1. Tʼááłaʼí niitínígo Jiihóvah haitʼéego nihaa nitsékees?

JIIHÓVAH tʼááłaʼí niitínígo ádíchʼįʼ kónihiilaa. (John 6:44) Díí ááhyiłníigi baa nitsíníkees. Diné tsʼídá tʼóó ahayóí hazhóʼó haisíidgo ni éí ayóó anílı̨́įgo niiłtsą́. (1 Chron. 28:9) Áko éí díí ayóóʼáshóʼníi dooleeł nízingo yee haníísid, ayóó nééhósin, ánítʼéegi, índa ayóóʼánóʼní. Kótʼéego haa nitsáhákeesgo ayóó baa hózhǫ́!

2. Tʼááłaʼí nítínígo Jiihóvah nihaa aʼááh nízingi Jesus haitʼéego ííshjání áyiilaa?

² Jiihóvah éí tsʼídá yéigo naa aʼááh nízin, brothers dóó sisters ałdóʼ tʼáá ákótʼéego yaa nitsékees. Bee akʼidiʼdootı̨́įłii Jesus łaʼ chʼíiníʼą́. Jiihóvah éí dibé yaa áhályáanii nahalinii átʼé ní. Éí naʼniłkaadii 100 dibé bee hólǫ́. Ńtʼééʼ tʼááłaʼí bitsʼą́ą́ʼ yóóʼííyá. Áko éí dibé yaa áhályáanii haa doonííł? Éí 99ígíí “dah daaskʼidjįʼ yiʼdoołnihgo yóóʼííyáhígíí haidínóotaał.” Áádóó dibé yikʼi nádzáago doo éí atíidoolíił da, tʼóó yaa bił hózhǫ́ǫ doo, háálá dibé tʼááłaʼí nítínígo ílı̨́įgo yaa nitsékees. Jesus ání: “Tʼáá ákótʼéego nihiTaaʼ yáʼąąshdi hólóonii díí áłchínígi átʼéego aʼohgo ádaatʼéii doo łaʼ ádooldįįł da nízin.”—Matt. 18:12-14.

3. Haʼátʼíí baa nídadíitʼįįł?

³ Brothers doodaiiʼ sisters tʼáadoo bąąh nahwiiłkaadí doo. Haitʼéego tʼáadoo áníiltłʼaaí doo? Áádóó łaʼda nihíniʼ yiyiiłʼaʼgoda haitʼéego hashtʼediilnííł? Díí tʼáá áłah naʼídíkid baa nídadíitʼįįł. Ndi áłtsé éí Matthew wóltaʼ 18 “áłchínígi átʼéego aʼohgo ádaatʼéii” níigi baa nídadíitʼįįł.

4. “Áłchínígi átʼéego aʼohgo ádaatʼéii,” éí háí ádaatʼı̨́?

⁴ Jesus bídahoołʼaahii tʼáá ałtso éí “áłchínígi átʼéego” Jesus binaʼnitin baa íhwiideeshʼááł danízin. (Matt. 18:3) Éí daʼníłtsʼą́ą́dę́ę́ʼ deíkááh índa bibee ádaʼoolʼįįłii áłʼąą ádaatʼé, áádóó personalities áłʼąą ádaatʼé, índa tʼáá átʼé Christ dayoodlą́. Áádóó Christ ayóóʼábóʼní.—Matt. 18:6; John 1:12.

5. Jiihóvah bidineʼé atélʼı̨́įgo doodaiiʼ nabidíʼnóltłʼago haitʼéego yaa nitsékees?

⁵ Jiihóvah éí “áłchínígi átʼéego aʼohgo ádaatʼéii” ayóóʼáyóʼní. Jiihóvah aa nitsékeesígi bikʼidiʼdootı̨́įłgo éí áłchíní haa yíniiʼníigi baa nitsíníkees. Áłchíní ayóóʼádeíníiʼní, bichʼą́ą́h neidáa doo niidzin, háálá beʼadziil ádin, tʼah doo ląʼígóó iiná bił bééhoozįįh da, doodaiiʼ tʼah doo hayąh da. Nihinááł atélʼı̨́įgo doo nihił yáʼátʼéeh da, áko bikʼee niháháchįįh. Tʼáá ákótʼéego Jiihóvah ałdóʼ nihichʼą́ą́h naasháa doo nízin. Bidineʼé łaʼ atélʼı̨́įgo doodaiiʼ nabidíʼnóltłʼago yooʼı̨́įgo yikʼee báháchįįh!—Isa. 63:9; Mark 9:42.

6. 1 Corinthians 1:26-29 éí Jesus bídahoołʼaahii haitʼéego baa nitsáhákees ní?

⁶ Jesus bídahoołʼaahii éí haitʼéego ałdóʼ ‘áłchínígi ádaatʼéii’ bidiʼní? Daʼatʼíinii, ayóó béédahoʼdílzinii, áádóó óhólnííh bąąh naazláii ayóó átʼéego daʼjílı̨́įgo haa nitsídahakees. Ndi Jesus bídahoołʼaahii éí doo kódaatʼée da. Doo daʼjílı̨́į da, ‘áłchínígi átʼéego ádajítʼé’ dahodóʼní. (1 Corinthians 1:26-29 yíníłtaʼ.) Ndi Jiihóvah éí doo ákótʼéego haa nitsékees da.

7. Jiihóvah éí brothers dóó sisters haitʼéego baa nitsídeikees doo nihóʼní?

⁷ Jiihóvah éí tʼáá ałkʼidą́ą́ʼ bá ndaalʼaʼii doodaiiʼ ániid índa bá nidadiilʼaʼii ayóóʼáyóʼní. Éí tʼáá ałtso ayóó ílı̨́įgo yaa nitsékees. Áko nihí ałdóʼ tʼáá ákótʼéego baa nitsídeikees doo. ‘Christ bee ałkʼisóó daniidlíinii ayóóʼádeíníiʼníi doo,’ tʼáá díkwíigo éí ndagaʼ. (1 Pet. 2:17) Ayóóʼáshidóʼní nízingo ííníilzin doo. Tʼáadoo bíniʼ neilʼaahí doo. Łaʼda bíniʼ yiilʼaʼ lágo baa ákoniidzı̨́įʼgo, tʼáadoo tʼóó baa náʼáhodiiltʼíní doo. Doodaiiʼ hó yeeʼ forgive áshizhdoolíiłgo tʼóó baa hodiyooʼnah, tʼáadoo tʼóó niidziní doo. Łaʼda bíniʼ yiilʼaahgo haʼátʼíí biniinaa yikʼee doo ákótʼée da łeh? Éí shı̨́ı̨́ biyaa hooʼaʼgi, shiláahdi ádajítʼé nízingo nitsíkeesgo ákótʼée łeh. Łaʼ éí índa Jiihóvah yééhoosįįdgo éí tʼah nidaʼiyiilzíihgo átʼéegi tʼah doo hazhóʼó yaa ákoniizįįh da. Áádóó nááʼałdóʼ łaʼda ayóó kóshidooʼní jinízingo bikʼeezh diniihgo éí doo há yáʼátʼéeh da. Éí tʼáadoo ákójítʼéhí doo. Áko hoł hózhǫ́ǫgo brothers dóó sisters hazhóʼó bił kʼé ahizhdiʼníi doo.

8. Jesus bídahoołʼaahii haʼátʼíí bidaʼdiiłʼáá ńtʼééʼ?

⁸ Jesus éí haʼátʼíí biniyé “áłchínígi átʼéego aʼohgo ádaatʼéii” yaa haadzííʼ? Bídahoołʼaahii nidabídééłkid: “Háishąʼ yáʼąąshii bee bóhólníihgo bił hazʼáanii biyiʼdi aláahdi ayóó átʼéii nilı̨́?” (Matt. 18:1) Íídą́ą́ʼ nahalzhiishgo Jew dineʼé ayóó ádaniitʼé danízin ńtʼééʼ. Scholar łaʼ ání: “Łaʼda éí ayóó shaa haʼniihgo índa ayóó shééhoʼdílzin dooleełgo ashíídoołkááł danízin.”

9. Jesus bídahoołʼaahii éí haʼátʼíí bee ádaa ákodazhnízin doo?

⁹ Ląʼí Jew dineʼé éí aláahdi ájítʼéego há yáʼátʼééh daaníigi Jesus bił bééhózin.  Éí biniinaa hódahoołʼaahii tʼáadoo ákódajítʼéhí doo yóʼní. Áko ííłní: “Nihitahgóó aláahgo ayóó átʼéhígíí bíniʼdii éí akéédę́ę́ʼ naagháhígíí nahalin dooleeł, áádóó naatʼáanii nilíinii bíniʼdii naalʼaʼí nahalin dooleeł.” (Luke 22:26) Áko éí ‘náánáłaʼ nihiláahgo átʼéego baa nitsíikeesgo’ éí “akéédę́ę́ʼ naagháhígíí” átʼéhígi ániitʼée doo. (Phil. 2:3) Áko łaʼda doo bíniʼ diilʼaał da.

10. Paul haʼátʼíí níigo yee haadzííʼ yę́ę bedaʼiilʼı̨́į doo?

¹⁰ Brothers dóó sisters éí díkwíígóó shı̨́ı̨́ yee nihilááh ádaatʼé. Tʼáá bééhóziní baa ákoniidzingo éí yáʼádaatʼéehii yee átʼéii tʼéiyá bee níilʼı̨́įgo nihiláahdi ádaatʼé. Yilʼaadii Paul éí Kórinth dineʼé yee yichʼįʼ haadzííʼ yę́ę baa ákoniidzin doo: “Háishąʼ náánáłaʼ biláahdi ánítʼéego ániilaa? Haʼátʼíísh nee hólónígíí tʼáadoo neílyáa da? Łaʼ neílyáago haʼátʼéegoshąʼ tʼáá ni shóisíníłtʼeʼ nahalingo bee adaa hóʼniih?” (1 Cor. 4:7) Éí biniinaa łaʼda admire áshíłʼı̨́į doo, doodaiiʼ shí aláahdi áníshtʼéego shaa nitsáhákees doo, tʼáadoo niidziní doo. Brothers tsʼídá nizhónígo talk ádeiłʼı̨́įgo, doodaiiʼ sisters éí Bible study ląʼí hadajíłtʼéehgo éí Jiihóvah bee baa dahojiniih doo, háálá éí Jiihóvah yee háká análwoʼ.

11. Jesus éí aláahgo naatʼáanii dóó binaalteʼ haitʼéego bitsʼą́ą́dóó bóhooʼaah ní?

¹¹ Jesus éí bikééʼ ndaakai tʼáadoo ndanółtłʼaii yidííniidóó bikʼijįʼ haneʼ bee akʼidiʼdootı̨́įłii łaʼ yił chʼíiníʼą́. Éí aláahgo naatʼáanii binaalteʼ ląʼí bąąh hayííłʼáago tʼóó yikʼi adeezoh, háálá naalteʼ jílínígíí éí nichʼįʼ nááʼdeeshdléełgi doo bíneeshʼą́ą da jiní. Ńtʼééʼ tʼahádóó tʼáá éí naalteʼ éí náánáłahjí naalteʼ nilı̨́įgo áłchʼı̨́dígo hąąh hayííłʼáago doo tʼóó bá bikʼi azhdoozóóh ájiidzaa da. Ndi aláahgo naatʼáanii bił bééhoozingo éí honaalteʼ doo joobaʼii awáalya góneʼ yah ajííłtʼeʼ. Jesus éí díí bitsʼą́ą́dóó naʼnitinii átʼé ní: “Tʼáá éí bikʼehgo tʼááłaʼí nootínígo nihikʼis nihichʼįʼ bąąhági ádaatʼı̨́įgo nihijéí tłʼááhdę́ę́ʼ doo tʼáá aaníí bá yóóʼanídahidohʼaahgóó, shiTaaʼ yáʼąąshdi hólóonii ałdóʼ tʼáá ákónihiłʼı̨́į doo.”—Matt. 18:21-35.

12. Łaʼda doo forgive íilnééhgóó haitʼéego bee bíniʼ yidiilʼaał?

¹² Naalteʼ doo tʼáá hó tʼéí atiʼazhdiilyaa da. Doo jijoobaʼgóó naalteʼ bił nijilnishígíí “hąąh hayííłʼáhígíí nináʼjídláajįʼ tʼóó yah ajííłtʼeʼ.” Áádóó náánáłaʼ naalteʼ bił nidajilnishígíí ájíítʼįįdgi dahoołtsą́ągo yikʼee bíniʼ deiʼaʼ. Tʼáá ákótʼé íitʼįįłgi náánáłahjįʼ bíniʼ beidiilʼaałgo átʼé. Łaʼda doo forgive íilnééhgóó haitʼée łeh? Doo forgive íilnééhgóogo, índa doo shikʼehdii da, áádóó doo ayóóʼíʼííníiʼníígóogo biniinaa bíniʼ yidiilʼaał. Áádóó doo kʼé nidiiʼníígóogo éí łahjįʼ brothers dóó sisters yikʼee bíniʼ yidiilʼaał.

13. Pioneer nilı̨́įgo haʼátʼíí bitsʼą́ą́dóó bíhwiiniłʼą́ą́ʼ?

¹³ Brothers dóó sisters forgive íilʼı̨́įgo bee nihitah yáʼáhootʼééh. Áádóó łahjįʼ ałdóʼ bee bitah yáʼáhootʼéeh łeh. Nihisister pioneer nilı̨́įgo Crystal wolyéego éí sister łaʼ bíniʼ yiyiiłʼaʼ. Éí jiní: “Hazaad éí béésh bee hoʼdishgishígíí nahalingo ayóó bikʼeʼashchʼííʼ. Nahaneʼgóó hoł tádideeshkahgi doo íinisin da łeh. Nahaneʼ yę́ęgi doo bíneeshdlı̨́į da sélı̨́ı̨́ʼ.” Ákondi hasister doo bichʼįʼ háháchįʼ da, doodaiiʼ doo tʼáá hó tʼéí ádaa nitsíjíkees da. Éí The Watchtower, October 15, 1999, “Forgive From Your Heart” wolyéego jííłtaʼgo bikʼehgóó  áʼjiilaa. Áádóó hasister forgive ájiilaa. Crystal ájíní: “Baa ákoniizı̨́įʼgo tʼáá áníiltso wołí bee ádeitʼı̨́įgo hashtʼeʼnitsínáhiikees, áádóó Jiihóvah éí tʼáá ákwíí jı̨́ forgive ánihiłʼı̨́. Shikʼi hooldohgo shił hózhǫ́ nísísdlı̨́ı̨́ʼ.”

14. (a) Matthew 18:21, 22 éí yilʼaadii Peter haʼátʼíí bee bichʼįʼ nahwiiʼnáá ńtʼééʼ ní? (b) Áádóó Jesus yee hanáádzíiʼgi haʼátʼíí bitsʼą́ą́dóó bóhooʼaah?

¹⁴ Forgive éʼélʼı̨́įgi łaʼ shı̨́ı̨́ nihá ndanitłʼa. Nihił béédahózingo forgive íʼiilʼı̨́į doo, háálá éí tʼáá ákónéehii átʼé. Yilʼaadii Peter ałdóʼ shı̨́ı̨́ łahda há nantłʼa ńtʼééʼ. (Matthew 18:21, 22 yíníłtaʼ.) Haʼátʼíí áká adoolwoł? Áłtsé éí, Jiihóvah forgive ánihiilaagi nabikʼítsíilkees doo. (Matt. 18:32, 33) Éí Bí forgive ánihidoolíiłgi doo deserve íilʼı̨́į da, ndi tʼáá ákwíí jı̨́ forgive ánihiłʼı̨́. (Ps. 103:8-10) Éí bąą, “nihí ałdóʼ ayóóʼádaʼahííníiʼníi doo.” Ndi łahda shı̨́ı̨́ nihá ndanitłʼa łeh. Brothers dóó sisters ayóóʼádeíníiʼníi doogo nihąąh silá, áko forgive ádeilʼı̨́į doo. (1 John 4:11) Naaki góneʼ éí, forgive ájíłʼı̨́įgo éí haitʼée dooleełgi nabikʼítsíilkees doo. Háí shı̨́ı̨́ doo yáʼátʼééhgóó ánihiilaii bíká adoolwoł, congregationgi łáʼí ídlı̨́, Jiihóvah bikʼis niidlı̨́įgi yaa áhályą́, áádóó bee nihiiʼ hááhwiildóóh. (2 Cor. 2:7; Col. 3:14) Áádóó akéeʼdi éí, forgive adaʼołʼı̨́ nihiłnínígíí bichʼįʼ sodiilzin doo. Brothers dóó sisters yáʼátʼéehgo bił kʼé ahidiiʼníigi tʼááká Séítan nitsʼą́ą́ʼ yółchxǫǫh yíilaʼ. (Eph. 4:26, 27) Tsʼídá Jiihóvah tʼéiyá nihíká análwoʼgo congregationgi kʼé hólǫ́ǫgo hazʼą́ą doo.

15. Brother doodaiiʼ sister łaʼ doo yáʼátʼéhígi ádzaago biniinaa niʼdiiłʼáago Ephesians 4:32 bikʼehgo haadíínííł?

¹⁵ Ákoshąʼ brother doodaiiʼ sister łaʼ doo yáʼátʼéhígi ádzaago biniinaa niʼdiiłʼáago haadíínííł? Yéigo kʼé nínídzin.  Jiihóvah bichʼįʼ sodiilzingo íiyisíí bikʼee ánítʼéegi bee bił hólneʼ. Éí bíká anilyeed, áádóó yáʼádaatʼéehii yee átʼéhígíí bá baa ákonisingo áshíínísin, háálá éí bee ayóóʼííníʼní bidiʼníigo néiníkąąh. (Luke 6:28) Brother ádzaagi doo baa yoonééh átʼéégóogo haitʼéego lá bee bichʼįʼ hadeesdzih nínízingo hazhóʼó baa tsídííkos. Brother shı̨́ı̨́ doo tʼáá ákónéehgo átʼı̨́į da, nínízingo baa nitsíníkees doo. (Matt. 5:23, 24; 1 Cor. 13:7) Bichʼįʼ háínídzíiʼgo nibrother yáʼátʼéehgo baa nitsíníkees. Doo kʼé nidideeshniił da nízingoshąʼ? Tʼáá ákótʼée ndi, ‘bá yóóʼanídidiiʼááł.’ (Ephesians 4:32 yíníłtaʼ.) Tʼáadoo bichʼįʼ náháchįʼí, áko Jiihóvah nikʼis nilı̨́įgi doo nitsʼą́ą́ʼ yidoołchxǫǫł da. Tʼááká nidíʼnóltłʼaa lágo. Háálá éí Jiihóvah ayóóʼííníʼníigi bee ííshjání ádíílííł.—Ps. 119:165.

16. Haʼátʼíí ádadiiʼníiłgi nihąąh naazlá?

¹⁶ Baa nihił dahózhǫ́ǫgo brothers dóó sisters bił Jiihóvah bá nideiilʼaʼ, éí dibé ‘tʼááłáhígóó shijéeʼgo dibé yaa áhályáanii tʼááłáʼí’ nahalingo nihaa áhályą́. (John 10:16) Naaltsoos Organized to Do Jehovah’s Will, page 165, ání: “Jó, kótʼéego łáʼí ídlı̨́įgo baa nił hózhǫ́, áko díí łáʼí ídlı̨́į dooleełgo łahdóó bee áká anánílwoʼ.” Áádóó Jiihóvah éí brothers dóó sisters yaa nitsékeesígi átʼéego nihí ałdóʼ tʼáá ákóniitʼée dooleełgo bíhwiilʼaah doo. Jiihóvah éí tʼáá átʼé “áłchínígi átʼéego aʼohgo ádaatʼéii” ayóóʼáyóʼní. Niísh ałdóʼ tʼáá ákótʼéego baa nitsíníkees? Éí tʼáá ałtso bíká anánílwoʼgi índa baa áhólyą́ągi Jiihóvah ná yaa ákonízingo ayóó bił nilı̨́.—Matt. 10:42.

17. Haʼátʼíí íiyisíí ádadiiʼnííł daniidzin?

¹⁷ Brothers dóó sisters ayóóʼádeíníiʼní. Áko “nihikʼisóó łaʼ yikʼee bąąhági ádooníiłii, doodaiiʼ bidínóołtłʼahii tʼáadoo bidáahjįʼ adahohʼníłí dooleełjí bee hashtʼeʼnitsídadoohkos.” (Rom. 14:13) Brothers dóó sisters nihiláahdi ádaatʼéego baa nitsídeiikees doo, áádóó tʼáá aaníí ádadiiʼníigo forgive ádeilʼı̨́į dooleełgi baa ídahwiilʼą́ą́ʼ. Tʼááká łaʼda nihinółtłʼa yíilaʼ. Ndi “bee kʼé náhoodleełii áádóó tʼáá áníiltso ahidiníłnáago danihidziil ánihidoolíiłii hádeiitʼı̨́į doo.”—Rom. 14:19.