1, 2. (a) Haʼáłchíní taah shidiʼdooltééł nízingo haash yitʼéego azhéʼé dóó amá yaa nitsíkees? (b) Haʼátʼíísh biniyé nabídíkid, tʼáásh íídą́ą́ʼ Jiihóvah baa ádíínítʼą́? (Áłtsé eelkidígíí níníłʼı̨́.)

MARIA bizhéʼé dóó bimá binéłʼı̨́įgo baptize yiniyé atah yiizįʼ. Nihibrother éí naakigo naʼídééłkid. Maria éí yéigo hodiitsaʼgo haadzííʼ. Bikéédóó taah bidiʼdooltı̨́.

² Maria éí Jiihóvah yaa ádeetʼą́ dóó baptize ábiʼdidoolnííł éí azhéʼé dóó amá yaa ahééh nízingo bił dahózhǫ́. Tʼahdoo baptize ábiʼdilnééh yę́ędą́ą́ʼ bimá baa bíniʼ. Yaa nitsíkeesgo, ‘Mariaásh tʼahdoo yaa nséeda nízin? Jiihóvah baa ázhdeetʼą́ągo tʼáásh íiyisíí yikʼiʼdiitą́? Tah áłtsé shı̨́ı̨́ bá yáʼátʼééh ńtʼééʼ jinízin?’ Nihá áłchíní baptize áshidiʼdoolnííł daaníigo haash yitʼéego azhéʼé dóó amá yaa nitsíkees łeh. (Ecclesiastes 5:5) Tʼáá háida Jiihóvah hwił nilı̨́įgo hweʼiinaʼ baa ázhdidootʼááł áádóó bikʼijįʼ baptize áhodiʼdoolnííł.​—“ Jiihóvaásh Baa Ádíínítʼą́?” níníłʼı̨́.

3, 4. (a) Haitʼéego Yilʼaadii Peter łaʼ taah hoʼdiltéehgo éí tʼáá íiyisíí ílı̨́ yee nanihineeztą́ą́ʼ? (b) Haʼátʼíí biniyé Peter éí taah hoʼdiltééh dóó Nóah tsinaaʼeełí áyiilaa yę́ę, bił aheełtʼéego yee haadzííʼ?

 ³ Yilʼaadii Paul éí Nóah tsinaaʼeeł yę́ę, baptize yił ahąąh niiʼnil. Paul ání: “Tʼáá éigi átʼéego kʼad [taah biʼdooltı̨́, New World Translation] . . . bee yisdájiikáhígíí yaa halneʼ.” (1 Peter 3:20, 21 yíníłtaʼ.) Tsinaaʼeełígíí éí tʼáá bééhózinígo Jiihóvah íinízinígíí, Nóah íʼiilaa. Tʼáá ákwii jı̨́ Jiihóvah éí Nóah naanish yee diníʼánígíí íʼiilaa. Nóah bibee oodląʼ binahjįʼ bighan hazʼą́ągi Jiihóvah yisdáyíínil. Haʼátʼíísh éí Peter yee nanihinitin?

⁴ Diné tsinaaʼeeł deiyiiłtsą́ągo, Nóah éí God yoodlą́ągo bił béédahozin. Oodlání baptize abidiʼdoolníiłgo éí tʼáá íídą́ą́ʼ beʼiiná God yee diníʼą́ nihił béédahozin. Díí taah biʼdooltinígíí éí Jesus náábiʼdiilzáhígíí deeyoodlą́. Nóah nahalingo, baptize ábidiʼdiilyaaígíí éí Jiihóvah bikʼeh dahółʼı̨́įgo, naanish baa nídítááhígíí ádeiłʼı̨́. Tó yíląąd yę́ędą́ą́ʼ Jiihóvah éí Nóah yee yisdáyííʼeezh. Dííshjı̨́įdi, bá nidaalʼaʼí bił danilínígíí éí baptize ádabiʼdiilyaaígíí doo íidoołdįįł da. (Mark 13:10; Revelation 7:9, 10) Bééhózinígo éí nihee iiná bá ádidiitʼááł dóó taah hodiʼdooltééł. Tah áłtsé danízinígíí éí hoolʼáágóó iiná doo haa didootʼáał da.

5. Haʼátʼíísh bídahwiidiilʼááł?

⁵ Taah hoʼdiltéehgo tʼáá íiyisíí ílı̨́ áko díí táaʼgo naʼídíkidígíí nihił ííshjání áyósin doo: Diyin Bizaad éí taah hoʼdiltéehgo haitʼéego áhyiłní? Tʼahdoo  baptize hoʼdidooltééłdą́ą́ʼ haʼátʼíísh honaanish ájíłʼı̨́į doo? Haʼátʼíí biniyé díí tʼáá łáhíjįʼ nihaʼáłchíní dóó naʼniitinígíí éí baptism tʼáá íiyisíí ílı̨́įgo bee bił dahwiilneʼ?

6, 7. (a) John baptize éʼéłʼínígíí haʼátʼíísh áhyiłní? (b) Haitʼéego Jesus taah bidiʼdooltínígíí łahgo átʼé?

⁶ John Tó Yee Ası̨́įhii éí áłtsé diné taah dabiʼdiiʼniłígíí éí Diyin Bizaad yee ííshjání áyiilaa. (Matthew 3:1-6) Haʼátʼíí biniyé diné baptize áshidiʼdoolnííł danízinígíí baa dahakááh? Nidaʼiisíhígíí bá yóóʼanáhididootʼáałgo bee ííshjání ályaa. Mózes bibee hazʼáanii doo bikʼeh hojíłʼı̨́ı̨́góó biniinaa John yahiikaahgo baptize ádahaleʼ ńtʼééʼ. Yaa dabíniʼgo shee iiná łahgo ádeeshłííł daniizı̨́ı̨́ʼ. Ákondi John éí doo díí biniinaa Jesus baptize áyiilaa da. Jesus éí John taah shiʼdííłtééł yidííniid. (Matthew 3:13-17) Jesus tʼáadoo asiih da, áko niʼiisííh bá yóóʼanídidootʼáałgi bá ádin. (1 Peter 2:22) Áko haʼátʼíí biniyé Jesus taah biʼdooltı̨́? Éí Jesus kʼad Jiihóvah íinízinígíí bibee iiná yee choidoołʼįįłgo yee ííshjání áyiilaa.​—Hebrews 10:7.

⁷ Jesus nanitin bikééʼdóó bídahoołʼaahii diné baptize ádeiileʼ. (John 3:22; 4:1, 2) Díí diné éí Mózes bibee hazʼáanii yikʼijįʼ ndaʼiisiihígíí bá yóó anídahiditaah biniyé baptize ádabiʼdiilyaa. Jesus daaztsą́ doo náábiʼdiilzá bikʼijįʼ, Jesus bikééʼ deíyíkááh danízinígíí éí ałdóʼ baptize ádaalneʼ. Ákondi Mózes bibee hazʼáanii kʼídajiztiʼígíí doo biniyé da.

8. (a) Jesus náábiʼdiilzá bikééʼdóó, haʼátʼíísh bił ííshjání ályaa? (b) Haʼátʼíí biniyé daboodlánígíí baptize ádabiʼdilneʼ?

⁸ 33 C.E. yihah bikééʼdóó tʼáadoo hodíínaʼí Jesus náábiʼdiilzá yę́ędą́ą́ʼ, éí 500 ánéelą́ą́ʼ hastóí, sáanii, dóó áłchíní yichʼįʼ haadzííʼ. Díí shı̨́ı̨́ íídą́ą́ʼ yee haadzííʼ: “Éí bąą nihílááh, ałʼąą dineʼé tʼáá ałtso ídahoołʼaahii danilı̨́įgo ádaahłeʼ, aTaaʼ áádóó aYeʼ índa Níłchʼi Diyinii bízhiʼ bee [taah bidiʼdooltééł, NW], áádóó bee nihichʼįʼ hahásdzíiʼii tʼáá ałtso yikʼeh dahółʼı̨́į dooleełgi bee nidanohtin” (Matthew 28:19, 20; 1 Corinthians 15:6) Jesus éí ídahoołʼaahii ádaahłeʼ yidííniid. Tʼáá háíshı̨́ı̨́ ídahoołʼaahii deinízinígíí bibee “azéédéetání” azéédidootı̨́ı̨́ł áádóó baptize ádabiʼdidoolnííł. (Matthew 11:29, 30) Jiihóvah íinízinígíí Jesus choyoołʼı̨́įgo deeyoodlą́ éí biniinaa God bá ndaalʼaʼgo éí yaa bił hózhǫ́. Áko índa baptize áhodiʼdoolníiłgo éí God bił kʼé ahizhdidooʼnííł. Diyin Bizaad yahalneʼgo éí Jesus bídahoołʼaahii baptize áhoʼdilʼįįhgo bił béédahozin. Baptize ádabiʼdilnę́ęgo doo éí áłtsé danízin da.​—Acts 2:41; 9:18; 16:14, 15, 32, 33.

9, 10. Iithiyópiya diné léiʼ dóó Saul, haʼátʼíísh bitsʼą́ą́dóó bíhwiidiilʼááł?

⁹ Acts 8:35, 36 yíníłtaʼ. Jerúsalemdi kin biiʼ sohodizindę́ę́ʼ éí Iithiyópiya diné léiʼ Jew bidaʼoodląʼígíí néidiiláago hooghangóó náádááł. Jiihóvah bidiyin naalʼaʼí éí Philip ákǫ́ǫ́ ayííłʼaʼgo “Jesus baa haneʼ yáʼátʼéehii bee bił hojoolneʼ.” Iithiyópiyadę́ę́ʼ diné  bikʼee haajiidzaa? Hoł bééhózin éí Jesus Naatʼáanii jílı̨́ índa Jiihóvah bikʼeh honishʼı̨́įgo jiniizı̨́ı̨́ʼ. Tʼáadoo áłtsé jiniizı̨́įʼgo baptize áhoʼdiilyaa.

¹⁰ Hastiin Jew nilı̨́įgo, Saul wolyé éí baptize ílínígíí hoł bééhózin. Tʼáá ałtso Jew dineʼé Jiihóvah yaa ádeetʼą́ą ndi doo biniizı̨́įʼ da biniinaanígíí éí doo bikʼeh dahółʼı̨́į da. Saul éí Jew dineʼé tah ndi God bikʼeh dahółʼı̨́ jinízin éí biniinaa oodlání atíjíłʼı̨́ ńtʼééʼ. Saul éí Jesus nabiʼdiilzá yę́ę jiiłtsą́, shą́ą́ʼ daajitsąą niʼ jiniizı̨́ı̨́ʼ. Áádóó Jesus yáʼąąshiidę́ę́ʼ Saul yichʼįʼ haadzííʼ. Saul éí haajiidzaa? Íhoołʼaahii Ananáíyas éí Saul baa hwił hózhǫ́ǫgo bíká eelwod. Diyin Bizaad ání: “Áko nízhdiiʼnaʼgo [taah biʼdooltı̨́, NW].” (Acts 9:17, 18; Galatians 1:14) Áádóó náasdi éí Yilʼaadii Paul házhiʼ bee bééhóʼdoolzįįd. Jiihóvah íinízinígíí, God éí Jesus choyoosʼįįdgo bikʼizhʼdiitą́. Áko Saul tʼáadoo áłtsé jiniizı̨́įʼ baptize áhoʼdiilyaa.​—Acts 22:12-16 yíníłtaʼ.

11. (a) Dííshjı̨́įdi Diyin Bizaad yídahoołʼaahígíí haʼátʼíísh biniyé baptize áshidiʼdoolnííł danízin? (b) Łaʼ baptize ábiʼdilnéehgo nihí haitʼéego ádanihósin?

¹¹ Dííshjı̨́įdi, ląʼí Diyin Bizaad yídahoołʼaahígíí náás daazlı̨́ʼígíí dóó ániid nidaakaígíí ałdóʼ ákódaatʼé. Diyin Bizaad ayóóʼádayóʼní. Éí biniinaa yídaneedlı̨́įgo bee iinaʼ Jiihóvah baa ádazhdidootʼáałgo baptize áhodiʼdoolnííł. Nitsaago áłah náʼádleehgi baptize áhodiʼdoolnííł éí bóhoneedlı̨́įgo baa haneʼ. Diyin Bizaad yídahoołʼaahígíí éí Jiihóvah yikʼeh dahółʼı̨́įgo dóó baptize ábiʼdilnéehgo, Jiihóvah Yá Dahalneʼé yaa bił dahózhǫ́. Azhéʼé dóó amá baʼáłchíní baptize ádabiʼdilnéehgo yaa bił dahózhó ałdóʼ. Biniʼantʼą́ą́tsoh 2016dóó Biniʼantʼą́ą́tsʼózí 2017jįʼ yihahígíí tʼóó ahayóí 284,000 diné baptize ádabiʼdiilyaago éí ííshjání Jiihóvah yaa ádaʼdeestʼą́. (Acts 13:48) Díí Jiihóvah yikʼeh dahółʼı̨́įgo yikʼidaʼdiitą́ éí binahjįʼ baptize ádabiʼdiilyaa. Ákondi haʼátʼíísh áłtsé ádeidoolíił?

12. Diyin bizaad yídahoołʼaahígíí haʼátʼíísh áłtsé ádaʼdoolííł áadi índída baptize ádabiʼdidoolnííł?

¹² Diyin Bizaad yídahoołʼaahígíí tʼahdoo baptize ádabiʼdilnéehgo, éí díí God tʼáá aaníí yídahodoołʼááł. Díí íiyisíí bikʼidazhdootı̨́įłgo éí haʼátʼíí biniyé bílaʼashdlaʼii dóó nahasdzáán áyiilaa. Áádóó díí bił béédahodoozįįłgo God éí bílaʼashdlaʼii yisdáyíínil. (1 Timothy 2:3-6) Bedaʼoodląʼ nooséełgo éí binahjįʼ God bibee hazʼáanii bikʼeh dahojółʼı̨́įgo háká adoolwoł. Dóó haʼátʼíí shı̨́ı̨́ Jiihóvah yijoołxáhígíí ałdóʼ deijoołáa doo. (Acts 3:19) Díí éí ílínígíí átʼé ndi Jiihóvah yijoołxáhígíí tah ndi baa nijigháago éí bee adazhditanę́ę doo háí nízin da. (1 Corinthians 6:9, 10) Ákondi łaʼ nááhódlǫ́. Jiihóvah baa adideeshʼááł jinízingo éí áłah náʼádleehgo tʼáá áłahjįʼ nijigháa doo dóó haneʼ yáʼátʼéehii baa  hojilneʼ dóó nazhnitin doo. Christ bikééʼ yishááł jinízingo díí yee nihá hoołʼaʼígíí bee ájíłʼı̨́į doo. (Acts 1:8) Jiihóvah baa izhditaahgo éí díí tʼáá átʼé áłtsé ájíłʼı̨́. Áádóó tʼáá sáhí Jiihóvah bił ííshjání ázhdoolíiłgo bichʼįʼ sozdidoolzįįł áádóó baptize áhodiʼdoolnííł.

13. Haʼátʼíí biniyé Diyin Bizaad yídahoołʼaahii tʼáá aaníí oodlání dazhdooleeł danízingo baptize ádabiʼdidoolnííł?

¹³ Béénílniih haʼáłchíní dóó Diyin Bizaad yídahoołʼaahii ádaʼdoolíłígíí éí tʼáá aaníí Jesus bikééʼ yishááł doo biniyé baptize ádabiʼdidoolnííł. Éí tʼáadoo bichʼįʼ niʼniidlíní Oodlání jileehgo éí Jiihóvah baa azhditʼááł áádóó baptize áhoʼdilʼįįh bił hodíílni. Tʼáá hazhóʼó bínáábidiyííłnihgo ádaʼdoolííł. Áłchíní dóó Diyin Bizaad yídahoołʼaahii éí diyin kʼehgo nooséełgo baptize ádabiʼdidoolnííł.

14. Haʼátʼíí biniyé tsxı̨́įłgo baptize ándiʼdoolnííł doo dabidiiʼníi da?

¹⁴ Nihaʼáłchíní dóó Diyin Bizaad yídahoołʼaahii éí baptize ádabiʼdidoolnííł doo bídaʼniilchéeh da. Jiihóvah doo yínihiniłchéehgo shá nanilʼaʼ nihiłníi da. (1 John 4:8) Náánáłaʼ naniitingo aláahdi yikʼiʼdidootı̨́ı̨́łígíí éí Jiihóvah áhánígo áyósin doo. Áádóó Diyin Bizaad yíhoołʼaahii éí God tʼáá aaníinii bahaneʼígíí bił ílı̨́įgo dóó yikʼeh hółʼı̨́įgo baptize áhodiʼdoolnííł.​—2 Corinthians 5:14, 15.

15, 16. (a) Honááhaiígíísh bikʼehgo baptize áhoʼdilʼįįh? (b) Tʼáá íídą́ą́ʼ náánáłahdę́ę́ʼ bee baptize áhoʼdiilyaa ndi haʼátʼíí biniyé Jiihóvah Yá Dahalneʼéjí bee baptize áhodiʼdoolnííł?

¹⁵ Baptize ádahoʼdilnééhgo honááhaiígíí éí doo bikʼehgo da. Tʼáá áníiltso  ałʼąą ániitʼé łaʼ tsxı̨́įłgo ídahoołʼaah. Ląʼí tʼáá ániid nidaakaiígíí baptize ádabiʼdilneʼ áádóó Jiihóvah yikʼeh dahółʼı̨́įgo náás daaleʼ. Łaʼ éí tʼáá íídą́ą́ʼ náás daazlı̨́įʼ ndi Diyin Bizaad yídahoołʼaah áádóó baptize ádabiʼdilneʼ. Náánáłaʼ éí 100 binídááhai ndi!

¹⁶ Łaʼ asdzą́ą́ éí Diyin Bizaad yíhoołʼą́ą́ʼ tʼáá íídą́ą́ʼ náánáłahdę́ę́ʼ oodlánígíí bee baptize ábiʼdiilyaa. Éí biniinaa Diyin Bizaad nabinitinígíí neiyídééłkid, ‘Tʼáásh aaníí baptize ánáshidiʼdoolnííł?’. Diyin Bizaad biiʼdoo bichʼįʼ ííshjání ályaago díí saadígíí yikʼiʼdiitą́. Áádóó Diyin Bizaad há yee hoołʼaʼígíí bikʼizhʼdiitą́ągo tʼáadoo hodiinaʼi baptize ábiʼdiilyaa, azhą́ 80 binááhai ndi. Haʼátʼíísh díí bitsʼą́ą́dóó bíhwiidiilʼááł? Baptize anihiʼdilnéego tʼáá aaníí Jiihóvah íinízinígíí nihił bééhózingo tʼéiyá niháídínóozįįł. Azhą́ shı̨́ı̨́ tʼáá íídą́ą́ʼ náánáłahdę́ę́ʼ oodlánígíí bee baptize áhoʼdiilyaa ndi Jiihóvah Yá Dahalneʼé jileehgo baptize áhoʼdilʼįįh. Éí shı̨́ı̨́ Diyin Bizaad tʼáá aaníí bahaneʼígíí doo bił béédahózin da ńtʼééʼ.​—Acts 19:3-5 yíníłtaʼ.

17. Baptize ádabiʼdilnééhígíí haitʼéego yaa nitsíkees doo?

¹⁷ Łaʼ baptize ábiʼdiilʼįįhgo éí ayóó baa hózhǫ́. Díí baa ádadiitʼą́ągo dóó baptize ánihiʼdiilyaago éí tʼáá ałtso ádiilniłígíí hazhóʼó baa nitsíikees doo. Tʼáá aaníí hweʼoodląʼ ájíléehgo yéigo binaʼanish átʼé. Jesus bídahoołʼaahii éí “doo tʼáá bí ádá dahináa da . . . nidi bá dadziztsą́ą́dę́ę́ʼ náázdiidzáhígíí há dahináa doo.”​—2 Corinthians 5:15; Matthew 16:24.

18. Haʼátʼíísh ndaʼídíkidígíí baa nínáádadíitʼįįł?

¹⁸ Díí baa ídahwiilʼą́ʼígíí éí tʼáá aaníí oodlání deeshłeeł jinízingo tʼáá íiyisíí baa hastiʼ. Éí biniinaa Maria bimá ádínaʼídééłkid. Azhéʼé dóó amá jílínígíí éí bee ádínaʼazhdíłkid: ‘Sheʼawééʼ tʼáásh íiyisíí hashtʼeʼázhdiilyaago baptize ábidiʼdoolnííł? Sheʼawééʼ daatsʼí tʼáá aaníí Jiihóvah yééhoosįįdgo yaa ádeetʼą́? Sheʼawééʼ daatsʼí áłtsé iidoołtah dóó nijilnishgo índída baptize ábidiʼdoolnííł? Sheʼawééʼ baptize ábiʼdiilyaago bikééʼdóó yéigo asiihgo shąʼ?’ Díí ndaʼídíkid baa nídadíitʼįįłígíí dóó bídahwiilʼą́ą́ʼígíí éí haitʼéego azhéʼé dóó amá baptism yá yaa nitsídaakees.