Jiihóvah Bintsékees Bee Nitsíníkeesgoósh Íʼdílnééh?
“Nihíniʼ ániidí ánídaahdleʼ.”—ROMANS 12:2, NW.
SIN: 56, 123
1, 2. Jiihóvah baa íhooʼaahgo haʼátʼíí bídahwiilʼaah? Łaʼ chʼíníʼaah.
NOOSÉŁÍ tʼah áłtsʼísígo tʼáadoo leʼé léiʼ bainílá. Bishchíinii éí “ahéheeʼ diní,” biłníi łeh. Kódiní bidiʼníigo ahéheeʼ níi doo. Áádóó díníséehgo éí haʼalyéehgo haʼátʼíí biniyé ahéheeʼ diní bidiʼnínę́ęgi yaa ákoniizįįh. Díí bitsʼą́ą́dóó yíhoołʼą́ąʼgo tʼáá bí ahééh nízin yileeh.
2 Tʼáá aaníinii bínaʼniltin bídahwiilʼaahgo Jiihóvah bibee hazʼáanii bikʼeh hóʼı̨́įgo ílíinii átʼéé lá. Áádóó tʼáá bídahwiilʼaahgo Jiihóvah nitsékeesgi, éí bił yáʼátʼéehii índa doo bił yáʼátʼéehii, áádóó tʼáadoo leʼé ádaatʼéii haitʼéego yaa nitsékeesgi ląʼígóó baa ídahwiilʼaah. Áko nihił yáʼátʼéehii índa baa neiidáii Jiihóvah bintsékeesii éí nihintsékees bił beełtʼéego ííníilzingo éí Jiihóvah bintsékees bikʼeh ániitʼé.
3. Jiihóvah bintsékees bee nitsíikeesgo haʼátʼíí biniyé nihá nantłʼa?
3 Jiihóvah bintsékees bikʼeh ániitʼée doogi baa nihił hózhǫ́, ndi nidaʼiyiilzíihgo biniinaa łahda nihá nantłʼa łeh. Yáʼátʼéehjįʼ oodáałgi, naalyeʼé, nahaneʼgi, dił doo hazhóʼó choolʼı̨́įgi, áádóó ląʼígóó ádaatʼéii Jiihóvah éí
haitʼéego yaa nitsékeesgi nihił béédahózin. Díí shı̨́ı̨́ nihá nantłʼago átʼé. Áko haitʼéego éí Jiihóvah nitsékeesígi átʼéego nitsíikees doo? Áádóó haitʼéego nihíká adoolwołgo yáʼádaatʼéehii íiʼníił doo?GOD BINTSÉKEESII BEE NITSÍIKEESGI
4. Nihíniʼ ániidí ánéiilníiłgo haʼátʼíí áhyiłní?
4 Romans 12:2 yíníłtaʼ. * (Footnote níníłʼı̨́.) Kweʼé éí yilʼaadii Paul áníigo kótʼéego ádaʼdiilyaago éí Jiihóvah nitsékeesígi átʼéego nitsídeikees doo. Éí kóní: “Nihokááʼ bił nidahaztʼiʼii tʼáadoo bikʼehgo dahinohnání.” Díí tʼáá íídą́ą́ʼ bídahwiilʼą́ąʼgo diné bikʼehgo ntsáhákees índa ádaaníiłgi tʼáadoo bikʼehgóó dahinohnání nihiłní. Paul ałdóʼ áníigo nihíniʼ ániidí ánéiilníił doo. Díí áhyiłníigo Diyin Bizaad baa íhwiilʼaah doo, Diyin bintsékees baa ákoniidzin doo, nabikʼítsíilkees doo, áádóó yéigo íitʼı̨́įgo Diyin nitsékeesígi átʼéego nitsíikeesgo ádiʼdíílnííł.
5. Ajółtaʼgo áádóó ádíhozhdilyiilʼaahgo, ałʼąą átʼéegi chʼíníʼaah.
5 Baa íhwiilʼą́ʼígíí tʼóó tsı̨́įłgo yíníiltaʼgo áádóó answers tʼóó biyaah daʼídzohgo éí doo hazhóʼó ádíhozhdiyiilʼaah da doo. Ádíhoʼdiyiilʼaahgo éí baa ííníiltaʼígíí Jiihóvah átʼéiigi, ááníiłgi, áádóó nitsékeesgi haitʼéego yee nanihinitingi hazhóʼó baa nitsíikees doo. Haʼátʼíí biniyé éí Jiihóvah díidígíí áánííł áádóó díidígíí éí dooda nihiłníigi éí hazhóʼó baa ákoniidzin doo. Áádóó łahgo baa nitsínáánéikees dooígi éí niheʼiinaʼ yiiltʼihígi índa nitsíikeesgi haitʼéego lá hashtʼediilníiłgi baa nitsíikees doo. Díí tʼáá ádíhodiilyiilʼaahí bikʼeh éí tʼáá altso baa nitsíikeesgo doo bohónéedzą́ą da. Ndi yáʼátʼéeh doo, tʼáá náʼííníltah bikʼeh éí łaʼ baa nitsíikees doo.—Psalm 119:97; 1 Timothy 4:15.
6. Diyin Bizaad jółtaʼgo éí áłahjįʼ nabikʼítsíilkeesgo haitʼée łeh?
6 Diyin Bizaad jółtaʼgo éí áłahjįʼ nabikʼítsíilkeesgo haʼátʼíí biniyé yáʼátʼééh? Éí Jiihóvah bintsékees tsʼídá yáʼátʼéehgo átʼéiigi yéigo yiniidlą́ągo bee ádíníilzin doo. Bí yaa nitsékeesjígo baa ákoniidzin ánihiiłʼįįh, áádóó éí tʼáá aaníí ákótʼé niidzin doo. Áko éí nihíniʼ ániidí ánéílʼįįhgo Jiihóvah nitsékeesjígo bee nitsíikees dooleeł.
NITSÍIKEESGI ÉÍ ÍIʼNÍŁÍGÍÍ BIŁ AHIDIITʼIʼ
7. Jiihóvah éí naalyeʼé haitʼéego yaa nitsékees? (Áłtsé naashchʼąąʼígíí níníłʼı̨́.)
7 Nitsíikeesgi éí baa neidáhígíí bił nítʼiʼ. (Mark 7:21-23; James 2:17) Díí łaʼ baa nídadíitʼįįł. Éí Jesus biʼdizhchínę́ęgi baa haneʼígíí Jiihóvah éí naalyeʼé yaa nitsékeesgi bééhózingo ályaa. Diyin beʼawééʼ bá yidínóoséełii, éí doo ayóó béeso bee hólǫ́ǫ da ndi, tʼáá bí Jóseph dóó Mary yikʼidiilniiʼ. (Leviticus 12:8; Luke 2:24) Jesus biʼdizhchı̨́įgo, Mary éí “béégashii yiiʼ nídaʼalchoshígíí biih jííłtı̨́, háálá daʼnijahí góneʼ doo há hazʼą́ą da lá.” (Luke 2:7) Jiihóvah éí Jesus tsʼídá yáʼáhootʼéhígi bidiʼdoochíiłgo yá áʼdoolííł. Ndi Jiihóvah éí hooghan hazʼą́ą́dóó dabidósinii bighangi Jesus dínóoyééł nízin.
8. Haʼátʼíí aláahdi ílı̨́įgo baa nitsíikees doo?
8 Kótʼéego Jesus biʼdizhchı̨́įgi baa haneʼgo éí naalyeʼé Jiihóvah yaa nitsékeesgi yee nanihinitin. Łaʼ azhéʼé dóó amá éí azhą́ Jiihóvah bił kʼé haʼníigi yidoołchxǫǫł ndi, tsʼídá yáʼádaatʼéehii naalyeʼé baʼáłchíní bá dahólǫ́ǫ doogo yá yaa nitsídaakees. Ndi bééhózinígo Jiihóvah bił kʼé hwiindzingi aláahdi ílíinii átʼéego yaa nitsékees. Jiihóvah kótʼéego yaa nitsékeesígiísh baa ákonínízin? Áko haitʼéego ííshjání áníłʼı̨́?—Hebrews 13:5 yíníłtaʼ.
9, 10. Doo łaʼda díníiltłʼah dago haitʼéego ííshjání ádiilnííł?
9 Náánáłaʼ éí, łaʼda jineestłʼahgo honiinaa asiihgo doodaiiʼ Jiihóvah yitsʼá níyáago, Jiihóvah haitʼéego yee honéłʼı̨́į dooígi baa nínáádadíitʼįįł. Jesus ání: “Tʼáá háiida díí áłchínígi átʼéego aʼohgo ádaa nitsídaakeesgo dashoodlánígíí łaʼda bąąhági átʼı̨́ ájiilaaígíí, tʼáá hó tsé daashjééʼ nitsaii hazéédéetʼą́ągo tónteel biih hodiʼyoolghanjígo, há yáʼátʼéeh doo.” (Mark 9:42) Jesus áníigo éí łaʼda díníiltłʼahgi yijoołxá! Nihił béédahózin Jesus éí Bizhéʼé nahalin. Áko háida éí Jesus bikééʼ ndaakaii łaʼ yineestłʼahígi Jiihóvah ałdóʼ yijoołxá.—John 14:9.
10 Nihíshąʼ? Tʼáásh ákótʼéego nitsíikees? Íiʼníiłgiísh bee bééhózin? Éí haitʼéhígíí shı̨́ı̨́ ééʼ bee hadíníitʼéegi daatsʼí łaʼ nihił yáʼátʼééh. Ndi nihibrothers dóó nihisistersda łaʼ doo bił yáʼátʼééhgóogo doodaiiʼ ił ashtéezhda bee nihaa tsíhodeeskéezgo, haa diiʼnííł? Nihibrothers dóó nihisisters ayóóʼííníiʼníigo éí ééʼ bee ádíníiltłʼahígíí doo bee háádiitʼįįh da doo.—1 Timothy 2:9, 10.
11, 12. Jiihóvah yijoołxáhígíí jiniidláago índa ádaa áháyą́ągo, haitʼéego bíhwiidiilʼááł?
11 Tááʼ góneʼígíí éí: Jiihóvah éí doo yáʼádaatʼéehii yijoołxá. (Isaiah 61:8) Bił bééhózingo yáʼátʼéehii ádiiʼníiłgi łahda nihá ndanitłʼa łeh, háálá nidaʼiyiilzííh. Ákóniitʼée ndi, Bí átʼéhígi átʼéego doo yáʼádaatʼéehii dajiiniidláa doo. (Psalm 97:10 yíníłtaʼ.) Doo yáʼádaatʼéehii Jiihóvah yijoołxáagi baa nitsíikeesgo éí Bí yinéłʼı̨́ı̨́dę́ęʼgo baa nitsíikees doo, áko doo yáʼádaatʼéehii bitsʼąą ániitʼéego bichʼįʼ nihidziil doo.
Azhą́ Diyin Bizaad éí díí doo yáʼátʼéeh da doo nihiłníi da ndi, éí łaʼ doo yáʼádaatʼééhgóó ádaatʼéego baa ákoniidzin doo
12 Diyin Bizaad éí díí doo yáʼátʼéeh da, doo nihiłníi da ndi, doo yáʼádaatʼéehii baa ákoniidzin doo. Tʼóó baaʼihgo azhish, lap dancing wolyéego baa ooldah. Łaʼ ádeinízingo díí azhish tʼáadoo átʼéhí da, háálá éí ashtéézh wolyéii * (Footnote níníłʼı̨́.) Ndi Jiihóvah éí haitʼéego yaa nitsékees? Béénílniih, Jiihóvah éí tʼáá ałtso doo yáʼádaatʼéehii yijoołxá. Áko kótʼéego baa ooldahígíí bitsʼąą ániitʼéego bee ádaa áhwiilyą́ągo Jiihóvah yijoołxáhígíí jiniidláa doo.—Romans 12:9.
doo bił aheełtʼée da.ÁDÍÍNÍIŁGI BINIYÉ HASHTʼEDÍÍNÍTʼÉ
13. Jiihóvah yaa nitsékeesígi átʼéego haʼátʼíí biniyé tʼáá íídą́ą́ʼ biniyé hashtʼedíínítʼée doo?
13 Ádíhodiyiilʼaahgo éí Jiihóvah yaa nitsékeesígi átʼéego nihí ałdóʼ tʼáá ákótʼéego baa nitsíikeesgo éí honiidzą́ągo ádá nahwiitʼá diidleeł. Áko tʼáá haaʼída tsı̨́įłgo ádá tsóhodookos hazlı̨́įʼgo éí tʼáá íídą́ą́ʼ biniyé hashtʼedíínítʼée doo. (Proverbs 22:3) Diyin Bizaad biiʼdę́ę́ʼ díí łaʼ baa ídahwiidiilʼááł.
14. Jóseph éí haʼátʼíí bitsʼą́ą́dóó ídahwiilʼaah?
14 Pátifer beʼasdzą́ą́ éí Jóseph yidánoosʼníiʼgo tʼáá akǫ́ǫ́ tsı̨́įłgo Jóseph éí dooda dííniid. Bééhóziní Jóseph éí ahéʼéskéegi Jiihóvah yaa nitsékeesgi baa tsízdeezkééz. (Genesis 39:8, 9 yíníłtaʼ.) Jóseph éí Pátifer beʼasdzą́ą́ ííłní: “Haʼátʼéegoshąʼ díí tsʼídá doo yáʼáshónígi ádeeshnííł, áádóó ałdóʼ Diyin God bichʼįʼ ádił adeesih?” Jóseph kózhdííniidgo bee bééhózinígo éí God bintsékees bikʼeh tsízdeezkééz. Nihíshąʼ? Neiilnishgi łaʼda nihidánoosʼníiʼgo, haadiiʼnííł? Doodaiiʼ łaʼda éí nicell phone biiʼjįʼ ił ashtéézh ádaatʼéii yee nichʼįʼ ííłʼı̨́įgo, haadiiʼnííł? * (Footnote níníłʼı̨́.) Tʼáá íídą́ą́ʼ éí Jiihóvah yaa nitsékeesígi baa nitsíikeesgo baa íhwiilʼą́ąʼgo éí bikʼeh íitʼįįłgo, áádóó ádííníiłgi tʼáá nihił bééhózingo éí wołí bee Jiihóvah bikééʼ asdzı̨́įgi doo nihá nantłʼa da doo.
15. Haitʼéego éí Jiihóvah tʼáá baʼííníidlíi doołeeł?
15 Hííbrew dineʼé ániid ndaakaigo, éí Shéídrak, Mííshak, índa Abédniigo daolyéego baa nídadíitʼįįł. Naatʼáanii Nébukadnézzar éí díí ániid ndaakaii nitsidadidoohgohgo óola eʼelyaii biisįʼígíí bichʼįʼ nidahodoohłaał yidííniid, ndi dooda dazhdííniid. Áko bééhózinígo Jiihóvah tʼáá yadaʼólíigo éí áhodooníiłgi tʼáá íídą́ą́ʼ bítséedi hoł béédahózin. (Exodus 20:4, 5; Daniel 3:4-6, 12, 16-18) Nihíshąʼ? Łaʼ bił nidanilnishígíí béeso łaʼ bee anilyeedgo nidaʼdiyiilnihgo kweʼé díí dadiidleeł daniłníigo, ndi yaa nídiikaiígíí éí Jiihóvah doo yíłdinígíí átʼéego, haa díínííł? Tʼah doo kótʼéego áhánééhgóó tʼáadoo tʼóó bibaʼígo tʼah kodą́ą́ʼ éí Jiihóvah haitʼéego kódaatʼéhígíí yaa nitsékeesgi nihił bééhózingo yáʼátʼéeh doo. Áko tʼáá táaʼgo Hííbrew bitsíłkéí ádaadzaa yę́ęgi átʼéego ádiiʼníiłgi dóó ádidiiʼniiłgi doo nihá nantłʼa da doo.
Azeeʼ ąą ádoolníłígi niʼdííłkah, kótʼéego diníigo naaltsoos bikááʼ ádíílííł, neʼazeeʼííłʼíní bił hodiilnih (¶16 bił)
16. Nisihwiinidéelgoda Jiihóvah bintsékees bikʼeh nitsíikeesgo haitʼéego hashtʼediniitʼée doo?
Acts 15:28, 29) Ndi łahgo éí dił bee ąąh ádoolníiłii dahólǫ́ǫgo átʼé. Oodlání ídlı̨́įgo Diyin Bizaad binahjįʼ bee ndaʼnitinii tʼáá hó bee ádá nihozhdidooʼááł. Díí éí hahgo kótʼéego bee ádá nihozhdidooʼááł? Azeeʼálʼı̨́ı̨́ góneʼ yah ajííyáago, ákwíí hoł nahonigaahgo áádóó tsı̨́įłgo bee nihoníʼaah hodiʼníigoósh índa? Nda shı̨́ı̨́. Kʼad yeeʼ baa ajółtaʼgo nijiłkaah doo, kótʼéego azeeʼ shaa ádooníił jiníigo naaltsoos bikááʼ ázhdoolííł, áádóó azeeʼííłʼíní hazhóʼó bił nahozhdoolnih. * (Footnote níníłʼı̨́.)
16 Jiihóvah bintsékees bikʼehgóó nitsíikeesgo éí azeeʼálʼı̨́ı̨́góó nisihwiinidéelgoda bikʼehgóó ádiiʼníiłgi nihíká adoolwoł. Dił iih nídookáałgi doodaiiʼ dı̨́įʼgo íiyisíí dił biiʼ nidaazlínígíí ałdóʼ iih nídookáałgi bitsʼąą ániitʼée doo. (17-19. Jiihóvah bintsékees haʼátʼíí biniyé tʼah kodą́ą́ʼ bee ádíhodiyiilʼaah doo? Łaʼ chʼíníʼaah.
17 Peter doo hóyą́ą́góó kótʼéego haadzííʼ: “Bóhólníihii, ádaa jiiníbaʼ díí doo ákóndiʼdoolníił da,” áádóó Jesus éí tʼáá akǫ́ǫ́ tsı̨́įłgo hachʼįʼ hanáádzííʼ. (Matthew 16:22, NW) Tʼáá bééhózinígo éí God yichʼįʼ hoołʼaadígíí áádóó hweʼiinaʼ índa dazhdootsaałígíí tʼáá bítséedi haa hóoneʼ yę́ęgi baa nitsíjíkees ńtʼééʼ. Díí hoł bééhózingo binahjįʼ Jiihóvah baʼjólí áádóó tʼáá áníiltso nihá beʼiinaʼ ninéidiníʼą́.—Matthew 16:21-23 yíníłtaʼ.
18 God éí nihikʼis deeshłeeł nízin áádóó nahaneʼgi wołí bee ádeiitʼı̨́į doo nihóʼní. (Matthew 6:33; 28:19, 20; James 4:8) Peter éí Jesus íidííniid yę́ęgi átʼéego, diné éí yáʼátʼéehii nihá deinízin ndi, danihidínóołtłʼahgo átʼé. Éí bá nanilnishígíida ląʼígo nichʼįʼ nahashłée doo, niłníi dooleeł. Ndi nił bééhózingo éí nanilnishdi ląʼí nee ahééʼiilkeed doo, áko biniinaa áłah néidleeh yę́ęgóó doodaiiʼ nahaneʼ yę́ęgóó biʼoh nánídleeh doo. Doodaiiʼ ííníłtaʼgoda, báʼóltaʼída łaʼ, nighan bitsʼą́ądi łahgóó nááʼíídííłtah niłníida doo. Kóndiʼníigo haa díínííł? Éísh sodidiilzįįł, hazhóʼó ndiiłkah, áádóó tʼah doo bee lą́ íłeehgóó nizhéʼé dóó nimá índa elders bee bił hodíílnih? Jiihóvah nitsékeesgi áádóó bí bintsékees bikʼehgo nitsíníkeesgi tʼah kodą́ą́ʼ bee ádíhodiyiilʼaah. Áko kóndiʼníigo éí díí átʼéhígíí doo bidáhoneeníi da. Tʼáá íídą́ą́ʼ bee ádá nihwíínítʼą́ągo éí Jiihóvah bá naashʼaʼ doo dííniid.
19 Jiihóvah bikééʼ asdzı̨́įgi bee íhodíʼnóotahii ádaatʼéii łaʼ shı̨́ı̨́ baa nitsíníkees. Díí doo tʼáá átʼé biniyé hashtʼediniitʼée da. Áko bíighahí bee nihihonítaahgo éí adíhodiyiilʼaahgi baa neidáago Jiihóvah bintsékees hazhóʼó baa nitsíikeesgo éí bíhwiilʼą́ʼígíí áádóó haitʼéego éí beʼdiilníiłgi bénéiilniihgo ánihósin doo. Áádóó ałdóʼ Jiihóvah tʼáadoo leʼé yaa nitsékeesgi nihił bééhoyoozįįh doo, bintsékeesjígo nitsíikees, índa nihíká adoolwołgi baa nitsíikees doo.
NIHÁ ÁHOOTʼÉE DOOLEEŁII
20, 21. (a) Nahasdzáán ániidí ánályaago haʼátʼíí biniyé nihił dahózhǫ́ǫ doo? (b) Kʼad éí haitʼéego nihił dahózhǫ́ǫ doo?
20 Tʼáá áníiltso éí nahasdzáán ániidí ándoolníiłgi bíká dadíníitʼı̨́ı̨́ʼ. Ląʼí niiltʼéego éí nahasdzáán Honóoshónígo bikááʼ kééhwiitʼı̨́į dooleełgo nihił chodahooʼı̨́. Daneezgai yę́ęgóó índa achʼįʼ nahwiiʼná éí God biNahatʼaʼ biyáádóó ádaadin doo. Áádóó tʼáá nihí ádá niidzinii bee nihóhólníih doo.
21 Ndi éí doo tʼáá nihí niidzinígíí baa neidáa da doo. Jiihóvah bibee hazʼáanii índa bintsékeesjígo éí aʼohgo ádaʼdólzinii yee ádá nidahodiyiiʼaah doo. Áko éí hashtʼehodítʼéego ayóó átʼéego diné bił nidahoozhǫǫh dooleeł. (Psalm 37:11) Áko kʼad éí bibaʼ ádaniitʼéego Jiihóvah bintsékeesjígo nitsídeikeesgo ádaʼdííníilzin doo.
^ par. 4 Romans 12:2 (NW): “Nihokááʼ bił nidahaztʼiʼii tʼáadoo bikʼehgo dahinohnání, ndi nihíniʼ ániidí ánídaahdleʼ, áko nihił béédahodoozįįłgo éí Diyin God yee íinízinii yáʼátʼééh, índa bí bił yáʼátʼééh áádóó hadaałtʼéii átʼé.”
^ par. 12 Lap dancing wolyéhígíí éí łaʼda łahdóó tʼáá łichíʼígo łaʼda yił ałhaa naatʼaash nahalingo atsékʼee dah sidáa łeh. Kótʼéego bee ajítahgo éí ił ashtéézh átʼéego baa nitsáhákees, áko elders éí judicial committee ádeidoolíiłgo bee haa hwiidínóotʼįįł. Oodlání ídlı̨́įgi kótʼéhígíí łaʼ bee ádihozhdiiltʼiʼgo éí elders baazhdoogáałgo háká adoojah.—James 5:14, 15.
^ par. 14 Tʼóó baaʼihgo ashtéézh baa yátiʼgo, aheeskidgo, doodaiiʼ naalkidgo cell phone bee ájiłʼı̨́įgo éí sexting wolyé. Łaʼda kótʼı̨́ı̨́ ládą́ą́ʼ éí elders judicial committee biniyé ádeidoolííł. Ániid ndaakaii kótʼéego sexting ádaʼałʼı̨́įgo biniinaa ił niʼideeł átʼéego baa nitsáhákeesgo bílaʼashdlaʼii bibee hazʼáanii bee hakʼijįʼ yiidzoh. Łaʼ nił béénááhodoodzįįł nínízingo éí www.pr418.com website biiʼ dídííʼįįł éí “Young People Ask—What Should I Know About Sexting?” (BIBLE TEACHINGS > TEENAGERS dínííłʼįįł.), doodaiiʼ Awake! November 2013, pages 4-5, “How to Talk to Your Teen About Sexting” wolyéego baa íídííłtah.
^ par. 16 Diyin Bizaad binahjįʼ naʼnitinii łaʼ níká adoolwołii éí naaltsoos, How to Remain in God’s Love, pages 246-249 baa íídííłtah.