1-2. Haʼátʼíí éí Jiihóvah Yá Dahalneʼé yaa ndanitłʼa?

YILʼAADII Paul éí Timothy dóó tʼáá ałtso Oodlání wołí bee ádaatʼı̨́įgo nahaneʼgi łaʼdaałééh yidííniid. (2 Tim. 4:5) Tʼáá áníiltso Paul yee hahásdzííʼ yę́ę tʼáá íiyisíí nihił nilı̨́į doo. Ákondi ląʼí ndaʼnółtłʼaii dahólǫ́. Ląʼí nihibrothers dóó nihisisters éí nahaneʼgi ayóó bikʼee bił daayééʼ. (2 Tim. 4:2) Nihibrothers daakéyahgóó łaʼ éí nahaneʼgi bichʼįʼ baa dahóchįʼ éí doodaiiʼ ban ádaalyaaígíí baa nitsíníkees. Hodidooltsoołgo awáalya ahodiʼdooltʼeełgo hoł béédahózin ndi, yáʼátʼéehii baa nahaneʼgi bidajílníísh.

² Ląʼí Jiihóvah bidineʼé bąąh náhodoołkałii bee dahólǫ́ǫ ndi, tʼáá náás yił deíkááh. Hooghan hazʼą́ą́dóó yídin danilíinii biniyé ląʼí éí yéigo deílníísh. Ląʼígóó nahaneʼ ádeeshłííł danízin ndi, nidaʼiiníishjįʼ tʼáá íiyisíí chʼééh nídadikah. Náánáłaʼ éí Jiihóvah bá naʼanishgi biʼoh dajílı̨́, háálá atah honiigááh, są́, áádóó łaʼ éí achʼįʼ anáhóótʼiʼ biniinaa tʼóó hooghangóó nijizdá. Náánáłaʼ éí Jiihóvah doo ayóóʼáshóʼníi da danízin. Nihisister Mary * ání: “Yínííł nishłı̨́įgo tʼóó bikʼee chʼééh nídíshdááh. Díí biniinaa doo shił yáʼátʼéeh da, háálá nahashneʼ yę́ę biʼoh náshdleeh.”

3. Haʼátʼíí baa nídadíitʼįįł?

³ Haʼátʼíí shı̨́ı̨́ bee nihichʼįʼ anáhóótʼiʼígíí Jiihóvah éí adziilii yee nihíká análwoʼgo éí tʼáá bá nideiilnish. Paul dóó Timothy éí nahaneʼgi nabiníłtłʼaii haitʼéego łaʼyiyiilaago Jiihóvah bíká aalwodgi áłtsé baa nídadíitʼįįł. Áádóó Jiihóvah éí haitʼéego nihíká adoolwołígi akééʼdóó baa nídadíitʼįįł.

4. Paul éí haʼátʼíí bee bichʼįʼ nahwiisʼnááʼ?

⁴ Paul éí ląʼí bee bichʼįʼ nahwiisʼnááʼ. Éí hakʼijįʼ danílínígíí nídahoneesxaal, kʼasdą́ą́ʼ hoł nidajísneʼ, índa awáalya adahwiisxan, áko Jiihóvah shíká adoolwoł jinízin ńtʼééʼ. (2 Cor. 11:23-25) Paul éí doo yáʼátʼééhgóó ádaa nitséskees níigo hanádzih ńtʼééʼ. (Rom. 7:18, 19, 24) Áádóó ‘bitsʼíís bąąh dah hazʼą́ągo’ yichʼįʼ haʼólní, ákondi Diyin éí díí shitsʼą́ąjįʼ kónílééh yiłníigo néíyookąąh ńtʼééʼ.—2 Cor. 12:7, 8.

5. Paul bichʼįʼ nahwiisʼnáaʼ ndi haʼátʼíí áátʼįįd?

⁵ Azhą́ shı̨́ı̨́ Paul bichʼįʼ ánahwiitʼéeh ndi, éí tʼáá nahojilneʼ dooleełgo Jiihóvah éí adziilii yee háká aalwod. Paul łaʼyiyiilaii baa nitsíníkees. Romedi hooghangi awáalya jizdáago éí nahaneʼ bízhneedlı̨́įgo éí Jewish leaders índa government officials ndi bił nahojisneʼ. (Acts 28:17; Phil. 4:21, 22) Siláo aláahdi aa ádahályáanii índa haa nidaakáhígíí éí ałdóʼ bił nahojisneʼ. (Acts 28:30, 31; Phil. 1:13) Tʼáá ákwii nahalzhiishgo Diyin éí Paul choyoosʼįįdgo naaltsoos yikʼeʼashchı̨́. Éí íídą́ą́ʼ Oodlání yę́ę áádóó dííshjı̨́įdi Oodlání bíká análwoʼ. Paul áátʼįįdígíí éí Romedi congregation dabidziilgo áyiilaa. Éí brothers ‘doo daastiʼgóó Diyin bizaad yaa dahalneʼ daazlı̨́ı̨́ʼ.’ (Phil. 1:14) Paul éí áʼdoolíiłgi łahda yiʼoh nanilʼąąh, ákótʼée ndi wołí bee áátʼįįdgo éí ‘haneʼ yáʼátʼéehii hózhǫ́ náás kóyiilaa.’—Phil. 1:12.

6. 2 Corinthians 12:9, 10 éí Paul nahalneʼgi haʼátʼíí bíká aalwod ní?

⁶ Paul baa ákozhniizı̨́ı̨́ʼ éí tʼáá ałtsojįʼ Jiihóvah bá nijilʼaʼgi éí Bí bibee adziil bee áʼjiilaa, tʼáá hó éí ndagaʼ. Áádóó ájíníigo éí Diyin bibee adziil éí “doo adziil hólǫ́ǫgi shidziil bee hadaʼíłtʼé” jiní. (2 Corinthians 12:9, 10 yíníłtaʼ.) Áko azhą́ shı̨́ı̨́ Paul atíhoʼdoolʼįįd índa awáalya áádóó bíighahí bee hachʼįʼ nahwiisʼnáaʼ ndi, éí nahaneʼgi Jiihóvah biníłchʼi diyinii bee łaʼjiilaa.

7. Timothy éí honaanish yáʼátʼéehgo łaʼjidoolíiłgi haʼátʼíí nahoníłtłʼa ńtʼééʼ?

⁷ Timothy ałdóʼ éí Diyin bibee adziilii baʼjólíigo nahaneʼgi ájoolíił doo. Timothy éí nahaneʼ biniyé nízaadgóó Paul bił tázhdííʼáázh. Áádóó ałdóʼ congregation  bitahgóó Paul ałnááháłʼaahgo áadi bichʼįʼ háájídzih. (1 Cor. 4:17) Timothy kótʼéego chohoʼdoolʼı̨́įgo doo bíneeshʼą́ą da shı̨́ı̨́ jinízin. Áko éí biniinaa Paul áháłní: “Ániid nanináhígíí biniinaa tʼáadoo łaʼda doo nílínígóó naa nitsíkeesí.” (1 Tim. 4:12, NW) Áádóó ákwii nahalzhiishgo Timothy ałdóʼ ‘tʼáá ahą́ą́h doo hatah hatsʼíid da.’ (1 Tim. 5:23) Ndi Timothy baa ákozhnízingo éí Jiihóvah biníłchʼi diyinii yee háká análwoʼgo bee hadziil, áko éí bee haneʼ yáʼátʼéehii baa nahojisneʼ índa habrothers bíká ajoolwod.—2 Tim. 1:7.

8. Dííshjı̨́įdi haitʼéego Jiihóvah bidineʼé bidziilgo áyósin?

⁸ Dííshjı̨́įdi Jiihóvah éí bidineʼé “tsʼídá aláahdi átʼéego adziil nilíinii” yaa yiiléego éí binahjįʼ beʼoodląʼ yee dabidziilgo bá ndaalʼaʼ. (2 Cor. 4:7) Niheʼoodląʼ bidziil doogo Jiihóvah éí dı̨́įʼgo bee nihidziil dooígíí nihá yisłáhígíí baa nídadíitʼįįł. Éí sodizin, Diyin Bizaad, brothers dóó sisters, índa nahaneʼ.

9. Sodizin éí haitʼéego nihíká adoolwoł?

⁹ Sodizin bee nihidziil ánánihoodlííł. Ephesians 6:18gi Paul ánihiłní: “Tʼáá áłahjįʼ” Diyin bichʼįʼ sodadołzin. Áko Diyin nihidziil ánánihoodlíił doo. Jonnie éí Boliviadi haghan, éí hachʼįʼ nahwiisʼnáaʼgo Jiihóvah hadziil ánáhoodlaa. Hweʼasdzą́ą́ áádóó hazhéʼé dóó hamá tʼááłahjįʼ yéigo bąąh dah dahooʼaʼ. Díí tájíltʼéego baa áhojilyą́ągo bee hachʼįʼ nahwiiʼná silı̨́ı̨́ʼ. Hamá éí hatsʼą́ą́ʼ ádin, áádóó hweʼasdzą́ą́ dóó hazhéʼé tʼéí díí bąąh dahooʼaʼígíí doo hąh da yitsʼą́ą́dóó yáʼátʼééh násdlı̨́ı̨́ʼ. Jonnie ájíní: “Díí ayóó átʼéego bee shichʼįʼ nahwiiʼnáago Jiihóvah bichʼįʼ sodeeszin, áádóó tsʼídá shíniʼ átʼéegi bee bił hashneʼgo ayóó átʼéego shíká aalwod.” Áko Jiihóvah éí Jonnie adziilii yeiníláago yee haʼólní ábiilaa. Boliviadi Ronald elder nilı̨́. Éí hamá cancer beinítʼı̨́įgo hoł bééhózin. Áádóó łaʼ nídeezidgo hamá hatsʼą́ą́ʼ ádin. Haʼátʼíísh éí binahjįʼ haʼjólníí ńtʼééʼ? Éí áníí lá: “Yéigo bee shichʼįʼ anáhwiitʼéehii éí Jiihóvah bee bichʼįʼ sodiszin. Shił bééhózingo Jiihóvah éí nizhónígo shaa ákonízin. Shí éí doo hazhóʼó adaa ákonisdzin da.” Łahda doo bíighah da ninááhadlin łeh áádóó biniyé sodidiilzįįłgi nihá nantłʼa yileeh. Saad bee hadíídzihgi índa nitsíikeesgi nantłʼa yileeh ndi, Jiihóvah éí shichʼįʼ sodadołzin nihiłní.—Rom. 8:26, 27.

10. Hebrews 4:12 áníigi éí Diyin Bizaad wóltaʼgi índa nabikʼítsíilkeesgo éí haitʼéego ayóó ílı̨́?

¹⁰ Diyin Bizaad bee nihidziil ánánihoodlííł. Paul éí Diyin Bizaad yaa dzólí índa yee bidziil ńtʼéʼę́ęgi átʼéego nihí ałdóʼ tʼáá ákóniitʼée doo. (Rom. 15:4) Diyin Bizaad yíníiltaʼ índa nabikʼítsíilkeesgo éí Jiihóvah biníłchʼi diyinii choyoołʼı̨́įgo Diyin Bizaad hazhóʼó bikʼidiʼyiitįįhgi nihíká adoolwoł. (Hebrews 4:12 yíníłtaʼ.) Ronald baa chʼíhootʼánę́ę éí ájíní: “Tʼáá ákwíí tłʼééʼ Diyin Bizaad yííníshtaʼgo ayóó shił nílı̨́. Éí Jiihóvah yee átʼéii áádóó bidineʼé yaa áhályą́ągi nabikʼítséskeesgo shidziil ájósin.”

11. Nihisister bichʼįʼ anáhóótʼiʼgo Diyin Bizaad haitʼéego bíká aalwod?

¹¹ Diyin Bizaad hazhóʼó nabikʼítsíilkeesgo éí bee achʼįʼ anáhóótʼiʼii hazhóʼó baa nitsíikeesgo ánihidoolííł. Asdzání łaʼ éí bahastiin bitsʼą́ą́ʼ ádingo Diyin Bizaad kótʼéego bíká aalwod. Elder łaʼ naaltsoos Job biiʼdóó yíníłtaʼgo níká adoolwoł hodííniid. Áko ákójiidzaa áádóó  tʼáadoo hazhóʼó baa nitsíjíkeesí Job doo ákótʼéégóó baa tsízdeezkééz. Éí ájíní: “Job! Tʼáadoo tʼáá ni tʼéí adaa nitsíníkeesí!” Ńtʼééʼ bee adaa akózhniidzı̨́įʼgo hó ałdóʼ tʼáá ákójítʼéé lá. Ndi Jiihóvahjí áádóó ił chohooʼı̨́ nihá yisłáagi baa nitsíjíkeesgo éí yínííł jílı̨́įgi bichʼįʼ hadziilgo haʼjólníigo áhoolaa.

12. Jiihóvah éí brothers dóó sisters choyoołʼı̨́įgo haitʼéego nihidziil ánánihoodlííł?

¹² Brothers dóó sisters bee nihidziil ánánihoodlííł. Paul éí kʼadę́ę danihiistsééh, háálá éí ‘bee ahidiníłnáago hadaʼahííníilní’ yiłníigo brothers dóó sisters yichʼįʼ áʼiilaa. (Rom. 1:11, 12) Mary baa chʼíhootʼánę́ę éí bibrothers dóó bisisters yił hólǫ́ǫgo ayóó yaa bił hózhǫ́. Éí ání: “Brothers dóó sisters éí bee shichʼįʼ anáhóótʼiʼii doo bił béédahózin da, áko éí Jiihóvah choyoołʼı̨́įgo shíká anájah. Éí saad yáʼátʼéehii yee shichʼįʼ háádaadzih, doodaiiʼ cardda shichʼįʼ áńdayiilʼįįh, háálá éí íiyisíí bídin nishłı̨́. Áádóó sisterda łaʼ tʼáá ákótʼéego bee bichʼįʼ anáhóótʼiʼii łaʼ bee bił náháshnih áádóó éí áátʼįįd yę́ęgi bitsʼą́ą́dóó bóhooshʼaah. Índa elders éí brothers dóó sisters ayóóʼádanóʼní dashiłní.”

13. Áłah néidleehgi ahidiníłnáago haitʼéego ahee daniildzil doo?

¹³ Áłah néidleehgi éí haʼííníilníi doogo ahidiníłnáago bee ahíłká anéiijah. Áko áłah néidleehgi yíníyáago éí łaʼda kʼé índa naa ahééh nisin bididííniił. Tʼah doo áłah aleeh hahalzhiishgóó elder Peter wolyéego sister łaʼ éí bichʼooní doo Oodlání nilı̨́ı̨́góó kwíidííniid: “Kweʼé nánídáahgo ayóó baa hózhǫ́. Naʼáłchíní hastą́ltʼéego tʼáá íídą́ą́ʼ háádiilʼįįh áádóó comment ádaʼdoołíiłgi bił hashtʼéédiitʼįįh.” Kótʼéego hachʼįʼ haʼoodzíiʼgo baa ahééh jiniizı̨́įʼgo hanákʼeeshtoʼ deeznaʼgo kójíní: “Háida ákótʼéego ayóóʼóóʼní yee shichʼįʼ hadoodzihgo bídin nishłı̨́ı̨́ ńtʼééʼ.”

14. Hootahgóó nahaneʼ haitʼéego nihíká análwoʼ?

¹⁴ Nahaneʼgi bee nihidziil ánánihoodlííł. Hootahgóó nahwiilneʼgo łaʼ danihíistsʼą́ą́ʼ náánáłaʼ éí ndagaʼ ákótʼée ndi nahwiilneʼgo ayóó baa hózhǫ́. (Prov. 11:25) Sister Stacy wolyéego nahaneʼ ajíłʼı̨́įgo ayóó bee hadziil. Haghan hazʼą́ą́dóó łaʼ disfellowship ályaa, éí biniinaa tʼáá íiyisíí haa nahółkaad. Áko ájíní, ‘Tʼáá haʼátʼéegoda áká adeeshwoł ńtʼééʼ.’ Nitsáhákees yę́ę ałtso hatsʼą́ąjįʼ kódzaa. Áko haʼátʼíí háká aalwod? Ministry lą́ą! Hootahgóó nahojilneʼgo diné bíká adeeshwoł jiniizı̨́ı̨́ʼ. Éí ájíní: “Jiihóvah shíká aalwodgo Diyin Bizaad yíhoołʼaahii shee hazlı̨́ı̨́ʼ. Íhoołʼaahii yíhoołʼaahígíí tʼáá tsı̨́łígo yikʼehgóó deeyá. Éí binahjįʼ haʼííníshní sélı̨́ı̨́ʼ. Hootahgóó nahaneʼ tsʼídá íiyisíí bee nisdzil.”

15. Mary haʼátʼíí bitsʼą́ą́dóó bíhwiiniłʼą́ą́ʼ?

¹⁵ Łaʼ éí nahaneʼgóó doo ayóó áká anáshwoʼ da danízingo shı̨́ı̨́ adaa nitsídaakees. Ákótʼéego adaa nitsíníkees ládą́ą́ʼ Jiihóvah éí bíninilʼą́ągi bee ánítʼı̨́įgo yaa bił hózhǫ́. Mary baa hóoneʼ yę́ęgi baa nitsíníkees. Éí nááná saad łahjįʼ bee yátiʼjįʼ jiníná, ndi shí doo bíneeshʼą́ą da jinízin. Áko ájíní: “Éí áłtsʼísí ndi comment doodaiiʼ Diyin Bizaad hadahasdzoii néíníshtah. Éí doodaiiʼ tract tʼéiyá łaʼda baa nastsoos.” Áko ákwii saad ayóó yee yádaałtiʼígíí doo bił ahenishtʼée da jinízingo áhoolaa. Ákondi hazhóʼó adaa tsínízdeezkééz. Kódaatʼéégóó biʼoh jílínígi Jiihóvah yeeʼ chohoołʼı̨́įgo átʼéé lá jiniizı̨́ı̨́ʼ. Áádóó ánáázhdíʼní: “Tʼáá aaníinii baa haneʼii bee yisdáhóótʼiʼii yeeʼ  doo nantłʼa da, háálá éí binahjįʼ diné beʼiinaʼ hashtʼééyoodlííł.”

16. Aa dahazʼą́ biniinaa hooghangóó tʼóó naazdáii nahodeeshnih danízingo haʼátʼíí bíká adoolwołgo bidziil doo?

¹⁶ Nihąąh dahooʼaʼgo biniinaa hooghandóó chʼídiidáałgi doo nihá bohónéedzą́ą́góó éí nahojólneʼ niidzingi Jiihóvah yooʼı̨́įgo yaa ahééh nízin. Éí azeeʼííłʼíní doodaiiʼ aa ádahályáanii bichʼįʼ witness ázhdoolíiłgi há bohónéedzą́ągo áyiiłʼįįh. Ákondi kʼad nahwiilneʼgi dóó nahdę́ę́ʼ nahosiilneʼ yę́ęgi bił ałhąąh neiiʼnilgo éí ąą nahwiiłkaad. Ndi kʼad Jiihóvah nihíká análwoʼgi baa ákoniidzingo éí nihidziilgo bee naʼíhonitaahii bichʼįʼ haʼííníilníigo nihił hózhǫ́ǫ doo.

17. Diné doo danihíistsʼą́ąʼ da ndi, Ecclesiastes 11:6 bikʼehgo haʼátʼíí biniyé nahaneʼgi yéigo bidiilkaal doo?

¹⁷ Tʼáá aaníinii baa nahwiilneʼígíí dínóosééł éí doodaiiʼ doo dínóoséeł daaígi doo nihił bééhózin da. (Ecclesiastes 11:6 yíníłtaʼ.) Barbara nihisister 80dóó baʼaan binááhaigo telephone éí doodaiiʼ letter writing ííłʼı̨́įgo bee tʼáá ałhą́ą́h nahojilneʼ. Letter łaʼ ájiilaago éí The Watchtower, March 1, 2014 éí “What God Has Done for You” wolyéego bił íʼjiilaa. Éí ahastiin dóó eʼasdzą́ą́ disfellowship ályaa lágo bichʼįʼ áʼjiilaago doo hoł bééhózin da. Tʼáá ájíłá Watchtower díkwíidi shı̨́ı̨́ níjííłtaʼ. Áko Jiihóvah hachʼįʼ yáłtiʼ nahalin jiniizı̨́įʼ. Kingdom Hallgóó ałnáájítʼashgo baa nízhdiitʼáázh. Doo Jiihóvah Yá Halneʼé jílı̨́ı̨́góó 27dóó baʼaan nááhai, áko kʼad éí Jiihóvah Yá Halneʼé níjísdlı̨́ı̨́ʼ. Barbara éí naaltsoos áʼjiilaagi baa hoł hózhǫǫdgo hadziil ánáhoodlaa, háálá éí nizhónígo bitsʼą́ą́dóó łaʼ bíká aalwod.

18. Diyin nihidziil ánihidoolíiłgo haʼátʼíí ádeiʼníił doo?

¹⁸ Jiihóvah éí ląʼí bee danihidziil dooleełii nihaa yiilé. Éí sodizin, Diyin Bizaad, brothers dóó sisters, áádóó nahaneʼ. Díí tʼáá átʼé hazhóʼó choiniilʼı̨́įgo éí Jiihóvah nihíká adoolwołgo átʼéegi deiniidlą́ągo ííshjání ííníilzin. Áko haaíshąʼ “diné dabijéí yee hachʼįʼ tʼáá ákogi ádaatʼéii yá bidziilgo” íʼdólzinii Jiihóvah tʼáá áłahíjįʼ badaʼííníidlíi doo.—2 Chron. 16:9.