ÁDAA HANEʼ
Íʼiishłaaígíí Jiihóvah Shikʼijisdliʼ
1939 yihah yę́ędą́ą́ʼ. Tłʼéʼííłníiʼgo chʼéédasiidzid áádóó nihił dah hadiilwod ahééʼílkid éí Joplin, Missouri, U.S.A. hoolyéejįʼ. Áadi dahooghangi hooghan bidáádílkał biyaa góneʼ naaltsoos yázhí ádaa hasiiʼnil. Ałtso nidashiilnishgo chidí biih néijééʼ áádóó nihił dahodiilwod éí náánáłahdi łaʼ bił ahiikaii. Áko hayííłką́. Haʼátʼíí biniyé tʼahdoo haʼaʼaahgo dahooghangóó naaltsoos yázhí nidasiiʼniiʼ? Éí tʼah índída baa hodeeshnih.
1934 yę́ędą́ą́ʼ shiʼdizhchı̨́, shizhéʼé dóó shimá, Fred dóó Edna Molohan yolyé, 20 nááhai yę́ędą́ą́ʼ Diyin Bizaad Yíhoołʼą́ą́ʼ (Jiihóvah Yá Dahalneʼé). Jiihóvah ayóóʼóʼóʼnínígíí yee nashineeztą́ą́ʼ baa ahééh nisin. Parsons, Kansas wolyéedi kin áłtsʼíísígo dahshijaaʼgi kéédahoniitʼı̨́. Kʼasdą́ą́ʼ tʼáá átʼé anoint ádaalyaago bił áłah náʼádleeh. Shighan hazʼání doo éí tʼááłáhájįʼ áłah náʼádleeh dóó nidahwiilneʼgo bindeiilnish. Damóo yázhí ałníníʼą́ągo éí atiin bąąhgóó éí dííshjı̨́įdi dahasłą́ą́góó ndahaneʼ wolyé. Łahda chʼééh nidadiikah ndi, Shizhéʼé éí abeʼ daastinígíí nihaa neiyiiłnih ałtso nidahwiilneʼ bikéédóó.
Yá haneijahígíí doo niidląʼí da ákondi hooghan dahwiilneʼgo éí hotsáago hahoodzoh, dóó nihináágóó kin ałchįįdi dahshijaaʼ dóó tʼóó ahayóí kʼéédaʼdilyééh. Naaltsoos nideiʼniihígíí éí doo béeso nihaa deiyiiniił da ndi ndaʼníiłtʼįįhígíí chʼiyáán kéédeididlehígíí, naʼahóóhai biyęęzhii (tʼáá bitʼoh biyiʼdę́ę́ʼ), doodaiiʼ tʼáá naʼahóóhai hináago nihaa deiyiiniił. Shizhéʼé éí tʼáá íídą́ą́ʼ béeso ayíínil naaltsoos biniyé, ákogo chʼiyáán nihaa hesnílígíí nihíká análwoʼgo nihighangi chodeilʼı̨́.
NAALTSOOS NÍDEIʼNIIHGO NIDAHWIILNEʼ
Shizhéʼé dóó shimá béésh hataałí choyoołʼı̨́įgo nidahwiilneʼ. Ánístsʼíísígo doo bee nashnée da, bíneeshdlı̨́įgo Shizhéʼé doo Shimá éí Brother Rutherford yáłtiʼ béésh bikááʼ niiʼnilígíí éí baa nínáádíídááłígíí dóó Diyin Bizaad yídahoołʼaahígíí yichʼįʼ yee náʼnéehgo ákweʼé bee bíká anáshwoʼ.
Shizhéʼé, shimá, dóó shí chidí bikááʼdóó diitsʼaʼígíí bíighahgi ndasiidzı̨́
Shizhéʼé bichidí, 1936 Ford, éí bikááʼdóó speaker ayóó íitsʼaʼgo halneʼ diitsʼaʼgo áyiilaa. Nidahwiilneʼgo nizhónígo áyiilaa. Hataałígíí áłtsé bee nadeiʼnih diné ádeistsʼą́ą́ʼ biniyé, áádóó índa Diyin Bizaad baa haneʼígíí bee nideiʼneeh. Bikéédóó, diné yídaneedlínígíí bichʼįʼ naaltsoos nideiʼniih.
Cherryvale, Kansasdi, Shizhéʼé éí chidí bikááʼdóó diitsʼaʼígíí kin tahgóó bił haʼdiilwoʼ Damóo náʼádleehgo háádaʼayįįhii baa nahazʼą́. Chidí bikááʼdóó
diitsʼaʼgo yee naaneh áádóó siláo ábidííniid náánáłahdi nidaʼnołbąąs bidooʼniid. Ndi Shizhéʼé náánáłahgi ninaʼniłbąąs háádaʼayįįhii tʼáá áhą́dígi atah áko diné tʼáá daʼíistsʼą́ą́ʼ. Shizhéʼé dóó shinaaí Jerry yaa bił honeinih.Tʼáá nináháháahgo díí special campaign łahgo doo bił yáʼádaatʼéeh da ndi. Áłtsé bohoshneʼ yę́ę, tłʼéʼííłníiʼgo tʼáá íitsʼaʼí naaltsoos yázhí diné dabighango nidasiiʼnil. Áádóó nááná kin tahgi ahínéiikahgo siláo łaʼísh yaa dabiʼdiisnil bíndaʼídíilkid.
Baa honeinihgo dahwiilneʼígíí éí hadidiiʼnééł bee ééhózinii dabidiiʼníí ńtʼééʼ. Nitsaago naaltsoos ditánígíí bikʼeh ashchı̨́įgo nihizéédéetą́ągo kin tahgóó yaa háádiikah. Béénáshniihgo łaʼ nihibrother nihaa níyá kin tahgóoya naaltsoos ditání bizéédéetą́ągo bikʼeʼashchínígíí éí kóní “Oodlání Bee Ódleehí Yee Niholeeh.” Tʼáá nihighan doo haa halzhish, éí tʼááłaʼí dóó náʼáłnííʼ hanizaago kin tahgóoya haa diikah, dóó nátʼą́ą́ʼ nihaa nináhákááh. Baa nihił dahózhǫ́, łaʼ doo niʼkoodaałeeh nihiłníigo, ndi ląʼí diné haʼátʼíí lá baa nijikai danihóʼní.
ÁNIID NAASHÁÁDĄ́Ą́ʼ NITSAAGO ÁŁAH NÁʼÁDLEEH
Nihighan hazʼą́ą doo éí Texasgóó nitsaago áłah náʼádleehgo ałnánéiikah. Shizhéʼé béésh ńtʼiʼ yá naalnish, éí binahjįʼ tʼáá jííkʼe kǫʼ naʼałbąąsii nitsaago áłah náʼádleehgóó dóó nihikʼéí tahgóó bee ałnánéiikah. Shimá bínaaí Fred, dóó beʼasdzą́ą́ Eulalie éí Temple, Texasdi bighan. Shidáʼí Fred 1900 éí tʼah ániid naaghá yę́ędą́ą́ʼ tʼáá aaníinii haneʼ yíhoołʼą́ą́ʼ, baptize ábiʼdiilyaa, áádóó yił háájééʼ éí yíhoołʼą́ą́ʼígíí yee yił hólneʼ, shimá ałdóʼ. Nihibrothers Texasdę́ę́ʼ nidaakaii éí Shidáʼí Fred yéigo yéédahósin éí zone servant nilı̨́ı̨́ ńtʼééʼ (kʼad éí circuit overseer deiłní). Éí baa áhwiinítʼı̨́ı̨́, dóó baa hózhǫ́, dóó ayóó yíneedlı̨́. Nizhónígo eʼełʼı̨́įgo shił ííshjání áyiilaa.
1941 nááhai yę́ędą́ą́ʼ éí kǫʼ naʼałbąąsii St. Louis, Missouridi nitsaago áłah náʼádleehgóó bee niikai. Áadi ániid nidaakaiígíí tʼááłahigi dah diniibin tʼáá ahą́dí Brother Rutherford nihichʼįʼ haadzííʼ “Naatʼáanii Baʼáłchíní” yaa hólneʼ. Áádóó ałtso hólneʼgo, 15,000 ániid nidaakaiígíí tʼáadoo ádahojilchįįhí. Brother Rutherford dóó bíká anájahígíí tʼááłaʼí jinítínígo naaltsoos Children wolyéego hataasnííʼ.
April 1943 yę́ędą́ą́ʼ, Coffeyville, Kansasdi éí “Call to Action” Nitsaago Áłah Náʼádleeh akǫ́ǫ́ nitsiikai. Ákweʼé nihił hólneʼ tʼáá átʼé áłah nídaʼadleehgo óltaʼ ániidígíí, éí Theocratic Ministry School wolyéego. Naaltsoos ániidígíí 52 bíhwiidooʼáłígíí biyiʼ éí chodeiniilʼı̨́įgo nihí óhooʼaah biniyé. Áádóó nínáánááhaigo, tsʼídá áłtsé haneʼígíí íishłaa. Éí áłah azlı̨́ʼígíí shił nilı̨́įgo háálá shí dóó náánáłaʼ tó sikʼaz biyiʼ baptize ádanihiʼdiilyaa.
BÉTHELDI NIDEESHNISH NISIN
1951 yę́ędą́ą́ʼ niʼníłtaʼ áádóó anaadeishdliłígíí baa nitséskees. Shinaaí Jerry éí Bétheldi naalnish. Shídóʼ tʼáá íiyisíí Béthelgóó deishááł nisin, áádóó shinaaltsoos adiishłaa. Tʼáadoo hodiinaʼí, nihaa díínááł shidooʼniid. March 10, 1952 Bétheldi shinaanish chʼíníłtʼiʼ. Díí tʼáá íiyisíí yáʼátʼéhígíí yee shíká eelwodgo Jiihóvah bá naashʼaʼgo íʼiishłaa.
Shił chohooʼı̨́įgo naaltsoos hahinidééh nideeshnish nisin ńtʼééʼ, áádóó da. Ndi waiter áádóó chʼiyáán álʼíní góneʼé. Naashnishgo baa shił hózhǫ́, bitsʼą́ą́dóó ląʼí íhoołʼą́ą́ʼ. Ałnaahiikahgo nideilnish ńtʼééʼ, áko doo naashnishgo éí Béthel librarygóó ałnánáshdááh. Tʼóó ahayóí naaltsoos tʼáá shí bíhooshʼaahígíí biniyé. Díí tʼáá íiyisíí sheʼoodląʼ Jiihóvah bił ałkʼis ídlı̨́įgi. Éí binahjįʼ tʼáá íiyisíí Jiihóvah bá naashʼaʼgo Bétheldi. 1949 yę́ędą́ą́ʼ, Jerry éí Bétheldę́ę́ʼ dah diiyá, áádóó Patricia yił aheítʼaazh. Tʼáá ahą́dí Brooklyn bíighahgi haghan ńtʼééʼ. Tʼah ndi Bétheldi naashá yę́ędą́ą́ʼ shíká eelwod dóó bee haʼííníshníí ńtʼééʼ.
Béthel díníyá bikéédóó, nihibrothers éí Béthelgi deiyílníshígíí Béthelgi yádaałtiʼ dooígíí yízhiʼ ádeileʼ. Díí brothers yízhiʼ ádaalyaaígíí éí náánáłaʼ áłah nídaʼadleehgo nidaakaigo biniyé, 320 kilometers (200 miles) Brooklyn bitsʼą́ądi. Áadi éí áłah náʼádleehígíí baa ahoʼniineʼígíí áádóó bił nidahwiilneʼ. Shí shikʼihodiiniid. Azhą́ shił yéeʼ ndi,
baa ahoʼniineʼígíí baa nidiisdzá. Íídą́ą́ʼ baa ahoʼniineʼígíí tʼááłaʼí ahéénaʼálkʼi ńtʼééʼ. Akǫ́ǫ́ kǫʼ naʼałbąąsii áłah nídaʼadleehgóó bee ałnánáshdááh. Béénáshniih 1954 yę́ędą́ą́ʼ haigo łaʼ Damóo ałnéʼéʼaah doo bikʼijįʼ. Kǫʼ naʼałbąąsii biih naashwod nátʼą́ą́ʼ New Yorkgóó náshdááh áadi Bétheldi tʼóó íʼiiʼanígo nisinę́ę. Nashdaał yę́ę, yéigo nihee deiyol áádóó deezhchʼįįl. Atsiniltłʼish yeilwoł yę́ę niiltłah, doo neiilnish da silı̨́ı̨́ʼ, áádóó New York Citydi 5 o’clockgo Damóo Biiskání índída nánísdzá. Kǫʼ naʼałbąąsii ninádaaltłiʼígi dóó subway biyishwod nileeh Brooklynjįʼ áádóó tsxı̨́įłgo nánísdzá naadishnish. Akééʼ sílı̨́ı̨́ʼ dóó chʼééh déyá ndi háálá tʼáadoo iiłhaazh da. Ákótʼée ndi baa hózhóonii áłah náʼádleehígíí bá naashʼaʼ dóó ániid nihibrothers dóó nihisisters éí shił nilı̨́ ndi ninádiníʼánígíí.WBBR níłchʼi halneʼé biyiʼ hadadiidzih biniyé hashtʼeʼádadílnééh
Ląʼí nááhai Bétheldi, Diyin Bizaad bíhooʼaah bee anishtahgo éí níłchʼi haneʼii tʼáá Damóo naʼoodleeł nihiníłchʼi haneʼí, WBBR. Studios éí naaki dego hooghan góneʼé éí kin 124 Columbia Heights. Nihibrother Alexander H. Macmillan, ląʼí nááhai Béthelgi naalnishgo, éí níłchʼi halneʼ tʼáá ałʼąą atah yee análwoʼ. Áko Brother Mac dabidiiʼníí ńtʼééʼ. Tsʼídá yáʼátʼéehgo éʼéłʼínígíí bee bidinilʼı̨́ brothers ániid nidaakaígíí éí Bétheldi háálá bibee oodląʼ bidziil ńtʼééʼ.
Naaltsoos nídeiʼniihgo éí WBBR bee ééhózinii
1958 yihah yę́ędą́ą́ʼ shinaanish ashʼínę́ę łahgo ádzaa, Gilead nídaʼíiłtáhígíí tʼáá áhą́dígo bił dajishnish. Nihibrothers dóó nihisisters yídaneedlı̨́ éí bíká anáshwoʼgo visa yikʼehgo dadookahígíí bá hashtʼedashleʼ. Íídą́ą́ʼ chidí naatʼaʼí ayóó ádaʼílı̨́, áko nidaʼiistaʼígíí nileeh Africa dóó Asia adabiʼdiisʼaʼígíí tsinaaʼeeł tsoh akǫ́ǫ́ yee aheekah. Ląʼí nínáánááhaigo doo éí chidí naatʼaʼí doo daʼílı̨́į da áko missionary dajílínígíí éí chidí naatʼaʼí chodajoołʼı̨́.
Gilead diplomas hashtʼeeshłééh nidaʼdiiltah biniyé
NITSAAGO ÁŁAH NÁʼÁDLEEHGO TÁDÍÍYÁ
1960 yihah yę́ędą́ą́ʼ, éí Kéyah Daʼníłtsʼą́ą́ʼdę́ę́ʼ Nitsaago Áłah Náʼádleeh 1961 biyiʼ éí akǫ́ǫ́ chidí naatʼaʼí yee dadeeskaígíí bá hashtʼedashleʼ United States dóó Europegóó. Hamburg, Germany áadi áłah aleehgo akǫ́ǫ́ shił naʼastʼaʼ. Áłah náʼádleeh bikéédóó, Béthel brothers tááltʼéego chidí nihá iitʼą́ níléí Germany dóó Italyjiʼ bee nitsiikai branch office Rome tázhdookai. Áádóó níléí Francegóó, dóó Pyrenees Mountains, dóó Spain yá ajookai, áadi nidahalneʼ neʼ kódayiilaa lá. Nihibrothers éí Barcelona ákweʼé naaltsoos łaʼ baa daniiʼnil bił daʼasdisgo bichʼįʼ ádeiilyaa. Baa hózhǫ́ǫgo bił ahíikai! Áádóó níléí Amsterdamdi nániikai áádóó nátʼą́ą́ʼ New Yorkgóó nihił naʼitʼaʼ.
1962 yihah yę́ędą́ą́ʼ, łaʼ naanish shaa naadeitą́ chʼanaadadaskaígíí éí 583 nihibrothers dóó nihisisters kéyah daʼníłtsʼą́ą́ʼdę́ę́ʼ nitsaago áłah náʼádleeh éí baa hashtʼeʼ naaneishdlá. Díí éí 1963 “Everlasting Good News” nitsaago áłah náʼádleeh. Bidineʼé yá ndaakaígíí éí áłah náʼádleehígíí áłah silı̨́ı̨́ʼ éí Europe, Asia, dóó South Pacific áádóó níléí
Honolulu, Hawaii áádóó nátʼą́ą́ʼ Pasadena, Californiajįʼ. Lébanan dóó Jórdangóó ałdóʼ nináájískai Diyin Bizaad biiʼdę́ę́ʼ baa dahóneʼ éí áadi tah diikai. Akǫ́ǫ́ naʼasdeeʼígíí dahwiidoołkáłígíí dóó bikʼehgoígíí hashtʼeilyaago akǫ́ǫ́ naʼasdeeʼ.BIŁ TÁDÍSHʼAASHÍGÍÍ HAZLĮ́Į́ʼ
1963 yihah yę́ędą́ą́ʼ shisézíní doo éí íiyisíí ílínígíí íishłaa. June 29 góneʼ éí Lila Rogers, Missouridę́ę́ʼ nijigháago éí sheʼasdzą́ą́ íishłaa. 1960go Bétheldi jiníyá. Asiigeh dóó tʼááłaʼí Damóo azlı̨́ı̨́ʼ Lila dóó shí kéyah tʼáá náhwiistʼą́ą́ ńtʼééʼ Gríis, Ííjip, dóó Lébanan tádííʼáázh. Áádóó tʼáá áháníjįʼ nihił nidiitʼaʼ éí Jórdanjįʼ. Ndi nihí naanish neʼ nihitsʼą́ą́ʼ kódayiilaa, bidaholnihígíí éí doo Jiihóvah Yá Dahalneʼé visa yaa deiyiiniił da. Áko aaniitʼaazhgo shı̨́ı̨́ háhodooniił. Aaniitʼaazhgo baa nihił hóozhǫǫd nihibrothers dóó nihisisters ákweʼé naazı̨́ chidí naatʼaʼí nídanidaahígi nitsaago naaltsoos bikʼeʼashchı̨́įgo, “Wóshdę́ę́ʼ Jiihóvah Yá Dahalneʼé” bikááʼ! Baa hózhǫ́ǫgo Diyin Bizaad biiʼ baa dahóneʼ yę́ę dóó kéyah bikáaʼgi taʼdooldeehígíí éí Éíbraham, Áízak, dóó Jéíkab akǫ́ǫ́ kéédahatʼı̨́ı̨́ ńtʼééʼ dóó Jesus índa daalʼaadii nidahasneʼgo, dóó dajoosdląądígíí haneʼ hádajistʼiʼ “nahasdzáán nidaneesʼą́ąjįʼ.”—Acts 13:47.
55 nááhai Lila shíighah sizı̨́įgo bił tádííʼáázh. Díkwíidi shı̨́ı̨́ Spain dóó Portugal naniitʼaazh azhą́ haneʼ neʼ hoolyaa ndi. Nihibrothers dóó nihisisters haʼahóní bee bichʼįʼ yéíłtiʼ, dóó naaltsoos, dóó haʼátʼíí shı̨́ı̨́ deinízinígíí baa nideeʼnił. Cádiz, Spaindi łaʼ nihibrothers alwáalyaago nidaháaztʼánígíí baa neitʼaash. Haʼahónínígíí bee bił nahoshnihgo baa shił hózhǫ́.
Patricia dóó Jerry Molohan éí 1969 yę́ędą́ą́ʼ “Peace on Earth” nitsaago áłah náʼádleehgo akǫ́ǫ́ yiikah
1963 yihah yę́ędą́ą́ʼ naanish shaa naadeitą́ chʼanaadadaskaígíí kéyah daʼníłtsʼą́ą́ʼdę́ę́ʼ nitsaago áłah nídaʼadleeh éí Africa, Australia, Central dóó South America, Europe, Asia, Hawaii, New Zealand, dóó Puerto Rico bá hashtʼeshłaa. Lila dóó shí éí tʼóó ahayóí nitsaago áłah nídaʼadleehígíí łaʼ 1989 yę́ędą́ą́ʼ Warsaw, Polandi nahalingo doo baa yiiʼneeh da. Ląʼí Russiadę́ę́ʼ nihibrothers nitsaago áłah náʼádleeh neheskaii. Díí tsʼídá índída binááł áłah daʼ azlı̨́ı̨́ʼ! Ląʼí nihibrothers dóó nihisisters bił daʼahiiltsą́ éí Soviet Uniondi awáalyaa góneʼ bee nídááhai bedaʼoodląʼ biniinaa.
Náánáłaʼ naanish shaa naa deitʼánii baa shił hózhǫ́ éí Béthel bighan bił nahazʼą́ągo dóó missionaries kéyah tʼáá náhwiistʼą́ą́ ńtʼééʼ tʼah nidiitʼaash. Akéeʼdi éí South Koreadi áadi 50 nihibrothers éí Suwon awáalyaa góneʼé baa niitʼaash. Éí tʼáá ałtso Jiihóvah yá nidaalʼaʼgo yaa bił dahózhǫ́ doo bichʼįʼ badahóchįʼgo nidahalneʼ. Bił ahéédahosiilzįįd dóó aadę́ę́ʼ haʼahóní yee nihíká ííjééʼ!—Romans 1:11, 12.
LĄʼÍ YILEEHGO BAA HÓZHǪ́
Níléédę́ę́ʼ ląʼí nááhai Jiihóvah éí diné yee nihikʼihojisdliʼígíí baa ákoniizı̨́ı̨́ʼ. 1943 yihah yę́ędą́ą́ʼ baptize áshiʼdiilyaa, íídą́ą́ʼ 100,000 ánéelą́ą́ʼ
dahalneʼé ńtʼééʼ. Kʼad 240 kéyahgóó éí 8,000,000 ánéelą́ą́ʼ Jiihóvah yá nidaalʼaʼ. Gilead nidaʼiistaʼígíí yéigo nidaalnish éí bee tʼóó ahayóí sélı̨́ı̨́ʼ. Missionaries tʼáá ahánígo bił nidaashnish dóó naanish baa dahiditʼaahgo bíká anáshwoʼ ayóó baa shił hózhǫ́.Tʼah ániid naasháago Jiihóvah bá naashʼaʼ Bétheldi naanish biniyé haʼiishłaa baa ahééh nisin. Ániid naashá dóó kojįʼ Jiihóvah shikʼijisdliʼ. Tʼáá átʼé Bétheldi íʼiilyaaígíí baa nihił hózhǫ́. Lila dóó shí áłah nídeidleehígíí Brooklyndi 50 nááhai nihinaanish íilʼı̨́įgo áádóó ląʼí nihikʼis íilyaa.
Tʼáá ákwíí jı̨́ tʼah ndi Bétheldi naashʼaʼ dóó Lila tʼáá shíighah sizı̨́įgo shika análwoʼ. Azhą́ 84 shinááhai ndi baa shił hózhǫ́ǫgo tʼah ndi naashnish dóó áká anáshwoʼ naaltsoos hidigé góneʼ naashnish.
Dííshjı̨́įdi Lila bił
Shí éí Jiihóvah tʼááłaʼí ídlínígíí atah nishłı̨́įgo baa shił hózhǫ́ áádóó díí éí tʼáá aaníí saadígíí Malachi 3:18 ání: “Tʼáá ákogi ádaatʼéii áádóó tʼáá íiyisí doo yáʼádaashóonii ałʼąą ádaatʼéego, doodaiiʼ Diyin God yá nidaalʼaʼígíí áádóó doo yá nidaalʼaʼígíí ałʼąą ádaatʼéego nihił béédahodoozįįł.” Tʼáá ákwíí jı̨́ Séítan yee ádíhólníhígíí tʼóó yówehda áánííł. Diné doo bił chodahooʼı̨́į da dóó ił hózhónę́ę bá ádin. Azhą́ yéego achʼįʼ nahwiiʼnáa ndi Jiihóvah ayóóʼádeiyóʼníinii dóó yá nidaalʼaʼii éí bił dahózhǫ́ índa náásgóó bił chodahooʼı̨́. Náánáłahjįʼ haneʼ yáʼátʼéhígíí bił dahwiilneʼ éí tʼáá aaníí baa nihił dahózhǫ́! (Matthew 24:14) God biNahatʼaʼ hodiinaʼgo díí doo yáʼátʼéehgo hoogáłígíí nahjįʼ kódoolnííł áko kéyah ayóó áhonóolingo ánídoolnííł. Tʼáá íiyisíí bíká dadíníitʼı̨́ı̨́ʼ kodę́ę́ʼ hoolzhish! Áádóó tʼáá ádzíłtso nahasdzáán bikáaʼgi doo achʼįʼ nahwiiʼnáa da doo, áádóó nihił dahózhǫ́, índa hoolʼáágóó dahiniiʼnáa doo.