Nijéí Tʼáá Átʼé Bee Jiihóvah Bá Nanilʼaʼ!
Jiihóvah “shéénílniih, nánooshkąąh, ninááł tʼáá aaníígóó áádóó tʼáá ákogi áníshtʼéego níyá.”—2 KINGS 20:3.
SIN: 36, 54
1-3. Jiihóvah ‘hajéí tʼáá átʼé bee’ bá nijilnishgoshąʼ haʼátʼíí áhyiłní? Łaʼ baa chʼíhoníʼaah.
TʼÁÁ ániitʼéii ńtʼééʼ nidaʼayiilzííh. Ákótʼéii ndi, Jiihóvah bibee ajoobaʼ yee tʼáá íídą́ą́ʼ nihá nááʼádiisniiʼígíí chóyoostʼeʼ, binahjįʼ nihaa néiidiyiiʼaah. Áko aʼohgo ádíníilzingo dóó ádaa náʼiikąąhgo éí binahjįʼ shaa náhidíʼaah bididiiʼniił. “Azhą́ ádił daʼsiilziih nidi,” Jiihóvah éí doo yikʼeh ánihidoolíił da. (Psalm 103:10) Ákótʼéii ndi,“nijéí tʼáá átʼé bee” bá nanilʼaʼ doo. (1 Chronicles 28:9) Éísh éí haitʼéego doo? Jó, tʼahdii nidaʼayiilzííh.
2 Éí Naatʼáanii Éísa dóó Naatʼáanii Amazáíyah binahjįʼ hazhóʼó bikʼidaʼdidiitı̨́ı̨́ł. Tʼáá áłah yáʼátʼéehii áyiilaa, áádóó tʼáá áłah bąąhági ádzaa. Ákótʼéii ndi, Diyin Bizaad éí: “Éísa bijéí yee tʼáá ákwii átʼéego bíiníłką́ ní.” (2 Chronicles 15:
3 Tʼáá háiida God, tʼáá átʼé bijéí yee yá deiyílníshígíí, éí hoolʼáágóó ayóóʼádayóʼníigo yá nidaalʼaʼ doo danízin. Diyin Bizaad biiʼdóó “ajéí” yaa yałtiʼgo éí, íiyisíí ániitʼéiigi áhyiłní. Éí haitʼéego nitsíikees, haʼátʼíí ayóóʼííníiʼní, haitʼéego niheʼiinaʼ íilʼínígíí dóó náásgóó daniidzinígíí ałdóʼ. Azhą́ shı̨́ı̨́ nidaʼiyiilzííh ndi, nihijéí tʼáá átʼé bee Jiihóvah bá nideilʼaʼ doogo átʼé. Doo éí bínihiʼdinilchéehgo, doodaiiʼ tʼóó íitʼı̨́įgo bá nideilʼaʼ da doo, ndi tʼáá íiyisíí íiniidzinígíí binahjįʼ ádeitʼı̨́.—2 Chronicles 19:9.
4. Akééʼ góneʼ lá haʼátʼíí baa nínáádadíitʼįįł?
4 Nihijéí tʼáá átʼé bee God bá nideilʼaʼ dooleełgi éí Éísa, áádóó naatʼáanii Jiiháshafat, Heziikáíyah, dóó Josáíyah bidaʼiinaʼ binahjįʼ bídahodiilʼááł. Azhą́ shı̨́ı̨́ díí naatʼáanii nidaʼiisíiʼ ndi, Jiihóvah yił dah hóshǫ́ǫgo ádayiilaa. Éí tʼáá átʼé dabijéí yee, Jiihóvah há ndaasʼaʼígíí yooʼı̨́. Haʼátʼíísh biniinaa Jiihóvah ákótʼéego yooʼı̨́ dóó haitʼéego bedaʼiilʼı̨́į doo?
ÉÍSA ‘BIJÉÍ TʼÁÁ ÁTʼÉ BEE’ JIIHÓVAH YAʼÓLÍÍ ŃTʼÉÉʼ
5. Éísa naatʼáanii silı̨́įʼgo haa yidzaa?
5 Ízrel binahatʼaʼ dóó Júdah binahatʼaʼ ałtsʼákaigo, Éísa tááʼ góneʼ Júdah binaatʼáanii jizlı̨́ı̨́ʼ. Áko doo tʼáá aaníígóó nahaghaʼ dóó naʼageh bee tsiʼnaʼadáh tʼáá íiyisíí nahjįʼ kójidoolííł jiniizı̨́ı̨́ʼ. Áádóó edaʼalyaii ałtso íísdįįd dóó ałjiłnii kin biiʼ sohodizindę́ę́ʼ baa chʼíníjééʼ. Tʼáá bí bimásání ndi: “asdzą́ą́ naatʼááh nilı̨́įgo . . . beʼelyaii doo daaldinii áyiilaa” biniinaa nahjįʼ hayííłtʼeʼ. (1 Kings 15:
Éísa éí doo tʼáá aaníígóó nahaghaʼ nahjįʼ kójidoolííł jiniizı̨́ı̨́ʼ
6. Iithiyópiya dineʼé Júdah yikʼiijéeʼgo, Éísashąʼ haa yidzaa?
6 Éísa hooʼáałgo neeznáá nááhaigo, Júdah binahatʼaʼ hazʼánígi doo anaaʼ hólǫ́ǫ da ńtʼééʼ. Iithiyópiya dineʼé tʼááłáhídi mííltsoh siláo dóó táadi neeznádiingo tsindaabąąs bijáád naakiígíí yee Júdah yikʼiijééʼ. (2 Chronicles 14:
7, 8. Éísa haitʼéego beʼiilʼı̨́į doo?
7 Jiihóvah baa ádiniitʼánígíishąʼ haʼátʼíí binahjįʼ bééhózin doo? Díí naʼádílkid: ‘Shichʼįʼ nahwiiʼnáa ndi, Jiihóvaásh tʼáá bikʼeh honishʼı̨́į doo? Jiihóvah bidineʼé bitahgi tsʼídásh doo, bąąhági áshtʼı̨́į da doo nisin?’ Éísa baa nitsíníkees, éí doo náhinilyéésgóó tʼáá bimásání naatʼááh nilı̨́į ndi nahjįʼ hayííłtʼeʼ! Nihí ndi shı̨́ı̨́ tʼáá Éísagi átʼéego nihił hwiidooʼaałgo átʼé. Díí nahalingo, tʼáá nighandóó doodaiiʼ nikʼis da, tʼáá íiyisí bąąhági ádzaago ndi doo ádaa náʼookąąhgóó biniinaa atsʼáltʼeʼgoshąʼ? Éí haitʼéego da bił ałchʼįʼ yáníłtiʼ dooígíísh doo bee hosíníłʼą́ą da doo? Nish éí haa díínííł?
8 Éísa nahalingo shı̨́ı̨́ łahda tʼáá ałtsoní nihikʼijįʼ danilı̨́ daniidzin łeh. Jiihóvah Yá Dahalneʼé nílínígíí biniinaa da bił daʼííníłtaʼii doodaiiʼ bádaʼóltaʼii tʼóó naa daadloh łeh. Áádóó nitsaago áłah náʼádleeh biniyé naanishdę́ę́ʼ shaʼdidootʼááł diniihgo, bił nidanilnishígíísh éí tʼáadoo biniyéhígóó ánítʼı̨́ daniłníi łeh. Ákótʼéíí ládą́ąʼgo éí Éísa nahalingo God baʼíínílí. Jiihóvah bichʼįʼ sodílzin, nidziilgo ádíínílzin, dóó tʼáá ákogi áánííł. Shą́ą́ʼ God éí Éísa bidziilgo ábiilaa, áko ni ałdóʼ nidziilgo ándoolííł.
9. Nidahwiilneʼgo, Jiihóvah éí haitʼéego bił hózhǫ́ ádiilnííł?
9 Éísa éí doo tʼáá bí tʼéiyá ádaa nitsíkees da ńtʼééʼ, nááná háiida Jiihóvah hádaatʼı̨́į doogi yíká análwoʼ ńtʼééʼ. Nihí ałdóʼ tʼáá ákótʼéego diné Jiihóvah yá ndaalʼaʼ doo biniyé bíká anídeijah. Áko baa yádeiltiʼgo, éí yaa ákonízin. Bí dóó bílaʼashdlaʼii ayóóʼííníiʼnínígíí binahjįʼ íitʼínígíí shı̨́ı̨́ biniinaa ayóo nihaa bił hózhǫ́!
JIIHÁSHAFAT JIIHÓVAH HAINEEZTĄ́Ą́ʼ
10, 11. Haitʼéego Jiiháshafat beʼiilʼı̨́į doo?
10 Jiiháshafat éí “bizhéʼé Éísa yę́ę yaa naayáii yikʼehgo níyá.” (2 Chronicles 20:
Jiiháshafat éí diné, Jiihóvah tʼáá bá nidaałʼaʼ yił níigo yá yíneedlı̨́ı̨́ ńtʼééʼ
11 Dííshjı̨́įdi Jiihóvah éí daʼníłtsʼą́ą́góó baa nahaneʼ doo nízin, éí tʼáá áníiltso atah áká anéiijah doogo átʼé. Tʼáá náhidizííd bikʼehísh atah nináhálni? Náánáłaʼísh Jiihóvah yá naalʼaʼ doo biniyé Diyin Bizaad bee nanítin doo nínízin? Éísh baa sonídílzįįh? Éí bíká ínítʼı̨́įgo, Jiihóvah yee níká adoolwoł. Háiida Diyin Bizaad bee nidiníítı̨́įłgoósh átʼé, azhą́ shı̨́ı̨́ nááná łahjįʼ tʼáadoo leʼé baa nináádíídaał ndi. Tʼáá Jiiháshafat nahalingo, łaʼ Jiihóvah yitsʼá heeskai yę́ę, yá nináádaalʼaʼ doogi bíká anídeijah doogo átʼé. Hastóí oodlání yá naazíinii áłah nídaadleeh bił hah hoodzogi, Jiihóvah Yá Dahalneʼii danilíí ńtʼééʼ yę́ę, bąąhígíí áhátʼı̨́ niʼ kódayiilaaígíí yíká adoojah biniyé łahda yaa nídaakah łeh.
12, 13. (a) Jiiháshafat bił yéeʼ silı̨́įʼgo, haashąʼ yidzaa? (b) Haʼátʼíísh biniinaa Jiiháshafat bedaʼiilʼı̨́į doo?
12 Jiiháshafat éí bizhéʼé Éísa nahalingo, Júdah bikʼi jiijéeʼgo Jiihóvah yaʼoozliʼ. (2 Chronicles 20:
13 Jiiháshafat nahalingo łahda, nihichʼįʼ anáhóótʼiʼgo ádiiʼníiłgi doo nihił bééhózin da łeh, doodaiiʼ bikʼee nihił yéeʼ łeh. (2 Corinthians 4:
HEZIIKÁÍYAH ÉÍ TʼÁÁ ÁKOGI ÁÁNÍÍŁ ŃTʼÉÉʼ
14, 15. Heziikáíyah haitʼéego tʼáá ałtsojįʼ God yaʼoozliʼ?
14 Naatʼáanii Heziikáíyah éí Jiihóvah “yąąh dah sitı̨́įgo yikééʼ níyá.” Azhą́ shı̨́ı̨́ bizhéʼé edaʼalyaii yichʼįʼ nahałáá ńtʼééʼ ndi. Heziikáíyah éí “wódah nahazʼą́ągo ádaalyaaígíí áádóó edaʼalyaii niyiiztiʼ, índa asdzání bidaʼalyaii niyiisneʼ áádóó Mózes éí béésh łitsoii yee tłʼiish yiʼiilaaígíí yidííséí,” éí Ízrel dineʼé yichʼįʼ nidahałáhígíí biniinaa ákódzaa. Heziikáíyah éí Jiihóvah tʼáá ałtsojįʼ yaa adeetʼą́. Éí Jiihóvah “bibikʼeh óʼooʼníiłii yee Mózes 2 Kings 18:
15 Heziikáíyah tʼah naatʼáanii nilı̨́įgo Asíriya bisiláo Júdah bidineʼé yikʼiijééʼ, áádóó Jerúsalem yichʼįʼ ádéé dahooldzííd. Asíriya binaatʼáanii Senákerib éí Jiihóvah tʼóó yá nahałtʼiʼgo, Heziikáíyah tʼóó hachʼįʼ nináʼádidootʼááł nízin. Íídą́ą́ʼ tʼóó bááhóódzíid ndi, Heziikáíyah éí Jiihóvah yaʼoozliʼgo yichʼįʼ sodoolzin. God éí Asíriya dineʼé yiláahdi ayóó ábóodziil dóó bidineʼé yisdéidooniłgo bił bééhózin. (Isaiah 37:
16, 17. Haitʼéegoshąʼ Heziikáíyah beʼéłʼı̨́į doo?
16 Tʼahádóó Heziikáíyah éí baa dahohʼaʼgo yikʼee oołdįįł. Áko bichʼįʼ nahwiiʼnáago Jiihóvah tʼáá ákogi ásdzaaígíí bee shéénílniih, dóó shíká anilyeed yidííniid. (2 Kings 20:
17 Haitʼéego ałdóʼ Heziikáíyah beʼiilʼı̨́į doo? Jiihóvah bá neelʼaʼ yę́ęgi, jó nááná łahjįʼgo da baa nináánéiidáa doogo átʼé. Díí nahalingo, diné tʼóó ahayóí bílaʼashdlaʼii dadiyin nahalingo yaa nitsídaakees. Ayóo béédahoʼdílzinígíí dóó náánáłaʼ diné doo yéédahósinígíí yaa dahaniih. Tʼáá áłahájįʼ yaa daʼółtaʼ dóó adaheeskidígíí deiníłʼı̨́į łeh. Internet dóó náánáłaʼ yee ałchʼįʼ dahalneʼígíí ayóó chodayoołʼı̨́. Éí shı̨́ı̨́ binahjįʼ danihikʼéí dóó danihikʼis bił ałchʼįʼ yádeiltiʼ łeh, ndi łahda bideiyíníilníísh yę́ę doo ádeilʼįįh da. Adahisíníłkid yę́ę Internet biih yínínilígíí, diné bił ayóó ádaatʼé daniłníigo bee ádaa hodííʼnihgo da átʼé. Doodaiiʼ ná deiníłʼínę́ę, niʼ kódayiilaago bikʼee da náhodoochįįłgo átʼé. Ndi yilʼaadii Paul, Ákwila, dóó Prisíla bitsʼą́ą́dóó ídahodiilʼáałgo átʼé. Éísh diné tʼáá ałtsojįʼ yaa nidaakaiígíí tʼáá ákwíí jı̨́ hadeisíidgo bee adaʼiiʼaah ńtʼéé, Jiihóvah doo yá nidaalʼaʼígíí íiyisíí? Diyin Bizaad áníigo “Paul tʼáadoo áhozdiilzéhí, . . . nahojilneʼ” ńtʼééʼ. Prisíla dóó Ákwila “Diyin God bikʼehgo honítʼiʼii hózhǫ́ yáʼátʼéehgo tʼah wónásígo yínanááhoneestą́ą́ʼ.” (Acts 18:
JOSÁÍYAH ÉÍ JIIHÓVAH BIBEE HAZʼÁANII YIKʼEH HÓÓŁʼĮĮD
18, 19. Haitʼéego éí Josáíyahgi beʼiilʼı̨́į doo?
18 Naatʼáanii Josáíyah ałdóʼ “hajéí tʼáá átʼé bee” Jiihóvah bá nijisʼaʼ. 2 Chronicles 34:31) Heziikáíyah náábínálí éí Josáíyah átʼı̨́. Éí tʼah ániid nijigháago David “biDiyin God hájítʼı̨́įgo hodideeshzhiizh.” Áádóó 20 honááhaigo, Júdahdi edaʼalyaii nahjįʼ kódajileʼgo baa nízhdiidzá. (2 Chronicles 34:
Josáíyah éí Jiihóvah binahjįʼ tʼáá ákǫ́ǫ́ bikʼeh hojííłʼįįd
19 Ániid nanináá ládą́ąʼgo éí Josáíyah nahalingo Jiihóvah hazhóʼó bééhodíisįįłgo átʼé. Josáíyah binálí Naatʼáanii Manáseh, Jiihóvah haa néiidiyiizʼánę́ę binahjįʼ shı̨́ı̨́ íhojoołʼą́ą́ʼ. Náás daazlı̨́įʼii, bił danighanígíí dóó bił áłah nánídleehígíí ałdóʼ bitsʼą́ą́dóó íhodííłʼáałgo átʼé. Éí haitʼéego Jiihóvah bíká análwoʼígíí hazhóʼó yee nił dahodoolnih. Josáíyah Diyin Bizaad yíhoołʼą́ąʼgo haitʼéego bidiisnááʼ yę́ęísh béénílniih? Éí Jiihóvah binahjįʼ tʼáá ákǫ́ǫ́ bikʼeh hojííłʼįįd. Diyin Bizaad yíníłtaʼgo, ní ałdóʼ Jiihóvah bikʼeh honíłʼı̨́ nínízin doo. Éí binahjįʼ Jiihóvah bił kʼé ahidíʼnínígi niłdzilgo íidoolííł, áádóó ayóo nił hózhǫ́ǫ doo. Éí binahjįʼ Jiihóvah baa nahólneʼ doo díníízįįł. (2 Chronicles 34:
NIJÉÍ TʼÁÁ ÁTʼÉ BEE JIIHÓVAH BÁ NANILʼAʼ!
20, 21. (a) Haitʼéego dı̨́įʼgo naatʼáanii danilínę́ę aheełtʼéego ádáátʼįįd? (b) Náánágo haʼátʼíí lá baa nínáádadíitʼįįł?
20 Díí dı̨́įʼgo Júdah binaatʼáanii bijéí tʼáá átʼé yee Jiihóvah yá ndaasʼaʼ yę́ę, haʼátʼíísh bitsʼą́ą́dóó ídahodiilʼááł? Díí hastóí éí Jiihóvah yił dahóshǫ́ǫ doo, dóó bidaʼiinaʼ nidahaaztʼiʼjįʼ yá nidaalʼaʼ doo danízin ńtʼééʼ. Bidaʼanaʼí bikʼinéiijahgo Jiihóvah ayóo yadaʼólí ńtʼééʼ. Éí tʼáá íiyisíí ayóóʼádajóʼnínígíí biniinaa bá nidajisʼaʼ.
21 Azhą́ shı̨́ı̨́ díí dı̨́įʼgo naatʼáanii nidaʼiisíiʼ ndi Jiihóvah ayóo yá bił hózhǫ́ǫ́ ńtʼééʼ. Éí bijéí tʼáá átʼé bee ayóóʼádabóʼnínígíí yooʼı̨́ı̨́ ńtʼééʼ. Nihí ałdóʼ tʼáá ákótʼéego nídaʼiilzih. Ákondi, nihijéí tʼáá átʼé bee Jiihóvah bá neiilʼaʼgo ayóo nihaa bił hózhǫ́ǫ doo. Díí naatʼáanii nidaʼiisííʼ yę́ę, haʼátʼíí bitsʼą́ą́dóó ídahodiilʼáłígíí éí náánágo baa nínáádadíitʼįįł.