Nihiʼayóóʼóʼóʼniʼ Nóokʼaas Lágo
“Áko bąąhági átʼéii kʼeeʼąą deeshzhiizhígíí biniinaa diné ląʼí bibee ayóóʼóʼóʼniʼ dadínóokʼas.”—MATTHEW 24:12.
SIN: 38, 128
1, 2. (a) Matthew 24:12 bikʼeʼashchínígíí, háísh Jesus áłtsé yichʼįʼ haadzííʼ? (b) Naaltsoos Acts biiʼdóó, haitʼéego Oodlání bibee ayóóʼóʼóʼniʼ bidziilgo ádayósin ńtʼééʼ? (Áłtsé naashchʼąąʼígíí níníłʼı̨́.)
JESUS nahasdzáán yikáaʼgi naaghá yę́ędą́ą́ʼ, diné haitʼéego nihoolzhíshjįʼ ayííłką́ągo haʼátʼíí bee bééhózin doo, yił ííshjání áyiilaa. Díí ałdóʼ yee haadzííʼ: “Diné ląʼí bibee ayóóʼóʼóʼniʼ dadínóokʼas.” (Matthew 24:3, 12) Ałkʼidą́ą́ʼ Jew dineʼé éí God bidineʼé daniidlı̨́ daaníí ńtʼééʼ ndi, God yichʼįʼ ayóóʼóʼóʼní daniikʼaaz.
2 Ákótʼéii ndi, ląʼígo Oodlání łahgóó átʼéego yaa nitsídaakees ńtʼééʼ. Yídaneedlı̨́įgo, “tʼáadoo ádahozdiilzéhí nidazhʼnitin áádóó Jesus Christ baa nidahojilneʼ,” dóó God, Jiihóvah bá ndaalʼaʼí, dóó tʼáá ałtso diné ayóóʼádajóʼní. Díí Oodlání, God ayóóʼádayóʼníigo ádayósin ńtʼééʼ. (Acts 2:44-47; 5:42) Ndi, łaʼ éí Oodlání bibee ayóóʼóʼóʼniʼ daniikʼaaz. Haitʼéego nihił bééhózin?
3. Haʼátʼíí biniinaa łaʼ Oodlání ayóóʼóʼóʼniʼ yę́ę bił daniikʼaaz?
3 Oodlání Éfesasdi kéédahatʼínígíí Jesus yidííniid: “Átséédą́ą́ʼ nihiʼayóóʼóʼóʼniʼ yę́ę bitsʼáhisoohkaigo átʼé.” (Revelation 2:4) Díí Oodlání danilíinii shı̨́ı̨́ diné yił kéédahatʼínígíí yikʼehgo dadeeskai, éí tʼáá bí ádeinízingo naaldeeh ńtʼééʼ. (Ephesians 2:2, 3) Éfesasdi diné ayóo daʼatʼı̨́ kéédahatʼı̨́įgo, doo yídį danilı̨́įgo bił dahazʼą́. Ląʼí diné bąąhígi ádaanííł dóó God bibee hazʼáanii doo bił daʼílı̨́į da. Honeeni tʼéiyá agháago ádayósin, God dóó diné náánáłaʼ ayóóʼádayóʼní dooleeł yę́ę doo ádeiłʼı̨́į da.
4. (a) Dííshjı̨́įdi haitʼéego ayóóʼóʼóʼniʼ niikʼaaz? (b) Díí táaʼgo nidahazʼánígíí haitʼéego nihiʼayóóʼóʼóʼniʼ niłdzilgo íiniidzin doo?
4 Jesus ayóóʼóʼóʼniʼ nidookʼasígíí yee haadzííʼ yę́ę éí dííshjı̨́įdi nihí ałdóʼ ákóhootʼée doo. Kʼad diné God tʼáá achʼįʼgo ayóóʼádeiyóʼní. Ákohgo mííl ánéelą́ąʼgo bił anídahaztʼiʼgo God nihá hashtʼeʼ íidoolíiłgo doo deinízin da, ndi diné binahatʼaʼ bił nidahazʼánígíí yichʼįʼ dadéezʼı̨́ı̨́ʼ. Ayóóʼádeíníiʼnínígíí tʼáá náás danóokʼas. Tʼáá Éfesasdi ádaadzaaígíí nahalingo, Jiihóvah bá ndaalʼaʼí bee ayóóʼóʼóʼnínígíí dadínóokʼasgo átʼé. Nihiʼayóóʼóʼóʼniʼ adziilgo áníilzin doo, táaʼgo baa nídadíitʼįįł: (1) Jiihóvah ayóóʼádeíníiʼní, (2) Diyin Bizaad tʼáá aanínígíí ayóóʼádeíníiʼní, dóó (3) nihibrothers ayóóʼádeíníiʼní.
JIIHÓVAH AYÓÓʼÁDEÍNÍIʼNÍ
5. Haʼátʼíísh biniinaa God ayóóʼádeíníiʼníi doo?
5 Háísh aláahgo ayóóʼádeíníiʼní? Jesus ání: “‘Nijéí tʼáá átʼé bee, áádóó . . . níniʼ tʼáá átʼé bee Bóhólníihii niDiyin God ayóóʼííníʼní.’ Éí tsʼídá aláahgo áádóó alą́ąjįʼ bikʼeh óʼooʼníiłii átʼé.” (Matthew 22:37, 38) God bikʼeh óʼooʼníiłii bikʼehgo honiilʼı̨́, baʼííníidlí, dóó doo yáʼádaashóonii dajiiniidlá, éí binahjįʼ God ayóóʼádeíníiʼníigo nihíká adoolwoł. (Psalm 97:10 yíníłtaʼ.) Ndi Séítan dóó nihookááʼ bił nidahaztʼiʼígíí éí God ayóóʼádeiyíníiʼnínígíí doo niłdzilgo ádeidoolííł dóó deidoołchǫǫł.
6. God doo ayóóʼádayóʼníígóó, dinéshąʼ haa dadoonííł?
6 Diné ayóóʼádaʼáhidíʼnínę́ę yee deiyooznahgo doo deidósin da. Diné tʼóó ahayóí God doo ayóóʼádayóʼníi da, ndi tʼáá bí ‘ayóóʼádadóʼní.’ (2 Timothy 3:2) “Atsʼíís yidánoolníinii, áádóó anááʼ yidánoolníinii áádóó iiná bee ádaa hodzódlíii” tʼéiyá yaa nitsídaakees. (1 John 2:16) Tʼáá nihí ádá nitsíikeesgo áłtsé ííłʼı̨́įgo áádóó bikéédóó ákódooniił éí yilʼaadii Paul tʼáá bítséedi yee nihił hólneʼ. Éí ání: “Tsʼísee kʼehgo nidzinii éí aniné nináhádleeh.” Haʼátʼíísh biniinaa? Díí tʼáá hó ádajitʼínígíí éí God beʼenaʼí dazhdooleeł. (Romans 8:6, 7) Diné béeso bíchą́hwíídéeniʼ doodaiiʼ naʼageh bee tsiʼnaʼadáh yidánoolníinii tʼóó baa nidahóókaad doo.—1 Corinthians 6:18; 1 Timothy 6:9, 10.
7. Dííshjı̨́įdi haʼátʼíishąʼ báhádzidgo baa nitsáhákeesígíí Oodlání danilíinii bohodidoołtʼih?
7 Atheists, agnostics, dóó evolutionists éí diné, God doo ayóóʼádeiyóʼníi da doodaiiʼ doo hojílǫ́ǫ da deidoodląął deinízin. Éí diné doo hóyáanii doodaiiʼ doo hazhóʼó íhoołʼą́ąʼii tʼéiyá Íʼiilaii dayoodlą́ągo yaa nitsídaakees. Áádóó, ląʼí diné éí bílaʼashdlaʼii ndaʼałkaahii, Íʼiilaii yiláahdi bił daʼílı̨́. (Romans 1:25) Oodlání danilíinii díí nitsáhákeesígíí yaa nídiidááh dooleeł. Jiihóvah bił kʼé ahidiʼníigi doo niłdzil da íidoolííł dóó nihiʼayóóʼóʼóʼniʼ yidínółkʼas.—Hebrews 3:12.
8. (a) Jiihóvah bidineʼé haʼátʼíí lá baa nidahóółkaad? (b) Haitʼéego Psalm 136 bee haʼahóní?
1 John 5:19) Áko nihaa nahółkaad ládą́ą́ʼ niheʼoodląʼ doo niłdzil da íidoolííł dóó God nihiʼayóóʼóʼóʼniʼ yidínółkʼas. Díí átʼé nahalingo, hadaastihígíí yikah doo, achʼįʼ anídahaztʼiʼgo, doodaiiʼ béeso bee achʼįʼ nidahwiiʼnáa doo. Tʼáadoo leʼé ádeeshłííł tʼóó laanaa daniidzingo doo bíneelʼą́ą da éí biniinaa hínííł łeh. Haʼátʼííshı̨́ı̨́ nihá ádoonííł daniidzin yę́ę doo ákódzaago biniinaa nihaa nidahwiizkaadgo ánihidoolííł. Azhą́ shı̨́ı̨́ nihichʼįʼ anáhóótʼiʼ ndi, Jiihóvah doo yóóʼanihidííʼą́ą da. Díí saad bee haʼahóní Psalm 136:23 biiʼ baa nitsíníkees: “Bí lą́ą nihaa dahojoobáʼígo ádaniitʼéego nihénáálniiʼ niʼ, háálá aa aʼááh nízingo ahóyéelʼá.” Jiihóvah éí tʼáá aaníí deiyíníikeedígíí nihíistsʼą́ąʼgo nihíká adoolwoł.—Psalm 116:1; 136:24-26.
8 Séítan nihokáaʼgi bibee bóhólníihdi nihił hazʼą́, éí biniinaa łahda nihaa náháłkaʼ. (9. Haʼátʼíishąʼ Paul éí God ayóóʼáyóʼníigo bidziilgo ábósin?
9 Yilʼaadii Paul yéigo nitsídeezkééz éí haitʼéego Jiihóvah bíká eelwod áádóó díí bidziilgo ábósin. Paul díí yikʼeʼashchı̨́: “Bóhólníihii shíká análwoʼí nilı̨́, doo násdzid da doo! Dinéshąʼ haa dashizhdoolííł?” (Hebrews 13:6) Paul bichʼįʼ náhodiiʼnáahgo Jiihóvah yaʼólíigo yíká eelwod. Azhą́ shı̨́ı̨́ awáalya sidáa ndi, łaʼ Oodlání danilíinii naaltsoos bee haʼólnínígíí yichʼįʼ ííłʼı̨́įgo yee yíká análwoʼ. (Ephesians 4:1; Philippians 1:7; Philemon 1) Paul bichʼįʼ nahwiiʼnáa ndi, Jiihóvah ayóóʼáyóʼníigo bidziilgo ábósin. “God, . . . diné tʼáá ałtsojįʼ hayiʼiyoołníihii, . . . éí tʼáá ałtsojįʼ atínihiʼdilʼı̨́įgo hanihiʼiyoołnííh” éí yee haʼahóní. (2 Corinthians 1:3, 4) Haitʼéego Paul bikʼeh ádaʼiilʼı̨́?
Jiihóvah ayóóʼííníiʼnínígíí ííshjání ádíílííł (¶10 bił)
10. Haitʼéego Jiihóvah ayóóʼádeíníiʼníigo danihidziilgo ádeiyíníilzin doo?
10 Paul ánihiłní: “Tʼáadoo diniitłóhí sodadołzin,” díí átʼéego łaʼ God ayóóʼádeíníiʼníigo danihidziilgo Colossians 4:2; 1 Thessalonians 5:17) Haʼátʼíísh biniinaa sodiilzingo God bichʼįʼ ahą́dí ííníilzin doo? Sodadiilzingo, Jiihóvah bichʼįʼ yéiiltiʼ. Díí átʼéego tʼáá bohónéedzą́ągo Jiihóvah bił kʼé ahidiiʼníi doo. (Psalm 86:3) NihiTaaʼ nilíinii yéigo baa nitsíikeesígíí bił dahwiilneʼgo ahą́dí bee bichʼįʼ ádíníilzin. (Psalm 65:2) Áádóó Jiihóvah deiyíníikeedígíí yee nihíká eelwodgo, éí binahjįʼ ayóóʼádeíníiʼnínígíí nooséeł doo. Díí baʼííníidlí: Jiihóvah “nídabookąąhgo bichʼįʼ sodadilzinii, éí . . . yíighahgi hólǫ́.” (Psalm 145:18) Jiihóvah baʼííníidlíigo, áko ayóóʼánihóʼnínígíí dóó nihíká análwoʼígíí éí kʼad dóó náasdi nihichʼįʼ nidahwiiʼnáago nihíká adoolwołgo átʼé.
ádeiyíníilzin doo. Áádóó saad yikʼeʼashchı̨́įgo “Tʼáá áłahjįʼ sodadołzin leʼ,” ní. (DIYIN BIZAAD BIIʼDĘ́Ę́ʼ TʼÁÁ AANÍINII AYÓÓʼÁDEÍNÍIʼNÍ
11, 12. Haitʼéego Diyin Bizaad biiʼdę́ę́ʼ tʼáá aaníinii ayóóʼádeíníiʼnínígíí ílı̨́įgo ádadiilnííł?
11 Oodlání daniidlíinii, tʼáá aaníinii ayóóʼííníiʼní. Tʼáá aaníinii éí God Bizaad biiʼ hólǫ́. Jesus biTaaʼ yił hólneʼ: “Nizaad éí tʼáá aaníinii átʼé.” (John 17:17) Diyin Bizaad biiʼdę́ę́ʼ tʼáá aaníinii ayóóʼííníiʼníigo éí Diyin Bizaad halneʼígíí nihił bééhózin doo. (Colossians 1:10) Psalm 119 baa ákonínízin, éí haʼátʼíí ádadiilnííł yee nihíká adoolwołgo bikʼidadiʼdiitı̨́ı̨́ł. (Psalm 119:97-100 yíníłtaʼ.) Tʼáá ákwíí jı̨́, Diyin Bizaad ííníiltaʼgo haitʼéego nihíká adoolwołgo yéigo baa nitsíikees. Diyin Bizaad tʼáá aaníinii bee ániitʼéego baa nitsíikeesgo, ayóóʼííníiʼníi doo.
12 Psalm yikʼeʼashchínígíí ałdóʼ ání: “Dooládóʼ nizaad łikango néishłįh da; tsésʼná bitłʼizh bilááh átʼéego nizaadígíí shił ayóó áhálniih!” (Psalm 119:103) Diyin Bizaad biiʼdę́ę́ʼ naaltsoos ádaalyaaígíí éí God bił nidahazʼánígíí nihá hashtʼeelyaa, éí chʼiyáán ayóó łikan nahalin. Chʼiyáán łikanígíí yiidą́ągo, doo tsxı̨́ı̨́ł daniidzingo yiidą́ą doo. Éí nahalingo, hazhóʼó ííníiltaʼ doo. Áko tʼáá aaníinii ‘saad daʼílínígíí’ bóhoneedlı̨́įgo béédeilniih doo, áádóó náánáłaʼ bee bíká adiilwoł.—Ecclesiastes 12:10.
13. Jeremáíyah God bizaad ayóóʼáyóʼníigo, haʼátʼíísh bíká eelwod? Haash yitʼéego bohodiiłtʼiʼ?
13 Halneʼii Jeremáíyah God bizaad ayóóʼáyóʼníí ńtʼééʼ. Éí ání: “Nizaad bikʼíninítą́ą́ʼ áádóó yíyą́ą́ʼ. Nizaad bee shił hóózhǫǫd índa shijéí bee bił nihoozhǫǫh, háálá tʼáá ałtsoní bee Bóhólníihii Diyin God nílíinii, nízhiʼ bee shiʼdééjiʼ.” (Jeremiah 15:16) Jeremáíyah éí God bizaad ílı̨́įgo yaa nitsíkees dóó ayóóʼáyóʼní. Yaa ahééh nízingo Jiihóvah yá yiizįʼ dóó yá nahasneʼ. Diyin Bizaad ayóóʼádeiyíníiʼníigo ládą́ą́ʼ, Jiihóvah Yá Dahalneʼé daniidlı̨́įgo ayóó ílı̨́įgo baa nitsíikeesgo biniinaa God biNahatʼaʼ baa dahwiilneʼ.
Diyin Bizaad biiʼdę́ę́ʼ tʼáá aaníinii ayóóʼííníiʼnínígíí ííshjání ádíílííł (¶14 bił)
14. Diyin Bizaad biiʼdę́ę́ʼ tʼáá aaníinii ayóóʼííníiʼní daniidzingo, haʼátʼíísh ánáádííʼnííł?
14 Haʼátʼíísh ałdóʼ Diyin Bizaad biiʼdę́ę́ʼ tʼáá aaníinii ayóóʼádeiyíníiʼníigo nihíká adoolwoł? Áłah nídeidleehígíí tʼáá áłahájįʼ nídeikah, áadi Jiihóvah bee nanihiʼdinitin. Tʼáá damóo náʼoodleełgo Diyin Bizaad hazhóʼó bikʼidiʼdíítı̨́įłgi éí naaltsoos Bee Haʼídéesʼı̨́įʼii yee nanihinitin. Ákweʼégi Diyin Bizaad biiʼdę́ę́ʼ tʼáá aaníinii bíhwiidiilʼáałgo daniidzin ládą́ą́ʼ, áłtsé hashtʼediilnííł. Áko Diyin Bizaad hadaasdzooígíí tʼáá ałtso yídíiltahgo átʼé. Naaltsoos Bee Haʼídéesʼı̨́įʼii doo nantłʼagóó deiyíníiltaʼ doo, doodaiiʼ download ádadiiʼníiłgo átʼé. Éí saad ałʼąą átʼéhígíí jw.org biiʼ dóó JW Library app nihichʼįʼ ąą átʼé. Łaʼ electronic formats éí Diyin Bizaad hadaasdzooígíí tsxı̨́įłgo hachʼįʼ haalkiʼ. Diyin Bizaad hazhóʼó ííníiltaʼgo dóó yéigo nitsíikeesgo, Diyin Bizaad biiʼdę́ę́ʼ tʼáá aaníinii ayóóʼííníiʼníigo dínóoséeł doo.—Psalm 1:2 yíníłtaʼ.
NIHIBROTHERS AYÓÓʼÁDEÍNÍIʼNÍ
15, 16. (a) John 13:34, 35 binahjįʼ haʼátʼíísh Jesus yee nihił hólneʼ? (b) God dóó Bizaad ayóóʼádeíníiʼní, haitʼéego nihibrothers ayóóʼádeíníiʼnínígíí bił ahídéétʼiʼ?
15 Jesus éí ídahoołʼaahii áyidííniid: “Bee hazʼáanii ániidíii nihaa dinishʼaahgo ánihidishní, Ayóóʼádaʼahíínóhʼníi dooleeł; tʼáá ayóóʼádanihííníshʼní yę́ęgi átʼéego, nihí ałdóʼ ayóóʼádaʼahíínóhʼní. Ayóóʼádaʼahíínóhʼníigo shídahoołʼaahii danohłı̨́įgo diné tʼáá ałtso bił béédahózin doo.”—John 13:34, 35.
16 Nihibrothers dóó nihisisters ayóóʼádeíníiʼníigo éí Jiihóvah ayóóʼííníiʼnínígíí bił ahídéétʼiʼ. God doo ayóóʼííníiʼníigo, éí nihibrothers doo ayóóʼííníiʼníi da doo. Tʼáá ákótʼéego nihibrothers doo ayóóʼííníiʼníigo, éí God ałdóʼ doo ayóóʼííníiʼníi da doo. Yilʼaadii John yikʼeʼashchı̨́: “Hakʼis tʼáá jooʼı̨́į nidi doo ayóóʼájóʼníígóó, haʼátʼéegoshąʼ Diyin God doo jooʼı̨́į da nidi ayóóʼájóʼníi dooleeł?” (1 John 4:20) Jiihóvah dóó nihibrothers ayóóʼádeíníiʼníigo éí Diyin Bizaad ayóóʼííníiʼníigo bił ahídéétʼiʼ. Haʼátʼíísh biniinaa? Diyin Bizaad bitsʼą́ą́dóó bíhwiilʼą́ą́ʼ ayóóʼádeíníiʼníí ládą́ą́ʼ, éí God dóó nihibrothers ayóóʼádeíníiʼníi doo bikʼeh óʼooʼníiłii bikʼeh honiilʼı̨́.—1 Peter 1:22; 1 John 4:21.
Nibrothers dóó nisisters ayóóʼííníiʼnínígíí ííshjání ádíílííł (¶17 bił)
17. Haitʼéego ayóóʼóʼóʼniʼ ííshjání ádadiilnííł?
17 1 Thessalonians 4:9, 10 yíníłtaʼ. Bił áłah nídeidleehígíí ayóóʼóʼóʼniʼ, haitʼéego ííshjání ádeilʼı̨́? Łaʼ nihibrother doodaiiʼ nihisister hadaastihígíí áłah náʼádleehgóó bił dooʼash dóó nátʼą́ą́ʼ bił nizhdootʼash bee áká anéiijahgo átʼé. Asdzání bąąh áhásdįįdii bighan daatsʼí bá hashtʼeʼ ádoolníiłgo bee bíká adoolwoł nízin łeh. (James 1:27) Nihibrothers dóó nihisisters bijéí biiʼ biʼdiiłʼáhígíí, bikʼee yínííł, doodaiiʼ bee achʼįʼ anídahaztʼiʼígíí, éí ayóóʼóʼóʼní bee hadiidzih, áádóó bee bichʼįʼ hadaʼííníilní. (Proverbs 12:25; Colossians 4:11) “Christ dayoodlání danilíinii” kʼé ahidiiʼníi doo, éí binahjįʼ ayóóʼádeíníiʼnínígíí bił ííshjání ádeilneʼ.—Galatians 6:10.
18. Nihibrothers bił ałghaʼdiniitʼáahgi hashtʼediilníiłgo haʼátʼíísh nihíká adoolwoł?
18 Diyin Bizaad ání “nihoogháahjįʼ yoołkáałgo” ląʼí diné bił hatsoh dóó hweʼáchą́hwíídéeniʼii, áko doo tsʼíí áhootʼéego nihił hoogáał doo. (2 Timothy 3:1, 2) Oodlání daniidlíinii éí Jiihóvah, bí Bizaad, dóó nihibrothers dóó nihisisters ayóóʼádeíníiʼnínígíí nooséełgo yéigo bindeiilnish doo. Doo hadaniitʼéii da biniinaa łahda nihibrothers bił ałghaʼdiniitʼááh łeh. Ndi nihibrothers ayóóʼádeíníiʼníigo biniinaa tsxı̨́įłgo ndi, hazhóʼógo bił kʼé náʼahididííʼniił. (Ephesians 4:32; Colossians 3:14) Nihiʼayóóʼóʼóʼniʼ dinóokʼasgi tsʼídá doo bá hazʼą́ą da! Ákondi Jiihóvah, bí Bizaad, dóó nihibrothers tʼáá áłahájįʼ yéigo ayóóʼádeíníiʼníi doo.