May 19, 1940 Amioûn, Lebanondi shiʼdizhchı̨́. Tʼahádóó Tripolidi niniiʼná. Hooghangi hółdzilgo ayóóʼóʼóʼniʼ bee shiyaa hooʼaʼ. Éí Diyin Jiihóvah deidósingo ayóóʼádayóʼní. Bił haijééʼ éí ashdlaʼ, atʼééké tááʼ áádóó ashiiké naaki, shí éí akéeʼdi naashá. Shizhéʼé dóó shimá éí béeso ląʼí ádoolníiłgi akééʼdóogo áyósin. Ndi Diyin Bizaad bóhooʼaah, Oodlání áłah nádleehígíí, índa łaʼda Diyin yééhodoosįįłgi bíká aʼdoowołgi aláahdigo óolzin.

Nihicongregationgi éí łaʼ Oodlání anoint ádaalyaaígíí daʼatah. Łaʼ éí Michel Aboud joolyé, éí New Yorkdi tʼáá aaníinii binaʼnitin yaa íhoołʼą́ą́ʼ áádóó 1921 Lebanondi nahaneʼ bizhdeeshnish. Éí congregation book study wolyéé ńtʼééʼ yę́ę conduct ííłʼı̨́ı̨́ ńtʼééʼ. Bénáshniihgo Gilead Schooldóó niʼníłtaʼígíí Anne dóó Gwen Beavor ayóó bíká anijílwoʼ. Éí áhą́dígo nihikʼis sílı̨́ı̨́ʼ. Díkwíí shı̨́ı̨́ nááhaigo United Statesdi Anne néiłtsą́. Áádóó tʼahádóó Gwen ałdóʼ néiłtsą́, éí Wilfred Gooch wolyéego jizyeh lá. Tʼáá ájíłá éí London, Englanddi Béthel branch officegi nijilnish.

Tʼah ániid naasháago Lebanondi Jiihóvah Yá Dahalneʼé tʼáá díkwííhí hólǫ́. Religious  leaders łaʼ nihikʼijįʼ danilı̨́į ndi, bóhoneidlı̨́įgo Diyin Bizaad tʼáá nihił béédahózinígi diné bee bił nidahosiilneʼ. Ádanihiʼdoolʼįįdgi tʼahdii ayóó bénáshniih.

Łah éí shádí Sana bił Diyin Bizaad baa nahwiilneʼgo éí apartment building léiʼgi łaʼ bichʼįʼ yéeltiʼgo priest łaʼ nihichʼįʼ haaswod. Háíshı̨́ı̨́ bił hoolneʼgo priest nihaa heedzá. Áádóó shádí yódziihgo yaa nídiidzá. Priest éí báhóóchįįdgo stairs góyaa shádí push áyiilaago atédzaa. Ńtʼééʼ háíshı̨́ı̨́ siláo yichʼįʼ hoolneʼ lá. Éí siláo níyáago nihíká eelwod. Áádóó priest éí police stationgóó abiʼdoogı̨́, ńtʼééʼ beeʼeldǫǫh neitin lá. Siláo binantʼaʼí ábíłní: “Haʼátʼíísh nílı̨́įgo ánítʼı̨́? Diyinísh bee naʼnitin doodaiiʼ atéʼélʼı̨́įgoósh bee naʼnitin?”

Náánáłahgo ayóó bénáshniihígíí éí náánáłaʼ kin dah shijaaʼgi nidahodiilnih biniyé nihicongregation bus rent ádayiilaago akǫ́ǫ́ dah diikai. Nihił dahózhǫ́ǫgo tadiikááh, ńtʼééʼ priest léiʼ éí nidahwiilneʼgi yaa hodiiztsʼą́ąʼgo diné ahíyiiʼeezhgo nihaatįįh ííʼeezh. Nihídaʼatsʼihgo yaa nídiikai, tsé ałdóʼ yee danihółneʼgo bitsʼą́ą́dóó shizhéʼé atédzaa. Éí aniiʼjįʼ diłgo bénáshniih. Áádóó shimá éí shizhéʼé bus yichʼįʼ yił nátʼáázh. Tʼáá áníiltso nihił daayéeʼgo akééʼ nániikai. Shimá éí shizhéʼé atédzaa yę́ęgi yá clean ííléehgo shimá ádííniid yę́ęgi doo beidiyeeshnah da, éí ájíní: “Jiihóvah, díí yaa naakaígíí tʼáadoo bikʼijįʼ síníłʼání, háálá doo bił béédahózingóó ádaatʼı̨́.”

Áádóó náánáłah, índa hastą́ą́ shinááhaigo shinálí kééhatʼı̨́ı̨́góó nisiikai. Éí ákweʼé religious leader bishop nilı̨́įgo ákwii níyá. Éí shizhéʼé dóó shimá Jiihóvah Yá Halneʼé nilı̨́įgo bił bééhózin. Áádóó éí kóníigo náshídééłkid: “Haʼátʼíí biniinaa doo baptize ániʼdilnéeh da?” Áádóó ádíshní: “Shí yeeʼ tʼah áłchíní nishłı̨́, áádóó baptize áhodiʼdoolníiłgo éí Diyin Bizaad hazhóʼó bíhwiizhdoołʼááł, índa hweʼoodląʼ bidziil doo.” Kóbidííniidgo doo bił yáʼíítʼéeh da, áko shinálí ííłní: “Éí ashkii doo bił ílı̨́ı̨́góó yáłtiʼ.”

Kótʼéego doo yáʼátʼééhgóó ádahóótʼįįdgo baa dahaneʼii tʼáá díkwííhí. Háálá Lebanese dineʼé éí ayóó kʼé danidzingo baʼadahwiinítʼįʼí. Áko ląʼí Diyin Bizaad bee bił nidahosiilneʼ áádóó ląʼí bee nidaneetą́ą́ʼ.

Tʼahdii ółtaʼí nishłı̨́įgo Venezueladę́ę́ʼ brother tʼah ániid naagháá léiʼ níyá. Éí áłah néiidleehgi nádááh áádóó shádí Wafa yił ahééhoszįįd. Éí tʼahádóó ahijizyeh, áádóó Venezuelagóó ajííná. Wafa éí nihizhéʼé náyookąąhgo Venezuelajįʼ tʼáá ánółtso nihaa nóhnééh yiłníigo yichʼįʼ ánáʼiilʼįįh. Ayóó átʼéego nihihojisáahgo shı̨́ı̨́ ájíní. Éí lą́ hodooʼniidgo akǫ́ǫ́ dah diiʼná!

1953 yihahgo Caracas, Venezueladi presidential palace bíighahgi niniiʼná. Ashkii ániid naagháii nishłı̨́įgo éí president nílínígíí bichauffeur yił, shinááł bił nídilwoʼgo ayóó  bíneeshdlı̨́. Shizhéʼé dóó shimá éí díí ániid kéyah nináániiʼnáagi saad bee yádaatiʼii, bibee ádaʼoolʼįįłii, dabichʼiyąʼ, áádóó ákwii níłchʼi ałʼąą ánááʼníiłii doo hąh yínildin da. Ńtʼééʼ tsʼídá tʼáá ídaʼniildingo doo yáʼátʼéhígi áhóótʼįįd.

Shizhéʼé éí ayóó hadziilgo doo hąąh téeh da. Hádą́ą́ʼ shı̨́ı̨́ tʼáá hatah honiigai. Ńtʼééʼ hatah náhoniigah níjídleehgo doo nihił ákódaatʼée da. Éí pancreatic cancer nidoolnaʼ lá hoʼdooʼniid, áádóó biniyé nahoʼdishgizh. Ndi damóo azlı̨́ı̨́ʼdóó bikʼijįʼ nihitsʼąą ájídin.

Índa éí 13 shinááhai. Áko shizhéʼé nihitsʼąą ádin dooleełgo doo nideíníidlíi da. Biniinaa ayóó átʼéego yínííł biih niideeʼ. Shimá éí nihizhéʼé nihitsʼąą ádingi ayóó bikʼee yínííł jílı̨́įgo doo tʼáá aaníí áhoodzaa jinízin. Ákondi baa ákoniidzingo Jiihóvah nihíká análwoʼgo éí haʼííníilníigo tʼáá náás niheʼiinaʼ yiiltʼih doo. Áko 16 shinááhaigo Caracasgi high schooldóó niʼníłtaʼ, éí naanish łaʼ shóideeshtʼeełgo bee áká anáshwoʼ doo niizı̨́ı̨́ʼ.

Brother Rubén Araujo wolyéego Gilead Schooldę́ę́ʼ nizhníłtaʼgo Venezuelajįʼ nídzídzá. Éí shádí Sana jizyeh. Áádóó New Yorkgóó ajííná. Shí éí universitygóó íídííłtah shidóʼní, áko New Yorkdi shádí dóó bichʼooní bił dah shighango áádóó ííníshtaʼ doo. Éí shíká anáʼahiʼnilchéehgo Jiihóvah bił áhą́dí sélı̨́ı̨́ʼ. Brooklyn Spanish congregationdóó mature brothers bił yah anéijah. Łaʼ nidiltʼéego bił ahéédahosésįįdgo ayóó shíká anáhiʼniilchéehgo baa ahééh nisin. Éí Brooklyn Béthelgi naalnish ńtʼéʼígíí Milton Henschel dóó Frederick Franz.

Universitydi shifirst year kʼadę́ę ałtsogo haaléitʼéego sheʼiinaʼ ádeeshłiił nisingo tsídíkééz. Áko Watchtower magazine éí Oodlání Jiihóvah bá naashʼaʼ dooleeł danízingo yaa nitsídaakeesgi baa dahaneʼígíí yíłtaʼ áádóó baa nitséskeesgo baa nídiisdzá. Congregationgi pioneers dóó Béthelites éí ayóó bił dahózhǫ́ǫgo daashʼı̨́, áko shí ałdóʼ tʼáá ákóníshtʼée doo nisin. Ákondi tʼah doo baptize áshiʼdilnéeh da. Sheʼiinaʼ Jiihóvah baa dideeshʼáałgi ayóó ílíinii átʼéé lágo baa ákoniizı̨́ı̨́ʼ. Áko March 30, 1957 yę́ędą́ą́ʼ baptize áshiʼdiilyaa.

Baptize áshiʼdiilyaago éí pioneer deeshłeeł nisingo yéigo baa tsídíkééz. Ákondi university yíníshtaʼígíí índa pioneer eʼeshʼı̨́į dooleełgi haaléitʼéego díí tʼáá áłah áshʼı̨́į doo nisin. Universitygi ííníshtaʼígíí neʼ ádeeshłíiłgo Venezuelagóó nídeeshdááł áádóó pioneer deeshłeeł dishníigo shimá dóó bił haijééʼ bił baa nidaashtʼı̨́įgo naaltsoos ałchʼįʼ ánídeilʼįįh.

June 1957 Caracasjįʼ nánísdzá. Ńtʼééʼ hooghangi doo yáʼátʼééhgóó hazʼą́ą́ lá. Éí hooghangi akʼi naalnishii bídin hóyééʼ lá. Áko haaléitʼéego áká adeeshwoł niizı̨́ı̨́ʼ. Ńtʼééʼ bankgi naanish shaa deetʼą́, ákótʼée  ndi pioneer tʼáá íiyisíí eʼeshʼı̨́į doo nisin. Háálá pioneer eʼeshʼı̨́į dooleełgi íiyisíí biniyé nánísdzá. Áko díí tʼáá áłah binaashnish doo niizı̨́ı̨́ʼ. Díkwíí shı̨́ı̨́ nááhai bankgi full-time naashnish áádóó pioneer ałdóʼ nishłı̨́. Ayóó naʼanish shı̨́į ndi shił hózhǫ́.

Łaʼ baa shił nááhóózhǫǫdígíí éí sister Germanydę́ę́ʼ bimá dóó bizhéʼé bił Venezuelajįʼ jiníná. Éí Jiihóvah ayóóʼáyóʼní, Sylvia wolyéego bééhosésįįd áádóó asiigeh. Nihaʼáłchíní naaki hazlı̨́ı̨́ʼ, éí Michel (Mike) dóó Samira wolyé. Áádóó shimá nihił yah iináago baa áháshyą́ągo baa nídiisdzá. Hooghan hazʼą́ągi naanish tʼóó adahayóigo biniinaa pioneer neʼ íishłaa. Ndi nahaneʼgi tʼahdii ayóó bíneeshdlı̨́. Vacationgo Sylvia bił auxiliary pioneer ánáʼiilʼįįh.

Tʼóó ádaa ahoʼniishneʼígo baa chʼíhoníʼánę́ę éí íídą́ą́ʼ nihaʼáłchíní tʼahdii daʼółtaʼ. Hooghan hazʼą́ągi tsʼídá yáʼátʼéehgo nihił hazʼą́ áádóó tʼáá ałtso bank bił nahazʼą́ą́góó deílníishii ił ídlı̨́ yee dah shinéłʼı̨́. Ndi Jiihóvah bá naʼaʼaʼjí bee shidiʼnélʼı̨́į doo nisin. Áko shichʼooní bił nihifinances baa nísíitʼįįd. Bank bá naashnishjí bitsʼá níyáago éí béeso ląʼí hachʼįʼ ndeilééh. Ąą hadaazʼá nihee ádin, áko niheʼiinaʼ tʼóó bikiinígo íilyaago éí díí béeso shichʼįʼ nidoolyéłígíí haanízahjįʼda bikiin dooleeł niidzı̨́ı̨́ʼ.

Kótʼéego náhástʼánígíí tʼáá nantłʼa, ndi Sylvia dóó shimá éí lą́ nízin. Áko pioneer náádeeshdleełgi ayóó baa shił hóózhǫǫd. Náásgóó éí tʼáá bééhóziní yeeʼ silı̨́ı̨́ʼ. Ńtʼééʼ haneʼ łaʼ nihichʼįʼ chʼínáánátʼą́ągo tʼóó bikʼee tsídadeelyiz.

Niheʼazeeʼííłʼíní éí Sylvia ánááʼniiltsąąd nihiʼdooʼniid. Díí ayóó bikʼee tsídeelyiz, ndi ayóó baa hózhǫ́! Áko pioneer deeshłeeł dishnínę́ęgi baa tsídékééz. Nahoséʼánę́ę́sh shitsʼą́ą́ʼ yidinółtłʼa niizı̨́ı̨́ʼ? Ndi niheʼawééʼ nááhasdlı̨́ʼígíí bá hashtʼedadiidzaa. Ákondi pioneer deeshłeeł dishnínę́ę tʼahdii baa nitséskees.

Nihigoals baa nísíitʼįįdóó bikʼijįʼ éí tʼáá pioneer deeshłeełgo bee lą́ asiidlı̨́ı̨́ʼ. April 1985 niheʼawééʼ Gabriel yizhchı̨́. Bankdóó resign áshłaa áádóó June 1985 éí regular pioneer nísísdlı̨́ı̨́ʼ. Áádóó tʼahádóó Branch Committee átʼah nishłı̨́įgo hahoolzhiizh. Branch éí 50 miles ánidzáadi bił hazʼą́. Áko łaʼ damóo  náʼádleehgo naaki jı̨́ doodaiiʼ tágí jı̨́da akǫ́ǫ́ ałnánáshdááh.

Béthel branch office éí La Victoriadi bił hazʼą́, áko bíighahdi nidadiiʼnééł hoʼdooʼniid. Kótʼéego dah didiiʼnééł hodooʼniidgo éí hoł daalą́go ayóó baa ahééh nisin. Shádí Baha éí nihimá baa áháshyą́ą doo nihidííniid. Mike éí azyeh, ndi Samira dóó Gabriel éí bił dah diiʼná. Éí dahakʼis yę́ę La Victoriagóó bitsʼą́ą́ʼ dashdiiná. Kin tʼóó ahayóí haalʼáago ałnáʼáhátʼı̨́įgi biiʼ kééhwiitʼı̨́ı̨́ ńtʼééʼ. Shichʼooní Sylvia éí kin áłtsʼísígo haalʼáagi hooghan dooleełgo kʼad bíhodínóoldı̨́ı̨́ł. Áádóó hooghan áłtsʼísígo biiʼ danihighango bídadíníildı̨́ı̨́ł. Caracasdóó La Victoriajįʼ niniiʼnáago ląʼígóó naanish ńtʼééʼ.

Ńtʼééʼ łah átʼéego nihił nááhooʼaʼ. Gabriel éí azyeh áádóó Samira éí chʼíníná. Shichʼooní Sylvia bił 2007 yę́ędą́ą́ʼ Béthel bididooʼash nihidooʼniid, éí dííshjı̨́įdi baa hózhǫ́ǫgo tʼahdii tʼáá ákweʼé neilʼaʼ. Niheʼawééʼ Mike alą́ąjįʼ naagháhígíí éí elder nilı̨́ áádóó hachʼooní Monica bił pioneer jílı̨́. Gabriel ałdóʼ elder nilı̨́ éí Italydi bichʼooní Ambra yił bighan. Samira éí pioneer dóó Béthelgi remote volunteer jílı̨́įgo naalnish.

Nitsaago ádá nihoyeeshtʼą́ągi ayóó baa shił hózhǫ́. Tʼáá ákónáádeeshníiłgo átʼé. Jiihóvah bá naʼaʼaʼgi tʼóó ahayóígóó spiritual assignments áádóó privileges shaa dahideestʼánígíí éí ayóó átʼéego baa ahééh nisin. Jiihóvah bikʼis ídlı̨́įgi bidziil óolzin doogo baa ákoniizı̨́ı̨́ʼ. Bee akʼi nahodiitʼáhígíí ádaałtsʼísí doodaiiʼ nitsaa ndi, Diyin bitsʼą́ą́dę́ęʼ hodéesyéelii doo bikʼidiʼdootı̨́įł da átʼéii yee nihikʼijidlí. (Phil. 4:6, 7) Sylvia bił Béthelgi neiilʼaʼgo ayóóʼííníiʼní. Áádóó Jiihóvah áłtsé baa tsídííkosgo éí bee ádá nihodiyeetʼánę́ę yee nihikʼihasdliʼ niidzin.