:​1-6) Diyin bibee hazʼáanii doo éí tʼéiyá bee naʼniitin da doo.

11. Diyin bibee hazʼáanii bee naniitinígíí éí Diyin haitʼéego ayóóʼáyóʼníi doo?

¹¹ Jiihóvah bibee hazʼáanii nihá yáʼátʼééh. (Ps. 119:​97, 111, 112) Ndi naniitinígíí díí doo yooʼı̨́ı̨́góogo éí Jiihóvah bibee hazʼáanii éí ayóóʼóʼóʼní bił nítʼiʼgi doo yaa ákonízin da doo. Naniitinígíí díí nabídíilkid doo: “Diyin éí bá ndaalʼaʼí haʼátʼíí biniyé kótʼéego ádaahnííł doodaiiʼ díí bitsʼąą ádanohtʼé, yiłní nínízin? Kweʼé éí Diyin átʼéiigi haitʼéego yee nihił halneʼ?” Kótʼéego bee bíká anéiilwoʼgo Jiihóvah yaa nitsékees áádóó bízhiʼ ayóóʼáyóʼníigo ábidoolííł, éí bijéí yidiyoołnááł. Diyin yee hasʼáanii doo tʼáá éí tʼéí ayóóʼáyóʼníi  da doo, ndi Diyin ayóóʼáyóʼníi doo. (Ps. 119:68) Beʼoodląʼ dínóosééł, áko tʼáá yéigo bóhodíʼnéestą́ąʼgo bíká adoolwoł.—1 Cor. 3:​12-15.

12. David éí haitʼéego hajéí hoʼdeezloʼ, áádóó bitsʼą́ą́dóó haa jíítʼįįd?

¹² Psalm 86:11gi éí ayóó ílı̨́įgo bee haʼoodzííʼ. Naatʼáanii David éí níłchʼi diyinii nabiiłnáago kótʼéego saad yikʼi niinínil: “Shijéí biiʼdóó tʼááłáʼígo nitséskeesgo áshílééh.” David éí ajéí íʼdoolohgo bił bééhoozin. Éí łah haghan bikááʼdóó dah dzizı̨́įgo diné łaʼ beʼasdzą́ą́ táʼádígisgo jiiłtsą́. Éísh hajéí tʼááłáʼí bee nitsídzíkees yę́ę yineestłʼah? Jiihóvah bibee hazʼáanii éí “bił kééhótʼíinii éí beʼasdzą́ą́ tsʼídá tʼáadoo bidáninilníní,” haʼníigi hoł bééhózin. (Ex. 20:17) Ndi, tʼáadoo nahjįʼ ajííghal da. Hajéí tʼááłáʼí bee Jiihóvah bił hózhǫ́ǫgo íinisin jinízin yę́ę, jó asdzání Bath-shííbada bidázhnoosʼnííʼ. Azhą́ David éí Jiihóvah jidósingo ayóóʼájóʼníigo hoolzhiizh ndi, adázhnoosʼníiʼgi hakʼeh deesdlı̨́ı̨́ʼ. Áko David éí doo yáʼátʼéhígíí ájíítʼįįd. Jiihóvah bízhiʼ jííłchxǫʼ. Áádóó diné tʼáadoo ádáátʼįįdii atíjííłʼįįd índa tʼáá hó haʼáłchíní ałdóʼ ákójiilaa.—2 Sam. 11:​1-5, 14-17; 12:​7-12.

13. Haitʼéego nihił béédahózingo David éí bijéí tʼááłáʼí yee nitsékees násdlı̨́ı̨́ʼ?

¹³ David ayóó átʼéego asiihgi bikʼizhdiʼdootı̨́ı̨́ł biniyé Jiihóvah háká aalwodgo bił kʼé náʼahizhdooʼniid. (2 Sam. 12:13; Ps. 51:​2-4, 17) David éí ayóó átʼéego ádąąh dahojiilʼaʼ yę́ęgi bééjoolniiʼ, háálá éí bitsʼą́ą́dóó hajéí doo tʼááłáʼí bee nitsíjíkeesgóó áhoolaa. Ákoósh Jiihóvah háká aalwod? Aooʼ. Jiihóvah éí Bizaad biiʼdóó tʼahádóó David kótʼéego yaa haadzííʼ: “David yę́ę éí tʼáá ákogi átʼéego níyá.”—1 Ki. 11:4; 15:3.

14. Haʼátʼíí baa nitsíikees doo, éí haʼátʼíí biniyé?

¹⁴ David éí kótʼéego ayóó átʼéego asiihgi bitsʼą́ą́dóó íhooʼaahii átʼé. Tʼáá ániidídóó doodaiiʼ ląʼí shı̨́ı̨́ nááhai Jiihóvah bá neiilʼaʼgo díí baa nitsíikees doo: ‘Séítan éí shijéí doo tʼááłáʼí bee nitséskees áshidoolíiłgi, éísh bitsʼąą áníshtʼé?’

15. Doo yáʼáshxóonii yiiltsą́ągo Diyin díníilzingi haitʼéego bee ádaa áhwiilyą́ą doo?

¹⁵ Níłchʼi naalkidí doodaiiʼ Internet biiʼda ił ashtéézh ádaatʼéii yiniłtsą́ągo haa díínííł? Éíyeeʼ doo pornographic da díníízįįł. Ndi éísh nijéí biiʼ tʼááłáʼí bee nitsíníkees yę́ęgi Séítan yidoołchxǫǫłii átʼé?  (2 Cor. 2:11) Kótʼéego jiiłtsą́ągo éí tsin bee ałtsʼá halneʼii nahalin. Éí hááhaashchxiiʼjígo tsin yiiʼ góneʼ ayídzíłniih, áádóó tʼáá náás yídzołniiłgo tsin ałtsʼá nídáh. Díí jinééłʼı̨́ı̨́ʼ yę́ęísh tsin bee ałtsʼá halneʼii bílátahdi hááhaashchxiiʼígíí nahalin? Doo átʼéhída hwiindzin ndi, tʼáá hooshchʼįʼ doo yáʼáshxóonii yiih honiʼahgo hajéí tʼááłáʼígo bee nitsídzíkees yę́ę hatsʼą́ą́ʼ yiłchxǫǫh. Áko kódaatʼéii nijéí bee baa áhólyą́! Jiihóvah bízhiʼ yéigo díínísin!

16. Bidáhonooníinii nihidááh yileehgo haʼátʼíí bee ádaa ákoniidzin doo?

¹⁶ Doo ił ashtéézh ádaatʼéii tʼéiyá Séítan nihikʼijįʼ kwííłʼı̨́į da. Éí tʼóó ahayói bidáhonooníinii ałdóʼ nihikʼijįʼ choyoołʼı̨́. Ákódzaago éí haadiiʼnííł? Kódiiʼníida dooleeł: ‘Kósdzaago éí biniinaa doo disfellowship áshidiʼdoolníił da. Doo yéigo asésiih da lá.’ Kótʼéego nitsáhákees tʼáá íiyisíí doo yáʼátʼéeh da. Áko díidi baa nitsíikees doo: ‘Díí ádaatʼéhígíí Séítan yee nashínítaahgo, éísh yee shijéí tʼááłáʼí bee nitséskees yę́ę shitsʼą́ą́ʼ yidoołchxǫǫł? Doo yáʼátʼéehii shikʼeh deesdlı̨́įʼgo, éísh Jiihóvah bízhiʼ bitsʼą́ą́ʼ deeshchxǫǫł? Kósdzaago Jiihóvah áhánígoósh bił nishłı̨́į doo, doodaiiʼ bitsʼą́ądi daatsʼí nishłı̨́į doo?’ Díí ndaʼídíkid baa nitsáhákees doo. Hódzą́ bíká sodiilzingo éí hazhóʼó tʼáá nihí bee ádiníilʼı̨́į doo. (Jas. 1:5) Áko éí ayóó átʼéego nihíká adoolwoł. Éí bidáhonooníinii yéigo bitsʼą́ąjįʼ ániitʼéego ánihósin doo. Jesus ádííniid yę́ęgi átʼéego: “Yówehdi naniná, Séítan!”—Matt. 4:10.

17. Ajéí biiʼdóó haʼátʼíí biniyé doo tʼááłáʼí nitsáhákeesgóogo doo yáʼátʼéeh da? Łaʼ chʼíníʼaah.

¹⁷ Ajéí biiʼdóó doo tʼááłáʼí nitsáhákeesgóogo doo yáʼátʼéeh da. Jooł yee nidaanéhígíí doo ahídadínéelnáágóó baa nitsíníkees.  Łaʼ éí ayóó átʼéego shééhoʼdílzingo ádiʼdeeshnííł danízin, áádóó łaʼ éí bikʼehgo naʼaʼnéhígíí doo bikʼehgo naashnée da doo danízin. Áádóó náánáłaʼ éí bicoach doo bił danilı̨́į da. Kótʼéego nidaanéhígíí éí tʼáá bééhózínígo doo nidahoniłneʼ da doo. Ndi łahjí ahídadínéelnáago nidaanéhígíí éí nidahoniłneʼ doo. Nijéí kótʼéego éí Jiihóvah bá naʼaʼaʼgi éí nitsíníkeesgi, íinínízingi, áádóó níniʼ siláagi łáʼí nílı̨́įgo tʼéiyá ląʼígóó bee łaʼhooníił doo. Béénílniih, Séítan éí ajéí bee doo tʼááłáʼí nitsáhákees da doo nízin. Éí nitsíníkeesgi, íinínízingi, áádóó níniʼ siláagi Jiihóvah bibee hazʼáanii bikʼijįʼ nílı̨́į doo nóʼní. Ndi, nijéí tʼáá átʼé bee Jiihóvah bá nanilʼaʼ. (Matt. 22:​36-38) Tʼááká Séítan nijéí doo tʼááłáʼí bee nitsíníkeesgo ánólééh yíilaʼ!

18. Micah 4:5 bikʼehgo haʼátʼíí ádíínííł nínízin?

¹⁸ David éí Jiihóvah yichʼįʼ sodoolzin yę́ęgi átʼéego sodiilzin doo: “Nízhiʼ dinisin doo biniyé shijéí biiʼdóó tʼááłáʼí bee nitséskeesgo áshílééh.” Díí sodizin yéigo bikʼeh ánítʼéego bee íʼdílnééh. Tʼáá ákwíí jı̨́ haʼátʼíí shı̨́ı̨́ áłtsʼísídóó bee ádá nihodiyíʼaahii bee sínízı̨́įgo Jiihóvah bízhiʼ dílyinii nił nilı̨́įgo íínísin. Jiihóvah Yá Halneʼí nílı̨́įgi díidi yízhí yéigo dílzingo bee sínízı̨́į doo. (Prov. 27:11) Tʼáá áníiltso éí Máíkah ádííniid yę́ęgi ádadiiʼníi doo. “Nihí éí [Jiihóvah] nihiDiyin God bízhiʼ dadíníilzinii bee deíníikáahgo ahoolʼáágóó ahóyéelʼáa doo.”—Mic. 4:5.