1. Jiihóvah haʼátʼíí nihá yee hasʼą́?

JIIHÓVAH éí tʼáá nihí iiná ádiilníłígíí nihá yee hasʼą́. Yáʼátʼéehgo binahosiitʼánígíí yee nanihinitin, dóó nahwiitʼáagi bił hózhǫ́ íilyaaígíí yee nihíká adoolwoł. (Ps. 119:173) Diyin Bizaad bikʼeh honiilʼı̨́įgo éí yáʼátʼéehgo nahwiitʼá.—Heb. 5:14.

2. Nahwiitʼáago haʼátʼíísh łahda nihitsʼą́ą́ʼ yiníłtłʼa łeh?

² Azhą́ yáʼátʼéehgo nahwiitʼáa ndi, ałtso ádiilníiłjįʼ łahda tʼáá nihá nanitłʼah łeh. Díí łaʼ baa nitsíníkees: Łaʼ nihibrother ániid naagháhígíí éí Diyin Bizaad tʼáá átʼé yídéeshtah nízin. Díkwíí damóojįʼ nizhónígo jííłtaʼ, tʼáadoo hodiinaʼí tʼóó niʼ kójiilaa. Nihisister łaʼ regular pioneer deeshłeeł jinízin, ákondi tʼóó náás biyóołkááł. Elders danilínígíí éí brothers dóó sisters saad haʼahóníinii yee yíká anídaalwoʼ doo biniyé yindahazʼą́, ndi tʼáadoo łaʼ ádayiilaa da. Díí binidahastʼánígíí ałʼąą ádaatʼéii ndi, tʼáá ałtso tʼáadoo hazhóʼó łaʼ daalyaaígíí éí bééhózíní yeeʼ. Ałkʼidą́ą́ʼ Oodlání Kórinthdi kéédahatʼínę́ę éí ałdóʼ ákotʼéego bá ndanitłʼa ńtʼééʼ. Haʼátʼíí éí bitsʼą́ą́dóó ídahwiidiilʼááł?

3. Haʼátʼíí Kórinth dineʼé yee nidahodeezʼą́, áádóó haa hóótʼįįd?

³ 55 C.E. yę́ędą́ą́ʼ, Kórinth dineʼé éí yéigo ílínígíí yee nidahodeezʼą́. Jerúsalemdi dóó Judíyagi brothers tʼáá  yéigo téʼéʼı̨́ biih jiníideeʼ, áko náánáłahdę́ę́ʼ congregation béeso yee haa dajoozbaʼ. Áko yilʼaadii Paul ádeiłní, ‘Haitʼéego bíká adiijah?’ Titus éí congregationdę́ę́ʼ béeso ałhąʼ ádíílííł bidooʼniid. (1 Cor. 16:1; 2 Cor. 8:6) Áko díkwíí nídeezid shı̨́ı̨́ Kórinth dineʼé éí tʼáadoo yedaʼaleeh da Paul yaa ákoniizı̨́ı̨́ʼ. Áko Jerúsalemgóó bee áká adoolwoł yę́ę doo hashtʼe daalyaa da.—2 Cor. 9:​4, 5.

4. 2 Corinthians 8:​7, 10, 11 éísh haitʼéego Paul Kórinth dineʼé yedaʼdoolííł ní?

⁴ Kórinth dineʼé éí yáʼátʼéehgo ádaʼiilaa. Hweʼoodląʼ daniłdzilígíí dóó ayóó bił dahadleeʼígíí binahjįʼ Paul haa haznih. Bee ádanihozhdiiʼaahígíí éí łaʼ dazhdoolíiłgi yee hachʼįʼ haadzííʼ. (2 Corinthians 8:​7, 10, 11 yíníłtaʼ.) Nihí ałdóʼ azhą́ oodlání daniidlı̨́į ndi, bee nidahodiyiitʼaahígíí tʼáá nihá nidanitłʼago átʼé.

5. Haʼátʼíísh naʼídíkidígíí nihił bééhodoozįįł?

⁵ Kórinth dineʼé nahalingo, ádadiilníłígíí nihí ałdóʼ nihá nantłʼa. Haʼátʼíí biniinaa? Biʼoh daniidlínígíí biniinaa ádaʼdiilníłígíí doo baa tsxı̨́ı̨́ł niidlı̨́į da łeh. Áádóó ałdóʼ tʼáadoo naolnínígíí łahda nanihíníłtłʼah. (Eccl. 9:11; Rom. 7:18) Bee nidahosiitʼánę́ę nátʼą́ą́ʼ nidaníilʼı̨́įgo, haʼátʼíísh bitsʼą́ą́dóó bídahwiidiilʼááł? Áádóó bee nidahodiyiitʼaahígíí haitʼéego ałtsojįʼ ádeilʼı̨́į doo?

6. Hahgoshąʼ nidahosiitʼánígíí łah ánídadiilnííł?

⁶ Łaʼ bee hadasiidzíʼígíí éí doo łah ánídadiilníił da. Jiihóvah bá nideilʼaʼgi doo neʼ kódiilníił da. Áádóó nahastiin doodaiiʼ neʼasdzą́ą́ doo bił ałtsʼá dííʼash da. (Matt. 16:24; 19:6) Ákondi łaʼ bee nidahosiitʼánígíí łah ánídeiłʼįįhgo nihá yáʼátʼééh. Éí haʼátʼíí biniyé? Jó, nihił hazʼánígíí łah ánááʼnííł. Áko haʼátʼíí binahjįʼ éí nahwiitʼáagi nihíká adoolwoł.

7. Haʼátʼíísh bíká sodiilzin doo, áádóó haʼátʼíí biniyé?

⁷ Hódzą́ bíká sodilzin. Jiihóvah éí James díí akʼeʼalchí yiłní: “Nihí łaʼ bee hódzáanii bídin nohłı̨́įgo Diyin God bíídóohkił, éí bił hadleeʼgo índa doo akʼíháʼááhgóó tʼáá ałtso aidiiʼaah.” (Jas. 1:5) Tʼáá áníiltso ‘hódzą́ bídin’ daniidlı̨́. Áko bee nihodiiyiitʼaahígíí náníilʼı̨́įgo Jiihóvah baʼííníidlíigo íilʼı̨́į doo.

8. Ádiiʼníiłgi haʼátʼíí áłtsé hazhóʼó nidiilkah?

⁸ Hazhóʼó naʼiłkaah. Haitʼéego ádiilnííł? Diyin Bizaad naniłkaahgo, nihipublications yíníłtaʼ doo, áádóó diné baʼahódlíhígíí nidabídíilkid doo. (Prov. 20:18) Díí binahjįʼ éí naanish haniitáago, háajigoda diiʼnééłígi, doodaiiʼ óltaʼ haitʼéhígíí éí nahwiilneʼgi nihíká análwoʼ doo.

9. Haash yitʼéego doo nihinaʼadloʼgóó nihíká adoolwoł?

⁹ Biniyé ánítʼínígíí hazhóʼó baa nitsíníkees. Biniyé ánítʼínígíí éí Jiihóvah yooʼı̨́. (Prov. 16:2) Éí inaʼadloʼ doo nihá yinízin da. Áko ádá nihodiyiitʼáahgo éí biniyé íitʼínígíí tʼáá nihí dóó náánáłaʼ bił tʼáá ííshjánígo ííníilzin doo. Ákóniitʼéego, éí bee nihoniitʼánę́ę nihá nanitłʼah dooleeł. Nihibrother ániid naagháhígíí łaʼ ákódzaa. Regular pioneer sélı̨́ı̨́ʼ. Ákondi, tʼahádóó éí há nanitłʼah silı̨́įʼ áko nahojilneʼ yę́ę doo  bízhnéésdlįįd da. Éí Jiihóvah bá áshtʼı̨́ shı̨́ı̨́ jinízin ndi, bééhózínígo daatsʼí éí hamá dóó hazhéʼé doodaiiʼ nááná háiida bá ájítʼı̨́ı̨́ ńtʼééʼ.

10. Haʼátʼíísh binahjįʼ łahgo átʼéego ádaʼdiilnííł?

¹⁰ Łaʼ Diyin Bizaad yíhoołʼaahígíí nátʼoh neʼ neidiníʼą́ągo, éí ayóó bá nanitłʼah ńtʼééʼ. Ákondi naaki damóogo yáʼátʼéehgo íʼjiilaa, ndi nátʼoh nínáázhʼdiitą́. Áko áadi índa neʼ kójiilaa! Éí Jiihóvah ayóóʼájóʼnínígíí dóó bił honishǫ́ǫ doo jinízinígíí biniinaa.—Col. 1:10; 3:23.

11. Binahosíníʼánígíí haʼátʼíísh biniyé doo naaki nilı̨́į da?

¹¹ Tʼáá aaníinii ííshjání ádíílííł. Doo hoł naaki nilínígo éí haʼátʼíí shı̨́ı̨́ bohozdeezʼánígíí éí tʼáá ałtso ázhdoolííł. Díí átʼéego, Diyin Bizaad tʼáá ałhąąh yíníłtaʼ. Haitʼéego ádíílíłígíí doo hazhóʼó binahosíníʼą́ą́góó éí tʼóó nił dínóotsis. * Doodaiiʼ elders tʼáá ałhąąh shepherding call ádeiłʼı̨́, ndi łahda tʼáadoo bíighah bá nidahaleeh da. Elders naʼídíłkid: “Háí lá nihibrothers dóó nihisisters tʼáá íiyisíí shepherding call yinízin? Hahgoshąʼ baa díínááł?”

12. Haʼátʼíísh ádadiilnííł, dóó haʼátʼíí biniyé?

¹² Bíninilʼánígíí bee yilnish. Tʼáá ałtso ádadiilníłígíí łahda biʼoh nídeidleeh. Tʼáá bíninilʼánígíí hazhóʼó baa ákonínízin. Łahda ádiilníłígíí bee haadzih ndi doo nihá bíighah da yileeh. (Eccl. 3:6) Ádeeshłiił jinízinígíí hazhóʼó baa nitsízdookos dóó hashtʼe díílííł, tʼáá bííníshghah jiniizįįh. Díí ashdlaʼgo hazʼą́ baa nitsíníkeesgo níká adoolwoł.

13. Nahosíníʼánígíí haitʼéego bichʼįʼ nihidziil doo?

¹³ Adziil bíká sodilzin. Jiihóvah “beʼadziil neidoolééł”. (Phil. 2:​13, NW) Jiihóvah biníłchʼi diyinii bibee adziil bíká sodilzin. Doo náʼánéeh da ndi tʼáá náás sodilzin. Jesus ání: “Daʼíínóhkeed, áko deínóhkeedígíí [níłchʼi diyinii] nihaa dadoolyééł.”—Luke 11:​9, 13.

14. Proverbs 21:5gi, haitʼéego bee nahósiníʼánígíí yee níká adoolwoł?

¹⁴ Bináhóʼáhígíí ádíílííł. (Proverbs 21:5 yíníłtaʼ.) Binanilnish dóó bináhóʼáhígíí tʼáá ałtso łaʼ díílííł. Bee nahósiníʼánígíí éí hazhóʼó ałkééʼ nidiinił dóó bikʼeh ádíínííł. Náhóʼáago, naanish ałkééʼ sinilgo naaltsoos bikááʼ ádanileʼ áko tʼáá ałtso łaʼ díílííł. Paul éí Korinth dineʼé kwííłní, “Tʼáá Damı̨́įgo náʼádleeh” béeso tʼáá sahdii łaʼ nidanohnił, áko níyáago doo bibaʼ da doo. (1 Cor. 16:2) Naalnish nitsaaígíí áłtsʼíísígo ádaniléehgo doo nide átʼée da.

15. Bohodiníʼánígíí bikééʼdóó, haʼátʼíí ádíílííł?

¹⁵ Bee nahósiníʼánígíí áłtsé naaltsoos bikááʼ ádíílííł, éí doo nantłʼa da doo. (1 Cor. 14:40) Elders danílínígíí éí tʼááłaʼígo elder nídeidiiłteeh éí tʼáá ałtso naalnish áyiiłʼįįh. Háí shı̨́ı̨́ naanish baa ditʼáhígíí dóó hahgo ałtso íidoolíiłjįʼ áyiiłʼįįh. Áko bohodeestʼánígíí éí tʼáá ałtso elders danilínígíí yedaʼiiłʼįįh. (1 Cor. 9:26) Ni ałdóʼ díí bikʼehgo ádíílííł. Bee nahosíníʼánígíí naaltsoos bikááʼ ádíílííł, bikʼehgo éʼéłʼı̨́įgo ałkééʼ nidiinił. Bohodiníʼánígíí ałtso íinilaaígíí yee níká adoolwoł, dóó tʼáadoo hodiinaʼí éʼéłʼı̨́į doo.

16. Romans 12:11 binahjįʼ, yéigo ánítʼı̨́ haʼátʼíísh bitsʼą́ą́dóó bíhwiilʼą́ą́ʼ?

 ¹⁶ Yéigo ánítʼı̨́. Bohodiníʼánígíí bee aleeh éí naanish átʼé, áádóó ałtso ádíílííł. (Romans 12:11 yíníłtaʼ.) Paul éí Timothy ííłní “bee naʼnítingo ádíínílzin” nanítin dóó “baa áhólyą́ągo yínítąʼ” éí níká adoolwoł. Paul yee naʼneeztą́ʼígíí éí spiritual goals bee yéigo ádaatʼı̨́ nihiłní.—1 Tim. 4:​13, 16.

17. Ephesians 5:​15, 16gi haash yitʼéego nihíká adoolwoł?

¹⁷ Áníłʼínígíí éí hazhóʼó ádíílííł. (Ephesians 5:​15, 16 yíníłtaʼ.) Hazhóʼó binahosíníʼánígíí ádíílííł. Bikʼeh hodoolzhishígíí tʼáadoo tʼóó bibaʼ ánítʼéhé. (Eccl. 11:4) Bohodiníʼánígíí tsxı̨́įłgo ádíílííł, tʼáadoo tʼóó baa nitsíníkeesí. Áko haʼátʼíí shı̨́ı̨́ nichʼąą nahaleʼígíí bitsʼą́ą́ʼ ánítʼé. (Phil. 1:10) Bohodiníʼánígíí bá nitsíníkeesgo doo náníłtłahgóó ádíílííł. Phone, e-mail, doodaiiʼ social media ádaatʼéhígíí ánídiigis. *

18-19. Yáʼátʼéehgo ádoolníłígíí nihikʼeh didleehgo, haʼátʼíísh nihíká adoolwoł?

¹⁸ Biniyé ánítʼínígíí baa nitsíníkees. Baa nitsíníkees chʼaa diniyáago, azhą́ nantłʼa ndi, doo nihikʼeh dadoodleeł da. Tʼáá aa deeshááł nínízingo, azhą́ atiin dáʼdeelkaal ndi, éí bikʼeeʼąą ałhééh díídaał. Tʼáá ákotʼéego, bee ádee háínídzíʼígíí baa ákodaniidzin, éí doo nihá nantłʼa da. Azhą́ shı̨́ı̨́ bikʼeh ahééhonitʼiʼ dóó tʼą́ą́ʼ anáhiitłiish ndi, éí ashjaʼ díílíiłgo átʼé.—Gal. 6:9.

¹⁹ Yáʼátʼéehgo ádiilníłígíí éí tʼáá nantłʼa. Haʼátʼíí shı̨́ı̨́ ninaanish áníłʼínígíí łaʼ díílííł éí Jiihóvah nihíká análwoʼgo, hódzą́ shóidííłtʼeeł áádóó nidziilgo ándoolííł.