“Nitʼáá Aaníinii Biiʼgóó Shił Yíʼash”
“Nitʼáá aaníinii biiʼgóó shił yíʼash, áádóó nashinítin, háálá Diyin God bee yisdááyáii nílı̨́; tʼáá áłahjįʼ nibaʼ áníshtʼé.”—PSALM 25:5.
SIN: 31, 72
1-3. (a) Tʼáá aaníinii Diyin Bizaad biyiʼdóó haash yitʼéego baa nitsíníkees? Łaʼ baa chʼíhoníʼaah. (Áłtsé adahaskidígíí níníłʼı̨́.) (b) Haʼátʼíísh baa nídadíitʼįįł?
DÍÍSHJĮ́ĮDI, diné naalyéhé bá hooghan nidayiiłniihígíí doo bił yáʼádaatʼéhígíí akǫ́ǫ́ anídeiyiijah. Ałdóʼ internet biyiʼdóó nidayiiłniih doo bił yáʼádaatʼééhgóó tʼóó nátʼą́ą́ʼ anideidleʼ. Haʼátʼíísh biniinaa? Áko díí diné tʼáadoo leʼé nidayiiłniih yę́ę tʼóó nátʼą́ą́ʼ yił ałnaadeiyiiʼniił. Łaʼ éí béeso nátʼą́ą́ʼ nídayókeed.
2 Tʼáá aaníinii Diyin Bizaad bitsʼą́ą́dę́ę́ʼ bíhwiilʼą́ą́ʼígíí éí doo nahjįʼ kódiilníił da. Tʼáá aaníinii ‘nahiilniihgo’, doo nihaa ‘nahidoonih’ da. Díí kótʼé tʼáá aaníinii bíhwiilʼą́ąʼgo doo tʼáá ninádidiitʼáał da. (Proverbs 23:23 yíníłtaʼ; 1 Timothy 2:4) Áłtséédą́ą́ʼ bídahwiilʼą́ą́ʼ yę́ę, chʼétʼánígíí díí hazhóʼó tʼáá aaníinii bóhwiidiilʼááł. Tʼáá aaníinii bóhwiilʼą́ąʼgo éí naanish béeso tʼóó ahayóí ílı̨́ı̨́ ńtʼééʼ ndi ninádíítʼą́. Bił haijéʼígíí dóó danihikʼis łahgo átʼéego nihaa nitsídaahkees Diyin Bizaad bíhwiilʼą́ąʼgo biniinaa. Nitsíikees dóó íitʼįįłii ałdóʼ łahgo átʼéego íilyaa. Nihinaagóó ádaʼoolʼįįłii ałdóʼ bitsʼą́ąjįʼ dahidiikai éí nihił yáʼádaatʼééh ńtʼééʼ, háálá Jiihóvah doo bił yáʼátʼéeh da. Áko tʼáá aaníinii bíhwiilʼą́ą́ʼígíí binahjįʼ nihił bééhózingo éí niheʼiinaʼ yáʼátʼééh.
3 Jesus éí diné naʼiiłniihí yaa chʼíhoníʼą́. Éí diichiłí yáʼátʼéehii haintá nahalin. Diné łaʼ diichiłí ayóó ílínígíí yikʼíninítą́ą́ʼ, tʼáá ałtso bee hólónę́ę neiyiisniiʼ áko diichiłí náhideeshnih niizı̨́ı̨́ʼ. Diichiłí éí tʼáá aaníinii God biNahatʼaʼ bitsʼą́ą́dóó bíhwiilʼą́ą́ʼígíí nahalin. Jesus átʼéego naʼneeztą́ą́ʼ yę́ę tʼáá aaníinii chodeiyoostʼeʼgo bił danilı̨́į doo. (Matthew 13:45, 46) Áłtséedi tʼáá aaníinii Diyin Bizaad bídahwiilʼą́ą́ʼ diné éí diichiłí nayiisniiʼígíí nahalin. Tʼáá haa shı̨́ı̨́ néelą́ą́ʼ ninádiniitʼą́, tʼáá aaníinii biniyé. Áko tʼáá aaníinii nihił nilı̨́įgo, doo ninádidiitʼáał da índa doo bitsʼą́ąjįʼ didiidáał da. Łaʼ God bidineʼé tʼáá aaníinii doo bił danilı̨́į da áádóó yitsʼą́ąjįʼ dahidiikah. Ákónéeh lágo! Diyin Bizaad ánínígíí bikʼehgo ániitʼé dóó “tʼáá aaníinii yikʼehgo dayíkááh.” (Psalm 25:5; 3 John 3, 4 yíníłtaʼ.) Tʼáá aaníinii bikʼeh dahwiiniilʼı̨́ dóó tʼáá ákwíí jı̨́ bikʼehgo yiidááł. Haʼátʼíísh biniinaa łaʼ diné tʼáá aaníinii yitsʼą́ąjįʼ dahidiikah? Haitʼéego éí baa ‘nahidoonih’? Haitʼéego nihí doo ákódiiʼníił da? ‘Tʼáá aaníinii yikʼehgo deiyíníikáahgo’ éí haʼátʼíísh nihíká adoolwoł?
HAʼÁTʼÍÍSH BINIINAA DÓÓ HAITʼÉEGO ŁAʼ TʼÁÁ AANÍINII BAA ‘NAHIDOONIH’?
4. Jesus bił hoolzhish yę́ędą́ą́ʼ, haʼátʼíí biniyé łaʼ doo tʼáá aaníinii yikééʼ dayiikaah da ńtʼééʼ?
4 Jesus hiná yę́ędą́ą́ʼ, łaʼ tʼáá aaníinii ayóóʼádeiyóʼníí ńtʼééʼ, ndi doo hakééʼ dayiikaah da. Jiihóvah éí Jesus yíká eelwod tʼóó ahayóí diné yaʼníłtsood áádóó náánáłahjí Gálilii Beʼekʼid Bąąhgóó hakééʼ yíkai. Jesus ádííniidígíí naaki bił daazlı̨́ı̨́ʼ: “Diné Silı̨́įʼii bitsįʼ doo daoyą́ą́ʼgóó áádóó bidił doo daohdlą́ą́ʼgóogo, iiná doo nihee dahólǫ́ǫ da doo.” Tʼáadoo Jesus nideizhdeiłkid da bikʼidazhdiʼdootı̨́ı̨́łígíí hazhóʼó bee nihił hólneʼ, dahałní: “Díí áháʼnínígíí tʼáá íiyisí nantłʼa; háísh ałdóʼ yiyíistsʼą́ąʼ doo?” “Hódahoołʼaahii ląʼí hatsʼánáhaazhjéeʼgo tʼáadoo hakééʼ tánáádookai da.”—John 6:53-66.
5, 6. (a) Dííshjı̨́įdi haʼátʼíí biniinaa łaʼ tʼáá aaníinii yitsʼą́ąjįʼ dahidiikai? (b) Haitʼéego diné tʼáá aaníinii hazhóʼó yitsʼághááh?
5 Dííshjı̨́įdi ałdóʼ łaʼ God bidineʼé tʼáá aaníinii yitsʼą́ąjįʼ dahidiikai. Haʼátʼíí biniinaa? Diyin Bizaad naʼnitinígíí łaʼ ániid yił ííshjání áhósinígíí doo bił yáʼádaatʼéeh da. Náánáłaʼ éí nihibrothers doo ákótʼéégóó haadzíiʼgo doodaiiʼ ádzaaígíí doo bił yáʼádaatʼéeh da. Náánáłaʼ naʼakʼíyádaałtiʼii Diyin Bizaad bee nabiʼdinitinígíí doo bił yáʼádaatʼéeh da. Ałdóʼ bił áłah nídeidleehígíí doo ákótʼéégóó ałchʼįʼ haadzíiʼgo biniinaa doo áłah náʼádleehgo nidaakai da daazlı̨́ı̨́ʼ. Jiihóvah yikʼijįʼ danilínígíí dóó dabiyoochʼíid nihaa dahalneʼgo dayíistsʼą́ą́ʼ, áádóó yikééʼ dahidiikah. (Hebrews 3:12-14) Petergi átʼéego, nizhóní ńtʼééʼ łaʼ Jesus ánínígíí yikʼeh dahółʼı̨́! Jesus yáłtiʼígíí łaʼ diné tʼóó bił dahayóii ndi, Jesus éí daalʼaadii ííłní, “Daʼ nihíísh ałdóʼ shitsʼádoohjah?” Peter haadzííʼ: “Bóhólníihii, háísh ałdóʼ bichʼįʼ dah náádidiikah? Ni tʼéí saad binahjįʼ iiná doo ninítʼiʼii hodooleełii nee hólǫ́.”—John 6:67-69.
6 Diné éí hazhóʼógo tʼáá aaníinii yitsʼą́ąjįʼ dahidiikah éí nahalingo tsinaaʼeeł hazhóʼó kéyah yitsʼą́ąjįʼ dadiiʼoł. Bee bichʼįʼ anídahaztʼiʼígíí doo yaa ádahalchįįh da. Diyin Bizaad hazhóʼó yee nihichʼįʼ ííshjání ííłʼı̨́ “doo bitsʼáhidiikah da.” (Hebrews 2:1) Diné łaʼ doo tʼáá ákónéehgo tʼáá aaníinii yitsʼą́ąjįʼ dahidiikah da. Jiihóvah ayóóʼáyóʼnínę́ę doo yichʼįʼ bidziil da yileeh, éí bił hodilzhish dóó yooʼiiłdił. Haitʼéego nihí doo ákódiiʼníił da?
TʼÁÁ AANÍINII TʼÁÁKÁ ÉÍ DOO NAA NAHIDOONIH DA
7. Haʼátʼíísh nihíká adoolwoł díí tʼáá aaníinii doo nihaa nahidoonih da?
Doo tʼáá díkwíidi tʼáá aaníinii bikʼeh dahwiiniilʼı̨́į da doo
7 Yíísíníiltsʼą́ą́ʼ dóó akʼeh hwiiniilʼı̨́ tʼáá ałtso Jiihóvah yee nihił halneʼígíí tʼáá aaníinii bikʼehgo yiidáał doo. Tʼáá aaníinii iiná íilʼı̨́įgi áłtsé ííníilzin doo. Diyin Bizaad bikʼehgo oodáłígíí niheʼiinaʼ íilʼı̨́į dooleeł. Jiihóvah yichʼįʼ sodilzingo Naatʼáanii David yee haadzííʼ: “Nitʼáá aaníinii biiʼgóó shił yíʼash.” (Psalm 25:5) Tʼáá aaníinii yiiʼ yigáłígíí David bił bééhózin. Ákótʼéego nihí ałdóʼ baa nitsíikees doo. Doo ádaa áhwiilyą́ą́góó, tʼáá aaníinii ninádidiitʼááł kéyah bikáaʼgo dahólóonii. Doo tʼáá díkwíidi tʼáá aaníinii bikʼeh dahwiiniilʼı̨́į da doo. “Tʼáá aaníinii tʼáá ałtso” bee yínáał doo. (John 16:13) Áłtséédą́ą́ʼ, ashdlaʼ hazʼą́ hazhóʼó bídahwiilʼą́ą́ʼ, éí łaʼ ninádidiitʼááł áádóó tʼáá aaníinii hazhóʼó bíhwiidiilʼááł. Kʼad éí hazhóʼó baa ákodíníidzįįł haʼátʼíí shı̨́ı̨́ bitsʼą́ąjįʼ dahidiikai ninádahidiitʼánii doo akǫ́ǫ́ bichʼįʼ nátʼą́ą́ʼ nidadíníitʼı̨́įʼ da doo.—Matthew 6:19.
8. Oodlání nilı̨́įgo ádaʼoolʼįįłígíí baa nínáago éí haitʼéego tʼáá aaníinii yitsʼą́ąjįʼ dah nididoolos? Łaʼ baa chʼíhoníʼaah.
8 Baa ázhditʼaahgo. Bee ádaa áhólyą́ tʼáá aaníinii tʼááká nahjįʼ kóólééh bee ádaa nahwiinítʼánígíí yéigo tʼáá aaníinii bóhoołʼaah. Tʼáá ákwíí jı̨́ bee ádaa áhólyą́. Níłchʼi naalkidí níníłʼı̨́įgo, internet, dóó chʼaa nínáago, nikʼis dóó nikʼéí bitahgóó nínáago bá honeeni. Díí tʼáadoo átʼéhída ndi doo bee ádaa ákwiilyáágóó Diyin Bizaad bíhwiilʼaah yę́ę doo nihá bíighah da nidahaleeh, nidahwiilneʼ ałdóʼ ákótʼé. Emma éí bee ádaa ákozhniizı̨́ı̨́ʼ. * (Footnote níníłʼı̨́.) Atʼééké yázhí jílı̨́ yę́ędą́ą́ʼ, łı̨́ı̨́ʼ ayóó hoł yáʼátʼééh dóó hoł naaldloosh ałdóʼ ayóó bízhneedlı̨́. Hoʼdiiłʼáago baa tsízdeezkééz Jiihóvah bá nijilʼaʼ yę́ę doo áłtsé ájósin da. Emma éí Cory Wells baa ajííłtaʼgo, éí nihisister łı̨́ı̨́ʼ bił nidzítʼih naʼahóóhai náʼádleehígi. * (Footnote níníłʼı̨́.) Emma éí kʼad Jiihóvah bá nijilʼaʼ. Hakʼis dóó haghan hazʼą́ągi bił ałhínjiikáahgo éí Jiihóvah bá nidajilʼaʼ. God ahánígo bił jílı̨́. Baa hoł hózhǫ́ háálá Jiihóvah bichʼįʼ ííshjání ájiilaa éí tʼáá aaníinii bee ádee hajoodzííʼ.
9. Haitʼéego naalyéhé nihił nilı̨́įgo baa nitsínááníikees doo?
9 Naalyéhé. Tʼáá náásgóó tʼáá aaníinii yikʼehgo yinááł, naalyéhé éí doo áłtsé ííníilzin da Jiihóvah bá neiilʼaʼgi. Baa nihił dahózhǫ́ łaʼ nihinaalyeʼé ninádahidiitʼaah tʼáá aaníinii bídahwidiilʼááł dóó Jiihóvah bá nideiilʼaʼ doo biniyé. Náánáłaʼ ániid mobile device nideiyiiłniihgo yíníʼı̨́. Jiníłʼı̨́įgo ayóó bił dahózhǫ́ jinízin háálá bibéeso daaląʼí. Tʼáá nihí nihee hólóonii doo baa nihił dahózhǫ́ǫ da yileeh. Tʼóó naalyéhé bídį daniidlı̨́ yiidleeh. Łaʼ ídahoołʼaahii Díímas wolyéego, díí ákótʼéii ńtʼééʼ. “Kʼad nihokááʼ bił nidahaztʼiʼii” ayóóʼáyóʼní ákogo éí yilʼaadii Paul yił naalnish yę́ę yitsʼą́ąjįʼ dadiiyá. (2 Timothy 4:10) Díímas naalyéhé daatsʼí ayóóʼájóʼníí ńtʼééʼ, God bá nijilʼaʼí éí akééʼ góneʼ ájósin. Paul bił joolnishígíí niná nizhdiníʼą́ doo íiznízingóó daatsʼí jizhdeeyá. Nihíshąʼ, díí haʼátʼíísh bitsʼą́ą́dóó bíhwiidiilʼááł? Áłtséédą́ą́ʼ nihinaalyeʼé ayóóʼííníiʼníí ńtʼééʼ. Nihintsékees doo baa áhwiilyą́ą́góó, díí ákótʼéego nitsínááníikees doo. Naalyéhé ayóóʼííníiʼnínígíí bídį nániidlíigo éí tʼáá aaníinii ayóóʼííníiʼnínígíí bitsʼą́ąjįʼ kónihidoolííł.
10. Haʼátʼíísh ałdóʼ bitsʼą́ąjįʼ kóniitʼée dooleeł?
10 Náánáłaʼ danihikʼis. Tʼáá aaníinii bikʼehgo yishááł nínízingo, diné éí Jiihóvah doo yikééʼ deiyíkááhígíí doo bikééʼ joogáał da doo. Tʼáá aaníinii bíhwiilʼą́ąʼgo, bił haijéʼígíí doo Jiihóvah yikééʼ deiyíkááhgóó éí tʼáadoo leʼé bił baa niikai yę́ę nahjįʼ kódiilnííł. Łaʼ niheʼoodląʼ yee nihaa ákodanízin. Náánáłaʼ nihikʼijįʼ danilínígíí, Jiihóvah bikééʼ dah diidzáhígíí biniinaa. (1 Peter 4:4) Nihikʼéí ayóóʼííníiʼní dóó hazhóʼó bił kéédahwiitʼı̨́į doo daniidzin. Ákótʼée ndi Jiihóvah ayóóʼííníiʼníinii doo nahjįʼ kódiilníił da tʼóó nihikʼéí ayóóʼííníiʼníi doo. 1 Corinthians 15:33 yee nanihinitin diné éí Jiihóvah ayóóʼádeiyóʼníigo bił kʼé ahidiiʼníi dooleeł.
11. Haitʼéego tʼóó baaʼihgo nitsáhákees dóó íitʼįįłii bitsʼą́ąjįʼ ániitʼée doo?
11 Tʼóó baaʼihgo nitsáhákeesígíí dóó íʼiilʼı̨́ı̨́łígíí. Tʼáá aaníinii yikʼehgo yiidáałgo, Jiihóvah nihiníłʼı̨́įgo dadiniigin éí chin nihąąh ádingo áhyiłní. (Isaiah 35:8; 1 Peter 1:14-16 yíníłtaʼ.) Tʼáá aaníinii bídahwiilʼą́ąʼgo, Diyin Bizaad bikʼeh dadiidzá niheʼiinaʼ łahgo átʼéego íilyaa. Łaʼ tʼóó baaʼihgo deiyíníikááh ńtʼééʼ. Biniinaa ádaa áhwiilyą́ą dooleeł niheʼiinaʼ yáʼátʼéehgo íilyaa yę́ę doo yáʼátʼéhígíí bee ádaa ákoniidzin doo. Naʼageh bee tsiʼnaʼadá bidádahonoonínígíí haʼátʼíísh nihíká adoolwoł bitsʼą́ąjįʼ ániitʼée doo? Baa nitsíníkees haʼátʼíísh Jiihóvah nihainílá áko nihí ałdóʼ dadiniigin doo. BiYeʼ ayóóʼáyóʼnínígíí nihá ninéidiníʼą́, Jesus Christ! (1 Peter 1:18, 19) Jesus beʼiinaʼ ninéidiníʼánígíí tʼáá áłahájįʼ béédeilniihgo tʼáá íiyisíí ílı̨́. Díí binahjįʼ nihíká adoolwołgo éí chin nihąąh ádin doo, éí Jiihóvah ayóó bił ílı̨́įgo nihooʼı̨́.
12, 13. (a) Haʼátʼíísh biniyé Jiihóvah holidays bił nidaaztʼiʼii bił bééhózinígíí átʼéego nihí ałdóʼ baa ákoniidzin doo? (b) Haʼátʼíísh baa nínáádadíitʼįįł?
12 Kéédahwiitʼı̨́įgi ádaʼoolʼįįłígíí. Diné łaʼ bééhoniilzin yę́ę łaʼ hataałii choinideiyoołtʼehgo nihaa díínááł daa hałníi łeh. Ádaʼałʼínígíí dóó holidays bił nidaaztʼiʼii Jiihóvah doo bił yáʼátʼéeh da, haʼátʼíísh nihíká adoolwoł bitsʼą́ąjįʼ ániitʼée doo? Béédeilniihgo háálá holidays bił nidaaztʼiʼii dóó ádaʼałʼínígíí Jiihóvah doo bił yáʼátʼéeh da. Holidays dóó tsʼísee kʼehgo baa nidaʼaldeehígíí hazhóʼó baa óhoołʼaah. Diyin Bizaad hazhóʼó baa nitsídeikeesgo, holidays ádaʼoolʼįįłígíí éí doo ádeilʼı̨́į da, ákondi yáʼátʼéehgo yínáałgo “Bóhólníihii yaa bił hózhǫ́ǫ” doo. (Ephesians 5:10) Jiihóvah dóó bizaad baa ííníidlíigo, éí diné nihaa nitsídaakeesígíí doo binéiildzid da doo.—Proverbs 29:25.
13 Náásgóó tʼáá aaníinii nihił chohooʼı̨́įgo hoolʼáágóó bee yínáał doo. Tʼáá náásgóó tʼáá aaníinii bikʼehgo yiidááł, haʼátʼíísh nihíká adoolwoł? Kweʼé táaʼgo baa ínááhwiidííłʼááł.
TʼÁÁ AANÍINII BEE YÍNÁAŁ DOO
14. (a) Haitʼéego náásgóó Diyin Bizaad bíhoołʼaah éí nihíká adoolwoł tʼáá aaníinii doo bitsʼą́ąjįʼ dah didiidáał da? (b) Haʼátʼíísh biniinaa hódzą́ áádóó bínaʼniltinii índa bee akʼidiʼyiitįįh daniidzin?
14 Áłtséhígíí, Diyin Bizaad bóhoołʼaah dóó bíhwiilʼą́ą́ʼígíí yéigo hazhóʼó baa nitsíníkees. Tʼáá áłahájįʼ ákótʼéego éʼéłʼı̨́. Bóhoołʼaahígíí áníłʼı̨́įgo, tʼáá aaníinii ayóóʼííníʼníi dooleeł. Nił bééhózin nitsékees dóó nijéí biyiʼdę́ę́ʼ tʼáá aaníinii doo bitsʼą́ąjįʼ dah didíínáał da. Proverbs 23:23 ání, “tʼáá aaníinii nahíłniih” dóó “hódzą́ áádóó bínaʼniltinii índa bee akʼidiʼyiitįįh” ałdóʼ nahíłniih. Diyin Bizaad bóhwiiniłʼą́ąʼgo choiníłʼı̨́įgo doo tʼóó nił bééhózin da doo. Tʼáá aaníinii bikʼeh dahwiiniilʼı̨́į doo. Áko akʼidiitı̨́ı̨́hígíí nihee hólǫ́ǫ dooleeł, éí bíhwiilʼą́ą́ʼígíí dóó nihił bééhózinígíí ałhiiʼ sinil. Hódzą́ nihíká adoolwoł éí náásgóó bikʼeh ániitʼée dooleeł. Łahda tʼáá aaníinii naninishtinígíí dóó akǫ́ǫ́ íitʼįįłígíí baa ákoniidzingo ánihósin. Diyin Bizaad ání, naninishtinígíí éí aláahdi ílı̨́įgo béésh łigai yáʼátʼéehii. (Proverbs 8:10) Naninishtinígíí íísíníłtsʼą́ą́ʼ dóó akʼeh hwiníłʼı̨́ hazhóʼó nídiilé.
15. Tʼáá aaníinii éísh haitʼéego sis nahalingo nihichʼą́ą́h siláa dooleeł?
15 Naaki góneʼ, tʼáá ákwíí jı̨́ tʼáá Ephesians 6:14) Ałkʼidą́ą́ʼ, sis éí hanííʼ gónaa hanáztʼiʼígíí ayóó honeeztihgo yee háká adoolwoł. Tʼóó nítłóoʼgo, doo áká adoolwoł da. Tʼáá aaníinii, sis nahalingo haitʼéego nihíká adoolwoł? Tʼáá aaníinii Diyin Bizaad bitsʼą́ą́dę́ę́ʼ tʼáá ákwíí jı̨́ bénéiilniih. Bee yáʼátʼéehgo nitsíikees dóó yáʼátʼéehgo íʼiilníiłgo yee nihíká adoolwoł. Tʼáá aaníinii Diyin Bizaad bitsʼą́ą́dę́ę́ʼ bénéiilniihgo éí nihíká adoolwoł díí bee yáʼátʼééh índa doo yáʼátʼéhígíí baa ákonínízin dooleeł. Nihichʼįʼ nahwiiʼnáago ałdóʼ nihíká adoolwoł. Siláo biziiz doo tʼáágééd dah didoogáał da, tʼáá ákótʼéego nihí ałdóʼ tʼáá aaníinii doo tʼáágééd dah didiidáał da. Tʼáá aaníinii Diyin Bizaad bitsʼą́ą́dę́ę́ʼ niheʼiinaʼ tʼáá átʼée ńtʼééʼ choilʼı̨́į dooleeł. Siláo ałdóʼ bidiltłish biziiz baa dah sitą́. Nihí ałdóʼ ákótʼéego ádiilnííł.
aaníinii bikʼehgo niheʼiinaʼ íilʼı̨́į doo. Diyin Bizaad yaa chʼíhoníʼą́ tʼáá aaníinii éí siláo biziiz nahalin. (16. Haitʼéego tʼáá aaníinii bee naʼniitingo nihíká análwoʼ náásgóó tʼáá aaníinii bikʼehgo yiidáał doo?
16 Tááʼ góneʼ, tʼáá aaníinii Diyin Bizaad bitsʼą́ą́dę́ę́ʼ bee naʼnitin tʼáá naa bíighah góneʼ. Tʼáá aaníinii Diyin Bizaad bitsʼą́ą́dę́ę́ʼ éí diltłish nahalin. Siláo yáʼátʼéhígíí éí diltłish tʼáá áłahjįʼ yótąʼ, nihí ałdóʼ Diyin Bizaad yéigo yiiniitąʼ doo. (Ephesians 6:17) Tʼáá áníiltso nizhónígo naʼniitin doo, “saad tʼáá aaníinii tsʼídá tʼáá ákogi átʼéego choiníłʼı̨́.” (2 Timothy 2:15) Łaʼda Diyin Bizaad bee naniitingo, nihí ałdóʼ bíhwiilʼą́ą́ʼígíí dóó tʼáá aaníinii nihił nilı̨́įgo bóhwiilʼą́ą́ʼ. Díí biniinaa tʼáá aaníinii bikʼehgo yiidáał doo.
Jiihóvah éí tʼáá aaníinii nihainílá
17. Haʼátʼíísh biniinaa tʼáá aaníinii nihił ílı̨́?
17 Jiihóvah tʼáá aaníinii nihainílá. Díí binahjįʼ Jiihóvah áhą́dígo ádíníilzin doo. Díí nihił ílı̨́į doo. Jiihóvah tʼáá íídą́ą́ʼ tʼóó ahayóí yee nanihineeztą́ą́ʼ. Tʼah ndi ląʼí yee nanihinitin! Yee haadzíʼígíí hoolʼáágóó tʼáá bee nanihinishtin doo. Tʼáá aaníinii nihił ílı̨́, éí diichiłí nihił nilínígíí nahalin. “Tʼáá aaníinii nahíłniih; tʼááká éí naa nahóniih lágo” doo. David nahalingo Jiihóvah bił hodiilnih: “Nitʼáá aaníinii biiʼgóó shił yíʼash.”—Psalm 25:5.
^ par. 8 Doo tʼáá aaníí bízhiʼ da.
^ par. 8 JW Broadcasting biiʼ dídííʼįįł, áádóó INTERVIEWS AND EXPERIENCES > TRUTH TRANSFORMS LIVES níníłʼı̨́.